 |
ໃນພິທີ, ທ່ານ ປ້າ ຈັນເທົາ ປະຖັມມະວົງ ປະທານກິດຕິມະສັກ ສະມາຄົມຫັດຖະກຳລາວ ໄດ້ເລົ່າປະຫວັດຄວາມເປັນມາຂອງງານມະຫະກຳສີມືຫັດຖະກຳລາວ ແລະ ວັນຫັດຖະກຳລາວ (1 ພະຈິກ) ໂດຍໃຫ້ຮູ້ວ່າ: ງານມະຫະກຳສີມືຫັດຖະກຳລາວ ໄດ້ຈັດຂຶ້ນຄັ້ງທຳອິດໃນປີ 2002 ຢູ່ສູນອອກແບບຫັດຖະກຳ ບ້ານສະພານທອງກາງ ມີພຽງ 10 ຫົວໜ່ວຍເຂົ້າຮ່ວມ ແຕ່ງານດັ່ງກ່າວມາຮອດໃນປີ 2026 ແມ່ນເປັນຄັ້ງທີ 25 ໄດ້ເຕີບໃຫຍ່ຂະຫຍາຍຕົວຂຶ້ນເລື້ອຍໆ.
 |
ທ່ານ ນາງ ສຸວິຕາ ປະເສີດ ປະທານສະມາຄົມຫັດຖະກຳລາວ ຫົວໜ້າຄະນະກະກຽມຈັດງານ ໄດ້ລາຍງານວ່າ: ງານມະຫະກຳສີມືຫັດຖະກຳລາວແມ່ນງານປະເພນີບຸນປາງໃຫຍ່ຂອງຊາວຊ່າງຫັດຖະ ກຳລາວ, ສະເພາະປີນີ້ແມ່ນເປັນປີທີ່ມີຄວາມເປັນພິເສດ ເພາະເປັນການສະເຫຼີມສະຫຼອງ ຄົບຮອບ 25 ປີ ຫຼື ຄັ້ງທີ 25 ຂອງງານມະຫະກຳສີມືຫັດຖະກໍາລາວ, ງານດັ່ງກ່າວໄດ້ເລີ່ມແຕ່ ວັນທີ 31 ຕຸລາ-8 ພະຈິກ (9 ວັນ) ທີ່ສູນວາງສະແດງສິນຄ້າລາວ-ໄອເຕັກ, ມີຮ້ານວາງສະແດງ ແລະ ຂາຍສິນຄ້າ 200 ກວ່າຮ້ານ,
 |
ໃນນັ້ນພາຍໃນງາມ, ຍັງມີກິດຈະກໍາການສາທິດການຕໍ່າຫູກ, ສາວໄໝ, ເຂັນຝ້າຍ, ຕີເງິນ, ຈັກສານ, ປັ້ນດິນເຜົາ, ແກະສະລັກ ແລະ ອື່ນໆ, ມີ 17ແຂວງ ແລະ 1 ນະຄອນຫຼວງ ໃນທົ່ວປະເທດ, ລວມມີ 18 ພາກສ່ວນເຂົ້າຮ່ວມ, ໃນນັ້ນຍັງມີ ຫ້ອງວາງສະແດງ ແລະ ຂາຍສິນຄ້າຫັດຖະກໍາ ຈາກ ສສ ຫວຽດນາມ, ມຽນມາ, ຣາຊະອານາຈັກໄທ ແລະ ຍີ່ປຸ່ນ, ນອກຈາກນີ້ຍັງມີກິດຈະກໍາທີ່ໂດດເດັ່ນ ແລະ ມີຄວາມເປັນພິເສດທີ່ສຸດ ແລະ ເປັນຄັ້ງທໍາອິດ ໃນປະຫວັດຄວາມເປັນມາຂອງງານມະຫາກໍາສີ ມືຫັດຖະກໍາລາວຄື: ການປະກວດທິດາຫັດຖະກໍາລາວ ພາຍໃຕ້ການຮ່ວມມືລະຫວ່າງສະມາຄົມຫັດຖະກໍາ ແລະ ສູນກາງຊາວໜຸ່ມປະຊາຊົນ ປະຕິວັດລາວ ແລະ ຍັງມີອີກຫຼາຍກິດຈະກຳຕື່ມອີກ, ການວາງສະແດງ ແລະ ຂາຍສິນຄ້າຫັດຖະກໍາ ປະກອບດ້ວຍຫຼາຍພາກສ່ວນຄື: ພາກສ່ວນເຄື່ອງປະດັບ, ພາກສ່ວນເຄື່ອງ ຈັກສານ, ພາກສ່ວນຜະລິດຕະພັນວັດທະນະທໍາ, ພາກສ່ວນອາຫານພື້ນເມືອງ, ສະໝຸນໄພ ແລະ ອື່ນໆ.
 |
ໂອກາດດັ່ງກ່າວ, ທ່ານ ມະໄລທອງ ກົມມະສິດ ໄດ້ກ່າວເປີດງານງານຢ່າງເປັນທາງການ ຈາກນັ້ນ, ທ່ານ ສັນຕິພາບ ພົມວິຫານ ພ້ອມດ້ວຍແຂກກິດຕິມະສັກ ໄດ້ຂຶ້ນຈຳລອງຂະບວນການສາວໄໝ ແລະ ລັ່ນຄ້ອງ 9 ບາດ ເພື່ອເປັນສິລິມຸງຄຸນ ແກ່ການເປີດງານມະຫາກຳສີມືຫັດຖະກຳລາວ ຄັ້ງທີ 25 ປະຈຳປີ 2026, ພາຍໃຕ້ຄໍາຂວັນ “ສີໄມ້ລາຍມື ຄືອຸທິຍານແຫ່ງການທ່ອງທ່ຽວ, 25 ປີ ແຫ່ງການເຕີບໃຫຍ່ ສານສາຍໄຍພູມປັນຍາ ເຊີດຊູຄຸນຄ່າຫັດຖະກຳລາວ ສູ່ມໍລະດົກໂລກ” ຢ່າງເປັນທາງການ.
 |
(ຂ່າວ-ພາບ: ສຳນານ)
ຄໍາເຫັນ