ສະຫາຍ ຄໍາພັນ ເຜີຍຍະວົງ ຕ້ອນຮັບຄະນະຜູ້ແທນຫວຽດນາມ

 ກຳມະການສູນກາງພັກ ຄະນະປະຈຳພັກ ຮອງຫົວໜ້າ ຄະນະໂຄສະນາສຶກສາສູນກາງພັກກອມມູນິດຫວຽດນາມ ພ້ອມດ້ວຍຄະນະ ໃນວັນທີ 25 ກັນຍານີ້ ທີ່ຄະນະໂຄສະນາອົບຮົມສູນກາງພັກ.
ໃນໂອກາດດັ່ງກ່າວ, ສະຫາຍ ຄໍາພັນ ເຜີຍຍະວົງ, ໄດ້ສະແດງຄວາມຕ້ອນຮັບ, ຊົມເຊີຍ ແລະ ຕີລາຄາສູງ ຕໍ່ຄະນະຜູ້ແທນຫວຽດນາມ ຊຶ່ງນໍາໂດຍ ສະຫາຍ ລາຍ ຊວັນ ໂມນ ທີ່ໄດ້ເດີນທາງມາຢ້ຽມຢາມ ແລະ ເຮັດວຽກທາງການ ຢູ່ ສປປ ລາວ, ຕາງໜ້າໃຫ້ຄະນະພັກ-ຄະນະນໍາ ຄະນະໂຄສະນາອົບຮົມສູນກາງພັກປະຊາຊົນ ປະຕິວັດລາວ ກໍຄື ໃນນາມສ່ວນຕົວ ສະແດງຄວາມຊົມເຊີຍ ແລະ ຕີລາຄາສູງ ຕໍ່ການເດີນທາງມາຢ້ຽມຢາມຂອງ ສະຫາຍພ້ອມດ້ວຍຄະນະໃນຄັ້ງນີ້ ຊຶ່ງເປັນການປະກອບສ່ວນອັນສໍາຄັນໃນການເສີມຂະຫຍາຍມູນເຊື້ອ ສາຍພົວພັນມິດຕະພາບອັນຍິ່ງໃຫຍ່ ລະຫວ່າງ 2 ຊາດ ລາວ-ຫວຽດນາມ, ທັງເປັນການກະຕຸກຊຸກຍູ້ ແລະ ເພີ່ມພູນຄູນສ້າງຄວາມສາມັກຄີພິເສດ, ການຮ່ວມມືຮອບດ້ານ ລະຫວ່າງ ສອງພັກ, ສອງລັດ ແລະ ປະຊາຊົນສອງຊາດ ລາວ-ຫວຽດນາມ ເວົ້າລວມ, ເວົ້າສະເພາະ ກໍແມ່ນການພົວພັນຮ່ວມມື ລະຫວ່າງ ຄະນະໂຄສະນາອົບຮົມສູນກາງພັກປະຊາຊົນປະຕິວັດລາວ ກັບຄະນະໂຄສະນາສຶກສາສູນກາງພັກກອມມູນິດຫວຽດນາມ ໃຫ້ນັບມື້ແໜ້ນແຟ້ນຍິ່ງໆຂຶ້ນ.
ຈາກນັ້ນ, ສະຫາຍ ລາຍ ຊວັນ ໂມນ ຕາງໜ້າຄະນະ ສະແດງຄວາມຂອບໃຈຕໍ່ສະຫາຍ ຄໍາພັນ ເຜີຍຍະວົງ ທີ່ໄດ້ໃຫ້ການຕ້ອນຮັບອັນອົບອຸ່ນ ພ້ອມທັງແຈ້ງຈຸດປະສົງຂອງການມາຢ້ຽມຢາມ ແລະ ເຮັດວຽກໃນຄັ້ງນີ້ໃຫ້ກັບສະຫາຍ ຄໍາພັນ ເຜີຍຍະວົງ ໄດ້ຮັບຊາບອີກດ້ວຍ.
(ຂ່າວ: ແສງຈັນ)