ງານວາງສະແດງInnoEx2024

ຜູ້ປະກອບການກ່ຽວກັບເຕັກໂນໂລຊີຢູ່ ສປປ ລາວ ເຂົ້າຮ່ວມງານInnoEx2024 ທີ່ນະຄອນໂຮ່ຈິມິນ

13:08 11/09/2024

ເມື່ອບໍ່ດົນມານີ້, ກົມເຕັກໂນໂລໂຊີດີຈີຕອນ ກະຊວງເຕັກໂນໂລຊີ ແລະ ການສື່ສານ (ກຕສ)ໄດ້ນຳພາບັນດາບໍລິສັດທີ່ດຳເນີນທຸລະກິດກ່ຽວກັບເຕັກໂນໂລຊີ ຈຳນວນ 10 ບໍລິສັດ

ຄື: ບໍລິສັດ Prepath; Pano Construction and Electrical Installation Sole Co., Ltd; SVLF Sole Company Limited, 4B Co., LTD; Smart Technology; Mekong Digital; Vendee X; 64 Bit; Anouvong Marketing;JB Designທີ່ໄດ້ຮັບການຄັດເລືອກ ຜ່ານການລົງທະບຽນອອນລາຍ ແລະ ການສໍາພາດຕົວຈິງ ເພື່ອເລືອກເຟັ້ນເອົາບໍລິສັດທີ່ຖືກຕາມເງື່ອນໄຂໂດຍຜ່ານອົງການ UNIDO ITPO ພາຍໃຕ້ໂຄງການສະໜັບສະໜູນສ້າງສວນອຸທິຍານດີຈີຕອນ ແລະ ຝຶກອົບຮົມຊ່ຽວຊານໄອທີ ຂອງ ສປປ ລາວ ເຂົ້າຮ່ວມງານວາງສະແດງInnoEx2024 ໄດ້ຈັດຂຶ້ນຢູ່ນະຄອນໂຮ່ຈິມິນສສ ຫວຽດນາມ.
ຈຸດປະສົງໃນການນໍາພາບໍລິສັດເຂົ້າຮ່ວມງານດັ່ງດ່າວ, ກໍເພື່ອເປັນການຊຸກຍູ້ສົ່ງເສີມໃຫ້ແກ່ບັນດາບໍລິສັດໄອທີ ຂອງ ສປປ ລາວ ໄດ້ມີໂອກາດໃນການນໍາສະເໜີແລກປ່ຽນບົດຮຽນກ່ຽວກັບຄວາມກ້າວໜ້າທາງດ້ານເຕັກໂນໂລຊີ ແລະ ນະວັດຕະກໍາຂອງ ສປປ ລາວ ໃນເວທີພາກພື້ນ, ສ້າງເງື່ອນໄຂໃຫ້ແກ່ບໍລິສັດໃນດຶງດູດການຮ່ວມມືທີ່ມີທ່າແຮງກັບບັນດາປະເທດອາຊຽນ, ເພື່ອເກັບກຳຄວາມຮູ້ ແລະ ຖອດຖອນບົດຮຽນກ່ຽວກັບເຕັກໂນໂລຊີທີ່ພົ້ນເດັ່ນ ແລະ ທ່າອ່ຽງທີ່ກ່ຽວຂ້ອງກັບຕະຫຼາດ ສປປ ລາວ ຊຸກຍູ້ສົ່ງເສີມວິໄສທັດ ສປປ ລາວ ໃຫ້ເປັນສູນກາງທາງດ້ານເຕັກໂນໂລຊີ ແລະ ນະວັດຕະກໍາທີ່ເຕີບໃຫຍ່ຂະຫຍາຍຕົວພາຍໃນພາກພື້ນອາຊຽນ.
ງານດັ່ງກ່າວແມ່ນເຫດການອັນໜຶ່ງທີ່ສະແດງໃຫ້ເຫັນເຖິງການປະດິດສ້າງເຕັກໂນໂລຢີໃໝ່ຫຼ້າສຸດໃນທົ່ວພາກພື້ນອາຊຽນ, ເປັນງານວາງສະແດງທີ່ເຕົ້າໂຮມເອົາ ຜູ້ຊ່ຽວຊານທາງດ້ານນະວັດຕະກຳ, ບໍລິສັດ start-up ແລະ ບັນດາບໍລິສັດເຕັກໂນໂລຊີ 100 ກວ່າບໍລິສັດ ເພື່ອຈັດສະແດງຜະລິດຕະພັນ ແລະ ບໍລິການທີ່ທັນສະໄໝ ໂດຍສະເພາະແມ່ນການນໍາໃຊ້ລະບົບ AI, Blockchain, IoT ແລະ ການເງິນດີຈີຕອນ. ນອກຈາກນັ້ນ, ພາຍໃນງານດັ່ງກ່າວຍັງມີເວທີການນຳສະເໜີ, ຫົວຂໍ້ສົນທະນາ ແລະ ການແຂ່ງຂັນຂອງບັນດາບໍລິສັດທີ່ເຂົ້າຮ່ວມອີກດ້ວຍ.
ໃນການເຂົ້າຮ່ວມງານຄັ້ງນີ້, ບັນດາບໍລິສັດຈາກ ສປປ ລາວ ໄດ້ວາງສະແດງຜະລິດຕະພັນ ແລະ ການບໍລິການຂອງຕົນຢູ່ພາຍໃນງານ ທີ່ໄດ້ດຶງດູດຄວາມສົນໃຈຈາກຜູ້ເຂົ້າຮ່ວມພາກພື້ນ ແລະ ສາກົນ; ພ້ອມທັງໄດ້ມີການເຂົ້າຮ່ວມກອງປະຊຸມສົນທະນາ, ງານສຳມະນາ ແລະແລກປ່ຽນຄວາມຮູ້ກ່ຽວກັບຍຸດທະສາດເສດຖະກິດດິຈິຕອນ, ສິ່ງທ້າທາຍ ແລະ ໂອກາດ ຊຶ່ງການເຂົ້າຮ່ວມງານ InnoEx2024 ຝ່າຍລາວໄດ້ປະສົບຜົນສຳເລັດ, ເປັນປະສົບການອັນລ້ຳຄ່າ ທີ່ຊ່ວຍສ້າງແນວຄວາມຄິດໃໝ່ ແລະ ປະກອບສ່ວນສ້າງຊື່ສຽງຂອງປະເທດ.
ທັງນີ້, ກໍເພື່ອສ້າງຈັງຫວະທີ່ສໍາຄັນນໍາໄປສູ່ຜົນສໍາເລັດທີ່ເປັນຮູບປະທໍາຫຼາຍຂຶ້ນ ຊຶ່ງຈະຕ້ອງໄດ້ມີການສືບຕໍ່ປະຕິບັດຕາມການຕິດຕາມ ເພື່ອສ້າງຄວາມເຂັ້ມແຂງຂອງຄູ່ຮ່ວມມື ກ້າວໄປສູ່ການລິເລີ່ມບົດບັນທຶກຄວາມເຂົ້າໃຈ(MOUs), ມີສ່ວນຮ່ວມຢ່າງຕໍ່ເນື່ອງໃນກິດຈະກຳພາກພື້ນທີ່ຄ້າຍຄືກັນ, ການລົງທຶນ ແລະ ສະໜັບໜູນການລິເລີ່ມການຄົ້ນຄວ້າທາງດ້ານເຕັກໂນໂລຊີທີ່ໄດ້ຮັບບຸລິມະສິດເພື່ອພັດທະນາລະບົບນິເວດນະວັດຕະກຳຂອງປະເທດ.
(ຂ່າວ-ພາບ: ກຕສ)

ຄໍາເຫັນ

ຂ່າວເດັ່ນ

ກອງປະຊຸມວຽກງານສົ່ງເສີມ ແລະ ຄຸ້ມຄອງການລົງທຶນ ທົ່ວປະເທດ ຄັ້ງທີ I

12/08/2026 15:51

ຄະນະກຳມະການສົ່ງເສີມ ແລະ ຄຸ້ມຄອງການລົງທຶນ (ຄລທ) ຈັດກອງປະຊຸມວຽກງານສົ່ງເສີມ ແລະ ຄຸ້ມຄອງການລົງທຶນ ທົ່ວປະເທດ ຄັ້ງທີ I ຂຶ້ນໃນລະຫວ່າງວັນທີ 11–12 ສິງຫານີ້, ທີ່ໂຮງແຮມແລນມາກ, ນະຄອນຫຼວງວຽງຈັນ. ໂດຍການເປັນປະທານ ຂອງທ່ານ ສະເຫຼີມໄຊ ກົມມະສິດ, ຮອງນາຍົກລັດຖະມົນຕີ, ຜູ້ປະຈຳການລັດຖະບານ, ທັງເປັນປະທານ ຄລທ, ໄດ້ຮັບກຽດເຂົ້າຮ່ວມ ໃຫ້ທິດຊີ້ນຳໂດຍ ທ່ານ ສອນໄຊ ສີພັນດອນ, ນາຍົກລັດຖະມົນຕີ, ມີບັນດາທ່ານລັດຖະມົນຕີ, ເຈົ້າຄອງນະຄອນຫຼວງວຽງຈັນ, ເຈົ້າແຂວງ, ຮອງລັດຖະມົນຕີ, ພະນັກງານຫຼັກແຫຼ່ງຈາກສູນກາງ ແລະ ທ້ອງຖິ່ນ ພ້ອມດ້ວຍຜູ້ຕາງໜ້າຈາກພາກທຸລະກິດ.

ພິທີຊາປະນະກິດສົບລະດັບຊາດ ສະຫາຍ ໄຊສົມພອນ ພົມວິຫານ ຈັດຂຶ້ນຢ່າງສົມກຽດ

12/08/2026 15:29

ພິທີຊາປະນະກິດສົບລະດັບຊາດ ສະຫາຍ ໄຊສົມພອນ ພົມວິຫານ ກໍາມະການກົມການເມືອງສູນກາງພັກປະຊາຊົນ ປະຕິວັດລາວ ປະທານສະພາແຫ່ງຊາດ ແຫ່ງ ສປປ ລາວ ໄດ້ຈັດຂຶ້ນຢ່າງສົມກຽດໃນວັນທີ 12 ສິງຫານີ້ ທີ່ເດີ່ນພະທາດຫຼວງ ນະຄອນຫຼວງວຽງຈັນ, ໂດຍມີພະເຖລານຸເຖລະ, ສະຫາຍ ທອງລຸນ ສີສຸລິດ ເລຂາທິການໃຫຍ່ຄະນະບໍລິຫານງານສູນກາງພັກປະຊາຊົນ ປະຕິວັດລາວ ປະທານປະເທດ ແຫ່ງ ສປປ ລາວ, ບັນດາການນໍາຂັ້ນສູງ, ອະດີດການນໍາຂັ້ນສູງຂອງພັກ-ລັດ, ຄອບຄົວການນໍາພັກ-ລັດ ແລະ ຍາດພີ່ນ້ອງ, ມີ ສະຫາຍ ເກີມ ເຈີນ ຕູ ກໍາມະການກົມການເມືອງສູນກາງພັກ ຜູ້ປະຈໍາການຄະນະເລຂາທິການສູນກາງພັກກອມມູນິດຫວຽດນາມ, ມີບັນດາທູຕານຸທູດ, ຜູ້ຕາງໜ້າອົງການຈັດຕັ້ງສາກົນ ປະຈຳ ສປປ ລາວ ແລະ ມີບັນດາສື່ມວນຊົນ, ປະຊາຊົນເຂົ້າຮ່ວມຢ່າງຫຼວງຫຼາຍ.

ເລຂາທິການໃຫຍ່ ປະທານປະເທດ ຕ້ອນຮັບຜູ້ປະຈໍາການ ຄະນະເລຂາທິການສູນກາງພັກກອມມູນິດຫວຽດນາມ

12/08/2026 12:10

ສະຫາຍ ທອງລຸນ ສີສຸລິດ ເລຂາທິການໃຫຍ່ ຄະນະບໍລິຫານງານສູນກາງພັກ ປປ ລາວ ປະທານປະເທດ ແຫ່ງ ສປປ ລາວ ໄດ້ຕ້ອນຮັບການເຂົ້າຢ້ຽມຂໍ່ານັບຂອງ ສະຫາຍ ເຈີ່ນ ເກີມ ຕູ ກໍາມະການກົມການເມືອງສູນກາງພັກ ຜູ້ປະຈໍາການ ຄະນະເລຂາທິການສູນກາງພັກກອມມູນິດຫວຽດນາມ ພ້ອມດ້ວຍຄະນະຜູ້ແທນຂັ້ນສູງ ພັກ, ລັດ ສສ ຫວຽດນາມໃນຕອນເຊົ້າວັນທີ 12 ສິງຫານີ້, ທີ່ຫ້ອງວ່າການສູນກາງພັກ, ໃນໂອກາດເດີນທາງມາຮ່ວມພິທີໄວ້ອາໄລ ແລະ ພິທີຊາປະນະກິດສົບຂອງ ສະຫາຍ ໄຊສົມພອນ ພົມວິຫານ ກໍາມະການກົມການເມືອງສູນກາງພັກ, ປະທານສະພາແຫ່ງຊາດ ແຫ່ງ ສປປ ລາວ.

ປະທານປະເທດ ແຫ່ງ ສປປ ລາວ ຕ້ອນຮັບການເຂົ້າຢ້ຽມຂໍ່ານັບ ຂອງ ປະທານລັດຖະສະພາ ແຫ່ງ ຣາຊະອານາຈັກໄທ

11/08/2026 18:46

ໃນຕອນບ່າຍຂອງວັນທີ 11 ສິງຫາ ນີ້ ທີ່ ຫ້ອງວ່າການສຳນັກງານປະທານປະເທດ ແຫ່ງ ສປປ ລາວ, ພະນະທ່ານ ທອງລຸນ ສີສຸລິດ ປະທານປະເທດ ແຫ່ງ ສປປ ລາວ ໄດ້ຕາງໜ້າໃຫ້ ສະພາແຫ່ງຊາດ, ລັດຖະບານ, ຄອບຄົວ ພົມວິຫານ ແລະ ປະຊາຊົນລາວບັນດາເຜົ່າ ຕ້ອນຮັບ ພະນະທ່ານ ໂສພົນ ຊາຣຳ ປະທານລັດຖະສະພາ ແຫ່ງ ຣາຊະອານາຈັກໄທ ພ້ອມດ້ວຍຄະນະ ເຂົ້າຢ້ຽມຂ່ຳນັບ ໃນໂອກາດເດີນທາງມາເຂົ້າຮ່ວມພິທີວາງພວງມາລາ ເພື່ອໄວ້ອາໄລໃຫ້ແກ່ ພະນະທ່ານ ໄຊສົມພອນ ພົມວິຫານ ປະທານສະພາແຫ່ງຊາດ ແຫ່ງ ສປປ ລາວ ທີ່ ໄດ້ເຖິງແກ່ມໍລະນະກໍາໃນວັນທີ 8 ສິງຫາ 2026 ຜ່ານມາ.

ທ່ານ ທອງລຸນ ສີສຸລິດ ຕ້ອນຮັບ ສົມເດັດມະຫາ ຣັດສະເພຍທິກາ ທິພະໄດ ຄູນ ສຸດາຣີ ແຫ່ງ ລາຊະອານາຈັກກໍາປູເຈຍ

11/08/2026 18:31

ໃນວັນທີ 10 ສິງຫາ ນີ້ ທີ່ສໍານັກງານປະທານປະເທດ, ທ່ານ ທອງລຸນ ສີສຸລິດ ເລຂາທິການໃຫຍ່ຄະນະບໍລິຫານງານສູນກາງພັກປະຊາຊົນ ປະຕິວັດລາວ ປະທານປະເທດແຫ່ງ ສປປ ລາວ ໄດ້ໃຫ້ການຕ້ອນຮັບການເຂົ້າຢ້ຽມຂໍ່ານັບຂອງ ສົມເດັດ ມະຫາ ຣັດສະເພຍທິກາ ທິພະໄດ ຄູນ ສຸດາຣີ ກໍາມະການກົມການເມືອງສູນກາງພັກປະຊາຊົນກໍາປູເຈຍ ປະທານສະພາແຫ່ງຊາດ ແຫ່ງ ຣາຊະອານາຈັກກໍາປູເຈຍ ພ້ອມດ້ວຍຄະນະຜູ້ແທນຂັ້ນສູງ ພັກ, ລັດ ກໍາປູເຈຍ ໃນໂອກາດເດີນທາງມາວາງພວງມາລາ ແລະ ໄຫວ້ອາໄລ ເຖິງດວງວິນຍານຂອງ ທ່ານ ໄຊສົມພອນ ພົມວິຫານ ກໍາມະການກົມການເມືອງສູນກາງພັກ ປະທານສະພາແຫ່ງຊາດ ແຫ່ງ ສປປ ລາວ ທີ່ໄດ້ເຖິງແກ່ມໍລະນະກໍາ ໃນວັນທີ 8 ສິງຫາ 2026 ທີ່ຜ່ານມາ.

ສື່ມວນຊົນ ຍັງມີພາລະໜ້າທີ່ ອັນໜັກໜ່ວງ ທີ່ຈະຕ້ອງປະເຊີນໜ້າໃນຍຸກໃໝ່

11/08/2026 16:00

ພາຍຫຼັງປະເທດຊາດ ໄດ້ຮັບການປົດປ່ອຍ, ສປປ ລາວ ໄດ້ຮັບການສະຖາປະນາຂຶ້ນມາ, ສື່ມວນຊົນຂອງປະເທດເຮົາ ໄດ້ຮັບການພັດທະນາ ແລະ ຂະຫຍາຍຕົວທາງດ້ານປະລິມານ ແລະ ຄຸນະພາບ ຢ່າງບໍ່ຢຸດຢັ້ງ, ປະເທດເຮົາ ໄດ້ມີພາຫະນະສື່ມວນຊົນຫຼາຍປະເພດ, ຫຼາຍລະດັບ, ຫຼາຍຂະແໜງການ ແລະ ສະຖາບັນ ກໍລ້ວນແຕ່ໄດ້ສ້າງສື່ຂອງຕົນຂຶ້ນ ແລະ ບັນດາສື່ມວນຊົນເຫຼົ່ານັ້ນ ໄດ້ຕັ້ງໜ້າຮັບໃຊ້ສັງຄົມຢ່າງກວ້າງຂວາງ, ທັງເຜີຍແຜ່ຂໍ້ມູນຂ່າວສານ, ເປັນທັງຜູ້ໃຫ້ຄວາມຮູ້ຕ່າງໆ ແລະ ທັງເປັນຜູ້ອົບຮົມສັ່ງສອນຄົນໃນສັງຄົມ, ລວມທັງເຜີຍແຜ່ແນວທາງນະໂຍບາຍ, ເຜີຍແຜ່ການພັດທະນາປະເທດຊາດຢ່າງຮອບດ້ານ ໃຫ້ສາກົນຮັບຮູ້, ເຜີຍແຜ່ວັດທະນະທຳອັນດີງາມຂອງຊາດ ແລະ ອື່ນໆໄດ້ດີ, ໄດ້ຫຼາຍ ຢ່າງນັບບໍ່ຖ້ວນ, ແຕ່ເຖິງວ່າ ໄດ້ມີຜົນງານ, ຜົນສຳເລັດຫຼາຍດ້ານກໍຕາມ, ສື່ມວນຊົນລາວ ກໍຍັງມີພາລະໜ້າທີ່ ອັນໜັກໜ່ວງ ທີ່ຈະຕ້ອງໄດ້ປະເຊີນໜ້າໃນຍຸກໃໝ່ນີ້.

ເລຂາທິການໃຫຍ່ ປະທານປະເທດ ຕ້ອນຮັບການເຂົ້າຢ້ຽມຂໍ່ານັບຂອງ ສະຫາຍ ເຈີ່ນ ແທັງ ເໝີ້ນ

09/08/2026 20:43

ໃນວັນທີ 9 ສິງຫານີ້ ທີ່ຫ້ອງວ່າການສູນກາງພັກ, ສະຫາຍ ທອງລຸນ ສີສຸລິດ ເລຂາທິການ ໃຫຍ່ຄະນະບໍລິຫານງານສູນກາງພັກ ປປ ລາວ, ປະທານປະເທດແຫ່ງ ສປປ ລາວ ໄດ້ຕ້ອນຮັບ ການເຂົ້າຢ້ຽມຂໍ່ານັບ ຂອງ ສະຫາຍ ເຈີ່ນ ເເທັງ ເໝີ້ນ ກໍາມະການກົມການເມືອງສູນກາງພັກ ປະ ທານສະພາແຫ່ງຊາດ ສສ ຫວຽດນາມ ພ້ອມດ້ວຍຄະນະຜູ້ແທນຂັ້ນສູງ ພັກ, ລັດ ສສ ຫວຽດນາມ ໃນໂອກາດເດີນທາງມາວາງພວງມາລາ ແລະ ໄວ້ອາໄລເຖິງດວງວິນຍານ ຂອງ ສະຫາຍ ໄຊສົມພອນ ພົມວິຫານ ກໍາມະການກົມການເມືອງສູນກາງພັກ, ປະທານສະພາແຫ່ງຊາດ ສປປ ລາວ ທີ່ໄດ້ເຖິງແກ່ ມໍລະນະກໍາ ໃນວັນທີ 8 ສິງຫາ 2026.

ແຈ້ງຂ່າວພິເສດ ຂອງຄະນະບໍລິຫານງານສູນກາງພັກ

08/08/2026 20:29

ຄະນະບໍລິຫານງານສູນກາງພັກປະຊາຊົນປະຕິວັດລາວ, ສະພາແຫ່ງຊາດ, ລັດຖະບານ ແຫ່ງ ສາທາລະນະລັດ ປະຊາທິປະໄຕ ປະຊາຊົນລາວ, ສູນກາງແນວລາວສ້າງຊາດ ແລະ ຄອບຄົວ ພົມວິຫານ ຂໍແຈ້ງຂ່າວໂສກເສົ້າສະຫຼົດໃຈ ມາຍັງພີ່ນ້ອງຮ່ວມຊາດ, ພະນັກງານ, ສະມາຊິກພັກ, ກຳລັງປ້ອງກັນຊາດ-ປ້ອງກັນຄວາມສະຫງົບ ໃນທົ່ວປະເທດ ແລະ ເພື່ອນມິດທີ່ຢູ່ໃກ້ ແລະ ໄກ ຊາບຢ່າງທົ່ວເຖິງກັນວ່າ:

ນາຍົກລັດຖະມົນຕີ ໂອ້ລົມຕໍ່ກອງປະຊຸມສະຫຼຸບວຽກງານ 6 ເດືອນຕົ້ນປີ ສທໜລ

07/08/2026 13:01

ທ່ານ ສອນໄຊ ສີພັນດອນ ນາຍົກລັດຖະມົນຕີແຫ່ງ ສປປ ລາວ ໂອ້ລົມຕໍ່ກອງປະຊຸມສະຫຼຸບ ວຽກງານ 6 ເດືອນຕົ້ນປີ ແລະ ທິດທາງແຜນການ 6 ເດືອນທ້າຍປີ 2026 ຂອງສະມາຄົມນັກທຸລະກິດໜຸ່ມລາວ (ສທໜລ) ໃນວັນທີ 6 ສິງຫາ ນີ້ ທີ່ໂຮງແຮມສຸພັດຕາ ນະຄອນຫຼວງວຽງຈັນ: ໂດຍມີ ທ່ານ ທອງລີ ສີສຸລິດ ກໍາມະການສູນກາງພັກ ເລຂາຄະນະບໍລິຫານງານສູນກາງຊາວໜຸ່ມ ປະຊາຊົນ ປະຕິວັດລາວ, ພ້ອມດ້ວຍຄະນະບໍລິຫານງານ ແລະ ສະມາຊິກສະມາຄົມນັກທຸລະກິດໜຸ່ມລາວເຂົ້າຮ່ວມຢ່າງພ້ອມພຽງ.

ຜົນກອງປະຊຸມສະໄໝສາມັນຂອງລັດຖະບານ ປະຈຳເດືອນກໍລະກົດ

29/07/2026 11:32

ທ່ານ ເຂິງຄໍາ ແກ້ວໜູຈັນ ຮອງລັດຖະມົນຕີ ຮອງຫົວໜ້າຫ້ອງວ່າການສໍານັກງານນາຍົກລັດຖະມົນຕີ ໄດ້ຖະແຫຼງຂ່າວຕໍ່ສື່ມວນຊົນໃນວັນທີ 28 ກໍລະກົດນີ້ ທີ່ສໍານັກງານນາຍົກລັດຖະມົນຕີ ກ່ຽວກັບຜົນກອງປະຊຸມສະໄໝສາມັນຂອງລັດຖະບານ ປະຈຳເດືອນກໍລະກົດ 2026 ວ່າ: ກອງປະຊຸມສະໄໝສາມັນຂອງລັດຖະບານ ປະຈຳເດືອນກໍລະກົດ ໄດ້ຈັດຂຶ້ນໃນລະຫວ່າງວັນທີ 27-28 ກໍລະກົດ 2026 ທີ່ສໍານັກງານນາຍົກລັດຖະມົນຕີ, ພາຍໃຕ້ການເປັນປະທານຂອງທ່ານ ສອນໄຊ ສີພັນດອນ ນາຍົກລັດຖະມົນຕີ ມີບັນດາທ່ານຮອງນາຍົກລັດຖະມົນຕີ, ສະມາ ຊິກລັດຖະບານ ແລະ ຜູ້ຕາງໜ້າເຂົ້າຮ່ວມແບບເຊິ່ງໜ້າ, ບັນດາປະທານ, ຮອງປະທານ ຄະນະກຳມະການປົກຄອງນະຄອນຫຼວງວຽງຈັນ ແລະ ບັນດາແຂວງເຂົ້າຮ່ວມຜ່ານລະບົບກອງປະຊຸມທາງໄກ ເພື່ອຮັບຟັງ ແລະ ປະກອບຄຳເຫັນຕໍ່ການລາຍງານສະພາບພົ້ນເດັ່ນປະຈຳເດືອນກໍລະກົດ ແລະ ທິດທາງແຜນວຽກຈຸດສຸມປະຈຳເດືອນສິງຫາ 2026.

ເພີ່ມເຕີມ