ຢູ່ຫ້ອງປະຊຸມໂຮງໝໍແຂວງໄຊສົມບູນ ໂດຍມີ ທ່ານ ເນັ້ງຢ່າງ ໃຈຫວັງໝັ້ນ ຫົວໜ້າພະແນກສາທາລະນະສຸກແຂວງ, ທ່ານ ເຕີຢີນ ບ່າວວົງໄຊ ຜູ້ອຳນວຍການໂຮງໝໍ ແຂວງ ພ້ອມດ້ວຍ ພະນັກງານພະແນກສາທາລະນະສຸກແຂວງ ແລະ ພະນັກງານແພດໝໍ ເຂົ້າຮ່ວມ.
ໂອກາດດັ່ງກ່າວ, ທ່ານ ເຕີຢີນ ບ່າວວົງໄຊ ໄດ້ລາຍງານການເຄື່ອນໄຫວວຽກງານໃນໄລຍະຜ່ານມາ ໂດຍສະເພາະແມ່ນຂໍ້ສະດວກ ແລະ ຂໍ້ຫຍຸ້ງຍາກ ໃນການບໍລິການຄົນເຈັບ ຕ່າງໆ ລວມທັງຂໍ້ສະເໜີທີ່ທາງໂຮງໝໍຍັງຂາດເຂີນ ເປັນຕົ້ນແມ່ນອຸປະກອນການແພດ, ບຸກຄະລາກອນ ແລະ ງົບປະມານ ເພື່ອໃຫ້ທ່ານຮອງລັດຖະມົນຕີ ໄດ້ຮັບຊາບ ແລະ ຄົ້ນຄວ້າພິຈາລະນາຊ່ວຍແຂວງ. ຈາກນັ້ນ ທ່ານ ໄພວັນ ແກ້ວປະເສີດ ໄດ້ມີຄໍາເຫັນໂອ້ລົມໃຫ້ຄະນະອໍານວຍການໂຮງໝໍ ຕະຫຼອດຮອດພະນັກງານແພດໝໍ ຈົ່ງສືບຕໍ່ເຮັດວຽກງານການເມືອງ-ແນວຄິດ ຕິດພັນກັບວຽກງານກໍາມະບານ, ສືບຕໍ່ຍົກສູງຄຸນນະພາບດ້ານການບໍລິການ ຕິດພັນກັບນະໂຍບາຍ 5 ດີ 1 ພໍໃຈ, ສຸມໃສ່ການຈັດຕັ້ງປະຕິບັດບັນດາໜ້າວຽກທີ່ຍັງຄ້າງຄາ ຕິດພັນການສ້າງບຸກຄະລາກອນທີ່ເປັນແພດຊ່ຽວຊານ ເພື່ອຫັນເປັນມືອາຊີບ ແລະ ການນໍາໃຊ້ອຸປະກອນການແພດຕ່າງໆ ຕ້ອງຫັນເປັນລະບົບທັນສະໄໝ ພ້ອມທັງເອົາໃຈໃສ່ບໍາບຸງຮັກສາຕຶກອາຄານ, ສະພາບແວດລ້ອມທັງພາຍໃນ ແລະ ພາຍນອກ ໃຫ້ມີຄວາມສະອາດຈົບງາມ. ສ່ວນບັນຫາບຸກຄະລາກອນ ແລະ ງົບປະມານທີ່ຍັງບໍ່ພຽງພໍ ໃຫ້ຫັນເປັນກຸ້ມຕົນເອງ ຕາມດໍາລັດຂອງລັດຖະບານ. ທັງນີ້ ກໍເພື່ອຮັບປະກັນ ໃຫ້ການບໍລິການສຸຂະພາບຂອງປະຊາຊົນ ໄດ້ຮັບການຍົກສູງດີຂຶ້ນກ່ວາເກົ່າ. ໂອກາດດັ່ງກ່າວ ທ່ານ ຍັງໄດ້ນໍາເອົາອຸປະກອນການແພດຈໍານວນໜຶ່ງມາມອບໃຫ້ໂຮງໝໍ ແຂວງໄຊສົມບູນ ແລະ ໄດ້ນໍາພາທິມງານທັດສະນະສຶກສາ ສ້າງຂະບວນການເຕະບານມິດຕະພາບ ຮ່ວມກັບການນໍາ ແລະ ສະຫະພັນກໍາມະບານ ແຂວງໄຊສົມບູນ ເພື່ອຮັດແໜ້ນຄວາມສາມັກຄີ.
(ຂ່າວ: ພາພອນ ນະວົງໄຊ)
ຄໍາເຫັນ