ສໍານັກຂ່າວສານປະເທດລາວ, ວິທະຍຸກະຈາຍສຽງແຫ່ງຊາດລາວ, ໂທລະພາບແຫ່ງຊາດລາວ, ໜັງສືພິມພາສາຕ່າງປະເທດ, ໜັງສືພິມປະຊາຊົນ, ສູນກາງສະຫະພັນກໍາມະບານລາວ, ກົມໂຄສະນາອົບຮົມ ກະຊວງປ້ອງກັນປະເທດ, ພະແນກຖະແຫຼ່ງຂ່າວ, ວັດທະນະທໍາ ແລະ ທ່ອງທ່ຽວ ແຂວງບໍ່ແກ້ວ, ອຸດົມໄຊ, ຫຼວງພະບາງ, ບໍລິຄໍາໄຊ, ສາລະວັນ, ເຊກອງ ແລະ ແຂວງອັດຕະປື.
ພິທີເປີດຊຸດຝຶກອົບຮົມດັ່ງກ່າວ, ໄດ້ຈັດຂຶ້ນໃນວັນທີ 17 ກັນຍາຜ່ານມາ ທີ່ສະຖາບັນສື່ມວນຊົນ ແລະ ໂຄສະນາ ນະຄອນຫຼວງຮ່າໂນ້ຍ ສສ ຫວຽດນາມ ໂດຍການເຂົ້າຮ່ວມຂອງ ທ່ານ ຮ່ວງ ວັນ ເຫງ້ຍ ຫົວໜ້າກົມຮ່ວມມືສາກົນ, ສະຖາບັນການເມືອງແຫ່ງຊາດໂຮ່ຈີມິງ, ທ່ານ ຟ້າມ ມິງ ເຊີນ ຫົວໜ້າສະຖາບັນສື່ມວນຊົນ ແລະ ໂຄສະນາ ສສ ຫວຽດນາມ, ທ່ານ ວັນເພງ ໄພຍະມາດ ເລຂາເອກ ຕາງໜ້າສະຖານເອກອັກຄະລັດຖະທູດແຫ່ງ ສປປ ລາວ ປະຈໍາ ສສ ຫວຽດນາມ ພ້ອມດ້ວຍຄູອາຈານ ແລະ ສຳມະນາກອນ ເຂົ້າຮ່ວມ.
ທ່ານ ຟ້າມ ມິງ ເຊີນ ໄດ້ມີຄຳເຫັນວ່າ: ການຝຶກອົບຮົມວຽກງານຄຸ້ມຄອງສື່ມວນຊົນ ໃຫ້ພະນັກງານຫຼັກແຫຼ່ງສື່ມວນຂອງລາວ ແມ່ນວຽກງານໜຶ່ງທີ່ສຳຄັນທີ່ສຸດທາງດ້ານການເມືອງ ຂອງສະຖາບັນສື່ມວນຊົນ ແລະ ໂຄສະນາຫວຽດນາມ, ທັງນີ້ກໍເພື່ອສ້າງຄວາມເຂັ້ມແຂງໃນການເປັນຜູ້ນຳ ແລະ ພະນັກງານນຳພາຄຸ້ມຄອງສື່ມວນຊົນ ຂອງລາວໃນຕໍ່ໜ້າ. ນັບແຕ່ປີ 2012 ມາຮອດ ປັດຈຸບັນ, ສະຖາບັນໄດ້ສຳເລັດການຈັດຝຶກອົບຮົມໃຫ້ຜູ້ບໍລິຫານ ແລະ ພະນັກງານຄຸ້ມຄອງສື່ມວນຊົນລາວ 7 ຊຸດ ໂດຍມີນັກສຶກສາທີ່ຮຽນຈົບທັງໝົດ 147 ຄົນ.
(ແ=່ງຂ່າວ: ຂປລ)
ຄໍາເຫັນ