ສນຊ ມອບ-ຮັບທຶນກໍ່ສ້າງຫໍພັກຄູ-ນັກຮຽນຢູ່ 2 ແຂວງພາກເໜືອ

13:20 13/03/2024

ສູນກາງແນວລາວສ້າງຊາດ (ສນຊ) ໄດ້ຈັດພິທີມອບ-ຮັບທຶນກໍ່ສ້າງຫໍພັກຄູ, ນັກຮຽນໂຮງຮຽນ 2 ແຫ່ງຄື: ໂຮງຮຽນ ມ.ສນາສະຫວ່າງ ເມືອງນາໝໍ້ ແຂວງອຸດົມໄຊ ແລະ ໂຮງຮຽນ ມ.ສ ສໍາພັນ ເມືອງບຸນໃຕ້ ແຂວງຜົ້ງສາລີຈໍານວນ 1 ລ້ານບາດ(ສະກຸນເງິນໄທ)ພ້ອມອຸປະກອນກໍ່ສ້າງໄດ້ຈັດຂຶ້ນໃນວັນທີ 11 ມີນາຜ່ານມາ ທີ່ສນຊ ໂດຍມີພະອາຈານ ສິນຊັບ ຈາລະນະທໍາໂມ ແລະ ເຈົ້າສັດທາ, ອອກຕົນຍາດໂຍມເປັນຜູ້ລະດົມທຶນດັ່ງກ່າວ.
ໂອກາດນີ້, ທ່ານ ເຍ່ຍເກີຢ່າ ໜໍຈໍຈົງຕົວ ຮອງປະທານ ສນຊຕາງໜ້າຄະນະນໍາໄດ້ກ່າວສະແດງຄວາມຮູ້ບຸນຄຸນມາຍັງພະອາຈານ ສິນຊັບ ຈາລະນະທໍາໂມ ແລະ ເຈົ້າສັດທາທັງຫຼາຍທີ່ໄດ້ລະດົມທຶນຮອນ, ປັດໄຈທີ່ສໍາຄັນ ເພື່ອມາພັດທະນາການສຶກສາຂອງ ສປປ ລາວ ກໍຄືການກໍ່ສ້າງຫໍພັກຄູ ແລະ ນັກຮຽນ 2 ແຫ່ງຢູ່ເຂດຊົນນະບົດຫ່າງໄກສອກຫຼີກເພື່ອດຶງດູດໃຫ້ນັກຮຽນຕັ້ງໃຈມາສຶກສາຮໍ່າຮຽນ ແລະ ບໍ່ອອກໂຮງຮຽນຊຶ່ງໄລຍະຜ່ານມາ ໂຮງຮຽນດັ່ງກ່າວຂາດທີ່ພັກອາໄສສົ່ງຜົນກະທົບໃຫ້ນັກຮຽນທີ່ບ້ານຢູ່ໄກບໍ່ສາມາດທຽວມາຮຽນໜັງສືໄດ້ສະດວກ ສຸດທ້າຍກໍອອກໂຮງຮຽນ ປະລະການຮຽນ.ພ້ອມກັນນັ້ນ, ທ່ານຮອງປະທານ ສນຊ ໄດ້ມອບຫຼຽນກາລະນຶກ 60 ປີແນວລາວສ້າງຊາດໃຫ້ພະອາຈານສິນຊັບ ຈາລະນະທໍາໂມຕື່ມອີກ.
ຂ່າວ-ພາບ: ສນຊ

ຄໍາເຫັນ

ຂ່າວສືກສາ-ກິລາ

ຈັບສະຫຼາກແບ່ງກຸ່ມລາຍການແຂ່ງຂັນເຕະບານ ເຍົາວະຊົນ ຊີງຊັນປະທານ ສຕນວ

06/06/2025 14:27

ການແຂ່ງຂັນເຕະບານ ເຍົາວະຊົນ ຊີງຂັນປະທານສະຫະພັນບານເຕະ ນະຄອນຫຼວງວຽງຈັນ (ສຕ ນວ) ຄັ້ງທີ 1 ປະຈຳປີ 2025 ເພື່ອເປັນການສ້າງຂະບວນການສະເຫຼີມສະຫຼອງວັນເດັກນ້ອຍສາກົນ ແລະ ວັນປູກຕົ້ນໄມ້ແຫ່ງຊາດ (ວັນທີ 1 ມິຖຸນາ 2025) ໃຫ້ເປັນຂະບວນການຄືກຄື້ນ. ດັ່ງນັ້ນໃນວັນທີ 4 ມີຖຸນາ ຜ່ານມາ ຈຶ່ງໄດ້ຈັດກອງປະຊຸມເພື່ອເຜີຍແຜ່ກົດລະບຽບກະຕິກາກຽມຈັດການແຂ່ງຂັນທີ່ຫ້ອງການຄະນະກຳມະການໂອແລັມປິກແຫ່ງຊາດລາວ ຫຼື ຄອລ ພາຍໃຕ້ການເປັນປະທານ ຂອງທ່ານ ສຸລິວັນ ເຊີນວິໄລ ຮອງປະທານສະຫະພັນບານເຕະ ນະຄອນຫຼວງວຽງຈັນ ແລະ ທ່ານ ບຸນສົງ ອິນທິຈັກ ຮອງຫົວໜ້າຂະແໜງກິລາ-ກາຍະກຳ ພະແນກສຶກສາທິການ ແລະ ກິລາ ນະຄອນຫຼວງວຽງຈັນ ພ້ອມດ້ວຍບັນດາຄະນະນຳ, ຄູຝຶກແຕ່ສະໂມສອນ, ຜູ້ໃຫ້ການສະໜັບສະໜູນ ແລະ ສື່ມວນຊົນ ເຂົ້າຮ່ວມ.

ສົກຮຽນນີ້ ນວ ມີນັກຮຽນສອບເສັງຈົບຊັ້ນ ມ7 ຈຳນວນ 9,000 ກວ່າຄົນ

06/06/2025 14:25

ພິທີເປີດການສອບເສັງຈົບຊັ້ນສາຍສາມັນສຶກສາ (ມ4, ມ7) ປະຈຳສົກຮຽນ 2024-2025 ທົ່ວນະຄອນ ຫຼວງວຽງຈັນ (ນວ) ໄດ້ຈັດຂຶ້ນວັນທີ 6 ມິຖຸນານີ້ ທີ່ໂຮງຮຽນມັດທະຍົມສຶກສາສົມບູນວຽງຈັນ (ມສ ວຽງຈັນ) ໂດຍມີທ່ານ ອາດສະພັງທອງ ສີພັນດອນ ເຈົ້າຄອງ ນວ, ທ່ານເຈົ້າເມືອງ-ຮອງເຈົ້າເມືອງ, ມີຕາງໜ້າກະຊວງສຶກສາທິການ ແລະ ກິລາ ພ້ອມດ້ວຍພາກສ່ວນກ່ຽວຂ້ອງເຂົ້າຮ່ວມ.

ແຂ່ງຂັນຍິງປືນ ລະດົມທຶນຊຸກຍູ້ທີມນັກກິລາຍິງປືນຄົນພິການລາວ ຮ່ວມອາຊຽນພາຣາເກມ 2026

05/06/2025 15:19

ແຂ່ງຂັນກິລາຍິງປືນສັ້ນມາດຕະຖານ ໄລຍະ 15 ແມັດ ປະເພດດ່ຽວຊາຍ-ຍິງ ຊີງຂັນປະທານຄະນະກຳມະການພາຣາແລມປິກແຫ່ງຊາດລາວ ຫຼື ຄພລ ເພື່ອເປັນການລະດົມກອງທຶນສະໜັບສະໜູນທີມນັກກິລາຍິງປືນຄົນພິການທີມຊາດລາວ ເຂົ້າຮ່ວມງານມະຫະກຳກິລາ ອາຊຽນພາຣາເກມ ຄັ້ງທີ 13 ຕົ້ນປີ 2026 ທີ່ປະເທດໄທ ແລະ ຍັງເປັນການສ້າງຂະບວນການສະເຫຼີມສະຫຼອງວັນເດັກນ້ອຍສາກົນ ແລະ ວັນປູກຕົ້ນໄມ້ແຫ່ງຊາດ 1 ມິຖຸນາ 2025 ໃຫ້ເປັນຂະບວນການຟົດຟື້ນ.

ໄຊສົມບູນ ເປີດຊຸດຮຽນທິດສະດີການເມືອງ ຂັ້ນກາງໄລຍະ 6 ເດືອນ ຮຸ່ນທີ II

05/06/2025 10:17

ພິທີເປີດຊຸດຮຽນທິດສະດີການເມືອງ ຂັ້ນກາງ ໄລຍະ 6 ເດືອນ ຮຸ່ນທີ ll ຢູ່ແຂວງໄຊສົມບູນ ໄດ້ຈັດຂຶ້ນໃນຕອນເຊົ້າຂອງວັນທີ 3 ມິຖຸນາຜ່ານມາ ທີ່ຫ້ອງປະຊຸມຫ້ອງວ່າການແຂວງ ພາຍໃຕ້ການເປັນປະທານຂອງ ສະຫາຍ ພູວົງ ອຸ່ນຄໍາແສນ ກຳມະການສູນກາງພັກ ເລຂາຄະນະບໍລິຫານງານພັກ ຫົວໜ້າສະຖາບັນການເມືອງ ແລະ ການປົກຄອງແຫ່ງຊາດ ໂດຍການເຂົ້າຮ່ວມ ຂອງ ສະຫາຍ ພົຈວ ບົວພັນ ອິນທະປັນຍາ ຮອງເລຂາພັກແຂວງ ຜູ້ຊີ້ນໍາວຽກງານພັກ-ພະນັກງານ.

ໂຮງຮຽນອະນຸບານກະຊວງສາທາລະນະສຸກຈັດກິດຈະກຳວັນເດັກນ້ອຍສາກົນ ແລະ ວັນປູກຕົ້ນໄມ້ແຫ່ງຊາດ

02/06/2025 13:43

ເນື່ອງໃນໂອກາດວັນເດັກນ້ອຍສາກົນ ແລະ ວັນປູກຕົົົົົົົົົົົົົົົົົົົົົົ້ນໄມແຫ່ງຊາດ ໂຮງຮຽນອະນຸບານກະຊວງສາທາລະນະສຸກໄດ້ຈັດພິທີສະເຫຼີມສະຫຼອງວັນສຳຄັນດັ່ງກ່າວຂຶ້ນໃນວັນທີ 30 ພຶດສະພາຜ່ານມາທີ່ໂຮງຮຽນດັ່ງກ່າວ, ໂດຍການເຂົ້າຮ່ວມຂອງທ່ານ ນາງເພັດສະໄໝ ໄຊຍະມຸງຄົນ ພັນລະຍາຜູ້ອໍານວຍກາຍໂຮງໝໍມະໂຫສົດ, ທ່ານ ພອນປະດິດ ສັງໄຊຍະລາດ ປະທານສະຫະພັນກຳມະບານກະຊວງ, ຫົວໜ້າກົມຄວບຄຸມພະຍາດຕິດຕໍ່ ກະຊວງສາທາລະນະສຸກ,ມີບັນດາຫຼານນ້ອຍ, ພໍ່ແມ່ຜູ້ປົກຄອງແລະ ພາກສ່ວນກ່ຽວຂ້ອງເຂົ້າຮ່ວມ.

ປະດັບຫຼຽນໄຊ-ຫຼຽນກາ-ໃບຍ້ອງຍໍ ໃຫ້ຄະນະນັກກິລາເພາະກາຍລາວ

02/06/2025 13:15

ພິທີປະດັບຫຼຽນໄຊແຮງງານຊັ້ນ I, II, III,ຫຼຽນກາແຮງງານ ແລະ ໃບຍ້ອງຍໍລັດຖະບານລາວໃຫ້ຄະນະບໍລິຫານງານສະຫະພັນກິລາເພາະກາຍແຫ່ງຊາດລາວ (ສພກລ) ລວມເຖິງຄູຝຶກນັກກິລາ ແລະ ບັນດາຜູ້ສະໜັບສະໜູນຂຶ້ນໃນວັນທີ 31 ພຶດສະພາຜ່ານມາທີ່ໂຮງແຮມດອນຈັນພາເລດ ນະຄອນຫຼວງວຽງຈັນ ໃຫ້ກຽດປະດັບຫຼຽນໄຊໂດຍທ່ານ ພຸດ ສິມມາລາວົງ ລັດຖະມົນຕີກະຊວງສຶກສາທິການ ແລະ ກິລາ ທັງເປັນປະທານຄະນະກຳມະການໂອແລັມປິກແຫ່ງຊາດລາວ,

ໂຮງຮຽນລ້ຽງເດັກ-ອະນຸບານ-ປະຖົມສຶກສາປັນຍາມະນີເອົາໃຈໃສ່ ສອນດີ ມີວິໃນ ໃສ່ໃຈຄຸນນະພາບ (ເນື່ອງໃນໂອກາດວັນເດັກນ້ອຍສາກົນ ວັນທີ 1 ມິຖຸນາ)

30/05/2025 09:50

ໂດຍ: ພູວັນ ເດັກນ້ອຍໃນວັນນີ້ ຄືຜູ້ໃຫຍ່ທີ່ມີອະນາຄົດສົດໃສໃນວັນໜ້າ ວັນເດັກນ້ອຍສາກົນເປັນວັນທີ່ມີຄວາມໝາຍສຳຄັນເພາະເດັກນ້ອຍແມ່ນໜໍ່ແໜງທີ່ຈະສືບຕໍ່ວຽກງານທີ່ສຳຄັນຈາກຮຸ່ນນີ້ສູ່ຮຸ່ນຕໍ່ໆໄປ, ພັກ ແລະ ລັດຖະບານເວລາໃດກໍ ໃຫ້ຄວາມສຳຄັນຕໍ່ເດັກນ້ອຍ, ທາງໂຮງຮຽນໄດ້ອົບຮົມບົ່ມສອນ, ພັດທະນາ ແລະ ສົ່ງເສີມໃຫ້ເດັກນ້ອຍຂອງພວກເຮົາເປັນຄົນທີ່ມີຄຸນນະພາບ, ມີຄຸນນະທໍາ ແລະ ມີຄວາມຮັບຜິດຊອບຕໍ່ສັງຄົມ.

ພິທີມອບ-ຮັບ ນໍ້າລິນ ໃຫ້ໂຮງຮຽນ ມໍສ ເທດສະບານເມືອງນາເເລ

28/05/2025 12:57

ພິທີມອບ-ຮັບ ນໍ້າລິນໃຫ້ໂຮງຮຽນ ມໍສ ເທດສະບານເມືອງນາເເລ ເເຂວງຫຼວງນໍ້າມາ ໂດຍການສະໜັບສະໜູນຈາກສິດເກົ່າ ຊຽງຄໍາວິທະຍາຄົມ ລຸ້ນ 2520-2522 ຈັງວັດຊຽງລາຍປະເທດໄທ ໄດ້ຈັດຂຶ້ນ ໃນວັນທີ 27 ພຶດສະພາຜ່ານມາທີ່ສະໂມສອນໂຮງຮຽນມໍສ ເມືອງນາເເລ, ໃຫ້ກຽດເຂົ້າຮ່ວມຂອງທ່ານ ຕັນ ວັນປະເສີດ ຮອງເຈົ້າເມືອງ ຜູ້ຊີ້ນໍາຂົງເຂດວັດທະນະທໍາສັງຄົມ, ທ່ານ ອຸໄທ ຫອມນ້ານ ຕາງໜ້າທິມງານຈາກປະເທດໄທ.

ມອບ-ຮັບເຄື່ອງຫຼິ້ນໃຫ້ໂຮງຮຽນລ້ຽງເດັກ-ອະນຸບານ ໂຮງໝໍມິດຕະພາບ

28/05/2025 12:28

ໂຮງໝໍມິດຕະພາບ ໄດ້ຈັດພິທີສະເຫຼີມສະຫຼອງວັນເດັກນ້ອຍສາກົນ ວັນທີ 1 ມິຖຸນາ ຄົບຮອບ 101 ປີ, ວັນປູກຕົ້ນໄມ້ແຫ່ງຊາດ ຄົບຮອບ 45 ປີ ແລະ ມອບ-ຮັບເຄື່ອງຫຼິ້ນໃຫ້ໂຮງຮຽນລ້ຽງເດັກ-ອະນຸບານ ໂຮງໝໍມິດຕະພາບ ມູນຄ່າ 32,900,000 ກີບ. ຈາກພັນລະຍາການນໍາພັກ-ລັດ ຂຶ້ນໃນວັນທີ 27 ພຶດສະພານີ້ ໂດຍການເຂົ້າຮ່ວມຂອງ ທ່ານ ສອນໄຊ ລາດຊະວົງ ກຳມະການຄະນະພັກກະຊວງ ເລຂາຄະນະພັກຮາກຖານຜູ້ອໍານວຍການໂຮງໝໍມິດຕະພາບ, ພັນລະຍາການນໍາພັກ-ລັດ, ມີຄະນະອໍານວຍການ, ຕາງໜ້າສາມອົງການຈັດຕັ້ງ, ພະນັກງານແພດໝໍ ແລະ ພະຍາບານ ເຂົ້າຮ່ວມ.

ສະເຫຼີມສະຫຼອງ ຄົບຮອບ 10 ປີ ພັດທະນາການສຶກສາຊັ້ນປະຖົມສຶກສາ

28/05/2025 12:25

ກະຊວງສຶກສາທິການ ແລະ ກິລາ ແຫ່ງ ສປປ ລາວ (ສສກ) ແລະ ສະຖານເອກອັກຄະລັດຖະທູດອົສຕຣາລີ ສະເຫຼີມສະຫຼອງ ການຈັດຕັ້ງປະຕິບັດ ແຜນງານປັບປຸງຄຸນນະພາບການສຶກສາຂັ້ນພື້ນຖານ (ບີຄວາ) ຄົບຮອບ 10 ປີ ການຮ່ວມມືເພື່ອການຫັນປ່ຽນໄດ້ສ້າງຄວາມເຂັ້ມແຂງໃຫ້ແກ່ລະບົບການສຶກສາ ແລະ ປັບປຸງການເຂົ້າເຖິງການສຶກສາຊັ້ນປະຖົມສຶກສາທີ່ມີຄຸນນະພາບໃຫ້ແກ່ເດັກນ້ອຍໃນ ສປປ ລາວ, ໂດຍສະເພາະຢູ່ເຂດຫ່າງໄກສອກຫຼີກ ແລະ ມີຄວາມຫຍຸ້ງຍາກ, ໄດ້ຈັດຂຶ້ນໃນວັນທີ 26 ພຶດສະພານີ້ ທີ່ນະຄອນຫຼວງວຽງຈັນ.

ເພີ່ມເຕີມ