ຜູ້ຕາງໜ້າອົງການສະຫະປະຊາຊາດສຳລັບເດັກ ໃນວັນທີ 23 ກັນຍາ ນີ້ ທີ່ອົງການດັ່ງກ່າວ,ເນື່ອງໃນໂອກາດທີ່ທ່ານມາດຳລົງຕຳແໜ່ງເປັນຜູ້ຕາງໜ້າອົງການສະຫະປະຊາຊາດສຳລັບເດັກ ຄົນໃໝ່ ປະຈຳ ສປປ ລາວ ຊຶ່ງມີພະນັກງານຂັ້ນສູງຂອງສອງຝ່າຍເຂົ້າຮ່ວມ.
ໂອກາດນີ້, ທ່ານໄຊຊະນະ ໂຄດພູທອນ ໄດ້ສະແດງຄວາມຍິນດີຕ້ອນຮັບ ແລະ ຊົມເຊີຍ ຕໍ່ທ່ານ ບິລາລ ໂອແຣັງ ເຊັບ ດູຣານິ ທີ່ໄດ້ຮັບການແຕ່ງຕັ້ງໃຫ້ມາດຳລົງຕຳແໜ່ງ ເປັນຜູ້ຕາງໜ້າອົງການສະຫະປະຊາຊາດສຳລັບເດັກຄົນໃໝ່ ປະຈຳ ສປປ ລາວ, ພ້ອມທັງສະແດງຄວາມເຊື່ອໝັ້ນວ່າ ດ້ວຍຄວາມຮູ້ຄວາມສາມາດຂອງທ່ານ ຈະເປັນຂົວຕໍ່ເຮັດໃຫ້ການພົວພັນຮ່ວມມື ໂດຍສະເພາະວຽກງານຂົງເຂດຍຸຕິທຳ ຢູ່ ສປປ ລາວ, ພ້ອມທັງສະເໜີສືບຕໍ່ໄດ້ຮັບການຊ່ວຍເຫຼືອທາງດ້ານວິຊາການ ແລະ ງົບປະມານຕ່າງໆ ເຂົ້າໃນວຽກງານກົດໝາຍເພື່ອຍົກລະດັບຄວາມເຂົ້າໃຈ ກ່ຽວກັບບັນຫາການປົກປ້ອງເດັກ ເພີ່ມຂຶ້ນ, ການແກ້ໄຂບັນຫາທີ່ສໍາຄັນໃນການໃຊ້ຄວາມຮຸນແຮງຕໍ່ເດັກ ແລະ ປັບປຸງບັນດານິຕິກຳກ່ຽວຂ້ອງ. ພ້ອມດຽວກັນນີ້ ກໍຫວັງຢ່າງຍິ່ງວ່າອົງການສະຫະປະຊາຊາດສຳລັບເດັກ ຈະຊຸກຍູ້ສົ່ງເສີມຂະຫຍາຍການຮ່ວມມືເຂົ້າສູ່ລວງເລິກ ແລະ ຢ່າງມີປະສິດທິພາບ, ປະສິດທິຜົນສູງ ໃນອະນາຄົດຍິ່ງຂຶ້ນ.
ຈາກນັ້ນ, ທ່ານ ທ່ານ ບິລາລ ໂອແຣັງ ເຊັບ ດູຣານິ ກໍໄດ້ສະແດງຄວາມຂອບໃຈຕໍ່ ທ່ານໄຊຊະນະ ໂຄດພູທອນ ແລະ ຄະນະທີ່ໄດ້ໃຫ້ການຕ້ອນຮັບຢ່າງອົບອຸ່ນ ໃນຄັ້ງນີ້, ພ້ອມທັງຢືນຢັນວ່າຈະສຸມທຸກເຫື່ອແຮງ, ສະຕິປັນຍາ ເຂົ້າໃນການປະຕິບັດໜ້າທີ່ຢ່າງຕັ້ງໜ້າ, ປະກອບສ່ວນເຂົ້າໃນການພັດທະນາເສດຖະກິດ-ສັງຄົມຂອງ ສປປ ລາວກໍຄື ຊຸກຍູ້ສົ່ງເສີມການພົວພັນຮ່ວມມື ໃນວຽກງານການປົກປ້ອງ ແລະ ສົ່ງເສີມສິດທິເດັກໃຫ້ນັບມື້ໄດ້ຮັບການເສີມຂະຫຍາຍຍິ່ງຂຶ້ນ.
ຂ່າວ: ສຸກພາວະດີ
ຄໍາເຫັນ