 |
ສະຫາຍ ພົນຈັດຕະວາ ຄຳແປງ ບົວລະບັດ ໄດ້ເລົ່າຄືນມູນເຊື້ອວັນປະກາດເອກະລາດ ຄົບຮອບ 81 ປີ ແລະ ວັນສ້າງຕັ້ງສາຍພົວພັນການທູດ ລາວ-ຫວຽດນາມ ຄົບຮອບ 64 ປີ ຍົກໃຫ້ເຫັນປະຫວັດຄວາມເປັນມາ, ຄວາມໝາຍສຳຄັນທາງປະຫວັດສາດຂອງຊາດລາວ ແລະ ປະຫວັດມູນເຊື້ອຂອງ 2 ວັນດັ່ງກ່າວ.
ການປາຖະກະຖາຄັ້ງນີ້, ເພື່ອທົບທວນຫວນຄືນມູນເຊື້ອ ແນໃສ່ໂຄສະນາສຶກສາອົບຮົມໃຫ້ພະນັກງານ-ສະມາຊິກພັກໃນທົ່ວກົມໃຫຍ່ເຕັກນິກກອງທັບຮັບຮູ້ເຊື່ອມຊຶມເຂົ້າໃຈຢ່າງເລິກເຊິ່ງເຖິງບັນດາເຫດການ, ການເຄື່ອນ ໄຫວໃນແຕ່ລະໄລຍະ ບົນເສັ້ນທາງອັນລະອິດລະອ້ຽວ, ເສຍສະຫຼະເລືອດເນື້ອເພື່ອການປະຕິວັດ ຊຶ່ງເປັນຂີດໝາຍແຫ່ງໄຊຊະນະຂອງການຕໍ່ສູ້ກູ້ຊາດອັນພິລະອາດຫານ, ນໍ້າໃຈອັນບໍລິສຸດຜຸດຜ່ອງດ້ວຍຄວາມສາມັກຄີ ແລະ ເສຍ ສະຫຼະອັນໃຫຍ່ຫຼວງຂອງກອງທັບປະຊາຊົນລາວ ພາຍໃຕ້ການນຳພາຂອງພັກປະຊາຊົນປະຕິວັດລາວສາມາດປົດປ່ອຍປະເທດຊາດໄດ້ຢ່າງສົມບູນ ແລະ ສະຖາປະນາ ເປັນປະເທດ ສປປ ລາວ ໃນວັນທີ 2 ທັນວາ 1975 ແລະ ພັກໄດ້ວາງແນວທາງປ່ຽນແປງໃໝ່ຮອບດ້ານ ໂດຍເລີ່ມຈາກການປ່ຽນແປງດ້ານເສດຖະກິດຊຸກຍູ້ວຽກງານຫັນສູ່ອຸດສາຫະກຳ, ທັນສະໄໝ ແລະ ສືບຕໍ່ຮັດແໜ້ນສາຍພົວພັນ ກັບບັນດາປະເທດເພື່ອນມິດຍຸດທະສາດໃຫ້ນັບມື້ມີຄວາມແໜ້ນແຟ້ນ ແລະ ຂະຫຍາຍຕົວຂຶ້ນຢ່າງບໍ່ຢຸດຢັ້ງ.
ຂ່າວ: ຄຳສອນ ພົມໄຊຍາ
ຄໍາເຫັນ