ສະຫຼອງວັນຝຣັງໂກໂຟນີສາກົນ ປະຈຳປີ 2025 ທີ່ ແຂວງສະຫວັນນະເຂດ

ສະຫຼອງວັນຝຣັງໂກໂຟນີສາກົນ ປະຈຳປີ 2025 ທີ່ ແຂວງສະຫວັນນະເຂດ

ສະຫຼອງວັນຝຣັງໂກໂຟນີສາກົນ ປະຈຳປີ 2025 ທີ່ ແຂວງສະຫວັນນະເຂດ
ໃນວັນທີ 20 ມີນາ ຜ່ານມາ, ກະຊວງການຕ່າງປະເທດ ໃນນາມຜູ້ປະສານງານແຫ່ງຊາດຂອງ ສປປ ລາວ ປະຈຳອົງການຝຣັງໂກໂຟນີສາກົນ (OIF) ໂດຍຮ່ວມກັບພາກສ່ວນຕ່າງໆທີ່ກ່ຽວຂ້ອງ ໄດ້ຈັດພິທີທາງການ

 ເພື່ອສະເຫຼີມສະຫຼອງວັນຝຣັ່ງໂກໂຟນີສາກົນ 20 ມີນາ ປະຈຳປີ 2025 ຂຶ້ນ ພາຍໃຕ້ຫົວຂໍ້"ຍົກສູງການຊອກຮູ້ຮໍ່າຮຽນດ້ວຍຕົນເອງເພື່ອສາມາດປະກອບສ່ວນເຂົ້າໃນການພັດທະນາສັງຄົມຢ່າງເຕັມສ່ວນ"ທີ່ຫ້ອງປະຊຸມຫ້ອງວ່າການແຂວງສະຫວັນນະເຂດ. ພິທີທາງການດັ່ງກ່າວ ໄດ້ດຳເນີນໄປໂດຍການເປັນປະທານຂອງ ທ່ານ ທອງຜ່ານ ສະຫວັນເພັດຮອງລັດຖະມົນຕີກະຊວງການຕ່າງປະເທດແລະ ການເຂົ້າຮ່ວມຂອງ ທ່ານ ໂພໄຊ ໄຂຄຳພິທູນຮອງເຈົ້າແຂວງສະຫວັນນະເຂດ, ທ່ານຜູ້ຕາງໜ້າຈາກກະຊວງສຶກສາທິການ ແລະ ກິລາ, ທ່ານເອກອັກຄະລັດຖະທູດຝຣັ່ງ ປະຈໍາ ສປປ ລາວ, ບັນດາທູຕານຸທູດ ທີ່ໃຊ້ພາສາຝຣັ່ງ, ທ່ານຜູ້ຕາງໜ້າຫ້ອງການມະຫາວິທະຍາໄລຝຣັງໂກໂຟນີ (AUF), ບັນດາຄູ-ອາຈານ, ນັກຮຽນ ແລະ ນັກສຶກສາ ທີ່ຮຽນພາສາຝຣັ່ງ ເຂົ້າຮ່ວມທັງໝົດປະມານ 300 ຄົນ.

ໃນພິທີດັ່ງກ່າວ, ທ່ານ ຮອງລັດຖະມົນຕີ ກະຊວງການຕ່າງປະເທດ ໄດ້ມີຄຳເຫັນ ໂດຍຍົກໃຫ້ເຫັນເຖິງປະຫວັດຄວາມເປັນມາໃນການຮ່ວມຂະບວນການຝຣັ່ງໂກໂຟນີ ຂອງ ສປປ ລາວ ພ້ອມທັງ ໄດ້ຍົກໃຫ້ເຫັນເຖິງການພົວພັນຮ່ວມມືກັບອົງການຝຣັ່ງໂກໂຟນີສາກົນ ກໍຄື ອົງການ OIF ແລະ ການເຄື່ອນໄຫວວຽກງານໂດຍສັງເຂບ ຂອງ ສປປ ລາວ ໃນຂອບວຽກຝຣັ່ງໂກໂຟນີ, ໂດຍສະເພາະໃນການສົ່ງເສີມພາສາຝຣັ່ງ ແລະ ຄຸນຄ່າຂອງຝຣັ່ງໂກໂຟນີແລະ ໄດ້ຕີລາຄາກ່ຽວກັບສະພາບການນໍາໃຊ້ພາສາຝຣັ່ງ ໃນພາກພື້ນ ແລະ ໃນທົ່ວໂລກ, ໄດ້ຊຸກຍູ້ການເສີມຂະຫຍາຍການຮ່ວມມື ເພື່ອສົ່ງເສີມການຮຽນ-ການສອນພາສາຝຣັ່ງ ຢູ່ໃນພາກພື້ນອາຊີ-ປາຊີຟິກ ກໍຄືຢູ່ ສປປ ລາວ, ລວມທັງການສົ່ງເສີມການສ້າງວຽກເຮັດງານທຳໃຫ້ແກ່ຊາວໝຸ່ມຍິງ-ຊາຍ ກໍຄືຜູ້ທີ່ເວົ້າພາສາຝຣັ່ງ. ນອກຈາກນີ້, ຍັງໄດ້ຕີລາຄາສູງຕໍ່ການພົວພັນຮ່ວມມື ລາວ - ຝຣັ່ງ ກໍຄືການພົວພັນຮ່ວມມື ຕະຫຼອດໄລຍະທີ່ຜ່ານມາ ໃນຫຼາຍຂົງເຂດວຽກງານ ໃນນັ້ນລວມທັງການສົ່ງເສີມການຮຽນ-ການສອນ ພາສາຝຣັ່ງ ຢູ່ ສປປ ລາວ.

ໃນໂອກາດດຽວກັນນີີ້, ທ່ານຮອງເຈົ້າແຂວງສະຫວັນນະເຂດ ແລະທ່ານເອກອັກຄະລັດຖະທູດຝຣັ່ງ ປະຈຳ ສປປ ລາວ, ຕ່າງກໍໄດ້ປະກອບຄໍາເຫັນ ໂດຍໄດ້ຊີ້ໃຫ້ເຫັນຄວາມສໍາຄັນໃນການສະເຫຼີມສະຫຼອງວັນສຳຄັນດັ່ງກ່າວ,ພ້ອມທັງລາຍງານກ່ຽວກັບການເຄື່ອນໄຫວວຽກງານໃນຂອບເຂດຄວາມຮັບຜິດຊອບຂອງຕົນ ແລະ ການປະກອບສ່ວນຢ່າງຕັ້ງໜ້າ ເຂົ້າໃນການສົ່ງເສີມການພົວພັນ ແລະ ການຮ່ວມມືໃນຂອບວຽກງານຝຣັ່ງໂກໂຟນີເວົ້າລວມ ແລະ ເວົ້າສະເພາະແມ່ນໃນຂອບການສົ່ງເສີມ ການຮຽນ-ການສອນພາສາຝຣັ່ງ ຢູ່ ສປປ ລາວ.

ສປປ ລາວ ໄດ້ເຂົ້າເປັນສະມາຊິກສົມບູນຂອງອົງການຝຣັ່ງໂກໂຟນີສາກົນ ໃນປີ 1991 ແລະ ກໍໄດ້ປະກອບສ່ວນຢ່າງຕັ້ງໜ້າ ໃນການເຄື່ອນໄຫວວຽກງານຕ່າງໆຂອງອົງການດັ່ງກ່າວ, ລວມທັງການຮ່ວມມືໃນການສົ່ງເສີມພາສາຝຣັ່ງ, ຄວາມຫຼາກຫຼາຍທາງດ້ານວັດທະນະທຳ, ການຮ່ວມມືດ້ານເສດຖະກິດ ແລະ ດີຈີຕອນ. ສປປ ລາວ ໄດ້ດຳເນີນການຮຽນ-ການສອນພາສາຝຣັ່ງ ຢູ່ນະຄອນຫຼວງວຽງຈັນ ແລະ ຢູ່ 3 ແຂວງ ຄື: ຫຼວງພະບາງ, ສະຫວັນນະເຂດ ແລະ ຈຳປາສັກ. ພາສາຝຣັ່ງ ແມ່ນໄດ້ຮັບການສົ່ງເສີມ ແລະ ນຳໃຊ້ ຢູ່ໃນຂະແໜງການສຶກສາ ແລະ ສາທາລະນະສຸກ, ໂດຍສະເພາະແມ່ນໄດ້ມີການສົ່ງເສີມການຮຽນ-ການສອນພາສາຝຣັ່ງ, ການຝຶກອົບຮົມຄູ-ອາຈານ ແລະ ການພັດທະນາຫ້ອງຮຽນສອງພາສາລາວ-ຝຣັ່ງ ໃນລະດັບປະຖົມ ແລະມັດທະຍົມ, ລວມທັງໃນສະຖາບັນການສຶກສາລະດັບສູງ. ນອກຈາກນີ້, ຍັງໄດ້ມີການຮ່ວມມືໃນຂົງເຂດອື່ນໆ ເຊັ່ນ: ສາທາລະນະສຸກ, ເສດຖະກິດ, ການຄ້າ, ການລົງທຶນ, ວັດທະນະທໍາ, ສື່ມວນຊົນ, ການພັດທະນາ, ເຕັກໂນໂລຊີຂໍ້ມູນຂ່າວສານ ແລະ ອື່ນໆ.

ອົງການຝຣັ່ງໂກໂຟນີສາກົນ (OIF) ແມ່ນອົງການຈັດຕັ້ງສາກົນລະຫວ່າງລັດຖະບານທີ່ເຕົ້າໂຮມເອົາບັນດາປະເທດຕ່າງໆທີ່ໃຊ້ພາສາຝຣັ່ງ ເຂົ້າດ້ວຍກັນ, ສ້າງຕັ້ງຂຶ້ນໃນວັນ 20 ມີນາ1970 ຊຶ່ງໃນເບື້ອງຕົ້ນມີຊື່ວ່າ ອົງການຮ່ວມມືທາງດ້ານວັດທະນະທໍາ ແລະ ເຕັກນິກ (Agence de Cooperation, Culturelle et Techniqueຫຼື ACCT ), ເຄື່ອນໄຫວທາງດ້ານການຝຶກອົບຮົມວິຊາຊີບ ແລະ ເຕັກນິກ ແລະ ດ້ານວັດທະນະທໍາ,ມາຮອດປີ 2005 ຈຶ່ງໄດ້ປ່ຽນຊື່ມາເປັນ ອົງການຝຣັ່ງໂກໂຟນີສາກົນ (Organisation Internationale de la Francophonie ຫຼືOIF),ມີສະມາຊິກທັງໝົດ 93 ປະເທດ ທີ່ຢູ່ໃນ 5 ທະວີບຂອງໂລກ, ມີສຳນັກງານໃຫຍ່ຕັ້ງຢູ່ ນະຄອນຫຼວງປາຣີປະເທດຝຣັ່ງ.

(ຂ່າວ: ກຕທ)

ຄໍາເຫັນ

ຂ່າວການຮ່ວມມື

ເປີດງານສະແດງ ສິນຄ້າ ຈີນ - ອາຊຽນ ຄັ້ງທີ 22 ແລະ  ກອງປະຊຸມສຸດຍອດ ການຄ້າ ແລະ ການລົງທຶນ ຈີນ - ອາຊຽນ

ເປີດງານສະແດງ ສິນຄ້າ ຈີນ - ອາຊຽນ ຄັ້ງທີ 22 ແລະ ກອງປະຊຸມສຸດຍອດ ການຄ້າ ແລະ ການລົງທຶນ ຈີນ - ອາຊຽນ

ເປີດງານວາງສະແດງ ສິນຄ້າສິນຄ້າ ຈີນ - ອາຊຽນ ຄັ້ງທີ 22 ແລະ ກອງປະຊຸມສຸດຍອດການຄ້າ ແລະ ການລົງທຶນ ຈີນ - ອາຊຽນ ປະຈຳປີ 2025
ເປີດການຊ້ອມຮົບຮ່ວມ ລາວ-ຣັດເຊຍ ລາໂຣສ-2025

ເປີດການຊ້ອມຮົບຮ່ວມ ລາວ-ຣັດເຊຍ ລາໂຣສ-2025

ໃນວັນທີ 15 ກັນຍາ ນີ້ ທີ່ວິທະຍາຄານ ນາຍທະຫານບົກ ກົມມະດໍາ ໄດ້ມີພິທີ ເປີດການຊ້ອມຮົບຮ່ວມ ລາວ-ຣັດເຊຍ “ລາໂຣສ-2025” ຂຶ້ນຢ່າງເປັນທາງການ, ພາຍໃຕ້ຄໍາຂວັນ: “ຄຽງບ່າຄຽງໄຫຼ່ຕໍ່ສູ້ເພື່ອສັນຕິພາບ ແລະ ຄວາມໝັ້ນຄົງ” ໂດຍການເປັນຮ່ວມປະທານ ຂອງສະຫາຍ ພົນຕີ ສາຍໃຈ ກົມມະສິດ ຮອງລັດຖະມົນຕີກະຊວງປ້ອງກັນປະເທດ ຫົວໜ້າກົມໃຫຍ່ເສນາທິການ ກອງທັບປະຊາຊົນລາວ ຫົວໜ້າຫົວໜ້າຄະນະຊີ້ນໍາຊ້ອມຮົບຮ່ວມ ລາວ-ຣັດເຊຍ “ລາໂຣສ-2025”, ສະຫາຍ ພັນເອກ ອີວານ ຕາຣາເຢັບ ຮັກສາການຮອງຜູ້ບັນຊາການທະຫານເຂດຕາເວັນອອກ ສ ຣັດເຊຍ ຫົວໜ້າຄະນະຊີ້ນໍາຊ້ອມຮົບຮ່ວມ ຣັດເຊຍ-ລາວ “ລາໂຣສ-2025”, ມີຄະນະຮັບຜິດຊອບຊີ້ນຳຝ່າຍ ລາວ-ຣັດເຊຍ ພ້ອມດ້ວຍນາຍ ແລະ ພົນທະຫານກອງທັບປະຊາຊົນລາວ ແລະ ກອງທັບ ສ ຣັດເຊຍເຂົ້າຮ່ວມ.
ນຳສະເໜີ ໂລໂກ້ 70 ປີ ສປປ ລາວ ເຂົ້າເປັນສະມາຊິກ ອົງການສະຫະປະຊາຊາດ

ນຳສະເໜີ ໂລໂກ້ 70 ປີ ສປປ ລາວ ເຂົ້າເປັນສະມາຊິກ ອົງການສະຫະປະຊາຊາດ

ກະຊວງການຕ່າງປະເທດ ຮ່ວມກັບອົງການເຄືອຂ່າຍ ສະຫະປະຊາຊາດ (ສປຊ) ປະຈໍາ ສປປ ລາວ ນຳສະເໜີ ໂລໂກ້ 70 ປີ ສປປ ລາວ ເຂົ້າເປັນສະມາຊິກ ອົງການສະຫະປະຊາຊາດ ຢ່າງເປັນທາງການ ໃນວັນທີ 15 ກັນຍາ ນີ້ ທີ່ນະຄອນຫຼວງວຽງຈັນ ໂດຍການເປັນປະທານຮ່ວມຂອງ ທ່ານ ທອງສະຫວັນ ພົມວິຫານ ລັດຖະມົນຕີກະຊວງການຕ່າງປະເທດ, ທ່ານ ບັກໂຮເດຍ ເບີຄະນ໋ອຟ ຜູ້ປະສານງານອົງການສະຫະປະຊາຊາດ ປະຈໍາ ສປປ ລາວ ພ້ອມດ້ວຍບັນດາເອກອັກຄະລັດຖະທູດ, ຫົວໜ້າສໍານັກງານການທູດ, ຜູ້ຕາງໜ້າອົງການເຄືອຂ່າຍ ສປຊ ແລະ ອົງການຈັດຕັ້ງສາກົນ ປະຈໍາ ສປປ ລາວ ກໍໄດ້ໃຫ້ກຽດເຂົ້າຮ່ວມ.
ບັ້ນຊ້ອມຮົບຮ່ວມລາວ-ຣັດເຊຍ "ລາໂຣດສ-2025" ມີຄວາມພ້ອມ 90%

ບັ້ນຊ້ອມຮົບຮ່ວມລາວ-ຣັດເຊຍ "ລາໂຣດສ-2025" ມີຄວາມພ້ອມ 90%

​ ເພື່ອຮັບປະກັນໃຫ້ບັ້ນຊ້ອມຮົບຮ່ວມລາວ-ຣັດເຊຍ "ລາໂຣດສ-2025" ກົມໂຄສະນາອົບຮົມ ກົມໃຫຍ່ການເມືອງກອງທັບ ໄດ້ສຸມໃສ່ເຮັດໜ້າທີ່ການເມືອງຂອງຕົນຢ່າງຕັ້ງໜ້າ ມາຮອດປັດຈຸບັນທຸກແຜນວຽກມີຄວາມພ້ອມແລ້ວ 90%.
ລັດຖະມົນຕີກະຊວງປ້ອງກັນປະເທດ ຕ້ອນຮັບທູດໄທຢ້ຽມຂໍ່ານັບອຳລາ

ລັດຖະມົນຕີກະຊວງປ້ອງກັນປະເທດ ຕ້ອນຮັບທູດໄທຢ້ຽມຂໍ່ານັບອຳລາ

ໃນວັນທີ 15 ກັນຍານີ້, ທ່ານ ພົນໂທ ຄໍາລຽງ ອຸທະໄກສອນ ລັດຖະມົນຕີກະຊວງປ້ອງກັນປະເທດແຫ່ງ ສປປ ລາວ ໄດ້ໃຫ້ການຕ້ອນຮັບການເຂົ້າຢ້ຽມຂໍ່ານັບອຳລາຂອງທ່ານ ນາງ ມໍຣະກົດ ສີສະຫວັດ ເອກອັກຄະຣາຊະທູດແຫ່ງຣາຊະອານາຈັກໄທປະຈຳ ສປປ ລາວ ໃນໂອກາດສິ້ນສຸດການປະຕິບັດໜ້າທີ່ການທູດຢູ່ ສປປ ລາວ.
ຍທຂ ລາວ - ຈີນ ເພີ່ມທະວີການຮ່ວມມືສອງຝ່າຍ

ຍທຂ ລາວ - ຈີນ ເພີ່ມທະວີການຮ່ວມມືສອງຝ່າຍ

ໃນໂອກາດເຂົ້າຮ່ວມກອງປະຊຸມໂຕະມົນລັດຖະມົນຕີກໍ່ສ້າງອາຊຽນ-ຈີນ ປະຈຳປີ 2025 (ASEAN-China Ministerial Roundtable Construction 2025) ທີ່ເມືອງກຸ້ຍຫຼິນ ສປ ຈີນ, ໃນວັນທີ 14 ກັນຍາຜ່ານມາ ທ່ານ ເດດສົງຄາມ ທຳມະວົງ ຮອງລັດຖະມົນຕີກະຊວງໂຍທາທິການ ແລະ ຂົນສົ່ງ (ຍທຂ) ສປປ ລາວ ໄດ້ພົບປະສອງຝ່າຍກັບທ່ານ ລີ ສ່ຽວຫຼົງ ຮອງລັດຖະມົນຕີກະຊວງເຄຫາສະຖານ ແລະ ພັດທະນາຕົວເມືອງ-ຊົນນະບົດ ສປ ຈີນ.
ທ່ານ ຈາຕຸລົງ ບົວສີສະຫວັດ ທູດລາວຄົນໃໝ່ປະຈຳ ນິວຊີແລນ

ທ່ານ ຈາຕຸລົງ ບົວສີສະຫວັດ ທູດລາວຄົນໃໝ່ປະຈຳ ນິວຊີແລນ

ໃນວັນທີ 10 ກັນຍາ ຜ່ານມາ ທີ່ ທໍານຽບລັດຖະບານ ທີ່ ນະຄອນຫຼວງແວວລິງຕັນ, ທ່ານ ຈາຕຸລົງ ບົວສີສະຫວັດ ໄດ້ຍື່ນສານຕາຕັ້ງ ຕໍ່ ທ່ານ ນາງ ແດມ ຊິນດີ ຄີໂຣ ຜູ້ສຳເລັດຣາຊະການ ແຫ່ງ ເຄືອຈັກກະພົບ ນິວຊີແລນ ເພື່ອປະ​ຕິ​ບັດ​ໜ້າທີ່ເປັນເອກອັກຄະລັດຖະທູດວິສາມັນຜູ້ມີອຳນາດເຕັມ ແຫ່ງ ​ສ​ປ​ປ ລາວ ປະຈໍາ ເຄືອຈັກກະພົບ ນິວຊີແລນ ໂດຍມີສໍານັກງານຕັ້ງຢູ່ນະຄອນຫຼວງແຄນເບີຣາ ປະເທດອົສຕຣາລີ.
ສຳເລັດຊຸດຝຶກອົບຮົມວຽກງານການພິມ ການຈັດພິມ ແລະ ການຈໍາໜ່າຍ

ສຳເລັດຊຸດຝຶກອົບຮົມວຽກງານການພິມ ການຈັດພິມ ແລະ ການຈໍາໜ່າຍ

ຊຸດຝຶກອົບຮົມດ້ານວຽກງານການພິມ ການຈັດພິມ ແລະ ການຈໍາໜ່າຍໄດ້ປິດລົງໃນວັນທີ 11 ກັນຍາ ນີ້ ທີ່ສູນອົບຮົມແມ່ຍິງລາວ ເປັນກຽດເຂົ້າຮ່ວມມີທ່ານ ວັນສີ ກົວມົວ ຮອງລັດຖະມົນຕີກະຊວງວັດທະນະທຳ ແລະ ການທ່ອງທ່ຽວ (ວທ), ທ່ານ ຫງ້ວຽນ ຫງວຽນ ຫົວໜ້າກົມຈັດພິມ, ການພິມ ແລະ ຈໍາໜ່າຍ ກະຊວງວັດທະນະທໍາກິລາ ແລະ ທ່ອງທ່ຽວ ສສ ຫວຽດນາມ, ມີຫົວໜ້າກົມ, ຜູ້ຕາງໜ້າຈາກກົມກອງ, ຜູ້ອໍານວຍການສໍານັກພິມ, ໂຮງພິມ, ປະທານສະມາຄົມ, ຜູ້ປະກອບການພາກລັດ ແລະ ວິສາຫະກິດ ພ້ອມດ້ວຍສໍາມະນາກອນ ແລະ ພາກສ່ວນກ່ຽວຂ້ອງເຂົ້າຮ່ວມ.
ກອງປະຊຸມການເຊື່ອມໂຍງພະລັງງານໂລກ ປີ 2025

ກອງປະຊຸມການເຊື່ອມໂຍງພະລັງງານໂລກ ປີ 2025

ກອງປະຊຸມການເຊື່ອມໂຍງພະລັງງານໂລກປີ 2025 ໄດ້ຈັດຂຶ້ນໃນວັນທີ 9 ກັນຍາ ຜ່ານມາ ທີ່ຫໍປະຊຸມແຫ່ງຊາດ ທີ່ນະຄອນຫຼວງປັກກິ່ງ ສປ ຈີນ ຊຶ່ງກອງປະຊຸມຄັ້ງນີ້ເປັນຄັ້ງທີ 7 ຈັດໂດຍອົງການຮ່ວມມືພັດທະນາການເຊື່ອມໂຍງພະລັງງານລະດັບໂລກ ຮ່ວມກັບອົງການພັດທະນາແຫ່ງສະຫະປະຊາຊາດ, ຄະນະກໍາມະການເສດຖະກິດ ແລະ ສັງຄົມ ສໍາລັບອາເມຣິກາ ແລະ ຄາລີບຽນ, ຄະນະກຳມະການເສດຖະກິດ ແລະ ສັງຄົມສຳລັບອາຊີ-ປາຊີຟິກ, ອົງການອຸດສາຫະກຳສະຫະປະຊາຊາດ, ອົງການເຄືອຂ່າຍແນວທາງແກ້ໄຂການພັດທະນາແບບຍືນຍົງຂອງສະຫະປະຊາຊາດ ແລະ ອົງການພະລັງງານ ອາເມຣິກາ ລາຕິນ. ໂດຍໃຫ້ກຽດເຂົ້າຮ່ວມຂອງທ່ານ ຫານ ເຈິ້ງ (Han Zheng) ຮອງປະທານປະເທດແຫ່ງ ສປ ຈີນ ແລະ ທ່ານຊິ່ນ ປ້າວອັນ (Xin Baoan) ປະທານອົງການພັດທະນາ ແລະ ການຮ່ວມມືລະຫວ່າງການເຊື່ອມຕໍ່ພະລັງງານທົ່ວໂລກ ປະທານສະພາໄຟຟ້າ ແຫ່ງ ສປຈີນ, ພາຍໃຕ້ຫົວຂໍ້ “ເຊື່ອມໂຍງພະລັງງານໂລກ ເພື່ອຕອບສະໜອງໄຟຟ້າທົ່ວໂລກດ້ວຍພະລັງງານສະອາດ”, ໂດຍມີແຂກພາຍໃນ ແລະ ຕ່າງປະເທດເຂົ້າຮ່ວມຫຼາຍກວ່າ 100 ປະເທດ. ໃນນັ້ນມີຕາງໜ້າຈາກກະຊວງອຸດສາຫະກຳ ແລະ ການຄ້າຂອງ ສປປ ລາວ ເຂົ້າຮ່ວມອີກດ້ວຍ.
ກອງປະຊຸມວິຊາການໃນຂະແໜງການທະນາຄານ

ກອງປະຊຸມວິຊາການໃນຂະແໜງການທະນາຄານ

ໃນວັນທີ 11 ກັນຍາ ນີ້ ທີ່ໂຮງແຮມຄຣາວພາຊາ ທະນາຄານແຫ່ງ ສປປ ລາວ (ທຫລ) ໄດ້ຈັດກອງປະຊຸມວິຊາການຂະແໜງການທະນາຄານ ພາຍໃຕ້ການເປັນປະທານກ່າວເປີດກອງປະຊຸມໂດຍທ່ານ ນາງ ບຸນຄຳ ວໍລະຈິດ ຜູ້ວ່າການ ທຫລ ຊຶ່ງມີທ່ານຮອງຜູ້ວ່າການ ທຫລ, ບັນດາທ່ານຈາກບັນດາກະຊວງ, ທະນາຄານພັດທະນາອາຊີ ແລະ ອົງການຈັດຕັ້ງສາກົນ, ທະນາຄານທຸລະກິດ, ສະຖາບັນການເງິນ, ຜູ້ໃຫ້ບໍລິການໃນການຊຳລະ ແລະ ວິຊາການທີ່ກ່ຽວຂ້ອງ ເຂົ້າຮ່ວມ.
ເພີ່ມເຕີມ