3 ຄອບຄົວທີ່ຖືກອັກຄີໄພ ຢູ່ເມືອງມະຫາໄຊ ແລະ ໄຊບົວທອງ ໄດ້ຮັບເຄື່ອງຊ່ວຍເຫຼືອ

ໃນອາທິດແລ້ວນີ້, ຜູ້ຂຽນ ໄດ້ເຂົ້າມາເຮັດວຽກ ທີ່ທະນາຄານແຫ່ງ ສປປລາວ (ທຫລ) ກໍພໍດີພົບກັບທ່ານ ເພັດສະຖາພອນ ແກ້ວວົງວິຈິດ ຫົວໜ້າກົມບໍລິການທະນາຄານ ຂອງ ທຫລ ໂດຍລົມຫຼາຍບັນຫາ ທີ່່ຕິດພັນກັບສະພາບມະຫາພາກເງິນຕາ ໂດຍທ່ານຊີ້ວ່າ: ມາຮອດປັດຈຸບັນ ສາມາດ ເວົ້າໄດ້ວ່າ: ສະພາບຄວາມຫຍຸ້ງຍາກທາງດ້ານເສດຖະກິດ, ການເງິນ-ເງິນຕາ ຂອງລາວ ໄດ້ມີທ່າກ້າວ ທີ່ຕັ້ງໜ້າຫຼາຍດ້ານ ແລະ ກ້າວເຂົ້າສູ່ສະພາບປົກກະຕິ ພາຍຫຼັງທີ່ລັດຖະບານກໍຄື ທຫລ ໄດ້ຈັດຕັ້ງປະຕິບັດຫຼາຍມາດຕະການ ທີ່ເປັນລະບົບຄົບຊຸດ ໂດຍສະເພາະການດຳເນີນນະໂຍບາຍເງິນຕາຢ່າງຮັດກຸມ ເພື່ອຄວບຄຸມປະລິມານເງິນ, ການຄຸ້ມຄອງອັດຕາແລກປ່ຽນ, ການປັບປຸງວຽກງານຄຸ້ມຄອງເງິນຕາຕ່າງປະເທດ ໂດຍສະເພາະການຄຸ້ມຄອງລາຍຮັບການສົ່ງອອກ (ຂໍ້ຕົກລົງ ເລກທີ 333/ທຫລ) ແມ່ນມີປະສິດທິຜົນ ແລະ ໄດ້ເຮັດໃຫ້ດຸນບັນຊີກະແສລາຍວັນ ໃນດຸນການຊໍາລະກັບຕ່າງປະເທດດີຂຶ້ນ, ສ້າງສະພາບຄ່ອງ ແລະ ຄວາມສົມດຸນທາງດ້ານເງິນຕາຫຼາຍຂຶ້ນ ແລະ ສ້າງພື້ນຖານຄັງສໍາຮອງເງິນຕາຕ່າງປະເທດ, ການສ້າງຕະຫຼາດເງິນຕາຕ່າງປະເທດ ເປັນລວມສູນ (LFX) ໄດ້ຫັນການແລກປ່ຽນເງິນຕາເຂົ້າສູ່ລະບົບດິຂຶ້ນ. ນັບແຕ່ທ້າຍປີ 2024 ເປັນຕົ້ນມາ ເຫັນວ່າ: ຕົວຊີ້ວັດທາງດ້ານສະພາບເງິນຕາ ມີທ່າທີ່ຕັ້ງໜ້າຫຼາຍດ້ານ ສະແດງອອກຄື: ອັດຕາເງິນເຟີ້ຫຼຸດລົງຢ່າງຕໍໍ່ເນື່ອງຈາກລະດັບສງຸສຸດ 2 ຕົວເລກໃນປີ 2023-24 ມາເປັນ 1 ຕົວເລກໃນປີ 2025, ສະເລ່ຍໃນປີ 2023 ແມ່ນ 31.23% ແລະ 23,13% ໃນປີ 2024, ມາເປັນສະເລ່ຍ 7.7% ໃນປີ 2025 ແລະ ໃນເດືອນມັງກອນ 2026 ຢູ່ໃນລະດັບ 5.1%.

ໃນວັນທີ 2 ກຸມພານີ້, ທ່ານ ຄໍາພາ ໄຊຍະແສງ ກໍາມະການພັກແຂວງຫົວໜ້າຄະນະໂຄສະນາອົບຮົມແຂວງເຊກອງກໍາມະການ ຄະນະກໍາມະການເລືອກຕັ້ງຂັ້ນແຂວງ ພ້ອມຄະນະ ໄດ້ລົງຕິດຕາມ, ຊຸກຍູ້ການກະກຽມຄວາມພ້ອມດ້ານຕ່າງໆ ໃຫ້ແກ່ການເລືອກຕັ້ງ ສະມາຊິກສະພາແຫ່ງຊາດ (ສສຊ) ຊຸດທີ X ແລະ ສະມາຊິກສະພາປະຊາຊົນຂັ້ນແຂວງ (ສສຂ) ຊຸດທີ V ຢູ່ເຂດເລືອກຕັ້ງ ເມືອງກະລຶມ.

ສະຫະພັນແມ່ຍິງແຂວງຊຽງຂວາງ ເຜີຍແຜ່ຜົນສຳເລັດກອງປະຊຸມໃຫຍ່ ຜູ້ແທນແມ່ຍິງທົ່ວປະເທດຄັ້ງທີIX ຂຶ້ນໃນວັນທີ2ກຸມພາ2026 ທີ່ຫ້ອງວ່າການແຂວງ ໂດຍການເປັນປະທານຂອງທ່ານນາງ ອາລີ ວົງໜໍ່ບຸນທຳ ກຳມະການສູນກາງພັກ ປະທານຄະນະບໍລິຫານງານສູນກາງສະຫະພັນແມ່ຍິງລາວ, ມີການນຳແຂວງ, ພະແນກການ, ກອງບັນຊາການ, ເມືອງ, ອົງການຈັດຕັ້ງ, ຄອບຄົວການນຳແຂວງ, ທະນາຄານ ແລະ ນັກທຸລະກິດເຂົ້າຮ່ວມຮັບຟັງ.

ກົມກົດໝາຍ ກະຊວງປ້ອງກັນປະເທດ ຈັດກອງປະຊຸມທາບທາມຮ່າງກົດໝາຍ ວ່າດ້ວຍນາຍທະຫານກອງທັບປະຊາຊົນລາວ (ສະບັບປັບປຸງ) ໃນວັນທີ 2 ກຸມພານີ້ ໂດຍການເປັນປະທານຂອງສະຫາຍ ພົນຕີ ວັນທອງ ບຸດຕະວົງ ຮອງຫົວໜ້າກົມໃຫຍ່ເສນາທິການກອງທັບ ພ້ອມດ້ວຍພາກສ່ວນກ່ຽວຂ້ອງເຂົ້າຮ່ວມ. ສະຫາຍ ພົນຕີ ວັນທອງ ບຸດຕະວົງ ໄດ້ຜ່ານຮ່າງກົດໝາຍ ວ່າດ້ວຍນາຍທະຫານ ກອງທັບປະຊາຊົນລາວ (ສະບັບປັບປຸງ) ຊຶ່ງມີທັງໝົດ 23 ມາດຕາ ເພື່ອເປັນບ່ອນອີງໃຫ້ບັນດາໜ້າທີ່ວຽກງານ ໃຫ້ຜູ້ທີ່ເຂົ້າຮ່ວມເຂົ້າໃຈ ນໍາໄປຄົ້ນຄວ້າ ແລະ ມີຄຳຄິດຄໍາເຫັນ ປະກອບເຂົ້າໃນຮ່າງກົດໝາຍຢ່າງມີຈຸດສຸມ.

ໃນວັນທີ 30 ມັງກອນຜ່ານມານີ້ ທີ່ ນະຄອນຫຼວງວຽງຈັນ, ທ່ານ ໄຊສົມພອນ ພົມວິຫານ ກຳມະການກົມການເມືອງສູນກາງພັກ ປະທານສະພາແຫ່ງຊາດ ປະທານຄະນະກຳມະການເລືອກຕັ້ງລະດັບຊາດໃຫ້ສຳພາດກ່ຽວກັບການເລືອກຕັ້ງສະມາຊິກສະພາແຫ່ງຊາດ (ສສຊ) ຊຸດທີ X ແລະ ສະມາ ຊິກສະພາປະຊາຊົນຂັ້ນແຂວງ (ສສຂ) ຊຸດທີ V ຊຶ່ງທ່ານ ໄດ້ມີຄຳເຫັນວ່າ: ການເຄື່ອນໄຫວວຽກງານຂອງສະພາແຫ່ງຊາດ ຊຸດທີ IX ແລະ ສະພາປະຊາຊົນຂັ້ນແຂວງຊຸດທີ IV ມາຮອດປັດຈຸບັນ ຈະຄົບອາຍຸການ 5 ປີ ຕາມລັດຖະທໍາມະນູນ ແລະ ກົດໝາຍກໍານົດ ໃນເດືອນ ກຸມພາ 2026 ນີ້. ສະນັ້ນ, ສູນກາງພັກ, ສະພາແຫ່ງຊາດ, ລັດຖະບານ ແລະ ອົງການປົກຄອງທ້ອງຖິ່ນທຸກຂັ້ນ ພວມສຸມໃສ່ກະກຽມໃຫ້ແກ່ການເລືອກຕັ້ງ ສະມາຊິກສະພາແຫ່ງຊາດ ຊຸດທີ IX ແລະ ສະມາຊິກສະພາປະຊາຊົນຂັ້ນແຂວງ ຊຸດທີ V ຢ່າງເປັນຂະບວນຟົດຟື້ນ.

ໃນຕອນເຊົ້າຂອງວັນທີ 2 ກຸມພາ 2026 ກົງກັບວັນຂຶ້ນ 15 ຄໍ່າ ເດືອນ 3 ລາວ ພສ 2568 ຊຶ່ງເປັນວັນທີ່ຊາວພຸດທະສາສະນິກະຊົນຈາກແຫ່ງຕ່າງໆໄດ້ພ້ອມຈິດ ພ້ອມໃຈກັນຮ່ວມທໍາບຸນໃສ່ບາດຢາດນໍ້າຫາພະຍາສີໂຄດຕະບອງ ແລະ ຖວາຍປັດໃຈໄຊຍະທານຕ່າງໆ. ໃຫ້ກຽດເຂົ້າຮ່ວມຝ່າຍພະສົງນໍາໂດຍຍາທ່ານໃຫຍ່ ມະຫາ ຄໍາມາ ປັນຍາວິຈິດ ຮອງປະທານອົງການພຸດທະສາສະໜາສໍາພັນລາວ ສູນກາງ (ອພສ), ມີພະອາຈານ ວັນເພັນ ໄຊຍະສອນ ປະທານອົງການພຸດທະສາສະໜາສໍາພັນລາວ ແຂວງຄໍາມ່ວນ, ຝ່າຍຄາລະວາດນໍາໂດຍທ່ານ ນາງ ປານີ ຢາທໍ່ຕູ້ ຮອງປະທານປະເທດແຫ່ງ ສປປ ລາວ,ມີການນໍາພັກ-ລັດຈາກສູກາງ ແລະ ແຂວງຄໍາມ່ວນ ຕະຫຼອດເຖິງພຸດທະສາສະນິກະຊົນເຂົ້າຮ່ວມໃສ່ບາດເປັນຈໍານວນຫຼາຍ.

ພິທີໂຮມຊຸມນຸມໃຫຍ່ສະເຫຼີມສະຫຼອງວັນສ້າງຕັ້ງສະຫະພັນກໍາມະບານລາວ ຄົບຮອບ 70 ປີ ຈັດຂຶ້ນໃນວັນທີ 2 ກຸມພານີ້ ທີ່ນະຄອນຫຼວງວຽງຈັນ ໃຫ້ກຽດເຂົ້າຮ່ວມຂອງສະຫາຍ ກິແກ້ວ ໄຂຄຳພິທູນ ກໍາມະການກົມການ ເມືອງສູນກາງພັກ ປະທານສູນກາງແນວລາວສ້າງຊາດ, ມີສະຫາຍ ເລັດ ໄຊຍະພອນ ປະທານຄະນະບໍລິຫານງານສູນກາງສະຫະພັນກຳມະບານລາວ (ສກລ), ມີຮອງປະທານສະຫະພັນກຳມະບານກະຊວງ, ອົງການ, ນະຄອນຫຼວງ, ແຂວງ, ສະມາຊິກກຳມະບານໃນຂອບເຂດທົ່ວປະເທດເຂົ້າຮ່ວມ.

ກອງປະຊຸມສຳມະນາຝຶກອົມຮົມໃຫ້ຜູ້ສະໝັກຮັບເລືອກຕັ້ງເປັນສະມາຊິກສະພາແຫ່ງຊາດ (ສສຊ) ຊຸດທີ X ແລະ ສະມາຊິກສະພາປະຊາຊົນແຂວງ (ສສຂ) ຊຸດທີ V ທີ່ເປັນເພດຍິງ ໄດ້ຈັດຂຶ້ນໃນລະຫວ່າງວັນທີ 30-31 ມັງກອນ ຜ່ານມາ ທີ່ເມືອງທ່າແຂກ ແຂວງຄຳມ່ວນ ໂດຍການເປັນປະທານຂອງທ່ານນາງ ທຸມມາລີ ວົງປະຈັນ ກຳມະການສູນກາງພັກ ປະທານຄະນະສະມາຊິກສະພາແຫ່ງຊາດເພດຍິງ ຊຸດທີ IX, ໂດຍການເຂົ້າຮ່ວມຂອງທ່ານ ນາງ ສູນທອນ ໄຊຍະຈັກ ຄະນະເລຂາທິການສູນກາງພັກ ຮອງປະທານສະພາແຫ່ງຊາດ ຜູ້ປະຈຳການຄະນະກຳມະການເລືອກຕັ້ງລະດັບຊາດ, ມີບັນດາທ່ານຜູ້ສະໝັກຮັບເລືອກຕັ້ງເປັນ ສສຊ ແລະ ສສຂ ທີ່ເປັນເພດຍິງຈາກ 8 ແຂວງ ຄື: ຊຽງຂວາງ, ບໍລິຄຳໄຊ, ຄຳມ່ວນ, ສະຫວັນນະເຂດ, ສາລະວັນ, ຈຳປາສັກ, ເຊກອງ, ອັດຕະປື ລວມທັງໝົດ 180 ທ່ານ.

ກອງປະຊຸມຮັບສ່ອງແສງສະພາບແນວຄິດ-ຫາງສຽງສັງຄົມໄດ້ຈັດຂຶ້ນໃນວັນທີ 2 ກຸມພານີ້ ທີ່ຫ້ອງວ່າການປົກຄອງແຂວງບໍລິຄຳໄຊ, ໂດຍການເປັນປະທານຂອງ ສະຫາຍ ລາວປາວຊົ່ງ ນະວົງໄຊ ກຳມະການສູນກາງພັກ ຮອງເລຂາຄະນະພັກ ຮອງຫົວໜ້າຄະນະໂຄສະນາອົບຮົມສູນກາງພັກ, ມີສະ ຫາຍ ເລື່ອນວິໄລ ຈັນທະລາພັນ ຮອງເລຂາຄະນະບໍລິຫານງານພັກແຂວງ ຜູ້ຊີ້ນຳວຽກງານການເມືອງແນວຄິດ-ວຽກງານພັກພະນັກງານຂັ້ນແຂວງ, ຫົວໜ້າຄະນະຮັບຜິດຊອບຊີ້ນຳວຽກງານຕິດຕາມ, ເກັບກຳສະພາບແນວຄິດ-ຫາງສຽງສັງຄົມຂັ້ນແຂວງ, ມີຄະນະປະຈຳພັກ, ຄະນະກຳມະການພັກ, ຄະພັກຮາກຖານ ແລະ ພາກສ່ວນທີ່ກ່ຽວຂ້ອງເຂົ້າຮ່ວມ.

ໃນຕອນເຊົ້າຂອງວັນທີ 2 ກຸມພາ 2026 ກົງກັບມື້ຂື້ນ 15 ຄໍ່າ ເດືອນ 3 ລາວ ຊຶ່ງເປັນມື້ສຸດທ້າຍຂອງງານບຸນນະມັດສະການພະທາດໂຜ່ນ,ຊຶ່ງຊາວບ້ານກໍໄດ້ຫ້າງຫາກະກຽມວັດຖຸປັດໃຈໃຊຍະທານໃຫ້ໄດ້ເຂົ້າຈີ່ 4,000 ກ້ອນ.ພິທີຕັກບາດໃນງານບຸນນະມັດ ສະການພະທາໂຜ່ນ ແມ່ນໄດ້ຈັດຂຶ້ນໃນທຸກໆປີ ຊຶ່ງເປັນການຖວາຍສັງຄະທານແດ່ພະພິຂຸສົງ-ສາມະເນນ ຕາມຮີດຄອງປະເພນີຂອງຊາວລາວ, ຊຶ່ງປີນີ້ ເຫັນວ່າ ມວນຊົນຈາກທຸກທົ່ວສາລະທິດ ຕ່າງກໍມີຈິດໃຈໃສສັດທາ ຫຼັ່ງໄຫຼເຂົ້າມາຮ່ວມພິທີຕັກບາດຢ່າງຄັບຄາໜາແໜ້ນ ແລະ ເປັນຈໍານວນຢ່າງຫຼວງຫຼາຍ.