 |
ທ່ານ ອຸ່ນຄໍາ ອຸບົນສັກ ໃຫ້ຮູ້ວ່າ: ໃນໄລຍະ 9 ເດືອນຜ່ານມາ, ເມືອງເງິນ ສາມາດຈັດເກັບລາຍຮັບເຂົ້າງົບປະມານໄດ້ທັງໝົດ 6.29 ຕື້ກີບ ເທົ່າກັບ 76.39% ຂອງແຜນການປີ; ດ້ານລາຍຈ່າຍປະຕິບັດໄດ້ 2.2 ຕື້ກີບ ເທົ່າກັບ 59.91% ຂອງແຜນການປີ. ເອົາຂໍ້ມູນຕອນດິນເຂົ້າລະບົບທັນສະໄໝ (LTMS) ໄດ້ 9,553 ຕອນ (ປັກໝຸດ 9,553 ຕອນ). ໂຄງການລົງທຶນພັດທະນາທັງໝົດ 52 ໂຄງການມູນຄ່າ 119.77 ຕື້ກີບ (ຊໍາລະແລ້ວ 42.45 ຕື້ກີບ, ໜີ້ຄ້າງຈ່າຍ 77.32 ຕື້ກີບ, ສຳເລັດໜ້າວຽກ 89.12%), ໃນນັ້ນມີ 13 ໂຄງການໄດ້ຮັບອະນຸມັດທຶນປີ 2026 ມູນຄ່າ 5.03 ຕື້ກີບ. ຊຸກຍູ້ສົ່ງເສີມການຜະລິດ ແລະ ຈຳໜ່າຍອຸດ ສາຫະກຳປຸງແຕ່ງ ແລະ ຫັດຖະກຳແຜ່ນແພ ລວມມູນຄ່າ 9,7 ຕື້ກີບ, ການຈໍລະຈອນສິນຄ້າຜ່ານດ່ານສາ ກົນນ້ຳເງິນບັນລຸ 175.10 ລ້ານໂດລາ (ນຳເຂົ້າ 170.57 ລ້ານໂດລາ, ສົ່ງອອກ 4.53 ລ້ານໂດລາ), ສົ່ງ ເສີມສິນຄ້າ OTOP ແລະ ຊາຂີງ, ຊາຂີ້ໜິ້ນມູນຄ່າ 304.89 ລ້ານກີບ. ຕິດຕາມກອງທຶນພັດທະນາຂັ້ນບ້ານ, ທະນາຄານບ້ານມີເງິນ 34.49 ຕື້ກີບ. ຕິດຕາມຊຸກຍູ້ໂຄງການກໍ່ສ້າງ-ສ້ອມແປງເສັ້ນທາງ ແລະ ພື້ນ ຖານໂຄງລ່າງພາຍໃນເມືອງໃຫ້ໄປຕາມເຕັກນິກ ແລະ ສັນຍາເຊັ່ນ: ໂຄງການກໍ່ສ້າງທາງປາກແຄນ-ຫ້ວຍເງີຍ, ທາງບ້ານທອງ-ປາງບົງ ປະຕິບັດໄດ້ 82%; ໂຄງການປັບປຸງ ແລະ ສ້ອມແປງດ່ານສາກົນນ້ຳເງິນປະຕິບັດໄດ້ 66%; ໂຄງການກໍ່ສ້າງທາງປູຢາງ 2 ຊັ້ນບ້ານຂອນ ແລະ ບ້ານນໍ້າເງິນ ປະຕິບັດໄດ້ 47.55%; ໂຄງການກໍ່ສ້າງທາງບ້ານນໍ້າທົນ ແລະ ນໍ້າວັນ ປະຕິບັດໄດ້ 34%; ໂຄງການກໍ່ສ້າງເສັ້ນທາງບ້ານກາງ ແລະ ທາງເວັ້ນຕົວເມືອງເຂດບ້ານບີໝີສໍາເລັດ 39%; ໂຄງການກໍ່ສ້າງທາງບ້ານນໍ້າເງິນ ປະຕິບັດໄດ້ 32%; ໂຄງການກໍ່ສ້າງຕ້ານເຈື່ອນບ້ານແກ້ວດອນຄູນສໍາເລັດ 90%; ໂຄງການກໍ່ສ້າງທາງປູເບຕົງບ້ານແກ້ວດອນຄູນ ແລະ ບ້ານຫຼວງມີໄຊສຳເລັດ 100%; ແລະ ໂຄງການກໍ່ສ້າງຫໍພັກ ພະນັກງານຂອງໂຄງການກໍ່ ສ້າງເຂື່ອນໄຟຟ້ານໍ້າຂອງປາກແບງ ປະຕິບັດໄດ້ 35% ແລະ ວຽກງານອື່ນໆ ໄດ້ຮັບການປັບປຸງ-ຂະຫຍາຍ ຕົວຢ່າງເປັນລະບົບຕໍ່ເນື່ອງ. ໂດຍ: ອິນແປງ ແຫວນຄຳ
ຄໍາເຫັນ