ຄະນະໂຄສະນາອົບຮົມສູນກາງພັກ ປະຊາຊົນປະຕິວັດລາວ ຂໍສະແດງຄວາມໂສກເສົ້າສະຫຼົດໃຈ ຢ່າງສຸດຊຶ້ງ ຕໍ່ການຈາກໄປຂອງ ສະຫາຍ ເຈີນ ດຶກ ເລືອງ ອະດີດກໍາມະການກົມການເມືອງສູນກາງພັກ ອະດີດປະທານປະເທດ ແຫ່ງ ສສ ຫວຽດນາມ, ການຈາກໄປຂອງ ສະຫາຍ ເຈີນ ດຶກ ເລືອງ ຖືເປັນການສູນເສຍບຸກຄະລາກອນທີ່ສໍາຄັນ ແລະ ເປັນການສູນເສຍຄັ້ງຍິ່ງໃຫຍ່ຂອງພັກ, ລັດ ແລະ ປະຊາຊົນຫວຽດນາມອ້າຍນ້ອງ; ຕະຫຼອດຂອງຊີວິດສະຫາຍ ໄດ້ອຸທິດຕົນຢ່າງບໍ່ລົດລະ ເພື່ອພາລະກິດການປະຕິວັດ, ການປົກປັກຮັກສາ ແລະ ສ້າງສາພັດທະນາປະເທດຊາດ, ນໍາພາປະຊາຊົນຫວຽດນາມ ກ້າວຜ່ານຜ່າທຸກຄວາມຫຍຸ້ງຍາກ ແລະ ໄດ້ປະກອບສ່ວນອັນລໍ້າຄ່າ ເຂົ້າໃນການສ້າງສາ ແລະ ປົກປັກຮັກສາສັງຄົມນິຍົມ.
ສະຫາຍ ເຈີນ ດຶກ ເລືອງ ເປັນມິດສະຫາຍຜູ້ຍິ່ງໃຫຍ່ ແລະ ເປັນແບບຢ່າງອັນດີງາມຂອງການເສຍສະຫຼະ ເພື່ອຊາດ, ເພື່ອປະຊາຊົນ, ການປະກອບສ່ວນອັນໃຫຍ່ຫຼວງຂອງສະຫາຍ ຈະຖືກຈາລຶກໄວ້ໃນປະຫວັດສາດ ແລະ ຢູ່ໃນດວງໃຈຂອງປະຊາຊົນຫວຽດນາມ ຕະຫຼອດໄປ.
ຄະນະໂຄສະນາອົບຮົມສູນກາງພັກປະຊາຊົນ ປະຕິວັດລາວ ຂໍຮ່ວມໄວ້ອາໄລ ແລະ ຂໍສະແດງຄວາມເສຍໃຈ ມາຍັງພັກກອມມູນິດຫວຽດນາມ, ລັດຖະບານ, ປະຊາຊົນຫວຽດນາມ ອ້າຍນ້ອງ ແລະ ຄອບຄົວ ຂອງສະຫາຍ ເຈີນ ດຶກ ເລືອງ ມານະໂອກາດນີ້ດ້ວຍ, ດ້ວຍຄວາມອາໄລຢ່າງສຸດຊຶ້ງ.
(ຂ່າວ-ພາບ: ແສງຈັນ)
ຄໍາເຫັນ