 |
ທ່ານ ໄຊຊະນະ ໂຄດພູທອນ ໄດ້ສະແດງຄວາມຕ້ອນຮັບອັນອົບອຸ່ນ ຕໍ່ການເຂົ້າພົບປະ ຂອງຄະນະໃນຄັ້ງນີ້.ໂອກາດດັ່ງກ່າວ, ຫົວໜ້າຫ້ອງວ່າການສະພາແຫ່ງຊາດ ໄດ້ແຈ້ງຈຸດປະສົງ ການມາເຮັດວຽກ ຢູ່ແຂວງຄໍາມ່ວນ ໃຫ້ເລຂາພັກແຂວງຮັບຮູ້, ໂດຍສະເພາະກໍເພື່ອຈັດຕັ້ງເຜີຍແຜ່ນິຕິກຳ ຂອງຄະນະປະຈຳສະພາແຫ່ງຊາດ ແລະ ປຶ້ມຄູ່ມືການພົບປະປະຊາຊົນຂອງສະມາຊິກ ສະພາແຫ່ງຊາດ ແລະ ສະມາຊິກສະພາປະຊາຊົນຂັ້ນແຂວງ ໃຫ້ບັນດາແຂວງພາກກາງ ແລະ ພາກໃຕ້ຂອງລາວ ໂດຍກຳນົດເອົາແຂວງຄໍາມ່ວນເປັນເຈົ້າພາບ, ພ້ອມທັງຖືໂອກາດນີ້ ສະແດງຄວາມປິຕິຍິນດີ ຕໍ່ການມາຮັບໜ້າທີ່ ດຳລົງຕໍາແໜ່ງ ເປັນເລຂາຄະນະບໍລິຫານງານພັກແຂວງ ແລະ ປະທານສະພາປະຊາຊົນແຂວງຄໍາມ່ວນ ຂອງທ່ານ ໄຊຊະນະ ໂຄດພູທອນ.
ນອກນັ້ນ, ຍັງໄດ້ ແລກປ່ຽນຄວາມຄິດເຫັນຮ່ວມກັນໃນຫຼາຍບັນຫາ ເພື່ອເປັນທິດທາງຊຸກຍູ້ສົ່ງເສີມ ແລະ ພັດທະນາວຽກງານຂອງສະພາຂັ້ນທ້ອງຖິ່ນ ໃຫ້ນັບມື້ໄດ້ຮັບການພັດທະນາຢ່າງຕໍ່ເນື່ອງ.
(ຂ່າວ: ມະນີວັນ)
ຄໍາເຫັນ