ໄດ້ຈັດຂຶ້ນໃນວັນທີ 9 ພຶດສະພາຜ່ານມານີ້ ທີ່ນະຄອນຫຼວງວຽງຈັນ ໂດຍການເປັນກຽດເຂົ້າຮ່ວມຂອງທ່ານ ກິແກ້ວ ໄຂຄໍາພິທູນ ຮອງນາຍົກລັດຖະມົນຕີແຫ່ງ ສປປ ລາວ, ທ່ານ ເລືອງ ເຈີນຢິງ (Leung chun-ying) ຮອງປະທານສະພາທີ່ປຶກສາການເມືອງແຫ່ງຊາດຈີນ ປະທານມູນນິທິຊ່ວຍເຫຼືອຊຶ່ງກັນ ແລະ ກັນ, ມີທ່ານ ບຸນແຝງ ພູມມະໄລສິດ ລັດຖະມົນຕີກະຊວງສາທາລະນະສຸກ, ທ່ານ ນາງ ຟາງຫົງ ເອກອັກຄະລັດຖະທູດແຫ່ງ ສປ ຈີນ ປະຈໍາລາວ ພ້ອມດ້ວຍພາກສ່ວນທີ່ກ່ຽວຂ້ອງທັງສອງຝ່າຍເຂົ້າຮ່ວມ.
ໃນພິທີ, ທ່ານ ກິແກ້ວ ໄຂຄຳພິທູນ ໄດ້ຕີລາຄາສູງຕໍ່ການຊ່ວຍເຫຼືອອັນລໍ້າຄ່າຂອງມູນນິທິຊ່ວຍເຫຼືອຊຶ່ງກັນ ແລະ ກັນໃນໄລຍະຜ່ານມາໃນການຊ່ວຍເຫຼືອການຜ່າຕັດແກ່ນຕາຂຸ້ນໃຫ້ປະຊາຊົນລາວເປັນຈຳນວນທັງໝົດ 5,768 ກໍລະນີ ຊຶ່ງໂຄງການດັ່ງກ່າວໄດ້ເລີ່ມຕົ້ນແຕ່ປີ 2019-2025 ໂດຍການເຊັນບົດບັນທຶກລະຫວ່າງກະຊວງສາທາລະນະສຸກ ແຫ່ງ ສປປ ລາວ ແລະ ມູນນິທິ GX FOUNDATION ຊຶ່ງໂຄງການດັ່ງກ່າວເປັນການຊ່ວຍ ເຫຼືອອັນລໍ້າຄ່າ ແລະ ຖືໄດ້ວ່າເປັນການໃຫ້ໂອກາດ ແລະ ອະນາຄົດອັນສົດໃສໃໝ່ໃນການເບິ່ງເຫັນຂອງຜູ້ທີ່ມີບັນຫາດ້ານສາຍຕາ. ການຊ່ວຍເຫຼືອໃນຄັ້ງນີ້, ເປັນການສະແດງເຖິງນໍ້າໃຈເອື້ອເຟື້ອເຜື່ອແຜ່ຂອງລັດຖະບານ ແລະ ປະຊາຊົນຈີນ ກໍຄືອຳນາດການປົກຄອງເຂດປົກຄອງພິເສດຮົງກົງ ໂດຍສະເພາະແມ່ນມູນນິທິ GX FOUNDATION ທັງເປັນການສະແດງເຖິງການເປັນເພື່ອນມິດສະຫາຍອ້າຍນ້ອງທີ່ເປັນມູນເຊື້ອ, ສາຍພົວພັນແບບຄູ່ຮ່ວມມືຍຸດທະສາດຮອບດ້ານໝັ້ນຄົງຍາວນານຕາມທິດ 4 ດີ ແລະ ການເປັນຄູ່ຮ່ວມຊາຕາກໍາລາວ-ຈີນ ຈີນ-ລາວທີ່ນັບມື້ນັບໄດ້ຮັບການເສີມຂະຫຍາຍ ແລະ ເຂົ້າສູ່ລວງເລິກເວົ້າລວມ, ເວົ້າສະເພາະການເສີມຂະ ຫຍາຍການພົວພັນຮ່ວມມືລະຫວ່າງສປປ ລາວ ແລະ ເຂດປົກຄອງພິເສດຮົງກົງໃຫ້ແໜ້ນແຟ້ນຍິ່ງໆຂຶ້ນໃນທຸກໆດ້ານ.
(ຂ່າວ: ວັນເພັງ, ຂໍ້ມູນ-ພາບ: ກະຊວງສາທາລະນະສຸກ)
ຄໍາເຫັນ