ວ່າດ້ວຍການເກືອດຫ້າມລະເບີດລູກຫວ່ານ (CCM)ຄັ້ງທີ 12 ເພື່ອລາຍງານຄວາມຄືບໜ້າການຈັດຕັ້ງປະຕິບັດບັນດາມາດຕາຂອງສົນທິສັນຍາກໍຄືການແກ້ໄຂບັນຫາລະເບີດບໍ່ທັນແຕກ (ລບຕ), ສິ່ງທ້າທາຍແລະປຶກສາຫາລືກ່ຽວກັບການຍົກສູງຄວາມຮັບຜິດຊອບໃນການຈັດຕັ້ງປະຕິບັດສົນທິສັນຍາ CCM.
ໃນໂອກາດເຂົ້າຮ່ວມກອງປະຊຸມຄັ້ງນີ້,ທ່ານ ດາວວີ ວົງໄຊ ຫົວໜ້າກົມອົງການຈັດຕັ້ງສາກົນ ກະຊວງການຕ່າງປະເທດ ຫົວໜ້າຄະນະຜູ້ແທນສປປລາວໄດ້ນໍາສະເໜີບົດ ເພື່ອຂໍຕໍ່ໄລຍະເວລາ ຈັດຕັ້ງປະຕິບັດການສຳຫຼວດກວດກູ້ລະເບີດບໍ່ທັນແຕກຕາມມາດຕາ 4 ຂອງສົນທິສັນຍາ CCM ເປັນຄັ້ງທີສອງໂດຍຈະມີໄລຍະ ຂອງການຈັດຕັ້ງປະຕິບັດແຕ່ເດືອນສິງຫາ 2025 ຫາເດືອນສິງຫາ 2030 (ເປັນໄລຍະເວລາ 5 ປີ). ໃນນັ້ນ,ໄດ້ຊີ້ໃຫ້ເຫັນສະພາບການລວມຂອງວຽກງານແກ້ໄຂບັນຫາລບຕ, ຄວາມຄືບໜ້າຂອງການຈັດຕັ້ງປະຕິບັດມາດຕາ 4 ທີ່ສປປລາວໄດ້ຮັບການຕໍ່ໄລຍະເວລາ ຄັ້ງທີ່ 1 ແຕ່ປີ 2021 ຫາ 2025 ແລະແຜນການໃນຕໍ່ໜ້າ, ໂດຍສະເພາະໄດ້ຮຽກຮ້ອງໃຫ້ເພີ່ມຄວາມພະຍາຍາມໃນການຮ່ວມມືກັນ ຂອງທຸກພາກສ່ວນ ໃນການແກ້ໄຂບັນຫາລະເບີດ ບໍ່ທັນແຕກຢູ່ສປປລາວໃຫ້ເປັນໄປຕາມຈຸດປະສົງ ແລະ ຄາດໝາຍທາງວາງໄວ້.
ພ້ອມກັນນັ້ນ, ຄະນະຜູ້ແທນສປປລາວໄດ້ກ່າວຄໍາເຫັນຕໍ່ກອງປະຊຸມໃນຫຼາຍຫົວຂໍ້ຕາມວຽກງານບຸລິມະສິດເປັນຕົ້ນແມ່ນການແລກປ່ຽນບັນຫາລວມຂອງສາກົນໃນການຈັດຕັ້ງປະຕິບັດສົນທິສັນຍາ, ການຮ່ວມມືແລະການຊ່ວຍເຫຼືອຂອງສາກົນ, ວຽກງານການກວດກູ້ແລະໂຄສະນາສຶກສາຄວາມສ່ຽງໄພຈາກລບຕ, ວຽກງານການຊ່ວຍເຫຼືອຜູ້ຖືກເຄາະຮ້າຍ, ມາດຕະການຈັດຕັ້ງປະຕິບັດສົນທິສັນຍາ ວ່າດ້ວຍການເກືອຫ້າມລະເບີດ ລູກຫວ່ານແລະການສົ່ງເສີມບົດບາດຍິງ-ຊາຍໃນວຽກງານແກ້ໄຂບັນຫາລະເບີດບໍ່ທັນແຕກ.
ນອກຈາກນີ້, ຄະນະຜູ້ແທນ ສປປລາວຍັງໄດ້ເຂົ້າຮ່ວມກອງປະຊຸມປິ່ນອ້ອມ ທີ່ຈັດໂດຍອົງການຈັດຕັ້ງສາກົນແລະປະເທດຜູ້ໃຫ້ທຶນຕ່າງໆ,ພ້ອມກັບພົບປະສອງຝ່າຍກັບຫຼາຍພາກສ່ວນເພື່ອເຜີຍແຜ່ນະໂຍບາຍ ແລະ ວຽກງານແກ້ໄຂບັນຫາລະເບີດບໍ່ທັນແຕກຢູ່ສປປລາວກໍຄືການຂົນຂວາຍການຮ່ວມມືແລະການຊ່ວຍເຫຼືອ ຈາກສາກົນ ເພື່ອສືບຕໍ່ປົກປ້ອງຊີວິດປະຊາຊົນແລະສະຫນັບສະຫນູນການຈັດຕັ້ງປະຕິບັດ ເປົ້າໝາຍການພັດທະນາແບບຍືນຍົງ.
ກອງປະຊຸມຄັ້ງນີ້ໄດ້ຮັບຮອງເອົາບົດລາຍງານຜົນກອງປະຊຸມ ຊຶ່ງໃນນັ້ນ ໄດ້ເຫັນດີຮັບຮອງການສະເໜີຂອງ ສປປ ລາວ ໃນການຕໍ່ໄລຍະເວລາການຈັດຕັ້ງປະຕິບັດການສຳຫຼວດກວດກູ້ລະເບີດບໍ່ທັນແຕກຕາມມາດຕາ 4 ຂອງສົນທິສັນຍາເປັນຄັ້ງທີ 2 (2025-2030) ແລະ ໄດ້ຕົກລົງເຫັນດີໃຫ້ສປປລາວເປັນປະທານກອງປະຊຸມທົບທວນຄືນສົນທິສັນຍາ CCM ຄັ້ງທີ 3 ແຕ່ເດືອນກັນຍາ 2025- ກັນຍາ 2026.
ສົນທິສັນຍາວ່າດ້ວຍການເກືອດຫ້າມລະເບີດລູກຫວ່ານເປັນສົນທິສັນຍາສາກົນທີ່ໄດ້ຖືກຮັບຮອງໃນປີ 2009 ແລະປັດຈຸບັນມີລັດພາຄີທັງໝົດ 112 ປະເທດ. ສປປລາວເປັນປະເທດທີ່ສອງທີ່ໄດ້ລົງນາມແລະໄດ້ເປັນເຈົ້າພາບຈັດກອງປະຊຸມລັດພາຄີສົນທິສັນຍາ CCM ຄັ້ງທຳອິດໃນປີ 2010 ທີ່ນະຄອນຫຼວງວຽງຈັນ.
ຂ່າວ: ກະຊວງການຕ່າງປະເທດ
ຄໍາເຫັນ