ໃນຕອນບ່າຍວັນທີ 13 ພຶດສະພາ 2024 ນີ້ ຢູ່ທີສະໂມສອນຫ້ອງວ່າການ ເມືອງທຸລະຄົມ ແຂວງວຽງຈັນ ໄດ້ຈັດພິທີເປີດຊຸດຝືກອົບຮົມທິດສະດີການເມືອງ ແລະ ການປົກຄອງໄລຍະສັ້ນ 10 ວັນ ໃຫ້ຄະນະພັກບ້ານ-ນາຍບ້ານທົ່ວເມືອງທຸລະຄົມ, ໂດຍການໃຫ້ກຽດເປັນປະທານຮ່ວມລະຫວ່າງ ທ່ານ ນາງ ວົງເດືອນ ວັດຕະໂສ ກຳມະການພັກແຂວງ, ເລຂາພັກເມືອງ, ເຈົ້າເມືອງໆທຸລະຄົມ ແລະ ທ່ານ ຫຸມພັນ ເມືອງແສນ ອຳນວຍການໂຮງຮຽນການເມືອງ ແລະ ການປົກຄອງ ແຂວງວຽງຈັນ, ຊຶ່ງມີຄະນະຮັບຜິດຊອບທີ່ກ່ຽວຂ້ອງ, ຄະນະພັກບ້ານ, ນາຍບ້ານ, ອົງການຈັດຕັ້ງບ້ານ, ແຂກຖຶກເຂົ້າຮ່ວມ
ໃນພິທີ ທ່ານ ເຢຍວື່ ຈົ່ງເມັ່ງ ກໍາມະການພັກເມືອງ, ຫົວໜ້າຫ້ອງການຄະນະຈັດຕັ້ງເມືອງຂຶ້ນກ່າວຈຸດປະສົງ, ສະເໜີແຂກເຂົ້າຮ່ວມ ແລະ ຜ່ານເອກະສານກ່ຽວຂ້ອງເປັນຕົ້ນ: ຂໍ້ຕົກລົງຂອງທ່ານເຈົ້າແຂວງໆວຽງຈັນ ວ່າດ້ວຍການອະນຸມັດເປີດຊຸດຝຶກອົບຮົມ, ມະຕິຕົກລົງຂອງຄະນະປະຈໍາພັກເມືອງກ່ຽວກັບການອະນຸມັດແຕ່ງຕັ້ງຄະນະຮັບຜິດຊອບ ແລະ ຄະນະຊ່ວຍວຽກ, ມະຕິຕົກລົງອະນຸມັດບຸກຄະລາກອນເຂົ້າຮຽນ ແລະ ຂໍ້ຕົກລົງຂອງຄະນະຮັບຜິດຊອບ ວ່າດ້ວຍການແຕ່ງຕັ້ງຄະນະຫ້ອງ. ຈາກນັ້ນ ທ່ານ ນາງ ວາດສະໜາ ທອງມະນີວົງ ຄະນະຮັບຜິດຊອບຂອງໂຮງຮຽນການເມືອງ ແລະ ການປົກຄອງ ແຂວງວຽງຈັນ ໄດ້ຂື້ນຜ່ານແຜນການຊຸດຝຶກອົບຮົບ ແລະ ກົດລະບຽບຊຸດຝຶກອົບຮົມ ເພື່ອສ້າງໃຫ້ພະນັກງານຮາກຖານຂັ້ນບ້ານ ແລະ ອົງການຈັດຕັ້ງມະຫາຊົນໃຫ້ມີລະດັບຄວາມຮູ້ຄວາມສາມາດພື້ນຖານທາງດ້ານທິດສະດີການເມືອງ-ການປົກຄອງ, ຫຼັກສູດທີ່ນຳມາໃຊ້ເຂົ້າໃນການສິດສອນ ຮູບແບບເລັ່ງລັດໃນຄັ້ງນີ້ປະກອບມີວິຊາຮຽນທັງໝົດ 19 ບົດ, ໃນນັ້ນໄດ້ແຍກອອກເປັນ 3 ກຸ່ມຮຽນ ຄື: ກຸ່ມທີ 1 ທິດທາງລວມປະກອບມີ 4 ບົດໃຊ້ເວລາ 14 ຊົ່ວໂມງ, ກຸ່ມທີ 2 ວຽກພັກປະກອບມີ 7 ບົດໃຊ້ເວລາ 25 ຊົ່ວໂມງ, ກຸ່ມທີ 3 ວຽກງານບໍລິຫານ ແລະ ການປົກຄອງປະກອບມີ 8 ບົດ ໃຊ້ເວລາ 28 ຊົ່ວໂມງ.
ໂອກາດນີ້ ທ່ານ ນາງ ວົງເດືອນ ວັດຕະໂສ ແລະ ທ່ານ ຫຸມພັນ ເມືອງແສນ ໄດ້ຜັດປ່ຽນກັນມີຄໍາເຫັນໂອ້ລົມ ແລະ ຊີ້ນໍາຕໍ່ນັກຝຶກອົບຮົມ, ຊື່ງກ່ອນອື່ນ ໄດ້ສະແດງຄວາມຍ້ອງຍໍຊົມເຊີຍ ແລະ ພາກພູມໃຈຕໍ່ຄະນະພັກບ້ານ, ນາຍບ້ານ ກໍຄືພະນັກງານຫຼັກແຫຼ່ງຂັ້ນບ້ານທີໄດ້ເສຍສະລະເວລາອັນມີຄຸນຄ່າເຂົ້າມາຊອກຫາຄວາມຮູ້ຄວາມສາມາດ, ມາຝຶກອົບຮົມທິດສະດີການເມືອງ-ການປົກຄອງໃນຄັ້ງນີ້ ເພື່ອຍົກລະດັບຄວາມຮູ້ໃຫ່ແກ່ຕົນເອງ, ປະກອບສ່ວນເຂົ້າໃນການປະຕິບັດວຽກງານທີ່ໄດ້ຮັບມອບໝາຍ, ທິດສະດີການເມືອງ-ການປົກຄອງ ເປັນພື້ນຖານສໍາຄັນຕົ້ນຕໍທີ່ຂາດບໍ່ໄດ້ໃນລະບົບການເມືອງ-ການປົກຄອງຢູ່ແຕ່ລະຂັ້ນ ຕ້ອງໄດ້ນໍາໃຊ້ໃນການຊີ້ນໍາ-ນໍາພາ,ບໍລິຫານວຽກງານ,ຮຽກຮ້ອງໃຫ້ຜູ້ເຂົ້າຮ່ວມຝຶກອົບຮົມ ເຊີດຊູຄວາມຮັບຜິດຊອບຂອງຕົນ, ຕັ້ງໃຈຮໍ່າຮຽນ, ແລກປ່ຽນບົດຮຽນຊຶ່ງກັນ ແລະ ກັນ, ສົມທຽບພຶດຕິກໍາ ແລະ ທິດສະດີ, ເອົາໃຈໃສ່ປະຕິບັດກົດລະບຽບການຮຽນ-ການສອນ, ຮ່ວມກິດຈະກໍາກິລາ, ອອກແຮງງານ ແລະ ຊີ້ນໍາຫຼາຍບັນຫາທີ່ເປັນປະໂຫຍດອີກດ້ວຍ.ຂ່າວ: ຫຼ້າທໍ່ ປາຈ້າທໍ່.
ໃນພິທີ ທ່ານ ເຢຍວື່ ຈົ່ງເມັ່ງ ກໍາມະການພັກເມືອງ, ຫົວໜ້າຫ້ອງການຄະນະຈັດຕັ້ງເມືອງຂຶ້ນກ່າວຈຸດປະສົງ, ສະເໜີແຂກເຂົ້າຮ່ວມ ແລະ ຜ່ານເອກະສານກ່ຽວຂ້ອງເປັນຕົ້ນ: ຂໍ້ຕົກລົງຂອງທ່ານເຈົ້າແຂວງໆວຽງຈັນ ວ່າດ້ວຍການອະນຸມັດເປີດຊຸດຝຶກອົບຮົມ, ມະຕິຕົກລົງຂອງຄະນະປະຈໍາພັກເມືອງກ່ຽວກັບການອະນຸມັດແຕ່ງຕັ້ງຄະນະຮັບຜິດຊອບ ແລະ ຄະນະຊ່ວຍວຽກ, ມະຕິຕົກລົງອະນຸມັດບຸກຄະລາກອນເຂົ້າຮຽນ ແລະ ຂໍ້ຕົກລົງຂອງຄະນະຮັບຜິດຊອບ ວ່າດ້ວຍການແຕ່ງຕັ້ງຄະນະຫ້ອງ. ຈາກນັ້ນ ທ່ານ ນາງ ວາດສະໜາ ທອງມະນີວົງ ຄະນະຮັບຜິດຊອບຂອງໂຮງຮຽນການເມືອງ ແລະ ການປົກຄອງ ແຂວງວຽງຈັນ ໄດ້ຂື້ນຜ່ານແຜນການຊຸດຝຶກອົບຮົບ ແລະ ກົດລະບຽບຊຸດຝຶກອົບຮົມ ເພື່ອສ້າງໃຫ້ພະນັກງານຮາກຖານຂັ້ນບ້ານ ແລະ ອົງການຈັດຕັ້ງມະຫາຊົນໃຫ້ມີລະດັບຄວາມຮູ້ຄວາມສາມາດພື້ນຖານທາງດ້ານທິດສະດີການເມືອງ-ການປົກຄອງ, ຫຼັກສູດທີ່ນຳມາໃຊ້ເຂົ້າໃນການສິດສອນ ຮູບແບບເລັ່ງລັດໃນຄັ້ງນີ້ປະກອບມີວິຊາຮຽນທັງໝົດ 19 ບົດ, ໃນນັ້ນໄດ້ແຍກອອກເປັນ 3 ກຸ່ມຮຽນ ຄື: ກຸ່ມທີ 1 ທິດທາງລວມປະກອບມີ 4 ບົດໃຊ້ເວລາ 14 ຊົ່ວໂມງ, ກຸ່ມທີ 2 ວຽກພັກປະກອບມີ 7 ບົດໃຊ້ເວລາ 25 ຊົ່ວໂມງ, ກຸ່ມທີ 3 ວຽກງານບໍລິຫານ ແລະ ການປົກຄອງປະກອບມີ 8 ບົດ ໃຊ້ເວລາ 28 ຊົ່ວໂມງ.
ໂອກາດນີ້ ທ່ານ ນາງ ວົງເດືອນ ວັດຕະໂສ ແລະ ທ່ານ ຫຸມພັນ ເມືອງແສນ ໄດ້ຜັດປ່ຽນກັນມີຄໍາເຫັນໂອ້ລົມ ແລະ ຊີ້ນໍາຕໍ່ນັກຝຶກອົບຮົມ, ຊື່ງກ່ອນອື່ນ ໄດ້ສະແດງຄວາມຍ້ອງຍໍຊົມເຊີຍ ແລະ ພາກພູມໃຈຕໍ່ຄະນະພັກບ້ານ, ນາຍບ້ານ ກໍຄືພະນັກງານຫຼັກແຫຼ່ງຂັ້ນບ້ານທີໄດ້ເສຍສະລະເວລາອັນມີຄຸນຄ່າເຂົ້າມາຊອກຫາຄວາມຮູ້ຄວາມສາມາດ, ມາຝຶກອົບຮົມທິດສະດີການເມືອງ-ການປົກຄອງໃນຄັ້ງນີ້ ເພື່ອຍົກລະດັບຄວາມຮູ້ໃຫ່ແກ່ຕົນເອງ, ປະກອບສ່ວນເຂົ້າໃນການປະຕິບັດວຽກງານທີ່ໄດ້ຮັບມອບໝາຍ, ທິດສະດີການເມືອງ-ການປົກຄອງ ເປັນພື້ນຖານສໍາຄັນຕົ້ນຕໍທີ່ຂາດບໍ່ໄດ້ໃນລະບົບການເມືອງ-ການປົກຄອງຢູ່ແຕ່ລະຂັ້ນ ຕ້ອງໄດ້ນໍາໃຊ້ໃນການຊີ້ນໍາ-ນໍາພາ,ບໍລິຫານວຽກງານ,ຮຽກຮ້ອງໃຫ້ຜູ້ເຂົ້າຮ່ວມຝຶກອົບຮົມ ເຊີດຊູຄວາມຮັບຜິດຊອບຂອງຕົນ, ຕັ້ງໃຈຮໍ່າຮຽນ, ແລກປ່ຽນບົດຮຽນຊຶ່ງກັນ ແລະ ກັນ, ສົມທຽບພຶດຕິກໍາ ແລະ ທິດສະດີ, ເອົາໃຈໃສ່ປະຕິບັດກົດລະບຽບການຮຽນ-ການສອນ, ຮ່ວມກິດຈະກໍາກິລາ, ອອກແຮງງານ ແລະ ຊີ້ນໍາຫຼາຍບັນຫາທີ່ເປັນປະໂຫຍດອີກດ້ວຍ.ຂ່າວ: ຫຼ້າທໍ່ ປາຈ້າທໍ່.
ຄໍາເຫັນ