ພະນະທ່ານປະທານປະເທດທີ່ນັບຖືຢ່າງສູງ ແລະ ຮັກແພງ, ຂ້າພະເຈົ້າໄດ້ຮັບຂ່າວທີ່ແສນເສົ້າສະຫຼົດໃຈ ກ່ຽວກັບ ການມໍລະນະກຳ ຂອງ ພະນະທ່ານ ຄຳໄຕ ສີພັນດອນ ອະດີດປະທານຄະນະບໍລິຫານງານສູນກາງພັກປະຊາຊົນປະຕິວັດລາວ ອະດີດປະທານປະເທດ ແຫ່ງ ສປປ ລາວ ເມື່ອວັນທີ 2 ເມສາ 2025 ລວມອາຍຸ 102 ປີ.
ຂ້າພະເຈົ້າຂໍສະແດງຄວາມໂສກເສົ້າເສຍໃຈເປັນຍ່າງຍິ່ງ ຕໍ່ການມໍລະນະກຳຂອງພະນະທ່ານ ຄຳໄຕສີພັນດອນຊຶ່ງເປັນການສູນເສຍຜູ້ຊົງຄຸນວຸດທິທາງການເມືອງແຫ່ງຊາດ ແລະ ວິລະບູລຸດທີ່ດີເດັ່ນຜູ້ໜຶ່ງຂອງປະເທດ ແລະ ປະຊາຊົນລາວຊຶ່ງໃນໄລຍະຜ່ານມາພະນະທ່ານໄດ້ປະກອບສ່ວນຢ່າງຕັ້ງໜ້າໃນພາລະກິດການສ້າງສາ ແລະ ພັດທະນາ ສາທາລະນະລັດ ປະຊາທິປະໄຕ ປະຊາຊົນລາວ.
ສົມເດັດພະຣາຊີນີ ພະຣາຊະມານດາ ແຫ່ງຊາດຂະແມ ແລະ ຂ້າພະເຈົ້າ ພ້ອມທັງຄະນະນຳທຸກຂັ້ນ ແລະ ປະຊາຊົນ ໃນຣາຊະອານາຈັກ ກຳປູເຈຍ ຂໍສະແດງຄວາມເສົ້າສະຫຼົດໃຈ ແລະ ອາໄລອາວອນມາຍັງຄອບຄົວ ແລະ ປະຊາຊົນລາວ.
ຂ້າພະເຈົ້າ ຂໍໃຫ້ດວງວິນຍານຂອງພະນະທ່ານ ຄຳໄຕ ສີພັນດອນ ຈົ່ງໄປສູ່ສຸຄະຕິດ້ວຍເທີ້ນ.
ຄໍາເຫັນ