ສະຫາຍ ໄຊສົມພອນ ພົມວິຫານ ກຳມະການກົມການເມືອງສູນກາງພັກ ປະທານສະພາແຫ່ງຊາດ ແຫ່ງ ສປປ ລາວ ແລະ ສະຫາຍ ເວືອງ ດິງ ເຫວ້ ກໍາມະການກົມການເມືອງສູນກາງພັກກອມມູນິດຫວຽດນາມ ປະທານສະພາແຫ່ງຊາດ ແຫ່ງ ສສ ຫວຽດນາມ ໄດ້ເຂົ້າຮ່ວມງານພົບປະອະດີດນັກສຶກສາລາວ ທີ່ເຄີຍຮຽນຢູ່ໂຮງຮຽນ T78 ສສ ຫວຽດນາມ ເມື່ອວັນທີ 6 ທັນວາ ນີ້ ທີ່ສູນວັດທະນະທໍາຫວຽດນາມ ປະຈໍາລາວ ຊຶ່ງມີອຳນວຍການ ໂຮງຮຽນ T78, ບັນດາການນຳ, ອະດີດການນໍາ ຂັ້ນສູງຂອງຫວຽດນາມ ແລະ ລາວ, ພ້ອມດ້ວຍອະດີດນັກສຶກສາ ໂຮງຮຽນ T78 ເຂົ້າຮ່ວມ.
ໃນງານພົບປະຄັ້ງນີ້, ໄດ້ຮັບຊົມການສະແດງສິລະປະ ທີ່ສະແດງເຖິງຄວາມສາມັກຄີຮັກແພງຢ່າງສະໜິດແໜ້ນ ລະຫວ່າງປະຊາຊົນລາວ ແລະ ຫວຽດນາມ ກໍຄື ອະດີດການນໍາຂອງສອງປະເທດໄດ້ກໍ່ສ້າງຂຶ້ນ ແລະ ໄດ້ຮັບການເສີມຂະຫຍາຍມູນເຊື້ອດັ່ງກ່າວໃຫ້ງອກງາມຂຶ້ນຈົນມາຮອດປັດຈຸບັນນີ້. ຈາກນັ້ນ. ກໍໄດ້ຮັບຊົມວິດີໂອ ບົດສໍາພາດບັນດາອະດີດນັກຮຽນລາວ ແລະ ຄູ-ອາຈານຫວຽດນາມ ທີ່ເວົ້າເຖິງການດໍາລົງຊີວິດ ແລະ ການເຄື່ອນໄຫວຂອງນັກຮຽນລາວໃນເມື່ອກ່ອນ ທີ່ຢູ່ໃນສະພາບສົງຄາມ ແລະ ເຕັມໄປດ້ວຍຄວາມຫຍຸ້ງຍາກຂັດສົນ ແຕ່ບັນດາຄູ-ອາຈານ ກໍຄືຄອບຄົວຄົນຫວຽດນາມ ທີ່ນັກຮຽນລາວໄປອາໄສຢູ່ນັ້ນ ພວກເຂົາໄດ້ເອົາໃຈໃສ່ເບິ່ງແຍງ ແລະ ຮັກແພງນັກຮຽນລາວ ຄືກັບລູກແທ້ໆຂອງພວກເພິ່ນ.
ສະຫາຍ ໄຊສົມພອນ ພົມວິຫານ ໄດ້ມີຄໍາເຫັນວ່າ: ການພົບປະຄັ້ງນີ້, ເປັນໂອກາດດີໄດ້ພົບໜ້າພົບຕາ ຂອງອະດີດນັກຮຽນ, ຄູ-ອາຈານຫວຽດນາມ ພາຍຫຼັງທີ່ໄດ້ຈາກກັນມາຫຼາຍປີ ຊຶ່ງເປັນການປະກອບສ່ວນເຂົ້າໃນການເພີ່ມພູນຄູນສ້າງສາຍພົວພັນມິດຕະພາບອັນຍິ່ງໃຫ່ຍ, ຄວາມສາມັກຄີພິເສດ ແລະ ການຮ່ວມມືຮອບດ້ານ ລະຫວ່າງ ລາວ-ຫວຽດນາມ, ທັງເປັນຄວາມຊົງຈຳທີ່ບໍ່ສາມາດລືມໄດ້ ຂອງຄົນຮຸ່ນກ່ອນ ກໍຄື ຄົນຮຸ່ນໜຸ່ມ ກ່ຽວກັບປະຫວັດສາດແຫ່ງຄວາມສາມັກຄີຊ່ວຍເຫຼືອ ຊຶ່ງກັນ ແລະ ກັນ ທັງໄລຍະຕໍ່ສູ້ເພື່ອຍາດເອກະລາດແຫ່ງຊາດ ກໍຄື ໄລຍະການປົກປັກຮັກສາ ແລະ ສ້າງສາປະເທດຊາດ ໂດຍສະເພາະ ແມ່ນການສ້າງຊັບພະຍາກອນມະນຸດ ໃຫ້ແກ່ລາວ ຂອງຫວຽດນາມ.
ໃນປະຫວັດສາດ ແຫ່ງການພົວພັນຮ່ວມມື ລາວ ແລະ ຫວຽດນາມ ນັບແຕ່ມີພັກກອມມູນິດອິນດູຈີນ ທີ່ປະທານໂຮ່ຈິມິນ ສ້າງຕັ້ງຂຶ້ນ ໃນປີ 1930 ເປັນຕົ້ນມາ, ການພົວພັນຮ່ວມມື ແລະ ການຊ່ວຍເຫຼືອ ຊຶ່ງກັນ ແລະ ກັນ ລະຫວ່າງສອງປະເທດ ໄດ້ຮັບການຂະຫຍາຍຕົວຢ່າງບໍ່ຢຸດຢັ້ງ, ປະຊາຊົນສອງຊາດ ພາຍໃຕ້ການນຳພາຂອງພັກ ຢູ່ແຕ່ລະປະເທດ ກໍໄດ້ຊ່ວຍເຫຼືອກັນແບບເຂົ້າເມັດຫັກຜັກເສັ້ນແບ່ງ ໃນພາລະກິດຕໍ່ສູ້ກູ້ຊາດ ໃນເມື່ອກ່ອນ ກໍຄື ພາລະກິດປົກປັກຮັກສາ ແລະ ສ້າງສາພັດທະນາປະເທດຊາດ ໃນປັດຈຸບັນ. ເຖິງວ່າ ສະພາບການຂອງໂລກ ແລະ ພາກພື້ນຈະຍັງສືບຕໍ່ຜັນແປຢ່າງໄປໄວວາ, ສັບສົນ ແລະ ຄາດຄະເນໄດ້ຍາກ ບວກກັບກົນອຸບາຍຂອງອິດທິກຳລັງປໍລະປັກ ທີ່ຍາມໃດກໍຫາທຸກວິທີທາງເພື່ອມ້າງເພທຳລາຍ ສາຍພົວພັນພິເສດລາວ-ຫວຽດນາມ ກໍຕາມ ແຕ່ພັກ, ລັດ ແລະ ປະຊາ ຊົນສອງຊາດລາວ-ຫວຽດນາມ ຍັງພ້ອມກັນເສີມຂະຫຍາຍ ແລະ ຖະນຸຖະໜອມສາຍພົວພັນທີ່ຫາຍາກນີ້ ໃຫ້ນັບມື້ນັບຈະເລີນງອກງາມ ເກີດດອກອອກຜົນ, ໜ້າທີ່ຂອງພວກເຮົາໃນປັດຈຸບັນ ແມ່ນການສືບຕໍ່ສຶກສາອົບຮົມປະຊາຊົນ ຂອງສອງປະເທດ ໂດຍສະເພາະຊາວໜຸ່ມ, ໄວໜຸ່ມໃຫ້ເຫັນໄດ້ຄວາມ ຮັບຜິດຊອບ ຂອງຕົນໃນການ ປົກປັກຮັກສາສາຍພົວພັນທີ່ບໍລິສຸດຜຸດຜ່ອງນີ້ໃຫ້ຄົງຢູ່ຕະຫລອດໄປ.
ສະຫາຍ ເວືອງ ດິງ ເຫວ້ ໄດ້ມີຄໍາເຫັນວ່າ: ວັນທີ 1/1/1958 ກໍຄື 65 ປີກ່ອນ, ພາຍໃຕ້ການຊີ້ນຳຂອງປະທານໂຮ່ຈິມິນ ເລຂາທິການສູນກາງພັກກອມມູນິດຫວຽດນາມ ໄດ້ສ້າງຕັ້ງໂຮງຮຽນ “ພິເສດ” ຂຶ້ນກັບຄະນະກຳມະການປະເທດລາວ ມີຊື່ຫຍໍ້ວ່າ T399 ກໍຄື ໂຮງຮຽນມິດຕະພາບ T78 ມີໜ້າທີ່ຊ່ວຍ ຝຶກອົບຮົມ ຊັບພະຍາກອນມະນຸດ ເພື່ອຮັບໃຊ້ ການປະຕິວັດລາວ. ນີ້ແມ່ນໂຮງຮຽນແຫ່ງທຳອິດຂອງນັກສຶກສາຕ່າງປະເທດ ທີ່ໄດ້ຮັບການສ້າງຕັ້ງຂຶ້ນຢູ່ຫວຽດນາມ, ທັງແມ່ນໂຮງຮຽນທີ່ຝຶກອົບຮົມນັກຮຽນລາວຫຼາຍທີ່ສຸດໃນປະຫວັດສາດ. ພ້ອມນີ້, ໂຮງຮຽນຍັງໄດ້ຮັບຄວາມເອົາໃຈໃສ່ເປັນພິເສດຈາກການນຳພັກ, ລັດຫວຽດນາມ ແລະ ລາວ. ຕະຫລອດ 65 ປີຜ່ານມາ, ຄູ ແລະ ນັກຮຽນຂອງໂຮງຮຽນມິດຕະພາບ T78 ໄດ້ພະຍາຍາມຜ່ານຜ່າທຸກຄວາມຫຍຸ້ງຍາກ, ປະສົບຜົນສຳເລັດໃນໜ້າທີ່ຕາມການມອບໝາຍຂອງພັກ, ລັດ ແລະ ປະຊາຊົນ ຫວຽດນາມ ແລະ ລາວ. ມາຮອດສົກຮຽນ 2023- 2024 ໂຮງຮຽນໄດ້ຝຶກອົບຮົມນັກຮຽນລາວ 27.000 ຄົນ; ໃນນັ້ນ, ມີບັນດານັກສຶກສາຕ່າງປະເທດປະສົບຜົນສຳເລັດເປັນຈຳນວນຫຼວງຫຼາຍ ທີ່ມີຄວາມຮັບຜິດຊອບອັນສຳຄັນ ໃນການນຳພາຂອງພັກ ແລະ ລັດ ແຕ່ສູນກາງຮອດທ້ອງຖິ່ນ, ປະກອບສ່ວນສຳຄັນເຂົ້າໃນພາລະກິດປົກປັກຮັກສາ ແລະ ສ້າງສາພັດທະນາປະເທດຊາດໃຫ້ມີສັນຕິພາບ, ສະຖຽນລະພາບ ແລະ ພັດທະນາຢ່າງໝັ້ນຄົງ; ເພີ່ມທະວີການພົວພັນມິດຕະພາບທີ່ເປັນມູນເຊື້ອແບບພິເສດ ຫວຽດນາມ-ລາວ.
ການພົບປະທີ່ສະໜິດສະໜົມໃນມື້ນີ້, ແມ່ນພິເສດທີ່ສຸດ, ເປັນໂອກາດທີ່ຄູ-ອາຈານ ແລະ ນັກສຶກສາ ໄດ້ແລກປ່ຽນຄວາມຊົງຈຳກັບໂຮງຮຽນໃນເວລາເຮັດວຽກ ແລະ ຮຽນຕໍ່, ທັງເປັນໂອກາດເພື່ອໃຫ້ບັນດານັກສຶກສາຕ່າງປະເທດ ໄດ້ສະແດງຄວາມຮູ້ບຸນຄຸນຕໍ່ບັນດາຄູ-ອາຈານຮຸ່ນຕ່າງໆ, ທັງເປັນຄູ-ອາຈານ. ທັງນີ້, ກໍເພື່ອຢືນຢັນວ່າ ໂຮງຮຽນ, ຄູ ແລະ ນັກສຶກສາ ສາກົນ ບໍ່ພຽງແຕ່ປະຕິບັດໜ້າທີ່ທີ່ໄດ້ຮັບຜົນສຳເລັດເທົ່ານັ້ນ, ຫາກຍັງໄດ້ປະກອບ ສ່ວນເປັນພິເສດ ໃຫ້ແກ່ການພົວພັນມິດຕະພາບທີ່ເປັນມູນເຊື້ອ ລະຫວ່າງສອງປະເທດພວກເຮົາ.
(ຂ່າວ-ພາບ: ສຸກສະຫວັນ, ຂໍ້ມູນ: ສຸພາສະຫວັນ)
ໃນງານພົບປະຄັ້ງນີ້, ໄດ້ຮັບຊົມການສະແດງສິລະປະ ທີ່ສະແດງເຖິງຄວາມສາມັກຄີຮັກແພງຢ່າງສະໜິດແໜ້ນ ລະຫວ່າງປະຊາຊົນລາວ ແລະ ຫວຽດນາມ ກໍຄື ອະດີດການນໍາຂອງສອງປະເທດໄດ້ກໍ່ສ້າງຂຶ້ນ ແລະ ໄດ້ຮັບການເສີມຂະຫຍາຍມູນເຊື້ອດັ່ງກ່າວໃຫ້ງອກງາມຂຶ້ນຈົນມາຮອດປັດຈຸບັນນີ້. ຈາກນັ້ນ. ກໍໄດ້ຮັບຊົມວິດີໂອ ບົດສໍາພາດບັນດາອະດີດນັກຮຽນລາວ ແລະ ຄູ-ອາຈານຫວຽດນາມ ທີ່ເວົ້າເຖິງການດໍາລົງຊີວິດ ແລະ ການເຄື່ອນໄຫວຂອງນັກຮຽນລາວໃນເມື່ອກ່ອນ ທີ່ຢູ່ໃນສະພາບສົງຄາມ ແລະ ເຕັມໄປດ້ວຍຄວາມຫຍຸ້ງຍາກຂັດສົນ ແຕ່ບັນດາຄູ-ອາຈານ ກໍຄືຄອບຄົວຄົນຫວຽດນາມ ທີ່ນັກຮຽນລາວໄປອາໄສຢູ່ນັ້ນ ພວກເຂົາໄດ້ເອົາໃຈໃສ່ເບິ່ງແຍງ ແລະ ຮັກແພງນັກຮຽນລາວ ຄືກັບລູກແທ້ໆຂອງພວກເພິ່ນ.
ສະຫາຍ ໄຊສົມພອນ ພົມວິຫານ ໄດ້ມີຄໍາເຫັນວ່າ: ການພົບປະຄັ້ງນີ້, ເປັນໂອກາດດີໄດ້ພົບໜ້າພົບຕາ ຂອງອະດີດນັກຮຽນ, ຄູ-ອາຈານຫວຽດນາມ ພາຍຫຼັງທີ່ໄດ້ຈາກກັນມາຫຼາຍປີ ຊຶ່ງເປັນການປະກອບສ່ວນເຂົ້າໃນການເພີ່ມພູນຄູນສ້າງສາຍພົວພັນມິດຕະພາບອັນຍິ່ງໃຫ່ຍ, ຄວາມສາມັກຄີພິເສດ ແລະ ການຮ່ວມມືຮອບດ້ານ ລະຫວ່າງ ລາວ-ຫວຽດນາມ, ທັງເປັນຄວາມຊົງຈຳທີ່ບໍ່ສາມາດລືມໄດ້ ຂອງຄົນຮຸ່ນກ່ອນ ກໍຄື ຄົນຮຸ່ນໜຸ່ມ ກ່ຽວກັບປະຫວັດສາດແຫ່ງຄວາມສາມັກຄີຊ່ວຍເຫຼືອ ຊຶ່ງກັນ ແລະ ກັນ ທັງໄລຍະຕໍ່ສູ້ເພື່ອຍາດເອກະລາດແຫ່ງຊາດ ກໍຄື ໄລຍະການປົກປັກຮັກສາ ແລະ ສ້າງສາປະເທດຊາດ ໂດຍສະເພາະ ແມ່ນການສ້າງຊັບພະຍາກອນມະນຸດ ໃຫ້ແກ່ລາວ ຂອງຫວຽດນາມ.
ໃນປະຫວັດສາດ ແຫ່ງການພົວພັນຮ່ວມມື ລາວ ແລະ ຫວຽດນາມ ນັບແຕ່ມີພັກກອມມູນິດອິນດູຈີນ ທີ່ປະທານໂຮ່ຈິມິນ ສ້າງຕັ້ງຂຶ້ນ ໃນປີ 1930 ເປັນຕົ້ນມາ, ການພົວພັນຮ່ວມມື ແລະ ການຊ່ວຍເຫຼືອ ຊຶ່ງກັນ ແລະ ກັນ ລະຫວ່າງສອງປະເທດ ໄດ້ຮັບການຂະຫຍາຍຕົວຢ່າງບໍ່ຢຸດຢັ້ງ, ປະຊາຊົນສອງຊາດ ພາຍໃຕ້ການນຳພາຂອງພັກ ຢູ່ແຕ່ລະປະເທດ ກໍໄດ້ຊ່ວຍເຫຼືອກັນແບບເຂົ້າເມັດຫັກຜັກເສັ້ນແບ່ງ ໃນພາລະກິດຕໍ່ສູ້ກູ້ຊາດ ໃນເມື່ອກ່ອນ ກໍຄື ພາລະກິດປົກປັກຮັກສາ ແລະ ສ້າງສາພັດທະນາປະເທດຊາດ ໃນປັດຈຸບັນ. ເຖິງວ່າ ສະພາບການຂອງໂລກ ແລະ ພາກພື້ນຈະຍັງສືບຕໍ່ຜັນແປຢ່າງໄປໄວວາ, ສັບສົນ ແລະ ຄາດຄະເນໄດ້ຍາກ ບວກກັບກົນອຸບາຍຂອງອິດທິກຳລັງປໍລະປັກ ທີ່ຍາມໃດກໍຫາທຸກວິທີທາງເພື່ອມ້າງເພທຳລາຍ ສາຍພົວພັນພິເສດລາວ-ຫວຽດນາມ ກໍຕາມ ແຕ່ພັກ, ລັດ ແລະ ປະຊາ ຊົນສອງຊາດລາວ-ຫວຽດນາມ ຍັງພ້ອມກັນເສີມຂະຫຍາຍ ແລະ ຖະນຸຖະໜອມສາຍພົວພັນທີ່ຫາຍາກນີ້ ໃຫ້ນັບມື້ນັບຈະເລີນງອກງາມ ເກີດດອກອອກຜົນ, ໜ້າທີ່ຂອງພວກເຮົາໃນປັດຈຸບັນ ແມ່ນການສືບຕໍ່ສຶກສາອົບຮົມປະຊາຊົນ ຂອງສອງປະເທດ ໂດຍສະເພາະຊາວໜຸ່ມ, ໄວໜຸ່ມໃຫ້ເຫັນໄດ້ຄວາມ ຮັບຜິດຊອບ ຂອງຕົນໃນການ ປົກປັກຮັກສາສາຍພົວພັນທີ່ບໍລິສຸດຜຸດຜ່ອງນີ້ໃຫ້ຄົງຢູ່ຕະຫລອດໄປ.
ສະຫາຍ ເວືອງ ດິງ ເຫວ້ ໄດ້ມີຄໍາເຫັນວ່າ: ວັນທີ 1/1/1958 ກໍຄື 65 ປີກ່ອນ, ພາຍໃຕ້ການຊີ້ນຳຂອງປະທານໂຮ່ຈິມິນ ເລຂາທິການສູນກາງພັກກອມມູນິດຫວຽດນາມ ໄດ້ສ້າງຕັ້ງໂຮງຮຽນ “ພິເສດ” ຂຶ້ນກັບຄະນະກຳມະການປະເທດລາວ ມີຊື່ຫຍໍ້ວ່າ T399 ກໍຄື ໂຮງຮຽນມິດຕະພາບ T78 ມີໜ້າທີ່ຊ່ວຍ ຝຶກອົບຮົມ ຊັບພະຍາກອນມະນຸດ ເພື່ອຮັບໃຊ້ ການປະຕິວັດລາວ. ນີ້ແມ່ນໂຮງຮຽນແຫ່ງທຳອິດຂອງນັກສຶກສາຕ່າງປະເທດ ທີ່ໄດ້ຮັບການສ້າງຕັ້ງຂຶ້ນຢູ່ຫວຽດນາມ, ທັງແມ່ນໂຮງຮຽນທີ່ຝຶກອົບຮົມນັກຮຽນລາວຫຼາຍທີ່ສຸດໃນປະຫວັດສາດ. ພ້ອມນີ້, ໂຮງຮຽນຍັງໄດ້ຮັບຄວາມເອົາໃຈໃສ່ເປັນພິເສດຈາກການນຳພັກ, ລັດຫວຽດນາມ ແລະ ລາວ. ຕະຫລອດ 65 ປີຜ່ານມາ, ຄູ ແລະ ນັກຮຽນຂອງໂຮງຮຽນມິດຕະພາບ T78 ໄດ້ພະຍາຍາມຜ່ານຜ່າທຸກຄວາມຫຍຸ້ງຍາກ, ປະສົບຜົນສຳເລັດໃນໜ້າທີ່ຕາມການມອບໝາຍຂອງພັກ, ລັດ ແລະ ປະຊາຊົນ ຫວຽດນາມ ແລະ ລາວ. ມາຮອດສົກຮຽນ 2023- 2024 ໂຮງຮຽນໄດ້ຝຶກອົບຮົມນັກຮຽນລາວ 27.000 ຄົນ; ໃນນັ້ນ, ມີບັນດານັກສຶກສາຕ່າງປະເທດປະສົບຜົນສຳເລັດເປັນຈຳນວນຫຼວງຫຼາຍ ທີ່ມີຄວາມຮັບຜິດຊອບອັນສຳຄັນ ໃນການນຳພາຂອງພັກ ແລະ ລັດ ແຕ່ສູນກາງຮອດທ້ອງຖິ່ນ, ປະກອບສ່ວນສຳຄັນເຂົ້າໃນພາລະກິດປົກປັກຮັກສາ ແລະ ສ້າງສາພັດທະນາປະເທດຊາດໃຫ້ມີສັນຕິພາບ, ສະຖຽນລະພາບ ແລະ ພັດທະນາຢ່າງໝັ້ນຄົງ; ເພີ່ມທະວີການພົວພັນມິດຕະພາບທີ່ເປັນມູນເຊື້ອແບບພິເສດ ຫວຽດນາມ-ລາວ.
ການພົບປະທີ່ສະໜິດສະໜົມໃນມື້ນີ້, ແມ່ນພິເສດທີ່ສຸດ, ເປັນໂອກາດທີ່ຄູ-ອາຈານ ແລະ ນັກສຶກສາ ໄດ້ແລກປ່ຽນຄວາມຊົງຈຳກັບໂຮງຮຽນໃນເວລາເຮັດວຽກ ແລະ ຮຽນຕໍ່, ທັງເປັນໂອກາດເພື່ອໃຫ້ບັນດານັກສຶກສາຕ່າງປະເທດ ໄດ້ສະແດງຄວາມຮູ້ບຸນຄຸນຕໍ່ບັນດາຄູ-ອາຈານຮຸ່ນຕ່າງໆ, ທັງເປັນຄູ-ອາຈານ. ທັງນີ້, ກໍເພື່ອຢືນຢັນວ່າ ໂຮງຮຽນ, ຄູ ແລະ ນັກສຶກສາ ສາກົນ ບໍ່ພຽງແຕ່ປະຕິບັດໜ້າທີ່ທີ່ໄດ້ຮັບຜົນສຳເລັດເທົ່ານັ້ນ, ຫາກຍັງໄດ້ປະກອບ ສ່ວນເປັນພິເສດ ໃຫ້ແກ່ການພົວພັນມິດຕະພາບທີ່ເປັນມູນເຊື້ອ ລະຫວ່າງສອງປະເທດພວກເຮົາ.
(ຂ່າວ-ພາບ: ສຸກສະຫວັນ, ຂໍ້ມູນ: ສຸພາສະຫວັນ)
ຄໍາເຫັນ