ຄະນະກໍາມະການສົ່ງເສີມການບໍລິຈາກເລືອດ-ສົ່ງເລືອດແຫ່ງຊາດ (ຄສລ) ໄດ້ຈັດກອງປະຊຸມ ຄົບຄະນະກໍາມະການສົ່ງເສີມການບໍລິຈາກເລືອດ-ສົ່ງເລືອດແຫ່ງຊາດ ຂຶ້ນໃນວັນທີ 26 ກຸມພານີ້ ທີ່ໂຮງແຮມລາວພລາຊາ.ໂດຍການເປັນປະທານ ຂອງ ທ່ານບຸນແຝງ ພູມມະໄລສິດ ລັດຖະມົນຕີກະຊວງສາທາລະນະສຸກ, ປະທານ ຄສລ,ທ່ານພູທອນ ເມືອງປາກປະທານອົງການກາແດງແຫ່ງຊາດລາວ ຮອງປະທານຄະນະກຳມະການສົ່ງເສີມການບໍລິຈາກເລືອດ-ສົ່ງເລືອດແຫ່ງຊາດ, ທ່ານປະເດີມພອນ ສົນທະນີຮອງລັດຖະມົນຕີກະຊວງແຮງງານແລະສະຫວັດດີການສັງຄົມຮອງປະທານຄະນະກຳມະການສົ່ງເສີມການບໍລິຈາກເລືອດ-ສົ່ງເລືອດແຫ່ງຊາດ, ບັນດາທ່ານໃນ ຄສລ ທີ່ມາຈາກພາກສ່ວນຕ່າງໆ ພ້ອມດ້ວຍບັນດາທ່ານແຂກຖືກເຊີນ.
ທ່ານ ບຸນແຝງ ພູມມະໄລສິດ ກ່າວວ່າ: ກອງປະຊຸມຄັ້ງນີ້ ຖືວ່າເປັນກອງປະຊຸມທີ່ສຳຄັນ ເພື່ອສະຫຼຸບຄືນກ່ຽວກັບການຈັດຕັ້ງປະຕິບັດວຽກງານປຸກລະດົມບໍລິຈາກເລືອດ ແລະ ຕອບສະໜອງເລືອດທີ່ປອດໄພໃນໄລຍະຜ່ານມາ ພ້ອມທັງກຳນົດທິດທາງແຜນການໃນປີ 2024 ແລະ 2025. ໃນໄລຍະປີຜ່ານມາ, ໂດຍສະເພາະແມ່ນໃນໄລຍະ2023 ວຽກງານປຸກລະດົມການບໍລິຈາກເລືອດ ແລະ ຕອບສະໜອງເລືອດທີ່ປອດໄພ, ໄດ້ເອົາໃຈໃສ່ຈັດຕັ້ງປະຕິບັດຢ່າງຕັ້ງໜ້າຮ່ວມກັບການຈັດຕັ້ງຂັ້ນຕ່າງໆໃນທົ່ວປະເທດໂດຍໃຫ້ການປະກອບສ່ວນໃນການປຸກລະດົມບໍລິຈາກເລືອດຢ່າງເປັນຂະບວນການທີ່ຟົດຟື້ນຊຶ່ງສາມາດຍາດໄດ້ຜົນສຳເລັດເປັນທີ່ໜ້າພໍໃຈ ໃນປີ2023, ສະພາແຫ່ງຊາດຮັບຮອງຕາມແຜນການຕ້ອງໃຫ້ບັນລຸ 73.000ຖົງ, ສາມາດປະຕິບັດ 73.023 ຖົງ ຖືວ່າປະຕິບັດໄດ້ 100% ລື່ນແຜນການ 23ຖົງ. ເລືອດທຸກຖົງໄດ້ຮັບການກວດວິເຄາະຢ່າງເປັນລະບົບ, ສາມາດແຍກສ່ວນປະກອບຂອງເລືອດ ແລະ ຕອບສະໜອງເລືອດໃຫ້ແກ່ຄົນເຈັບໄດ້ 78.446 ຖົງ ແລະ ມີ ຄົນເຈັບຈໍານວນ 57.491 ຄົນ ໄດ້ຮັບຜົນປະໂຫຍດ.
ອີງໃສ່ຄວາມຮຽກຮ້ອງຕ້ອງການເລືອດ ເພື່ອນຳໃຊ້ເຂົ້າໃນການປິ່ນປົວຄົນເຈັບແລ້ວ ແມ່ນເຫັນວ່າ ມີນັບມື້ນັບເພີ່ມສູງຂຶ້ນເລື້ອຍໆ,ຈຳນວນຄົນເຈັບທີ່ຕ້ອງການນໍາໃຊ້ເລືອດ ສ່ວນໃຫຍ່ແມ່ນແມ່ຍິງ ທີ່ໄດ້ຮັບຜົນກະທົບຈາກການເກີດລູກ, ອຸບັດເຫດ, ການຜ່າຕັດ, ໄຂ້ເລືອດອອກ, ເດັກນ້ອຍທີ່ເປັນພະຍາດເລືອດຈາງຂັ້ນຮ້າຍແຮງ, ໄຂ້ເລືອດອອກ,ພະຍາດມະເຮັງ, ໄຂ່ຫຼັງຊຸດໂຊມ, ຂາດເລືອດມາແຕ່ກໍາເນີດ, ອຸບັດເຫດສຸກເສີນຈາກໄພທາງທໍາມະຊາດ ແລະ ອື່ນໆ. ເຖິງແມ່ນວ່າ ຄວາມຕ້ອງການເລືອດເປັນສິ່ງສໍາຄັນກໍຕາມ ແຕ່ການໄດ້ຮັບເລືອດ ແລະ ຜະລິດຕະພັນເລືອດ ຈາກເລືອດທີ່ມີຄຸນນະພາບ ແລະ ປອດໄພຍັງປະສົບກັບບັນຫາ, ຍັງບໍ່ທັນພຽງພໍກັບຄວາມຕ້ອງການ ແລະ ຍັງເປັນສິ່ງທ້າທາຍໃນດ້ານການປຸກລະດົມບໍລິຈາກເລືອດ ເພື່ອໃຫ້ໄດ້ຕາມຄາດໝາຍທີ່ວາງໄວ້.
ສຳລັບປີ2024, ຕາມແຜນການ ແລະ ຄາດໝາຍສູ້ຊົນທີ່ສະພາແຫ່ງຊາດຮັບຮອງ, ທົ່ວປະເທດຕ້ອງໃຫ້ບັນລຸ 78.000 ຖົງ. ໃນນີ້ ສູນກາງ (ກະຊວງ ອົງການ ແລະ ນະຄອນຫຼວງວຽງຈັນ) ຕ້ອງບັນລຸ 33.300 ຖົງ ແລະ ທ້ອງຖິ່ນ 44.700 ຖົງ. ປີ 2025 ຕ້ອງໃຫ້ບັນລຸ 80.400 ຖົງ ແລະ ຮອດປີ 2030 ຕ້ອງໃຫ້ບັນລຸ 120.000 ຖົງ. ນອກນັ້ນ ກໍຍັງຕ້ອງໄດ້ຮັບປະກັນໃຫ້ເລືອດທີ່ໄດ້ຮັບຈາກການບໍລິຈາກເລືອດມີຄວາມປອດໄພ ຮັບປະກັນໃຫ້ມີຄຸນນະພາບຕາມມາດຕະຖານທີ່ວາງໄວ້; ສະນັ້ນ, ພວກເຮົາໄດ້ຮ່ວມກັນ ເຮັດວຽກງານປຸກລະດົມບໍລິຈາກເລືອດ ແລະ ສະໜອງເລືອດທີ່ປອດໄພນີ້ ແມ່ນມີຄວາມໝາຍທີ່ສຸດ ຕໍ່ວຽກງານມະນຸດສະທຳເວົ້າລວມ ເວົ້າສະເພາະ ກໍແມ່ນຕໍ່ຄົນເຈັບທີ່ນອນປິ່ນປົວຢູ່ຕາມໂຮງໝໍແຫ່ງຕ່າງໆ ຖືວ່າແມ່ນມີຄວາມຈໍາເປັນທີ່ສຸດ ເພື່ອຊ່ວຍກອບກູ້ເອົາຊີວິດຂອງບັນດາຄົນເຈັບເຫຼົ່ານັ້ນ ຍ້ອນວ່າ ບໍ່ມີຢາ ຫຼື ສານອັນໃດ ໃນປັດຈຸບັນ ທີ່ເອົາມາປ່ຽນແທນການໃສ່ເລືອດໄດ້ເທື່ອ. ການປຸກລະດົມການບໍລິຈາກເລືອດ ແລະ ຕອບສະໜອງເລືອດທີ່ປອດໄພ ແມ່ນຕ້ອງໄດ້ ດໍາເນີນໄປ ຢ່າງຕໍ່ເນື່ອງ, ມີແຜນການ, ມີເປົ້າໝາຍ ແລະ ມີຈຸດສຸມ. ໃນນາມປະທານກອງປະຊຸມ ຂໍຮຽກຮ້ອງມາຍັງບັນດາທ່ານ ໃນການປະກອບຄຳຄິດຄຳເຫັນ ຂໍ້ສະເໜີແນະຕ່າງໆ ທີ່ຈະເປັນປະໂຫຍດຕໍ່ການຮັບບໍລິຈາກເລືອດໃຫ້ຫຼາຍຂຶ້ນ, ຮັບປະກັນໃຫ້ມີຄວາມປອດໄພຫຼາຍຂຶ້ນບັນຫາໃດທີ່ພວກທ່ານຍັງເຫັນວ່າຈະຕ້ອງໄດ້ເອົາໃຈໃສ່ຄວນປັບປຸງແກ້ໄຂໃຫ້ດີຂຶ້ນກໍສາມາດຍົກຂຶ້ນມາປຶກສາຫາລື ແລະ ແລກປ່ຽນນຳກັນ, ເພື່ອເອກະພາບກັນໃນການວາງແຜນການປຸກລະດົມບໍລິຈາກເລືອດແລະຕອບສະໜອງເລືອດທີ່ປອດໄພໃນ ປີ 2024-2025ນໍາອີກ.
(ຂ່າວ-ພາບ:ແສງຈັນ)
ທ່ານ ບຸນແຝງ ພູມມະໄລສິດ ກ່າວວ່າ: ກອງປະຊຸມຄັ້ງນີ້ ຖືວ່າເປັນກອງປະຊຸມທີ່ສຳຄັນ ເພື່ອສະຫຼຸບຄືນກ່ຽວກັບການຈັດຕັ້ງປະຕິບັດວຽກງານປຸກລະດົມບໍລິຈາກເລືອດ ແລະ ຕອບສະໜອງເລືອດທີ່ປອດໄພໃນໄລຍະຜ່ານມາ ພ້ອມທັງກຳນົດທິດທາງແຜນການໃນປີ 2024 ແລະ 2025. ໃນໄລຍະປີຜ່ານມາ, ໂດຍສະເພາະແມ່ນໃນໄລຍະ2023 ວຽກງານປຸກລະດົມການບໍລິຈາກເລືອດ ແລະ ຕອບສະໜອງເລືອດທີ່ປອດໄພ, ໄດ້ເອົາໃຈໃສ່ຈັດຕັ້ງປະຕິບັດຢ່າງຕັ້ງໜ້າຮ່ວມກັບການຈັດຕັ້ງຂັ້ນຕ່າງໆໃນທົ່ວປະເທດໂດຍໃຫ້ການປະກອບສ່ວນໃນການປຸກລະດົມບໍລິຈາກເລືອດຢ່າງເປັນຂະບວນການທີ່ຟົດຟື້ນຊຶ່ງສາມາດຍາດໄດ້ຜົນສຳເລັດເປັນທີ່ໜ້າພໍໃຈ ໃນປີ2023, ສະພາແຫ່ງຊາດຮັບຮອງຕາມແຜນການຕ້ອງໃຫ້ບັນລຸ 73.000ຖົງ, ສາມາດປະຕິບັດ 73.023 ຖົງ ຖືວ່າປະຕິບັດໄດ້ 100% ລື່ນແຜນການ 23ຖົງ. ເລືອດທຸກຖົງໄດ້ຮັບການກວດວິເຄາະຢ່າງເປັນລະບົບ, ສາມາດແຍກສ່ວນປະກອບຂອງເລືອດ ແລະ ຕອບສະໜອງເລືອດໃຫ້ແກ່ຄົນເຈັບໄດ້ 78.446 ຖົງ ແລະ ມີ ຄົນເຈັບຈໍານວນ 57.491 ຄົນ ໄດ້ຮັບຜົນປະໂຫຍດ.
ອີງໃສ່ຄວາມຮຽກຮ້ອງຕ້ອງການເລືອດ ເພື່ອນຳໃຊ້ເຂົ້າໃນການປິ່ນປົວຄົນເຈັບແລ້ວ ແມ່ນເຫັນວ່າ ມີນັບມື້ນັບເພີ່ມສູງຂຶ້ນເລື້ອຍໆ,ຈຳນວນຄົນເຈັບທີ່ຕ້ອງການນໍາໃຊ້ເລືອດ ສ່ວນໃຫຍ່ແມ່ນແມ່ຍິງ ທີ່ໄດ້ຮັບຜົນກະທົບຈາກການເກີດລູກ, ອຸບັດເຫດ, ການຜ່າຕັດ, ໄຂ້ເລືອດອອກ, ເດັກນ້ອຍທີ່ເປັນພະຍາດເລືອດຈາງຂັ້ນຮ້າຍແຮງ, ໄຂ້ເລືອດອອກ,ພະຍາດມະເຮັງ, ໄຂ່ຫຼັງຊຸດໂຊມ, ຂາດເລືອດມາແຕ່ກໍາເນີດ, ອຸບັດເຫດສຸກເສີນຈາກໄພທາງທໍາມະຊາດ ແລະ ອື່ນໆ. ເຖິງແມ່ນວ່າ ຄວາມຕ້ອງການເລືອດເປັນສິ່ງສໍາຄັນກໍຕາມ ແຕ່ການໄດ້ຮັບເລືອດ ແລະ ຜະລິດຕະພັນເລືອດ ຈາກເລືອດທີ່ມີຄຸນນະພາບ ແລະ ປອດໄພຍັງປະສົບກັບບັນຫາ, ຍັງບໍ່ທັນພຽງພໍກັບຄວາມຕ້ອງການ ແລະ ຍັງເປັນສິ່ງທ້າທາຍໃນດ້ານການປຸກລະດົມບໍລິຈາກເລືອດ ເພື່ອໃຫ້ໄດ້ຕາມຄາດໝາຍທີ່ວາງໄວ້.
ສຳລັບປີ2024, ຕາມແຜນການ ແລະ ຄາດໝາຍສູ້ຊົນທີ່ສະພາແຫ່ງຊາດຮັບຮອງ, ທົ່ວປະເທດຕ້ອງໃຫ້ບັນລຸ 78.000 ຖົງ. ໃນນີ້ ສູນກາງ (ກະຊວງ ອົງການ ແລະ ນະຄອນຫຼວງວຽງຈັນ) ຕ້ອງບັນລຸ 33.300 ຖົງ ແລະ ທ້ອງຖິ່ນ 44.700 ຖົງ. ປີ 2025 ຕ້ອງໃຫ້ບັນລຸ 80.400 ຖົງ ແລະ ຮອດປີ 2030 ຕ້ອງໃຫ້ບັນລຸ 120.000 ຖົງ. ນອກນັ້ນ ກໍຍັງຕ້ອງໄດ້ຮັບປະກັນໃຫ້ເລືອດທີ່ໄດ້ຮັບຈາກການບໍລິຈາກເລືອດມີຄວາມປອດໄພ ຮັບປະກັນໃຫ້ມີຄຸນນະພາບຕາມມາດຕະຖານທີ່ວາງໄວ້; ສະນັ້ນ, ພວກເຮົາໄດ້ຮ່ວມກັນ ເຮັດວຽກງານປຸກລະດົມບໍລິຈາກເລືອດ ແລະ ສະໜອງເລືອດທີ່ປອດໄພນີ້ ແມ່ນມີຄວາມໝາຍທີ່ສຸດ ຕໍ່ວຽກງານມະນຸດສະທຳເວົ້າລວມ ເວົ້າສະເພາະ ກໍແມ່ນຕໍ່ຄົນເຈັບທີ່ນອນປິ່ນປົວຢູ່ຕາມໂຮງໝໍແຫ່ງຕ່າງໆ ຖືວ່າແມ່ນມີຄວາມຈໍາເປັນທີ່ສຸດ ເພື່ອຊ່ວຍກອບກູ້ເອົາຊີວິດຂອງບັນດາຄົນເຈັບເຫຼົ່ານັ້ນ ຍ້ອນວ່າ ບໍ່ມີຢາ ຫຼື ສານອັນໃດ ໃນປັດຈຸບັນ ທີ່ເອົາມາປ່ຽນແທນການໃສ່ເລືອດໄດ້ເທື່ອ. ການປຸກລະດົມການບໍລິຈາກເລືອດ ແລະ ຕອບສະໜອງເລືອດທີ່ປອດໄພ ແມ່ນຕ້ອງໄດ້ ດໍາເນີນໄປ ຢ່າງຕໍ່ເນື່ອງ, ມີແຜນການ, ມີເປົ້າໝາຍ ແລະ ມີຈຸດສຸມ. ໃນນາມປະທານກອງປະຊຸມ ຂໍຮຽກຮ້ອງມາຍັງບັນດາທ່ານ ໃນການປະກອບຄຳຄິດຄຳເຫັນ ຂໍ້ສະເໜີແນະຕ່າງໆ ທີ່ຈະເປັນປະໂຫຍດຕໍ່ການຮັບບໍລິຈາກເລືອດໃຫ້ຫຼາຍຂຶ້ນ, ຮັບປະກັນໃຫ້ມີຄວາມປອດໄພຫຼາຍຂຶ້ນບັນຫາໃດທີ່ພວກທ່ານຍັງເຫັນວ່າຈະຕ້ອງໄດ້ເອົາໃຈໃສ່ຄວນປັບປຸງແກ້ໄຂໃຫ້ດີຂຶ້ນກໍສາມາດຍົກຂຶ້ນມາປຶກສາຫາລື ແລະ ແລກປ່ຽນນຳກັນ, ເພື່ອເອກະພາບກັນໃນການວາງແຜນການປຸກລະດົມບໍລິຈາກເລືອດແລະຕອບສະໜອງເລືອດທີ່ປອດໄພໃນ ປີ 2024-2025ນໍາອີກ.
(ຂ່າວ-ພາບ:ແສງຈັນ)
ຄໍາເຫັນ