 |
ແຫຼ່ງຂ່າວຈາກແຂວງຊຽງຂວາງລາຍງານວ່າ: ຜູ້ຖືກເຄາະຮ້າຍຈາກລະເບີດບໍ່ທັນແຕກ (ລບຕ), ບາງຄົນແມ່ນແຂນຂາດທັງສອງເບື້ອງ,ບາງຄົນຂາດເບື້ອງໜຶ່ງ, ບາງຄົນຂາຂາດ, ຕາບອດ, ບາດເຈັບຕາມຕົນໂຕ ແລະ ມີສະເກັດຝັງຢູ່ໃນຮ່າງກາຍ ເຊິ່ງບໍ່ສາມາດຊ່ວຍວຽກຄອບຄົວໄດ້ເຮັດໃຫ້ມີຄວາມຫຍຸ້ງຍາກໃນການດຳລົງຊີວິດ, ຄອບຄົວທຸກຍາກ ບໍ່ມີວຽກເຮັດງານທຳ.
 |
ການມອບເຄື່ອງຊ່ວຍເຫຼືອຄັ້ງນີ້ມີປະກອບມີເມືອງແປກ: ທ່ານ ແຂກ ສອນພານາ ໄດ້ຮັບເສົາເຮືອນເບຕົງສຳເລັດຮູບ12ເສົາ ແລະ ດິນບັອກຈຳນວນໜຶ່ງ, ທ່ານ ບົວລຽນ ໄດ້ຮັບລົດຈັດຮອນດາຈຳນວນ1ຄັນ, ທ່ານນາງ ຈໍລີ ໄດ້ຈັກຕັດຫຍິບ+ຈັກແຊັກ, ເຕົາລີດ; ເມືອງຄູນ: ທ່ານ ມາກ ໄດ້ຈັກຕັດຫຍິບ+ເຕົາລີດ, ທ່ານສົງຄາມ ອຸດົມສຸກ ໄດ້ທຶນລ້ຽງງົວ, ທ່ານ ມິດຕະພັນ ໄດ້ທໍ່ຢາງ (ທໍ່ນ້ຳ); ເມືອງຄຳ: ທ່ານ ວັນພອນ ໄດ້ເຂົ້າເປືອກ, ທ່ານ ທອງຜີວ ໄດ້ສັງກະສີ ແລະ ຕະປູກຸບ, ທ່ານ ອິນ ໄດ້ສັງກະສີ ແລະ ຕະປູກຸບ; ເມືອງໜອງແຮດ: ທ່ານ ໄຟເຢຍທໍ່ ໄດ້ທຶນລ້ຽງງົວ, ທ່ານນາງຕົ່ງຫາ ໄດ້ທຶນລ້ຽງງົວ ແລະ ທ່ານ ຈົ່ງວືຢ່າ ໄດ້ທຶນລ້ຽງງົວ.
ອຸປະກອນແລະ ທຶນລ້ຽງງົວທີ່ນຳມາມອບໃນຄັ້ງນີ້ແມ່ນຜູ້ທີ່ໄດ້ຮັບເຄາະຮ້າຍຈາກ ລບຕ ເປັນຜູ້ຮ້ອງຂໍ, ສ່ວນທຶນທີ່ນຳມາມອບແມ່ນໄດ້ມາຈາກສະຖານທູດ ສປ ຈີນ ຈຳນວນ10,000ໂດລາໃຫ້ແຂວງຊຽງຂວາງ ນຳມາຊ່ວຍເຫຼືອປະຊາຊົນຜູ້ທີ່ໄດ້ຮັບຜົນກະທົບຈາກ ລບຕ, ສ່ວນເມືອງອື່ນໆ ແມ່ນຈະນຳໄປມອບໃຫ້ໃນໄວນີ້.
ຂ່າວ: ບຸນມີ ແສງທຸມມີ
ຄໍາເຫັນ