 |
ໃນພິທີໄດ້ມອບ-ຮັບໜ້າທີ່ລະຫວ່າງທ່ານ Dr. Eng Lykuong ປະທານ AWEN (ຜູ້ເກົ່າ) ແລະ ທ່ານ ນາງ ຈັນທະຈອນ ວົງໄຊ ປະທານສະມາຄົມນັກທຸລະກິດແມ່ຍິງ (ສທຍ)(ຜູ້ໃໝ່). ໂອກາດນີ້, ທ່ານນາງ ຈັນທະຈອນ ວົງໄຊ ປະທານ ສທຍ ໄດ້ຂຶ້ນກ່າວຮັບໜ້າທີ່ເປັນປະທານ AWEN ແລະ ຮູ້ສຶກເປັນກຽດພາກພູມໃຈເປັນຢ່າງຍິ່ງທີ່ໄດ້ຮັບຄວາມໄວ້ວາງໃຈ ແລະ ເຊື່ອໝັ້ນຈາກບັນດາປະເທດສະມາຊິກ AWEN ທີ່ໄດ້ມອບໝາຍໜ້າທີ່ອັນມີກຽດສະຫງ່າໃຫ້ສະມາຄົມນັກທຸລະກິດແມ່ຍິງລາວ ເປັນປະທານ AWEN ຄົນຕໍ່ໄປໄລຍະປີ 2026-2027 ເຊິ່ງຈະເລີ່ມຈັດຕັ້ງປະຕິບັດນັບແຕ່ເດືອນມັງກອນ 2026 ເປັນຕົ້ນໄປ ໂດຍໄດ້ຢືນຢັນຄວາມມຸ່ງໝັ້ນໃນການສືບຕໍ່ພາລະກິດທີ່ສໍາຄັນຂອງ AWEN ຄື: ສ້າງຄວາມເຂັ້ມແຂງໃຫ້ແກ່ເຄືອຂ່າຍຜູ້ປະກອບການແມ່ຍິງໃນທົ່ວອາຊຽນ; ຊຸກຍູ້ແລກປ່ຽນຄວາມຮູ້, ຄວາມສາມາດ, ການຮ່ວມມື ແລະ ການຄ້າຊາຍແດນ; ສົ່ງເສີມການພັດທະນາທາງດ້ານນະວັດຕະກໍາໃໝ່, ເສດຖະກິດຂອງຜູ້ປະກອບການແມ່ຍິງອາຊຽນ ແລະ ຄວາມຍືນຍົງ; ສ້າງກາລະໂອກາດ, ເປັນເວທີແລກປ່ຽນຄວາມຮູ້ປະສົບການຂອງຜູ້ປະກອບການແມ່ຍິງອາຊຽນໃຫ້ເຕີບໂຕ ສາມາດແຂ່ງຂັນໃນລະດັບພາກພື້ນ ແລະ ສາກົນ; ເຮັດວຽກຮ່ວມກັນເພື່ອບັນລຸຜົນສຳເລັດອັນໃໝ່ ສະທ້ອນໃຫ້ເຫັນເຖິງການສ້າງວິໄສທັດຮ່ວມກັນ, ເຊື່ອມຕໍ່ ແລະ ປະກອບສ່ວນໃນການເສີມສ້າງຄວາມກ້າວໜ້າທາງດ້ານເສດຖະກິດແບບຍືນຍົງ. ໃນພິທີໄດ້ປະກາດຮັບເອົາປະເທດຕີມໍແລສເຕເຂົ້າເປັນສະມາຊິກຂອງ AWEN ເປັນປະເທດທີ 11 ຢ່າງເປັນທາງການ.
 |
ຂ່າວ: ສະມາຄົມນັກທຸລະກິດແມ່ຍິງ
ຄໍາເຫັນ