![ບໍລິຈາກເລືອດສະຫຼອງວັນກາແດງ ແລະ ຊີກວົງເດືອນແດງສາກົນ ຄົບຮອບ 163 ປີ]()
ສະຖາບັນເລືອດແຫ່ງຊາດ, ອົງການກາແດງແຫ່ງຊາດລາວ ໄດ້ຈັດກິດຈະກຳບໍລິຈາກເລືອດ ເພື່ຶອສະເຫຼີມສະຫຼອງວັນກາແດງ ແລະ ຊິກວົງເດືອນແດງສາກົນ ຄົບຮອບ 163 ປີ (8/5/1863-8/5/ 20226), ພາຍໃຕ້ຄຳຂັວນ “ຮ່ວມແຮງຮ່ວມໃຈ ເພື່ອມະນຸດສະທຳ” ຂຶ້ນໃນວັນທີ 6 ພຶດສະພານີ້ ທີ່ສູນ ການຄ້າລາວ-ໄອເຕັກ, ໂດຍໃຫ້ກຽດເຂົ້າຮ່ວມ ຂອງ ທ່ານ ຄຳລາວັນ ຈັນທະລາວັນ ປະທານອົງ ການ ກາແດງແຫ່ງຊາດລາວ, ມີພາກສ່ວນທີ່ກ່ຽວຂ້ອງ ແລະ ນັກຮຽນ, ນັກສຶກສາເຂົ້າຮ່ວມ.
![ປະຊາຊົນບ້ານແກ້ງຕາງານ ໃຫ້ຄວາມສຳຄັນນໍາພາລູກ-ຫຼານມາຢອດຢາວັກຊິນໂປລີໂອ]()
ທ່ານ ສົມດີ ວົງຈິນດາ ຮອງນາຍບ້ານແກ້ງຕາງານ ເມືອງສອງຄອນ ແຂວງສະຫວັນນະເຂດ ໄດ້ໃຫ້ສຳພາດຕໍ່ສື່ມວນຊົນໃນວັນທີ 5 ພຶດສະພານີ້ ທີ່ບ້ານດັ່ງກ່າວວ່າ: ບ້ານແກ້ງຕາງານໄດ້ເອົາໃຈໃສ່ໃຫ້ຄວາມສຳຄັນໃນການໂຄສະນາປະຊາສຳພັນ ແນະນຳໃຫ້ປະຊາຊົນເຂົ້າໃຈກ່ຽວກັບການນໍາພາລູກ-ຫຼານມາຮັບການຢອດຢາວັກຊິນປ້ອງກັນພະຍາດໂປລີໂອ ກໍຄືການປ້ອງກັນບໍ່ໃຫ້ເດັກເປັນພະຍາດເປ້ຍລ່ອຍ ເພື່ອໃຫ້ປະຊາຊົນພາຍໃນບ້ານໄດ້ມີຄວາມເຂົ້າໃຈເປັນຢ່າງດີ.
![ເລີ່ມຈັດຕັ້ງປະຕິບັດ ໂຄງການເບິ່ງແຍງສຸຂະພາບແມ່ ແລະ ເດັກແບບຕໍ່ເນື່ອງ]()
ພິທີເຊັນບົດບັນທຶກຄວາມເຂົ້າໃຈ ໂຄງການເບິ່ງແຍງສຸຂະພາບແມ່ ແລະ ເດັກແບບຕໍ່ເນື່ອງ ໂດຍການນໍາໃຊ້ແນວຄວາມຄິດຈາກພຶດຕິກຳ ເພື່ອສົ່ງເສີມທາງເລືອກດ້ານສຸຂະພາບໃນທາງບວກ ລະຫວ່າງ ພະແນກສາທາລະນະສຸກແຂວງຄໍາມ່ວນ ແລະ ອົງການໄອຊັບ ປະຈໍາ ສປປ ລາວ ເພື່ອເພີ່ມອັດຕາຂອງແມ່ ແລະ ເດັກ ຜູ້ທີ່ໄດ້ຮັບບໍລິການເບິ່ງແຍງສຸຂະພາບຢ່າງຕໍ່ເນື່ອງ ເລີ່ມແຕ່ການຝາກທ້ອງຈົນເຖິງໄດ້ຮັບການສັກຢາກັນພະຍາດຮອດປົກກະຕິ. ສໍາລັບກິດຈະກຳດັ່ງກ່າວນີ້, ຈະຊ່ວຍສ້າງຄວາມສາມາດໃຫ້ບຸກຂະລາກອນຄູ່ຮ່ວມງານທາງດ້ານແນວຄວາມຄິດຈາກພຶດຕິກຳ, ສ້າງຄວາມເຂັ້ມແຂງໃຫ້ການບໍລິການສຸຂະພາບແມ່ ແລະ ເດັກ ຜ່ານການນໍາໃຊ້ແນວຄວາມຄິດຈາກພຶດຕິກຳໂດຍທີມງານແພດເຄື່ອນທີ່, ສົ່ງເສີມລະບົບຊຸມຊົນໂດຍການນໍາໃຊ້ແນວຄວາມຄິດຈາກພຶດຕິກຳຜ່ານການມີສ່ວນຮ່ວມຂອງທ້ອງຖິ່ນ, ສົ່ງເສີມການມີສ່ວນຮ່ວມຂອງຊຸມຊົນ ແລະ ພາກສ່ວນທີ່ກ່ຽວຂ້ອງ.
![ໂຄງການ ກ້າວຕາມຮອຍພະບໍຣົມມະສາສະດາ ຜ່າຕັດຫົວເຂົ່າ ແລະ ຂໍ້ສະໂພກທຽມ]()
ພິທີເປີດໂຄງການ "ກ້າວຕາມຮອຍພະບໍຣົມມະສາສະດາ" ຜ່າຕັດຫົວເຂົ່າ ແລະ ຂໍ້ສະໂພກທຽມ ໃຫ້ແກ່ຜູ້ດ້ອຍໂອກາດ ໄດ້ຈັດຂຶ້ນໃນວັນທີ 4 ພຶດສະພາ ນີ້ ທີ່ໂຮງໝໍມິດຕະພາບ ນະຄອນຫຼວງວຽງຈັນ, ໂດຍມີ ທ່ານ ບຸນເສີດ ແກ້ວປະສິດ ຮອງລັດຖະມົນຕີກະຊວງສາທາລະນະສຸກ, ທ່ານນາງ ຄຣອງຂະນິດ ຣັກຈະເລີນ ເອກອັກຄະຣາຊະທູດໄທປະຈຳ ສປປ ລາວ, ທ່ານ ກີຣະຕິ ຈະເຣີນຊົນວານິດ ປະທານໂຄງການກ້າວຕາມຮອຍພະບໍຣົມມະສາສະດາ, ທ່ານ ສອນໄຊ ລາດຊະວົງ ຜູ້ອໍານວຍການໂຮງໝໍມິດຕະພາບພ້ອມດ້ວຍພະນັກງານແພດໝໍຈາກໂຮງໝໍມິດຕະພາບ ແລະ ແຂກຖືກເຊີນເຂົ້າຮ່ວມ.
![ຄອບຄົວ ໄຊສຸລິວົງ ຈະສືບຕໍ່ຊ່ວຍເຫຼືອສັງຄົມຢ່າງຕໍ່ເນື່ອງ]()
ທ່ານ ນາງ ຂັນທອງ ໄຊສຸລິວົງ ຕາງໜ້າຄອບຄົວໄຊສຸລິວົງ ໄດ້ໃຫ້ສໍາພາດຕໍ່ນັກຂ່າວໜັງສືພິມປະຊາຊົນ ເມື່ອບໍ່ດົນມານີ້ ທີ່ນະຄອນຫຼວງວຽງຈັນວ່າ: ການຊ່ວຍເຫຼືອສັງຄົມເປັນຄວາມພາກພູມໃຈ, ນໍ້າໃຈມະນຸດສະທໍາ ຊຶ່ງກັນ ແລະ ກັນ ທີ່ສັງຄົມຕ້ອງມີ. ໃນຕະຫຼອດໄລຍະຜ່ານມາ ຄອບຄົວໄຊສຸລິວົງ ກໍໄດ້ຊ່ວຍເຫຼືອສັງຄົມຢ່າງຕໍ່ເນື່ອງ ໂດຍສະເພາະຊ່ວຍເຫຼືອໄພນໍ້າຖ້ວມ, ອັກຄີໄພ, ຊ່ວຍເຫຼືອຜູ້ທຸກຍາກ ທີ່ປະຊາຊົນຮຽກຮ້ອງຕ້ອງການ ແລະ ອື່ນໆ ໂດຍໄດ້ຊ່ວຍເຫຼືອຢ່າງເຕັມທີ່ ແລະ ຊ່ວຍເຫຼືອມາເລື້ອຍໆຈົນມາຮອດປັດຈຸບັນ. ເມື່ອບໍ່ດົນມານີ້, ທາງຄອບຄົວ ໄຊສຸລິວົງ ກໍຍັງໄດ້ນໍາເອົາເຄື່ອງຈັກຟອກໄຂ່ຫຼັງ ຈໍານວນ 3 ເຄື່ອງລຸ້ນ Full Option ຊຶ່ງມີມູນຄ່າ 71,100 ໂດລາ ໄປມອບໃຫ້ໂຮງໝໍມິດຕະພາບ (150 ຕຽງ) ຊຶ່ງເປັນເທື່ອທໍາອິດທີ່ຄອບຄົວໄຊສຸລິວົງ ໄດ້ນໍາເອົາເຄື່ອງມາມອບໃຫ້ໂຮງໝໍມິດຕະພາບໃນຄັ້ງນີ້.
![ເມືອງພຽງ ເປີດຂະບວນການອະນາໄມເພື່ອປ້ອງກັນພະຍາດໄຂ້ຍຸງລາຍ ປະຈໍາປີ 2026]()
ຫ້ອງການສາທາລະນະສຸກ ເມືອງພຽງ ແຂວງໄຊຍະບູລີ ໄດ້ເປີດຂະບວນການອະນາໄມເພື່ອປ້ອງກັນພະຍາດໄຂ້ຍຸງລາຍ ປະຈໍາປີ 2026 ຂຶ້ນໃນວັນທີ 30 ເມສາຜ່ານມາ ຢູ່ທີ່ຫ້ອງປະຊຸມບ້ານ ເມືອງພຽງ ໂດຍການເຂົ້າຮ່ວມຂອງທ່ານ ບຸນທະວີ ຊົງເຮີ ຮອງປະທານຄະນະກຳມະການປົກຄອງເມືອງ ຜູ້ຊີ້ນຳວຽກງານວັດທະນະທຳສັງຄົມ, ມີອົງການປົກຄອງບ້ານອ້ອມຂ້າງເຂດເມືອງພຽງ, ພະນັກງານແພດໝໍ, ພ້ອມດ້ວບປະຊາຊົນພາຍໃນບ້ານເມືອງພຽງເຂົ້າຮ່ວມ.
![ອາກາດຮ້ອນ ຕ້ອງຮູ້ວິທີປ້ອງກັນຕົນເອງ]()
ປັດຈຸບັນອາກາດຮ້ອນອົບເອົ້າ ໂດຍສະເພາະຢູ່ນະຄອນຫຼວງວຽງຈັນ ບາງມື້ອຸນຫະພູມເພີ່ມສູງຂຶ້ນເກືອບ 40 ອົງສາ. ອາກາດຮ້ອນເອົ້າ ສາມາດສົ່ງກະທົບຕໍ່ສຸຂະພາບຂອງຄົນເຮົາ ແລະ ອາດຮຸນແຮງເຖິງຂັ້ນເສຍຊີວິດໄດ້ ເປັນຕົ້ນຜູ້ສູງອາຍຸ, ເດັກນ້ອຍ, ແມ່ຍິງຖືພາ, ຄົນທີ່ເຮັດວຽກກາງແຈ້ງ ແລະ ຄົນທີ່ມີພະຍາດປະຈຳຕົວ. ສະນັ້ນ, ທຸກຄົນຕ້ອງຮູ້ວິທີປ້ອງກັນຕົນເອງ ແລະ ຄົນໃນຄອບຄົວ.
![ຝຸ່ນ PM2.5 ມີຄວາມສ່ຽງສູງສົ່ງຜົນກະທົບຕໍ່ສຸຂະພາບຂອງຄົນເຮົາ]()
ປັດຈຸບັນອາກາດຮ້ອນເອົ້າ, ມີຝຸ່ນຄວັນ ກໍ່ໃຫ້ເກີດມົນລະພິດທາງອາກາດ (ຝຸ່ນ PM2.5) ມີຄວາມສ່ຽງສູງສົ່ງຜົນກະທົບຕໍ່ສຸຂະພາບຂອງຄົນເຮົາ ໂດຍສະເພາະຜູ້ທີ່ມີຄວາມສ່ຽງສູງຈາກມົນລະພິດທາງອາກາດ ເປັນຕົ້ນເດັກນ້ອຍ, ຜູ້ອາຍຸສູງ, ແມ່ຍິງຖືພາ, ຜູ້ທີ່ເປັນພະຍາດຫອບຫືດ, ພະຍາດປອດຊໍາເຮື້ອ (COPD), ອາການພູມແພ້ທາງເດີນຫາຍໃຈ, ຄວາມດັນເລືອດສູງ, ໄຂມັນໃນເສັ້ນ ເລືອດ, ພະຍາດເບົາຫວານ, ພະຍາດອ້ວນ, ລະບົບຫຼອດເລືອດຊຸດໂຊມ, ຜູ້ທີ່ເຮັດວຽກ ຫຼື ອາໄສຢູ່ເຂດທີ່ມີມົນລະພິດໃນລະດັບສູງຢ່າງຕໍ່ເນື່ອງ ກໍຈະໄດ້ຮັບຜົນກະທົບຮ້າຍແຮງຂຶ້ນ.
![ໄລຍະປີໃໝ່ລາວ ມີຄົນເຈັບເກີດຈາກອຸບັດເຫດເຂົ້າປິ່ນປົວຢູ່ໂຮງໝໍມິດຕະພາບ 300 ກວ່າຄົນ]()
ໃນໄລຍະສະເຫຼີມສະຫຼອງບຸນປີໃໝ່ລາວ ພ.ສ 2569 ນັບແຕ່ວັນທີ 11-16 ເມສາ 2026 ນີ້, ມີຄົນເຈັບທີ່ເກີດຈາກອຸບັດເຫດ ຕາມທ້ອງຖະໜົນ ເຂົ້າມາປິ່ນປົວຢູ່ໂຮງໝໍມິດຕະພາບ (150 ຕຽງ) ທັງໝົດ 326 ຄົນ ຍິງ 86 ຄົນ, ເສຍຊີວິດ 1 ຄົນ.
![ສຳມະນາວຽກງານວິຊາການອາຍຸຣະສາດ-ການແພດສຸກເສີນ ແລະ ລັງສີຮູບພາບການແພດ]()
ໂຮງໝໍເຊດຖາທິຣາດ ໄດ້ຈັດກອງປະຊຸມສຳມະນາວຽກງານວິຊາການອາຍຸຣະສາດ-ການແພດສຸກເສີນ ແລະ ລັງສີຮູບພາບການແພດ ເພື່ອເປັນການສົ່ງເສີມຄວາມຮູ້, ທັກສະທາງດ້ານການແພດ ແລະ ການແລກປ່ຽນປະສົບການດ້ານການແພດທີ່ມີການພັດທະນາຢ່າງຕໍ່ເນື່ອງໃນປັດຈຸບັນໄດ້ຈັດຂຶ້ນໃນວັນທີ 27 ມີນານີ້ ທີ່ໂຮງໝໍເຊດຖາທິຣາດ, ໂດຍການເປັນປະທານຂອງ ທ່ານ ເກດມະນີ ເພັດສິຣິແສງ ຮອງອຳນວຍການໂຮງໝໍມິດຕະພາບ ຫົວໜ້າພາກວິຊາອາຍຸລະສາດ ຄະນະແພດສາດ ມະຫາວິທະຍາໄລ ວິທະຍາສາດສຸຂະພາບ, ທ່ານ ສີໃໝ່ ບຸດພຣົມວິຫານ ຮອງຜູ້ອຳນວຍການໂຮງໝໍເຊດຖາທິຣາດ ແລະ ມີ ແພດໝໍ, ນັກສຶກສາແພດ ແລະ ພາກສ່ວນກ່ຽວຂ້ອງເຂົ້າຮ່ວມ.
ຄໍາເຫັນ