ຂ້າພະເຈົ້າ ຕາງໜ້າຄະນະກໍາມະການສູນກາງແນວລາວສ້າງຊາດ ແລະ ປະຊາຊົນລາວບັນດາເຜົ່າ ຂໍສະແດງຄວາມໂສກເສົ້າ ແລະ ອາໄລອາວອນຢ່າງສຸດຊຶ້ງ ຕໍ່ການຈາກໄປຂອງ ສະຫາຍ ເຈີນ ດຶກ ເລືອງ ອະດີດກໍາມະການກົມການເມືອງສູນກາງພັກ ອະດີດປະທານປະເທດ ແຫ່ງ ສສ ຫວຽດນາມ.
ຕະຫຼອດຊີວິດແຫ່ງການເຄື່ອນໄຫວປະຕິວັດ, ສະຫາຍ ໄດ້ອຸທິດເຫື່ອແຮງ ແລະ ສະຕິປັນຍາ ເຂົ້າໃນການພາລະກິດປົດປ່ອຍ ແລະ ພາລະກິດສ້າງສາພັດທະນາປະເທດຊາດໃຫ້ຈະເລີນເຂັ້ມແຂງ, ໄດ້ເອົາໃຈໃສ່ຊຸກຍູ້ເສີມຂະຫຍາຍສາຍພົວພັນມິດຕະພາບອັນຍິ່ງໃຫຍ່, ຄວາມສາມັກຄີພິເສດ ແລະ ການຮ່ວມມືຮອບດ້ານຂອງສອງຊາດ ລາວ-ຫວຽດນາມ ຕະຫຼອດມາ.
ໃນວາລະແຫ່ງຄວາມເສົ້າໂສກສະຫຼົດນີ້, ຄະນະກໍາມະການສູນກາງແນວລາວສ້າງຊາດ ຂໍສົ່ງຄໍາອາໄລອາວອນຢ່າງສຸດຊຶ້ງ ໄປຍັງ ພັກ, ລັດຖະບານ ແລະ ປະຊາຊົນຫວຽດນາມອ້າຍນ້ອງ ກໍຄື ຄອບຄົວ ແລະ ຍາດພີ່ນ້ອງ ຂອງສະຫາຍ ເຈີນ ດຶກເລືອງ ຂໍໃຫ້ດວງວິນຍານຂອງສະຫາຍ ເຈີນ ດຶກ ເລືອງ ຈົ່ງໄປສູ່ສຸຄະຕິດ້ວຍເຖີ້ນ.
(ຂ່າວ-ພາບ: ແສງຈັນ)
ຄໍາເຫັນ