ຈຸດປະສົງຂອງການຢ້ຽມຢາມ ແລະ ເຮັດວຽກ ຢູ່ແຂວງໄຊສົມບູນ ໃນຄັ້ງນີ້, ກໍເພື່ອເປັນການຊອກຊ່ອງທາງການຮ່ວມມືດ້ານການຄ້າ, ການລົງທຶນ, ເສດຖະກິດ ແລະ ການທ່ອງທ່ຽວ ເພື່ອເປັນທ່າແຮງ ເຂົ້າໃນການສົ່ງເສີມການຮ່ວມມືດ້ານເສດຖະກິດ, ການເຊື່ອມໂຍງເຊື່ອມຈອດ ແລະ ການລົງທຶນດ້ານຕ່າງໆໂດຍສະເພາະ ການພົບປະເຮັດວຽກ ກັບ ພະແນກອຸດສາຫະກຳ ແລະ ການຄ້າແຂວງ. ເພື່ອຍາດແຍ່ງການຮ່ວມມື ແລະ ການລົງທຶນ ຈາກໄທໃນບາງດ້ານທີ່ມີຄວາມພ້ອມ ແລະ ເປັນທ່າແຮງ, ທັງເປັນການຕິດຕາມຊຸກຍູ້ ແລະ ເປັນຂໍ້ມູນໃນການຮ່ວມມືລະຫວ່າງ ສອງປະເທດກໍຄື ຣາຊະນາອາຈັກໄທ ແລະ ສປປ ລາວ ໂດຍສະເພາະກໍແມ່ນ ແຂວງໄຊສົມບູນ.
ທ່ານ ອຸດອນ ສິງດາລາ ຍັງໄດ້ກ່າວຕ້ອນຮັບ ພ້ອມທັງສະແດງຂອບໃຈມາຍັງເອກອັກຄະຣາຊະທູດ ຣາຊະອານາຈັກໄທ ປະຈຳ ສປປ ລາວ ພ້ອມດ້ວຍຄະນະ ທີ່ເຫັນເຖິງຄວາມສຳຄັນຂອງແຂວງໄຊສົມບູນ ແລະ ຫວັງຢ່າງຍິງວ່າ ທ່ານທູດ ຈະເປັນຂົວຕໍ່ເຮັດໃຫ້ສາຍພົວພັນມິດຕະພາບ ແລະ ການຮ່ວມມືລະຫວ່າງສອງປະເທດ ເວົ້າລວມ, ເວົ້າສະເພາະ ກໍຄຶແຂວງໄຊສົມບູນ ຊ່ວຍຊຸກຍູ້ສົ່ງເສີມຂະຫຍາຍການຮວ່ມມື ໃນຫຼາຍໆດ້ານໃຫ້ມີຮູບໂສມອັນໃໝ່ ແລະ ໃຫຍ່ຫຼວງກວ່າເກົ່າໃນອະນາຄົດ.
(ຂ່າວ: ແກ່ນຈັນ ທຳມະນີ)
ຄໍາເຫັນ