ແລະ ສະຖາບັນຄົ້ນຄວ້າຍຸດທະສາດ ແລະ ບັນຫາສາກົນຂອງມຽນມາ, ກະຊວງການຕ່າງປະເທດ ແຫ່ງ ສາທາລະນະລັດ ສະຫະພັນມຽນມາ ກ່ຽວກັບການຮ່ວມມືດ້ານການຄົ້ນຄວ້າວິຊາການ ແລະ ແລກປ່ຽນໃນຂົງເຂດການພົວພັນສາກົນ ແລະ ຄັງປັນຍາ.ສໍາລັບຝ່າຍລາວ ໃຫ້ກຽດລົງນາມໂດຍ ທ່ານ ນາງ ວິທະຍາ ໄຊຍະວົງຫົວໜ້າສະຖາບັນການຕ່າງປະເທດ, ສ່ວນສະຖາບັນຄົ້ນຄວ້າຍຸດທະສາດແລະ ບັນຫາສາກົນຂອງມຽນມາ ໃຫ້ກຽດຕາງໜ້າລົງນາມໂດຍ ທ່ານ ອອງໂກເອກອັກຄະລັດຖະທູດ ວິສາມັນຜູ້ມີອໍານາດເຕັມ ແຫ່ງ ສະທາລະນະລັດ ສະຫະພັນມຽນມາ ປະຈໍາສປປ ລາວ, ໂດຍມີ ທ່ານ ບຸນເຫຼືອ ພັນດານຸວົງຮອງລັດຖະມົນຕີກະຊວງການຕ່າງປະເທດໃຫ້ກຽດເປັນສັກຂີພິຍານ ພ້ອມດ້ວຍຄະນະກົມ, ຄະນະພະແນກ ແລະ ພະນັກງານຈາກກົມກອງກ່ຽວຂ້ອງຂອງກະຊວງການຕ່າງປະເທດ,ພ້ອມດ້ວຍຜູ້ຕາງໜ້າຈາກ ສະຖານເອກອັກຄະລັດຖະທູດມຽນມາ ປະຈໍາ ສປປ ລາວ ເຂົ້າຮ່ວມທັງໝົດ 20 ທ່ານ.
ການເຊັນບົດບັນທຶກຄວາມເຂົ້າໃຈຄັ້ງນີ້ ແນໃສ່ເພື່ອເສີມຂະຫຍາຍການພົວພັນຮ່ວມມືລະຫວ່າງ ສອງສະຖາບັນ ແລະ ສ້າງກົນໄກການຮ່ວມມື ເພື່ອແລກປ່ຽນປະສົບການ ແລະ ຖອດຖອນບົດຮຽນໃນຂົງເຂດການພົວພັນສາກົນ, ການພົວພັນເສດຖະກິດສາກົນ, ການຄົ້ນຄວ້າບັນຫາພົ້ນເດັ່ນ, ແລກປ່ຽນຂໍ້ມູນຂ່າວສານ, ຄັງປັນຍາ ແລະ ອື່ນໆ ທີ່ສອງຝ່າຍມີຄວາມສົນໃຈຮ່ວມກັນ.ພ້ອມດຽວກັນນັ້ນ, ກໍຍັງເປັນການສ້າງໃຫ້ມີນິຕິກໍາຮ່ວມກັນເພື່ອເປັນເອກະສານອ້າງອີງ ໃຫ້ແກ່ທັງຝ່າຍລາວ ແລະ ມຽນມາ ໃນການພົວພັນຮ່ວມມືກັນໃນອະນາຄົດ.
ສປປ ລາວ ແລະ ສສ ມຽນມາໄດ້ມີສາຍພົວພັນການທູດອັນຍາວນານເປັນເວລາ 69 ປີຊຶ່ງໃນວັນທີ 12 ກໍລະກົດ 1955 ສອງປະເທດ ໄດ້ສ້າງຕັ້ງສາຍພົວພັນການທູດຮ່ວມກັນ ແລະມີການຮ່ວມມືແບບເພື່ອນມິດຕະຫຼອດມາ. ພາຍຫຼັງ ສປປ ລາວ ໄດ້ຮັບການສະຖາປະນາ ປີ 1975,ການພົວພັນການທູດ ລະຫວ່າງ ສອງປະເທດ ໄດ້ຮັບການພັດທະນາຢ່າງຕໍ່ເນື່ອງ, ສອງຝ່າຍໄດ້ໃຫ້ການຊ່ວຍເຫຼືອສະໜັບສະໜູນຊຶ່ງກັນແລະ ກັນ, ມີການແລກປ່ຽນການຢ້ຽມຢາມກັນຢ່າງເປັນປະຈໍາໃນລະດັບການນໍາ ຈົນເຖິງວິຊາການຊຶ່ງຜ່ານມາໄດ້ມີການເຊັນບົດບັນທຶກການຮ່ວມມືກັນໃນຫຼາຍຂົງເຂດເຊັ່ນ: ດ້ານການຄ້າ, ການລົງທຶນ, ພະລັງງານ, ກະສິກໍາ, ທ່ອງທ່ຽວ, ການສຶກສາ, ກິລາຂໍ້ມູນຂ່າວສານ ແລະ ອື່ນໆ.
(ຂ່າວ-ພາບ: ສະຖາບັນການຕ່າງປະເທດ ກຕທ)
ຄໍາເຫັນ