ພິທີສະຫຼຸບການຮຽນ-ການສອນສົກສຶກສາ 2023-2024

ສະຖາບັນວິຈິດສິນແຫ່ງຊາດ ມອບ-ຮັບ ໃບປະກາສະນີຍະບັດສົກສຶກສາ 2023-2024

ສະຖາບັນວິຈິດສິນແຫ່ງຊາດ ມອບ-ຮັບ ໃບປະກາສະນີຍະບັດສົກສຶກສາ 2023-2024
ສະຖາບັນວິຈິດສິນແຫ່ງຊາດ ໄດ້ຈັດພິທີສະຫຼຸບການຮຽນ-ການສອນສົກສຶກສາ 2023-2024, ເປີດສົກຮຽນໃໝ່ 2024-2025 ແລະ ມອບ-ຮັບໃບປະກາສະນີຍະບັດໃຫ້ຜູ້ສໍາເລັດການສຶກສາ ປະຈໍາສົກສຶກສາ 2023-2024

ຂຶ້ນໃນວັນທີ 15 ຕຸລາ ນີ້ ທີ່ສະຖາບັນດັ່ງກ່າວ ໂດຍການເຂົ້າຮ່ວມ ແລະ ມອບໃບປະກາສະນີຍະບັດ ຂອງທ່ານ ນາງ ສວນສະຫວັນ ວິຍະເກດ ລັດລັດຖະມົນຕີກະຊວງຖະແຫຼງຂ່າວ, ວັດທະນະທໍາ ແລະ ທ່ອງທ່ຽວ (ຖວທ), ທ່ານ ຄໍາສຸກ ແກ້ວວົງຊາຍ ຜູ້ອໍານວຍການສະຖາບັນວິຈິດສິນແຫ່ງຊາດ, ຄູ-ອາຈານ, ນັກສຶກສາ, ພ້ອມດ້ວຍພາກສ່ວນກ່ຽວຂ້ອງເຂົ້າຮ່ວມ.

ທ່ານ ສາຍສະໝອນ ໂພທະລິນ ຮອງຜູ້ອໍານວຍການສະຖາບັນວິຈິດສິນແຫ່ງຊາດ ໄດ້ຜ່ານບົດສະຫຼຸບການຈັດຕັ້ງປະຕິບັດແຜນການສົກປີ 2023-2024 ແລະ ທິດທາງແຜນການ ສົກປີ 2024-2025 ວ່າ: ໃນສົກຮຽນ ປີ 2023-2024 ພະນັກງານ, ຄູ-ອາຈານ ສ່ວນຫຼາຍຮັກສາໄດ້ທັດສະນະຂອງພັກ, ສັງຄົມນິຍົມ, ເຊື່ອໝັ້ນ ແລະ ຊອກຮູ້ຮໍ່າຮຽນຫຼັກມູນຂອງພັກ-ວິທີການຕ່າງໆຕາມຄວາມ ເໝາະສົມ, ມີແນວຄິດເປັນເອກພາບກັບແນວທາງນະໂຍບາຍຂອງພັກ-ລັດ, ຈໍາແນກໄດ້ມິດສັດຕູຈະແຈ້ງ, ເຊື່ອໝັ້ນໃນກໍາລັງແຮງຂອງມະຫາຊົນ, ຮູ້ເສຍສະຫຼະເພື່ອສ່ວນລວມ, ຮັກໃນອາຊີບ ແລະ ໜ້າທີ່ຂອງຕົນເປັນຢ່າງດີ ນີ້ກໍຍ້ອນມີຄະນະພັກ, ຄະນະອໍານວຍການ ແລະ ການນໍາຂັ້ນຕ່າງໆ ໄດ້ເອົາໃຈໃສ່ ແລະ ຖືເອົາວຽກງານການເມືອງແນວຄິດເປັນບັນຫາສໍາຄັນ ໄດ້ຂົນຂວາຍ ແລະ ນໍາເອົາ ມະຕິ, ຄໍາສັ່ງ, ຄໍາແນະນໍາຂອງພັກ-ລັດ, ກົດໝາຍມາຈັດຕັ້ງການເຜີຍແຜ່ເຊື່ອມຊຶມ ພ້ອມທັງຈັດຕັ້ງການດໍາເນີນຊີວິດ ຢູ່ໃນສາຍພັກ-ລັດເປັນປົກກະຕິ ແລະ ໄດ້ຄົ້ນຄວ້າທຶນບຳລຸງກໍ່ສ້າງສົ່ງພະນັກງານໄປບຳລຸງທິດສະດີການເມືອງການປົກຄອງຕາມເງື່ອນໄຂຂອງທຶນທີ່ໄດ້ຮັບ.

ສໍາລັບດ້ານວຽກງານວິຊາສະເພາະສະຖາບັນວິຈິດສິນແຫ່ງຊາດ ໄດ້ຈັດຕັ້ງປະຕິບັດຫຼັກສູດ ການຮຽນ-ການສອນ ຕາມການຮັບຮອງອະນຸມັດຈາກກະຊວງສຶກສາທິການ ແລະ ກິລາ, ກະຊວງ ຖວທ, ໄດ້ດໍາເນີນການຮຽນ-ການສອນ ຢູ່ 3 ລະດັບເຊັ່ນ: ຫຼັກສູດລະດັບອະນຸປະລິນຍາລະບົບ 3 ປີ, ມີ 3 ສາຂາວິຊາຄື: ສາຂາວິຊາຈິດຕະກຳ, ປະຕິມະກຳ ແລະ ສິລະປະພາບພິມ, ຫຼັກສູດລະດັບປະລິນຍາຕີລະບົບ 5 ປີ, ປະກອບ ມີ 5 ພາກວິຊາເຊັ່ນ: ພາກວິຊາຈິດຕະກຳ, ພາກວິຊາປະຕິມະກຳ, ພາກວິຊາສິລະປະພາບພິມ, ພາກວິຊາສິລະປະພື້ນເມືອງ-ປະຕິສັງຂອນ, ພາກວິຊາອອກແບບນິເທດສິນ ແລະ ປະກອບດ້ວຍ 9 ສາຂາວິຊາເຊັ່ນ: ຈິດຕະກຳ, ປັ້ນ-ຫຼໍ່, ຄັດແກະສະຫຼັກ, ສິລະປະປັ້ນດິນເຜົາ, ສິລະປະໂລຫະ, ສິລະປະພາບພິມ, ສິລະປະພື້ນເມືອງ-ປະຕິສັງຂອນ, ຮູບເງົາ-ກາຕູນ ແລະ ອອກແບບບັນຈຸພັນ, ໄດ້ມີຫຼັກສູດລະດັບປະລິນຍາໂທລະບົບ 2 ປີ ມີ 1 ສາຂາວິຊາຄື: ສາຂາວິຊາບໍລິຫານຄຸ້ມຄອງ ສິລະປະ-ວັດທະນະທຳ. ສໍາລັບຜົນການຮຽນຂອງນັກສຶກສາຊັ້ນປະລິນຍາຕີ: ນັກສຶກສາປະລິນຍາຕິ ປີ 1 ສອບເສັງຜ່ານຈໍານວນ 48 ຄົນ, ຄິດເປັນເປີເຊັນ 87.72 %; ນັກສຶກສາປະລິນຍາຕີ ປີ II ສອບເສັງຜ່ານຈໍານວນ 46 ຄົນ, ຄິດເປັນເປີເຊັນ 86.80%; ນັກສຶກສາປະລິນຍາຕີ ປີ III ສອບເສັງຜ່ານ ຈໍານວນ 48 ຄົນ, ຄິດເປັນເປີເຊັນ 92.31% ນັກສຶກສາປະລິນຍາຕິ ປີ IV ສອບເສັງຜ່ານ ຈໍານວນ 37 ຄົນ, ຄິດເປັນເປີເຊັນ 97.37%; ນັກສຶກສາ ປີທີ 1 ຫາປີທີ IV ທຽບໃສ່ສົກປີຜ່ານມາຫຼຸດລົງ 39.86%; ນັກສຶກສາປະລິນຍາຕີ ປີ V ມີສິດເຂົ້າສອບເສັງຈໍານວນ 56 ຄົນ ຍິງ 13 ຄົນ, ສອບເສັງຈົບຊັ້ນໄດ້ 52 ຄົນ ຍິງ 12 ຄົນ, ຄິດເປັນເປີເຊັນ 92.85%; ມີນັກສຶກສາ ປີທີ III ຂໍສອບເສັງຈົບຊັ້ນລະດັບຊັ້ນອານຸປະລິນຍາ ຈໍານວນ 1 ຄົນ, ສາມາດສອບເສັງ ຈົບຊັ້ນໄດ້ 1 ຄົນ, ຄິດເປັນເປີເຊັນ 100%; ນັກສຶກສາຊັ້ນອານຸປະລິນຍາປີທີ 3 ສາຂາໂຮງຮຽນວິຈິດສິນ ແຂວງສະຫວັນນະເຂດ ທີ່ມີສິດເຂົ້າສອບເສັງ ຈໍານວນ 10 ຄົນ ຍິງ 3 ຄົນ, ສາມາດສອບເສັງໄດ້ 10 ຄົນ ຍິງ 3 ຄົນ, ຄິດເປັນເປີເຊັນ 100%; ມີນັກສຶກສາມາສອບເສັງທັງໝົດ 85 ຄົນ ສາມາດສອບເສັງໄດ້ທັງໝົດຕາມພາກວິຊາ ແລະ ສາຂາວິຊາຕ່າງໆ ມີນັກສຶກສາໃໝ່ມາສະເໜີຕົວ ແລະ ລົງທະບຽນເຂົ້າຮຽນ ຈໍານວນ 59 ຄົນ ຍິງ 21 ຄົນ; ມີນັກສຶກສາຮຽນຊໍ້າຫ້ອງປີທີ 1 ຈຳນວນ 10 ຄົນ ຍິງ 6 ຄົນ; ມີນັກສຶກສາທີ່ມາຮຽນລະດັບປະລິນຍາຕີລະບົບຕໍ່ເນື່ອງ ຈໍານວນ 1 ຄົນ. ໃນນັ້ນ, ມີນັກສຶກສາຊັ້ນປະລິນຍາໂທຮຸ່ນທີ 2 ມີຈໍານວນ 17 ຄົນ ຍິງ 8 ຄົນ.

ໃນໂອກາດນີ້, ທ່ານ ນາງ ສວນສະຫວັນ ວິຍະເກດ ຍັງໄດ້ໃຫ້ກຽດໂອ້ລົມ ສະແດງຄວາມຊົມເຊີຍຕໍ່ຜົນສໍາລັດທີ່ຍາດມາໄດ້ໃນໄລຍະຜ່ານມາ ພ້ອມທັງຊີ້ທິດເຍື່ອງທາງ ເພື່ອໃຫ້ສະຖາບັນວິຈິດສິນແຫ່ງຊາດ ມີການພັດທະນາຂຶ້ນຢ່າງບໍ່ຢຸດຢັ້ງ.

(ຂ່າວ-ພາບ: ວັນເພັງ)

ຄໍາເຫັນ

ຂ່າວສືກສາ-ກິລາ

ກອງປະຊຸມຜູ້ບໍລິຫານການສຶກສາ,ທົ່ວແຂວງໄຊສົມບູນ ປະຈຳສົກຮຽນ 2024-2025

ກອງປະຊຸມຜູ້ບໍລິຫານການສຶກສາ,ທົ່ວແຂວງໄຊສົມບູນ ປະຈຳສົກຮຽນ 2024-2025

ພະແນກສຶກສາ ທິການ ແລະ ກິລາແຂວງໄຊສົມບູນ ໄດ້ຈັດກອງປະຊຸມຜູ້ບໍລິຫານການສຶກສາ, ວິທະຍາສາດ ແລະ ກິລາ ທົ່ວແຂວງ ປະຈຳສົກຮຽນ 2024-2025 ຂຶ້ນໃນວັນທີ 21 ສິງຫານີ້ ທີ່ຫ້ອງປະຊຸມຂອງພະແນກ ໂດຍການເປັນປະທານຂອງທ່ານ ຢົງຢີ ລີເຍ່ຍວື ຫົວໜ້າພະແນກສຶກສາທິການ ແລະ ກິລາ ແຂວງໄຊສົມບູນ.
ແຂວງວຽງຈັນ ຕີລາຄາຄືນການຈັດຕັ້ງປະຕິບັດວຽກງານສືກສາ ປະຈໍາສົກຮຽນ 2024-2025

ແຂວງວຽງຈັນ ຕີລາຄາຄືນການຈັດຕັ້ງປະຕິບັດວຽກງານສືກສາ ປະຈໍາສົກຮຽນ 2024-2025

ກອງປະຊຸມຜູ້ບໍລິຫານການສຶກສາ, ວິທະຍາສາດ ແລະ ກິລາ ທົ່ວແຂວງວຽງຈັນ ປະຈໍາສົກຮຽນ 2024-2025 ແລະ ແຜນຈັດຕັ້ງປະຕິບັດສົກຮຽນ 2025-2026 ໄດ້ຈັດຂຶ້ນ ໃນລະຫວ່າງວັນທີ 18-19 ສິງຫາຜ່ານມາ ທີ່ພະແນກສຶກສາທິການ ແລະ ກິລາແຂວງ ໂດຍໃຫ້ກຽດເຂົ້າຮ່ວມຂອງທ່ານ ພູວົງ ບຸນຊູ ຮອງເຈົ້າແຂວງວຽງຈັນ.
ສສກ ຮ່ວມກັບລັດຖະບານອົສຕຣາລີ ຖ່າຍທຳວິດີໂອສົ່ງເສີມການສຶກສາໃນທົ່ວປະເທດ

ສສກ ຮ່ວມກັບລັດຖະບານອົສຕຣາລີ ຖ່າຍທຳວິດີໂອສົ່ງເສີມການສຶກສາໃນທົ່ວປະເທດ

ເມື່ອບໍ່ດົນມານີ້, ກະຊວງສຶກສາທິການ ແລະ ກິລາ ແຫ່ງ ສປປ ລາວ (ສສກ) ໂດຍໄດ້ຮັບການສະໜັບສະໜູນຈາກລັດຖະບານອົສຕຣາລີ ໂດຍຜ່ານແຜນງານບີຄວາ ໄດ້ເລີ່ມການຖ່າຍທຳບົດເລື່ອງທຳອິດຂອງແຜນໂຄສະນາການສຶກສາແຫ່ງຊາດຄັ້ງໃໝ່ ເພື່ອສົ່ງເສີມການສຶກສາໃນທົ່ວປະເທດລາວ. ສະຖາບັນຄົ້ນຄວ້າວິທະຍາສາດການສຶກສາ (ສວສ) ໂດຍການຊີ້ນຳຈາກກະຊວງສຶຶກສາທິການ ແລະ ກິລາ ທີ່ນຳພາການຖ່າຍທຳ. ບົດເລື່ອງທຳອິດມີຊື່ວ່າ: "ສອງເສັ້ນທາງ", ເປັນເລື່ອງລາວທີ່ປະທັບໃຈ ແລະ ເປັນເລື່ອງທຳອິດໃນບັນດາວິດີໂອທີ່ຈະຜະລິດ ເພື່ອສ້າງແຮງບັນດານໃຈໃຫ້ຮັກການຮຽນ ແລະ ຊຸກຍູ້ໃຫ້ນັກຮຽນສືບຕໍ່ການຮຽນ.
ສໍາມະນາວິທະຍາສາດສາກົນ “ບົດຮຽນການກໍາອໍານາດຂອງພັກການເມືອງມາກຊິດ” ຄັ້ງທີ VI

ສໍາມະນາວິທະຍາສາດສາກົນ “ບົດຮຽນການກໍາອໍານາດຂອງພັກການເມືອງມາກຊິດ” ຄັ້ງທີ VI

ກອງປະຊຸມສໍາມະນາສາກົນຄັ້ງນີ້ເປັນເຈົ້າພາບຮ່ວມຈັດໂດຍ ມະຫາວິທະຍາໄລກວາງຊີ, ສະຖາບັນວິທະຍາສາດເສດຖະກິດ ແລະ ສັງຄົມແຫ່ງຊາດ, ມະຫາວິທະຍາໄລແຫ່ງຊາດ, ມະຫາວິທະຍາໄລ ຊານຕົງ, ສະພາບັນດິດວິທະຍາສາດສັງຄົມຫວຽດນາມ ແລະ ສະມາຄົມປັດຊະຍາຫວຽດນາມ ຊຶ່ງຈັດໂດຍຄະນະລັດທິມາກ ມະຫາວິທະຍາໄລກວາງຊີ, ຄະນະວິທະຍາສາດສັງຄົມ ມະຫາວິທະຍາໄລແຫ່ງຊາດລາວ, ສູນຄົ້ນຄວ້າສັງຄົມນິຍົມຮ່ວມສະໄໝ ມະຫາວິທະຍາໄລຊານຕົງ ແລະ ຊ່ວຍຈັດໂດຍກົມບັນນາທິການ ວາລະສານ “ບັນຫາສັງຄົມນິຍົມສະໄໝປັດຈຸບັນ”, ກົມບັນນາທິການວາລະສານ “ການຄົ້ນຄວ້າທິດສະດີເໝົາເຈີຕົງ-ເຕັ້ງ ສ່ຽວຜິງ”, ກົມບັນນາທິການວາລະສານ “ການຄົ້ນຄວ້າປັດຊະຍາ” ຫວຽດນາມ, ກອງປະຊຸມໄດ້ດໍາເນີນພາຍໃຕ້ຫົວຂໍ້ “ບົດຮຽນການກໍາອໍານາດ ຂອງບັນດາພັກການເມືອງມາກຊິດ” ຄັ້ງທີ VI ໃນວັນທີ 16 ສິງຫາ ຜ່ານມານີ້ ທີ່ສະໂມສອນຂອງມະຫາວິທະຍາໄລແຫ່ງຊາດ.
ຄູ-ອາຈານ 10 ໂຮງຮຽນເປົ້າໝາຍ ນວ ສຳເລັດຍົກລະດັບທັກສະການສອນພາສາຍີ່ປຸ່ນ

ຄູ-ອາຈານ 10 ໂຮງຮຽນເປົ້າໝາຍ ນວ ສຳເລັດຍົກລະດັບທັກສະການສອນພາສາຍີ່ປຸ່ນ

ພິທີປິດຊຸດຝຶກອົບຮົມພາກປະຕິບັດຕົວຈິງສຳລັບຄູ-ອາຈານ ສອນພາສາຍີ່ປຸ່ນ ໄດ້ຈັດຂຶ້ນເມື່ອບໍ່ດົນມານີ້ ທີ່ສູນຝຶກອົບຮົມ ແລັບເດີລາຍ ນະຄອນຫຼວງວຽງຈັນ ໂດຍເປັນກຽດ ມອບໃບຢັ້ງຢືນຂອງ ທ່ານ ອຸທິດ ທິບມະນີ ຮອງຜູ້ອຳນວຍການສະຖາບັນຄົ້ນຄວ້າວິທະຍາສາດການສຶກສາ ກະຊວງສຶກສາທິການ ແລະ ກິລາ (ສສກ), ມີທ່ານ Murakami ຜູ້ຊ່ຽວຊານຈາກມູນນິທິຍີ່ປຸ່ນ, ມີອາສາສະໝັກຊ່ວຍສອນພາສາຍີ່ປຸ່ນ, ຄູ-ອາຈານສອນພາສາຍີ່ປຸ່ນຈາກໂຮງຮຽນພາກລັດ ແລະ ເອກະຊົນໃນນະຄອນຫຼວງວຽງຈັນ 30 ທ່ານ ເຂົ້າຮ່ວມ.
ໂຮງຮຽນວັດທະນະທຳຊົນເຜົ່າກອງທັບ ຫວນຄືນມູນເຊື້ອແນວລາວສ້າງຊາດ  ຄົບຮອບ 75 ປີ

ໂຮງຮຽນວັດທະນະທຳຊົນເຜົ່າກອງທັບ ຫວນຄືນມູນເຊື້ອແນວລາວສ້າງຊາດ ຄົບຮອບ 75 ປີ

ວັນທີ 19 ສິງຫາ ນີ້ ທີ່ໂຮງຮຽນວັດທະນະທໍາຊົນເຜົ່າກອງທັບ ໄດ້ຈັດພິທີປາຖະກະຖາຫວນຄືນມູນເຊື້ອການເຕີບໃຫຍ່ຂະຫຍາຍຕົວຂອງອົງການແນວລາວສ້າງຊາດ ຄົບຮອບ 75 ປີ (13 ສິງຫາ 1950 – 13 ສິງຫາ 2025), ເປັນກຽດປາຖະກະຖາໂດຍ ທ່ານ ສິນລະວົງ ຄຸດໄພທູນ ກຳມະການກົມການເມືອງສູນກາງພັກ ປະທານສູນກາງແນວລາວສ້າງຊາດ (ສນຊ) ຊຶ່ງມີ ທ່ານ ພັອ ສະແຫວງ ແດນນາມົນ ຫົວໜ້າການເມືອງ, ທ່ານ ພັອ ເພັດສະໝອນ ວິລະວອນ ຫົວໜ້າການທະຫານ, ມີນາຍ ແລະ ພົນທະຫານ, ຄູ-ອາຈານ, ນັກຮຽນ ເຂົ້າຮ່ວມ.
ທີມເມືອງຫາດຢູໄນເຕັດ ໄດ້ແຊັມເຕະບານຊີງຂັນນະຄອນຫຼວງວຽງຈັນ ຄັ້ງທີ 1

ທີມເມືອງຫາດຢູໄນເຕັດ ໄດ້ແຊັມເຕະບານຊີງຂັນນະຄອນຫຼວງວຽງຈັນ ຄັ້ງທີ 1

ການແຂ່ງຂັນກິລາບານເຕະຊີງຂັນນະຄອນຫຼວງວຽງຈັນ ຄັ້ງທີ 1 ຫຼື ລາຍການ THE CAPITAL CUP 2025 ເພື່ອເປັນການເລືອກເຟັ້ນຫານັກກິລາຜູ້ທີ່ມີພອນສະຫວັນດີເດັ່ນ ກຽມຕາງໜ້ານະຄອນຫຼວງວຽງຈັນ ຮ່ວມງານກິລາແຫ່ງຊາດ ຄັ້ງທີ 12 ຈະຈັດຂຶ້ນລະ ຫວ່າງວັນທີ 15-25 ພະຈິກ ນີ້.
ສຳເລັດການແຂ່ງຂັນກິລາເປຕັງ ຊີງຂັນປະທານສານປະຊາຊົນສູງສຸດ

ສຳເລັດການແຂ່ງຂັນກິລາເປຕັງ ຊີງຂັນປະທານສານປະຊາຊົນສູງສຸດ

ວັນທີ 14 ສິງຫາ ຜ່ານມາ ທີ່ສານປະຊາຊົນສູງສຸດ ໄດ້ສຳເລັດການແຂ່ງຂັນກິລາເປຕັງຊີງຂັນປະທານສານປະຊາຊົນສູງສຸດ. ໃຫ້ກຽດເຂົ້າຮ່ວມຊົມ ແລະ ມອບຂັນລາງວັນຂອງທ່ານ ບຸນຂວາງ ທະວີສັກ ຮອງປະທານສານປະຊາຊົນສູງສຸດ ຊຶ່ງມີພະນັກງານສານປະຊາຊົນສູງສຸດ, ສານປະຊາຊົນພາກກາງ, ສານປະຊາຊົນນະຄອນຫຼວງວຽງຈັນ ແລະ ສານປະຊາຊົນທັງ 4 ເຂດໃນນະຄອນຫຼວງວຽງຈັນ ແລະ ນັກກິລາເຂົ້າຮ່ວມ.
ນັກສຶກສາທິດສະດີການເມືອງລະບົບຂັ້ນສູງ 9 ເດືອນ  ຮຸ່ນທີ VII ທັດສະນະສຶກສາ ຢູ່ນະຄອນຫຼວງວຽງຈັນ

ນັກສຶກສາທິດສະດີການເມືອງລະບົບຂັ້ນສູງ 9 ເດືອນ ຮຸ່ນທີ VII ທັດສະນະສຶກສາ ຢູ່ນະຄອນຫຼວງວຽງຈັນ

ຄະນະນັກສຶກສາທິດສະດີການເມືອງລະບົບຂັ້ນສູງ 9 ເດືອນ ຮຸ່ນທີ VII ສະຖາບັນການເມືອງ ແລະ ການປົກຄອງແຫ່ງຊາດ (ສມປຊ) ໄປທັດສະນະສຶກສາຢູ່ຫໍພິພິທະພັນປະທານ ໄກສອນ ພົມວິຫານ, ຄະນະວິສະວະກຳສາດ (ຄວສ) ມະຫາວິທະຍາໄລແຫ່ງຊາດ ແລະ ນິຄົມອຸດສາຫະກຳວຽງຈັນ-ໂນນທອງ ເຂດເສດຖະກິດພິເສດກວມລວມໄຊເຊດຖາ ນະຄອນຫຼວງວຽງຈັນ ໂດຍການນໍາພາຢ້ຽມຢາມຂອງ ທ່ານ ແສງແກ້ວ ວົງລຳພັນ ຮອງຫົວໜ້າກົມຄຸ້ມຄອງການຮຽນ-ການສອນ ສມປຊ, ມີຄະນະຄູ-ອາຈານ ແລະ ນັກສຶກສາ ເຂົ້າຮ່ວມ.
ໂຮງຮຽນປະຖົມສາທິດມີຄວາມພ້ອມເປີດສົກຮຽນໃໝ່

ໂຮງຮຽນປະຖົມສາທິດມີຄວາມພ້ອມເປີດສົກຮຽນໃໝ່

ທ່ານ ນາງ ບຸນທັນ ປຸນຍາວົງ ຜູ້ອຳນວຍການໂຮງຮຽນປະຖົມສຶກສາສົມບູນສາທິດ ຫຼື ເອີ້ນວ່າ ໂຮງຮຽນປະຖົມສາທິດ ຄະນະສຶກສາສາດ ມະຫາວິທະຍາໄລແຫ່ງຊາດ ໄດ້ໃຫ້ສຳພາດຕໍ່ສື່ມວນຊົນເມື່ອບໍ່ດົນມານີ້ ທີ່ໂຮງຮຽນປະຖົມສາທິດວ່າ: ກ່ອນຈະເປີດສົກຮຽນໃໝ່ນີ້ທາງໂຮງຮຽນໄດ້ມີແຜນກະກຽມ ໂດຍການເປີດບໍາລຸງຄູເນັ້ນໃສ່ 4 ວິຊາຫຼັກເຊັ່ນ: ວິຊາພາສາລາວ, ຄະນິດສາດ, ວິທະຍາສາດສິ່ງແວດລ້ອມ ແລະ ພາສາອັງກິດ, ໄດ້ກະ ກຽມຄວາມພ້ອມດ້ານອາຄານສະຖານທີ່, ຫ້ອງຮຽນ, ຫ້ອງນໍ້າ, ຫ້ອງການ, ຫ້ອງສະໝຸດ, ໄຟຟ້າ, ນໍ້າປະປາ, ຕັດຫຍ້າ ເພື່ອກຽມຄວາມພ້ອມໃນການຮັບນັກຮຽນ, ລົງທະບຽນນັກຮຽນເກົ່າ ແລະ ນັກຮຽນໃໝ່ປະຈຳສົກຮຽນ 2025-2026 ໃນວັນທີ 25 ສິງຫາເປັນຕົ້ນໄປ. ຄາດວ່າໃນສົກຮຽນໃໝ່ນີ້ຈະຮັບນັກຮຽນ 750 ຄົນ ຍິງ 395 ຄົນ, ທາງໂຮງຮຽນມີຄູ-ອາຈານທັງໝົດ 21 ຄົນ, ຄູອາສາ 1 ຄົນ, ໂດຍເນັ້ນຄຸນນະພາບປະຕິບັດຕາມ 3 ລັກສະນະ ແລະ 5 ຫຼັກມູນຂອງການສຶກສາເພື່ອກຽມປະເມີນເປັນໂຮງຮຽນຕົວແບບຄຸນນະພາບດີ.
ເພີ່ມເຕີມ