ສະຫະພັນແມ່ຍິງ ແຂວງຫຼວງນ້ຳທາ ແລະ ແຂວງເຊີນລາ ພົບປະແລກປ່ຽນບົດຮຽນຮ່ວມກັນ

ນໍາໂດຍທ່ານ ນາງ ບົວວັນ ພົມມະລິດ ກຳມະການພັກແຂວງ ປະທານສະຫະພັນແມ່ຍີງແຂວງ ພ້ອມດ້ວຍຄະນະ ໃຫ້ການຕ້ອນຮັບຢ່າງອົບອຸ່ນ.

ໂອກາດດັ່ງກ່າວ, ຄະນະຜູ້ແທນສະຫະພັນແມ່ຍິງ ແຂວງເຊີນລາ ກໍໄດ້ເຂົ້າພົບປະ ທ່ານ ວຽງສະຫວັດ ສີພັນດອນ ກຳມະການສູນກາງພັກ ເລຂາພັກແຂວງ ເຈົ້າແຂວງຫຼວງນໍ້າທາ ຊຶ່ງກ່ອນອື່ນ ທ່ານ ນາງ ບຸ້ຍ ແທງ ທຸ້ຍ ໄດ້ຖືເປັນກຽດຢ່າງຍິງ ທີ່ການນໍາຂອງແຂວງຫຼວງນໍ້າທາ ໄດ້ຕ້ອນຮັບຢ່າງອົບອຸ່ນ ພ້ອມທັງໄດ້ລາຍງານການເຄື່ອນໄຫວຢູ່ ແຂວງຫຼວງນ້ຳທາ ໃຫ້ທ່ານເຈົ້າແຂວງໄດ້ຮັບຊາບ.

ການພົບປະຂອງຄະນະຜູ້ແທນສະຫະພັນແມ່ຍີງສອງແຂວງໃນຄັ້ງນີ້, ເປັນຂີດໝາຍສໍາຄັນຕໍ່ການພົວພັນຮ່ວມມືຮອບດ້ານຂອງສອງພັກ, ສອງລັດ ເວົ້າລວມ ເວົ້າສະເພາະແມ່ນ ສອງຄະນະພັກແຂວງຫຼວງນ້ຳທາ ແລະ ແຂວງເຊີນລາ ໃຫ້ນັບມື້ນັບມີຄວາມໜັກແໜ້ນຍິ່ງໆຂຶ້ນ. ພ້ອມນັ້ນ ທັງສອງຝ່າຍ ກໍໄດ້ຕີລາຄາຄືນ ຕໍ່ກັບໝາກຜົນຂອງການພົວພັນຮ່ວມມືໃນໄລຍະຜ່ານມາ ພ້ອມທັງໄດ້ປຶກສາຫາລືຕໍ່ກັບທິດທາງແຜນການຮ່ວມມືໃນຕໍ່ໜ້າ ດ້ວຍຄວາມເຫັນດີເປັນເອກະພາບຂອງຄະນະຜູ້ແທນທັງສອງຝ່າຍ ເພື່ອແນໃສ່ພັດທະນາເສດຖະກິດສັງຄົມ ກໍຄືຜົນປະໂຫຍດອັນໃຫຍ່ຫຼວງ ມາສູ່ປະຊາຊົນສອງແຂວງໃຫ້ນັບມື້ນັບໄດ້ຮັບການພັດທະນາດີຂຶ້ນລື້ອຍໆ. ຈາກນັ້ນ, ຄະນະຜູ້ແທນທັງສອງຝ່າຍກໍໄດ້ມີຄໍາຄິດຄໍາເຫັນແລກປ່ຽນ, ຖອດຖອນບົດຮຽນຮ່ວມກັນ ຢ່າງກົງໄປກົງມາ ດ້ວຍໄມຕີຈິດມິດຕະພາບ ແລະ ຄວາມສາມັກຄີຮັກແພງສະໜິດສະໜົມ ເພື່ອເຮັດໃຫ້ທັງສອງຝ່າຍສາມາດນຳເອົາບົດຮຽນ ແລະ ຂໍ້ແລກປ່ຽນນັ້ນໄປເປັນບົດຮຽນຈັດຕັ້ງປະຕິຢູ່ແຂວງຂອງຕົນເອງ. ໂອກາດດັ່ງກ່າວ ຄະນະຜູ້ແທນສະຫະພັນແມ່ຍີງທັງສອງແຂວງ ກໍໄດ້ມອບຂອງຂັວນ ແລະ ອວຍພອນເຊີ່ງກັນ ແລະ ກັນຕື່ມອີກ.

(ຂ່າວ: ແກ້ວ ກ໋ວາງບັນແຄັດ)