 |
ສະຫາຍ ພົນຈັດຕະວາ ສາຍທອງ ປີຊາຈັນ ໄດ້ຫວນຄືນປະຫວັດການຕໍ່ສູ້ຍາດເອົາອໍານາດການປົກຄອງ (1930-1945) ໃນຕົ້ນສະຕະວັດທີ 20 ບັນດາປະເທດຈັກກະພັດລ່າເມືອງຂຶ້ນແບບເກົ່າ ໄດ້ແຜ່ອໍານາດປົກຄອງບັນດາຫົວເມືອງຂຶ້ນ, ປີ 1884 ຫວຽດນາມ ໄດ້ຕົກເປັນຫົວເມືອງຂຶ້ນຂອງຝຣັ່ງ, ປະຊາຊົນຫວຽດນາມໄດ້ສູນເສຍສິດເປັນເຈົ້າ, ບໍ່ມີອິດສະຫຼະພາບ, ຖືກກົດຂີ່ຂູດຮີດຢ່າງໜັກໜ່ວງ ແລະ ປ່າເຖື່ອນ. ດ້ວຍນໍ້າໃຈຮັກຊາດ ແລະ ຄຽດແຄ້ນຕໍ່ພວກລ່າເມືອງຂຶ້ນຜູ້ຮຸກຮານ ປະຊາຊົນຫວຽດນາມໄດ້ລຸກຮື້ຂຶ້ນຕໍ່ສູ້ຢ່າງເນື່ອງນິດລຽນຕິດ, ເກີດມີຂະບວນການຕໍ່ສູ້ຫຼາຍຂະບວນຢູ່ໃນປະເທດເຊັ່ນ: ຂະບວນການລຸກຮື້ຂຶ້ນ ບາດິງ (ແທງຮວາ ປີ 1886-1887), ຂະບວນການຕໍ່ສູ້ຂອງຣົງລິງ (ປີ 1886-1892), ຂະບວນການຕໍ່ສູ້ຂອງຟາມຈຸຈິງ (ປີ 1972-1926), ຂະບວນການຕໍ່ສູ້ຂອງຟາມໂບກເຈົາ (ປີ 1867-1940) ບັນດາຂະບວນການລຸກຮື້ຂຶ້ນດັ່ງກ່າວນັ້ນ ລ້ວນແຕ່ຖືກປະລາໄຊ ຍ້ອນບໍ່ມີແນວທາງປະຕິວັດທີ່ຖືກຕ້ອງ ແລະ ວິທະຍາສາດ, ວັນທີ 3 ກຸມພາ 1930 ພັກກອມມູນິດຫວຽດນາມ ໄດ້ຮັບການຮັບການສ້າງຕັ້ງຂຶ້ນ ເປັນບາດລ້ຽວອັນຍິ່ງໃຫຍ່ໃນປະຫວັດສາດຂອງການປະຕິວັດຫວຽດນາມ, ເປັນຂີດໝາຍໃໝ່ທີ່ສະຫວ່າງສະໄຫວໃນເສັ້ນທາງຂະຫຍາຍຕົວຂອງຊາດຫວຽດນາມ, ຜ່ານໄລຍະການຕໍ່ສູ້ອັນລະອິດລະອ້ຽວ ມາຮອດວັນທີ 2 ກັນຍາ 1945 ປະຊາຊົນຫວຽດນາມໄດ້ໂຮມຊຸມນຸມມິດຕິ່ງທີ່ສະໜາມຫຼວງບາດິງ, ປະທານ ໂຮ່ຈິມິນ ຕາງໜ້າໃຫ້ລັດຖະບານຊົ່ວຄາວ ໄດ້ອ່ານຖະແຫຼງການເອກະລາດ, ປະກາດສ້າງຕັ້ງສາທາ ລະນະລັດ ປະຊາທິປະໄຕຫວຽດນາມ.
ພ້ອມນີ້, ຍັງໄດ້ຍົກໃຫ້ເຫັນເຖິງມູນເຊື້ອ ການກຳເນີດເຕີບໃຫຍ່ຂະຫຍາຍຕົວຂອງສະຫະພັນນັກຮົບເກົ່າແຫ່ງຊາດລາວ ຕະຫຼອດໄລຍະ 24 ປີ ພາຍໃຕ້ການນໍາພາ-ຊີ້ນໍາຢ່າງໃກ້ຊິດ ຂອງກົມການເມືອງສູນກາງພັກ, ຄະນະເລຂາທິການສູນກາງພັກ, ລັດຖະບານ, ຄະນະພັກແຕ່ລະຂັ້ນ, ການສະໜັບສະໜູນອູ້ມຊູຊ່ວຍເຫຼືອຂອງບັນດາກະຊວງ-ອົງການ ແລະ ຊັ້ນຄົນໃນສັງຄົມ ສະຫະພັນນັກຮົບເກົ່າແຫ່ງຊາດລາວ ໄດ້ຮັບການປັບປຸງ ແລະ ພັດທະນາໃນຫຼາຍດ້ານໃຫ້ມີການເຕີບໃຫຍ່ຂະຫຍາຍຕົວຢ່າງບໍ່ຢຸດຢັ້ງ, ສາມາດເຄື່ອນໄຫວປະຕິບັດພາລະບົດ ບາດຂອງຕົນ ແລະ ສ້າງໄດ້ຜົນງານໃນຫຼາຍດ້ານ ເຮັດໃຫ້ສະຫະພັນນັກຮົບເກົ່າແຫ່ງຊາດລາວ ໄດ້ຮັບການຍ້ອງຍໍຈາກພັກ, ລັດຖະບານ, ປະເທດເພື່ອນມິດ ແລະ ສາກົນຢ່າງສົມກຽດ, ຮັກສາມູນເຊື້ອ 3 ດີ ແລະ 6 ຮັກສາຂອງສະຫະພັນນັກຮົບເກົ່າທີ່ໄດ້ກຳນົດໄວ້. ຂ່າວ: ຄໍາຜຸຍ ສີວິໄລ
ຄໍາເຫັນ