ສພຊ - ພິທີປິດຊຸດຝຶກອົບຮົມພາສາຫວຽດນາມໃຫ້ແກ່ພະນັກງານ-ລັດຖະກອນພາຍໃນສະພາແຫ່ງຊາດ ໄດ້ຈັດຂຶ້ນໃນຕອນເຊົ້າວັນທີ 8 ເມສາ ຜ່ານມາ ໂດຍການເປັນປະທານຮ່ວມຂອງທ່ານ ລິນຄໍາ ດວງສະຫວັນ ເລຂາທິການສະພາແຫ່ງຊາດ ແລະ ທ່ານ ຫງວຽນ ບາ ຮຸ່ງ ເອກອັກຄະລັດຖະທູດວິສາມັນຜູ້ມີອຳນາດເຕັມ ແຫ່ງ ສສ ຫວຽດນາມ ປະຈຳ ສປປ ລາວ, ມີ ສະຫາຍ ນາງ ວັນດີ ບຸດທະສະວົງ ຮອງປະທານກຳມາທິການການຕ່າງປະ ເທດ ທັງເປັນຮອງຫົວໜ້າຄະນະຮັບຜິດຊອບຊຸດເຝິກອົບຮົມພາສາຫວຽດນາມ ຊຸດທີ II ໄລຍະ 2 ເດືອນ, ຄະນະຄູ-ອາຈານຈາກສະຖານທູດຫວຽດນາມ ພ້ອມດ້ວຍບັນດາສະຫາຍຄະນະກົມ, ຫົວໜ້າສູນ, ຫົວໜ້າຫ້ອງການ, ຄະນະພະແນກ ແລະ ນັກສຶກສາຊຸດເຝິກອົບຮົມດັ່ງກ່າວ ເຂົ້າຮ່ວມ
ໃນພິທີ, ໄດ້ຮັບຟັງການຜ່ານບົດສະຫຼຸບການຮຽນ-ການສອນພາສາຫວຽດນາມ ຊຸດທີ II ໄລຍະ 2 ເດືອນ, ພ້ອມທັງຜ່ານຂໍ້ຕົກລົງຂອງຄະນະເລຂາທິການສະພາແຫ່ງຊາດ ວ່າດ້ວຍການເຫັນດີມອບໃບຂອບໃຈ ແລະ ຂໍ້ຕົກລົງວ່າດ້ວຍການເຫັນດີມອບໃບຢັ້ງຢືນ, ຈາກນັ້ນ, ໄດ້ມີພິທີມອບ-ຮັບໃບຢັ້ງຢືນການເຝິກອົບຮົມໃຫ້ແກ່ນັກສຶກສາ ຈຳນວນ 17 ສະຫາຍ ຍິງ 7 ສະຫາຍ ແລະ ມອບໃບຂອບໃຈໃຫ້ແກ່ຄູ-ອາຈານ ຈຳນວນ 3 ສະຫາຍ
ທ່ານ ລິນຄຳ ດວງສະຫວັນ ໄດ້ມີຄຳເຫັນຕໍ່ພິທີໃນຄັ້ງນີ້ວ່າ: ຕະຫຼອດໄລຍະການຝຶກອົບຮົມ ແມ່ນສຸດທີ່ມີຄວາມໝາຍ ແລະ ຄວາມສຳຄັນຍິ່ງ ຊຶ່ງບໍ່ພຽງແຕ່ເປັນການຮຽນຮູ້ທາງດ້ານພາສາທີ່ເປັນພື້ນຖານເທົ່ານັ້ນ, ແຕ່ຍັງເປັນການຝຶກຝົນຫຼໍ່ຫຼອມໃນການສ້າງພະນັກງານ-ລັດຖະກອນ ໃຫ້ມີແນວຄິດບຸກບືນຫ້າວຫັນໃນການຄົ້ນຄວ້າຮໍ່າຮຽນ, ການປະຕິບັດໜ້າທີ່ວຽກງານໃຫ້ມີຄຸນນະພາບ ທັງເປັນການເສີມສ້າງໃຫ້ມີການຫັນປ່ຽນຢ່າງຕັ້ງໜ້າ ທັງເປັນການປະກອບສ່ວນຮັດແໜ້ນສາຍພົວພັນມິດຕະພາບທີ່ຍິ່ງໃຫຍ່, ຄວາມສາມັກຄີພິເສດ ແລະ ການຮ່ວມມືຮອບດ້ານ ລະຫວ່າງສອງພັກ-ສອງລັດ ແລະ ປະຊາຊົນສອງຊາດ ເວົ້າລວມ, ເວົ້າສະເພາະ ລະຫວ່າງສອງສະພາແຫ່ງຊາດ ລາວ-ຫວຽດນາມ ໃຫ້ກ້າວສູ່ລວງເລິກ ແລະ ແຕກດອກອອກຜົນຍິ່ງໆຂຶ້ນ. ສະຫາຍເນັ້ນຕື່ມອີກວ່າ: ການເຝິກອົບຮົມພາສາຫວຽດນາມຂັ້ນພື້ນຖານຊຸດນີ້ ໄດ້ສິ້ນສຸດລົງພຽງຂັ້ນຕົ້ນ, ນັກເຝິກອົບຮົມຍັງຕ້ອງໄດ້ສືບຕໍ່ຄົ້ນຄວ້າທົບທວນຄືນເລື້ອຍໆ ເພື່ອກຳແໜ້ນຕື່ມບັນດາບົດຮຽນທີ່ຄູ-ອາຈານຖ່າຍທອດໃຫ້ ໂດຍສະເພາະແມ່ນການເຝິກຂຽນ, ອ່ານ, ຟັງ ແລະ ເວົ້າໃຫ້ມີຄວາມຄ່ອງແຄ້ວ ແລ້ວນຳໄປໝູນໃຊ້ເຂົ້າໃນວຽກງານຕົວຈິງຂອງຕົນໃຫ້ເກີດຜົນ.
ທ່ານ ລິນຄຳ ດວງສະຫວັນ ໄດ້ສະແດງຄວາມຂອບໃຈມາຍັງທ່ານ ທູດ ສສ ຫວຽດນາມ ປະຈຳ ສປປລາວ ແລະ ຄູ-ອາຈານ ທີ່ມາຈາກສະຖານທູດ ທີ່ຍາມໃດກໍເອື້ອອໍານວຍຄວາມສະດວກ ແລະ ໃຫ້ການຮ່ວມມືເປັນຢ່າງດີຕໍ່ສະພາແຫ່ງຊາດລາວ ໃນການຍົກລະດັບທາງດ້ານພາສາຫວຽດ ນາມຂັ້ນພື້ນຖານໃຫ້ແກ່ພະນັກງານ-ລັດຖະກອນ ຈົນສໍາເລັດ. (ຂ່າວ-ພາບ: ນາງ ສຸພາວັນ ຫອມສະນິດ)
ໃນພິທີ, ໄດ້ຮັບຟັງການຜ່ານບົດສະຫຼຸບການຮຽນ-ການສອນພາສາຫວຽດນາມ ຊຸດທີ II ໄລຍະ 2 ເດືອນ, ພ້ອມທັງຜ່ານຂໍ້ຕົກລົງຂອງຄະນະເລຂາທິການສະພາແຫ່ງຊາດ ວ່າດ້ວຍການເຫັນດີມອບໃບຂອບໃຈ ແລະ ຂໍ້ຕົກລົງວ່າດ້ວຍການເຫັນດີມອບໃບຢັ້ງຢືນ, ຈາກນັ້ນ, ໄດ້ມີພິທີມອບ-ຮັບໃບຢັ້ງຢືນການເຝິກອົບຮົມໃຫ້ແກ່ນັກສຶກສາ ຈຳນວນ 17 ສະຫາຍ ຍິງ 7 ສະຫາຍ ແລະ ມອບໃບຂອບໃຈໃຫ້ແກ່ຄູ-ອາຈານ ຈຳນວນ 3 ສະຫາຍ
ທ່ານ ລິນຄຳ ດວງສະຫວັນ ໄດ້ມີຄຳເຫັນຕໍ່ພິທີໃນຄັ້ງນີ້ວ່າ: ຕະຫຼອດໄລຍະການຝຶກອົບຮົມ ແມ່ນສຸດທີ່ມີຄວາມໝາຍ ແລະ ຄວາມສຳຄັນຍິ່ງ ຊຶ່ງບໍ່ພຽງແຕ່ເປັນການຮຽນຮູ້ທາງດ້ານພາສາທີ່ເປັນພື້ນຖານເທົ່ານັ້ນ, ແຕ່ຍັງເປັນການຝຶກຝົນຫຼໍ່ຫຼອມໃນການສ້າງພະນັກງານ-ລັດຖະກອນ ໃຫ້ມີແນວຄິດບຸກບືນຫ້າວຫັນໃນການຄົ້ນຄວ້າຮໍ່າຮຽນ, ການປະຕິບັດໜ້າທີ່ວຽກງານໃຫ້ມີຄຸນນະພາບ ທັງເປັນການເສີມສ້າງໃຫ້ມີການຫັນປ່ຽນຢ່າງຕັ້ງໜ້າ ທັງເປັນການປະກອບສ່ວນຮັດແໜ້ນສາຍພົວພັນມິດຕະພາບທີ່ຍິ່ງໃຫຍ່, ຄວາມສາມັກຄີພິເສດ ແລະ ການຮ່ວມມືຮອບດ້ານ ລະຫວ່າງສອງພັກ-ສອງລັດ ແລະ ປະຊາຊົນສອງຊາດ ເວົ້າລວມ, ເວົ້າສະເພາະ ລະຫວ່າງສອງສະພາແຫ່ງຊາດ ລາວ-ຫວຽດນາມ ໃຫ້ກ້າວສູ່ລວງເລິກ ແລະ ແຕກດອກອອກຜົນຍິ່ງໆຂຶ້ນ. ສະຫາຍເນັ້ນຕື່ມອີກວ່າ: ການເຝິກອົບຮົມພາສາຫວຽດນາມຂັ້ນພື້ນຖານຊຸດນີ້ ໄດ້ສິ້ນສຸດລົງພຽງຂັ້ນຕົ້ນ, ນັກເຝິກອົບຮົມຍັງຕ້ອງໄດ້ສືບຕໍ່ຄົ້ນຄວ້າທົບທວນຄືນເລື້ອຍໆ ເພື່ອກຳແໜ້ນຕື່ມບັນດາບົດຮຽນທີ່ຄູ-ອາຈານຖ່າຍທອດໃຫ້ ໂດຍສະເພາະແມ່ນການເຝິກຂຽນ, ອ່ານ, ຟັງ ແລະ ເວົ້າໃຫ້ມີຄວາມຄ່ອງແຄ້ວ ແລ້ວນຳໄປໝູນໃຊ້ເຂົ້າໃນວຽກງານຕົວຈິງຂອງຕົນໃຫ້ເກີດຜົນ.
ທ່ານ ລິນຄຳ ດວງສະຫວັນ ໄດ້ສະແດງຄວາມຂອບໃຈມາຍັງທ່ານ ທູດ ສສ ຫວຽດນາມ ປະຈຳ ສປປລາວ ແລະ ຄູ-ອາຈານ ທີ່ມາຈາກສະຖານທູດ ທີ່ຍາມໃດກໍເອື້ອອໍານວຍຄວາມສະດວກ ແລະ ໃຫ້ການຮ່ວມມືເປັນຢ່າງດີຕໍ່ສະພາແຫ່ງຊາດລາວ ໃນການຍົກລະດັບທາງດ້ານພາສາຫວຽດ ນາມຂັ້ນພື້ນຖານໃຫ້ແກ່ພະນັກງານ-ລັດຖະກອນ ຈົນສໍາເລັດ. (ຂ່າວ-ພາບ: ນາງ ສຸພາວັນ ຫອມສະນິດ)
ຄໍາເຫັນ