 |
ທ່ານ ບຸນຈັນ ສີວົງພັນ ກ່າວວ່າ: ກອງປະຊຸມຄັ້ງນີ້, ຈະໄດ້ດຳເນີນໄປ 2 ວັນ (ວັນທີ 4-5 ພຶດສະພາ) ຈິ່ງສໍາເລັດ ຊຶ່ງເນື້ອໃນທີ່ນໍາມາຄົ້ນຄວ້າໃນຄັ້ງນີ້ ລ້ວນແຕ່ເປັນນິຕິກຳທີ່ສໍາຄັນ ແລະ ຈຳເປັນຫຼາຍ ເພາະເປັນໝາກຫົວໃຈສໍາຄັນຂອງການປະຕິບັດໜ້າທີ່ການເປັນຕົວແທນຂອງປະຊາຊົນລາວບັນດາເຜົ່າ ເພື່ອເກັບກຳ, ສັງລວມຄວາມຄິດເຫັນຂອງປະຊາຊົນ ນໍາໄປລາຍງານຕໍ່ພາກສ່ວນກ່ຽວຂ້ອງ ໄດ້ຮັບຮູ້ບັນຫາຕ່າງໆ, ກໍາໄດ້ສະພາບຄວາມຂັດຂ້ອງໝອງໃຈຂອງປະຊາຊົນ ແລ້ວນໍາໄປພິຈາລະນາແກ້ໄຂຢ່າງຖືກຕ້ອງ, ສອດຄ່ອງຕາມລັດຖະທຳມະນູນ, ກົດໝາຍ ແລະ ນິຕິກໍາໃຕ້ກົດໝາຍ ທີ່ໄດ້ກຳນົດຂັ້ນຕອນ, ຂະບວນການຕ່າງໆ ໃນການພົບປະປະຊາຊົນຂອງສະມາຊິກສະພາແຫ່ງຊາດ ແລະ ສະມາຊິກສະພາປະຊາຊົນຂັ້ນແຂວງ. ເພື່ອຮັບປະກັນການພົບປະປະຊາຊົນຂອງ ສສຊ ແລະ ສສຂ ກໍຄືການຈັດຕັ້ງປະຕິບັດພາລະບົດບາດ, ສິດ ແລະ ໜ້າທີ່ຂອງສະພາແຫ່ງຊາດ ໃຫ້ມີປະສິດທິພາບ ແລະ ປະສິດທິຜົນດີຂຶ້ນເປັນກ້າວໆ.
 |
ກອງປະຊຸມຄັ້ງນີ້, ໄດ້ຮັບຟັງສະພາບລວມວຽກງານການພົບປະປະຊາຊົນຂອງສະມາຊິກສະພາແຫ່ງຊາດ ແລະ ສະມາຊິກສະພາປະຊາຊົນຂັ້ນແຂວງ (ບັນດານິຕິກຳຕ່າງໆທີ່ກ່ຽວຂ້ອງ), ການລົງເລີກພົບປະປະຊາຊົນຂອງສະມາຊິກສະພາແຫ່ງຊາດ ແລະ ສະມາຊິກສະພາປະຊາຊົນຂັ້ນແຂວງ, ການໃຫ້ການສະໜັບສະໜູນວຽກງານພົບປະປະຊາຊົນຂອງສະມາຊິກສະພາແຫ່ງຊາດ ແລະ ສະມາຊິກສະພາປະຊາຊົນຂັ້ນແຂວງ.ຈາກນັ້ນ, ຜູ້ເຂົ້າຮ່ວມໄດ້ພ້ອມກັນຍົກສູງຄວາມຮັບຜິດຊອບ, ສຸມສະຕິປັນຍາ ເຂົ້າໃນການແລກປ່ຽນຄໍາຄິດເຫັນເພື່ອໃຫ້ເຂົ້າໃຈຢ່າງຈະແຈ້ງ ແລ້ວນໍາໄປຈັດຕັ້ງປະຕິບັດໃຫ້ປາກົດຜົນເປັນຈິງຢ່າງປະດິດສ້າງ, ເໝາະສົມ ແລະ ສອດຄ່ອງກັບສະພາບຈຸດພິເສດຂອງແຕ່ລະແຂວງ.
(ຂ່າວ: ມະນີວັນ)
ຄໍາເຫັນ