 |
ສະຫາຍ ຄຳເກັ່ງ ແກ້ວສຸວັນ ຮອງປະທານກວດກາຄະນະພັກຮາກຖານ ຮອງຫົວໜ້າພະແນກ ຍທຂ ແຂວງ ໄດ້ຂຶ້ນລາຍງານການກໍ່ສ້າງໜ່ວຍພັກປອດໃສ ເຂັ້ມແຂງ ໜັກແໜ້ນປະຈຳປີ 2025 ວ່າ: ຜ່ານມາຄະ ນະພັກຮາກຖານ ໄດ້ນໍາພາ-ຊີ້ນໍາຄະນະໜ່ວຍພັກ ທີ່ຂຶ້ນກັບໃຫ້ຖືເອົາການນໍາພາທາງດ້ານການເມືອງ-ແນວຄິດເປັນຕົ້ນຕໍ, ປຸກລະດົມສະມາຊິກພັກ, ພະນັກງານ-ລັດຖະກອນເຂົ້າຮ່ວມເຊື່ອມຊຶມແນວທາງນະໂຍບາຍຂອງພັກ, ກົດລະບຽບພັກ, ກົດໝາຍຂອງລັດ, ມະຕິ, ຄໍາສັ່ງ, ຄໍາແນະນໍາ, ມູນເຊື້ອວັນສໍາຄັນຕ່າງໆຂອງຊາດ ແລະ ຂອງສາກົນ ເຫັນໄດ້ວ່າ ສະມາຊິກພັກ, ພະນັກງານ-ລັດຖະກອນມີຄວາມຮັບຮູ້ເຂົ້າໃຈ, ມີທັດສະນະຫຼັກໝັ້ນຊົນຊັ້ນ, ຄຸນສົມບັດສິນທຳປະຕິວັດ ປະກອບສ່ວນຢ່າງຕັ້ງໜ້າເຂົ້າໃນການຈັດຕັ້ງປະຕິບັດວຽກງານທີ່ຕົນຮັບຜິດຊອບມີຜົນສໍາເລັດ. ພ້ອມນີ້, ຄະນະໜ່ວຍພັກ, ຈຸພັກໄດ້ນໍາພາສະມາຊິກດໍາເນີນຊີວິດການເມືອງພາຍໃນຈຸ-ໜ່ວຍພັກເປັນປົກກະຕິທຸກໆເດືອນ, ປະຕິບັດລະບອບສ່ອງແສງວຽກງານປະຈໍາອາທິດ ເພື່ອສັງເກດຕີລາຄາ, ຕິດຕາມກວດກາ ແລະ ແກ້ໄຂວຽກງານທີ່ຍັງຄົງຄ້າງ. ຈາກນັ້ນ, ໄດ້ຜ່ານທິດທາງກໍ່ສ້າງໜ່ວຍພັກໃນປີ 2026.
 |
ສະຫາຍ ນາງ ກອງມະນີ ສຸວັນນະສານ ຮອງຫົວໜ້າຄະນະຈັດຕັ້ງແຂວງ ໄດ້ຜ່ານມະຕິຕົກລົງຂອງຄະ ນະປະຈຳພັກແຂວງເຊກອງ ສະບັບເລກທີ 76,77,78,79/ຄປພຂ,ຊກ, ລົງວັນທີ 28 ເມສາ 2026 ວ່າດ້ວຍຮັບຮອງເອົາ 4 ໜ່ວຍພັກ ເປັນໜ່ວຍພັກປອດໃສ ເຂັ້ມແຂງ ໜັກແໜ້ນປະຈຳປີ 2025; ພ້ອມນີ້, ກໍໄດ້ຜ່ານມະຕິ ວ່າດ້ວຍຮັບຮອງລາຍຊື່ສະມາຊິກພັກສົມບູນທີ່ມີມາດຖານເງື່ອນໄຂໄດ້ຮັບບັດສະມາຊິກພັກຈຳນວນ 33 ສະຫາຍ ຍິງ 10 ສະຫາຍ.
 |
ໃນພິທີໄດ້ປະດັບຫຼຽນກາລະນຶກ 50 ປີ ວັນສະຖາປະນາ ສປປ ລາວ (2 ທັນວາ 1975-2 ທັນວາ 2025) ໃຫ້ພະນັກງານ-ລັດຖະກອນ ພະແນກ ຍທຂ ແຂວງຈຳນວນ 30 ສະຫາຍ ຍິງ 6 ສະຫາຍ.
 |
ຂ່າວ: ອັດສະວິນ
ຄໍາເຫັນ