ແລະ ພິທີເປີດວາລະສານສະບັບພິເສດ ປີ 2025 ໃນລະຫວ່າງວັນທີ 14-16 ມັງກອນ 2025 ນີ້. ດັ່ງນັ້ນ, ໃນວັນທີ 16 ມັງກອນນີ້ ທີ່ສໍານັກງານໜັງສືພິມປະຊາຊົນໄດ້ຈັດພິທີພົບປະສອງຝ່າຍ ລະຫວ່າງໜັງສືພິມປະຊາຊົນ ສຽງຂອງສູນກາງພັກ ກັບອົງການພາສາຕ່າງປະເທດແຫ່ງຊາດຈີນ ເພື່ອພົບປະແລກປ່ຽນບົດຮຽນຮ່ວມກັນ ຊຶ່ງຝ່າຍລາວ ນໍາໂດຍທ່ານ ວັນໄຊ ຕະວິນຍານ ຮອງຫົວໜ້າຄະນະໂຄສະນາອົບຮົມສູນກາງພັກ ຫົວໜ້າບັນນາທິ ການໃຫຍ່ໜັງສືພິມປະຊາຊົນ, ພ້ອມດ້ວຍຄະນະ, ຝ່າຍ ສປ ຈີນນໍາໂດຍ ທ່ານ ກ້າວ ອັ່ນມິງ (Gao Anming ) ບັນນາທິການໃຫຍ່ອົງການພາສາຕ່າງປະເທດແຫ່ງຊາດຈີນ, ພ້ອມດ້ວຍຄະນະ.
ໃນໂອກາດດັ່ງກ່າວ, ທ່ານ ວັນໄຊ ຕະວິນຍານ ໄດ້ສະແດງຄວາມຕ້ອນຮັບ, ຊົມເຊີຍ ພ້ອມທັງຕີລາຄາສູງຕໍ່ ທ່ານ ກ້າວ ອັ່ນມິງ ພ້ອມດ້ວຍຄະນະ ທີ່ໄດ້ເດີນທາງມາຮ່ວມເປີດງານກິດຈະກໍາໃນຄັ້ງນີ້, ຢູ່ ສປປ ລາວ, ພ້ອມລາຍງານຫຍໍ້ກ່ຽວກັບການເຄື່ອນໄຫວວຽກງານຂອງໜັງສືພິມປະຊາຊົນ, ຂໍ້ສະດວກ ແລະ ຂໍ້ຫຍຸ້ງຍາກ ໃຫ້ຄະນະຜູ້ແທນ ສປ ຈີນ ໄດ້ຮັບຊາບ ແລະ ໄດ້ສະເໜີໃຫ້ຝ່າຍຈີນ ສືບຕໍ່ໃຫ້ການສະໜັບສະໜູນ, ຊ່ວຍເຫຼືອ ໂດຍສະເພາະໃນການແລກປ່ຽນບົດຮຽນດ້ານວຽກງານຂ່າວຊຶ່ງກັນ ແລະ ກັນ, ຈັດຝຶກອົບຮົມນັກຂ່າວ ແລະ ສືບຕໍ່ໃຫ້ການຊ່ວຍເຫຼືອດ້ານອຸປະກອນຮັບໃຊ້ວຽກງານຂ່າວ ແລະ ອື່ນໆ.
ການພົບປະໃນຄັ້ງນີ້ ສອງຝ່າຍໄດ້ແລກປ່ຽນບົດຮຽນຮ່ວມກັນ ໂດຍສະເພາະການພົວພັນຮ່ວມມືວຽກງານຂ່າວ ໃນໄລຍະຜ່ານມາຈົນເຖິງປັດຈຸບັນ. ພ້ອມນັ້ນ, ຍັງເປັນການປະກອບສ່ວນເພີ່ມພູນຄູນສ້າງສາຍພົວພັນມິດຕະພາບ ແລະ ການພົວພັນຮ່ວມມື ລະຫວ່າງສອງພັກ, ສອງລັດ ກໍຄືປະຊາຊົນຂອງສອງປະເທດລາວ-ຈີນ, ເວົ້າລວມ, ເວົ້າສະເພາະການຮ່ວມມືຢ່າງແໜ້ນແຟ້ນ ລະຫວ່າງໜັງສືພິມປະຊາຊົນ-ໜັງສືພິມລາຍວັນຢຸນນານ ໃຫ້ກ້າວເຂົ້າສູ່ລວງເລິກ.
ທ່ານ ກ້າວ ອັ່ນມິງ ໄດ້ສະແດງຄວາມຂອບໃຈ ທີ່ໃຫ້ການຕ້ອນຮັບຢ່າງອົບອຸຸ່ນ ພ້ອມລາຍງານຫຍໍ້ອົງການພາສາຕ່າງປະເທດແຫ່ງຊາດຈີນ, ການລາຍງານຫຍໍ້ກ່ຽວກັບໜັງສືພິມລາຍວັນຢຸນນານ ໃຫ້ທ່ານວັນໄຊ ຕິວິນຍານ ພ້ອມຄະນະ ໄດ້ຮັບຊາບ ແລະ ເນັ້ນໜັກຈະສືບຕໍ່ໃຫ້ການຊ່ວຍເຫຼືອດ້ານຕ່າງໆ, ວຽກງານຂ່າວ ແລະ ອື່ນໆ ໃນຕໍ່ໜ້າຕື່ມອີກ.
(ຂ່າວ-ພາບ: ວັນເພັງ)
ຄໍາເຫັນ