ເອກອັກຄະລັດຖະທູດວິສາມັນຜູ້ມີອໍານາດເຕັມ ແຫ່ງ ສປ ຈີນ ປະຈຳ ສປປ ລາວ ໃນຕອນບ່າຍຂອງວັນທີ 10 ທັນວາ ນີ້ ທີ່ຄະນະກວດກາສູນກາງພັກ.
ໂອກາດດັ່ງກ່າວ ທ່ານ ຄຳພັນ ພົມມະທັດ ໄດ້ສະແດງຄວາມຍິນດີຕ້ອນຮັບ ແລະ ຊົມເຊີຍຕໍ່ ທ່ານ ນາງ ຟາງຮົງ ທີ່ໄດ້ຮັບການແຕ່ງຕັ້ງໃຫ້ ມາດຳລົງຕຳແໜ່ງເປັນ ເອກອັກຄະລັດຖະທູດວິສາມັນຜູ້ມີອຳນາດເຕັມແຫ່ງ ສປ ຈີນ ປະຈຳ ສປປ ລາວ ຊຶ່ງເປັນການສະແດງເຖິງ ຄວາມໄວ້ເນື້ອເຊື່ອໃຈຢ່າງສູງຂອງພັກ, ລັດ ແລະ ປະຊາຊົນຈີນ ຕໍ່ຜົນງານການປະກອບສ່ວນຢ່າງຕັ້ງໜ້າຂອງ ທ່ານ ເອກອັກຄະລັດຖະທູດ ເຂົ້າໃນການເສີມຂະຫຍາຍສາຍພົວພັນການຮ່ວມມື ລະຫວ່າງ ພັກ, ລັດ ສປປ ລາວ ແລະ ພັກ, ລັດ ສປ ຈີນ ທີ່ເປັນມູນເຊື້ອແບບຄູ່ຮ່ວມຍຸດທະສາດຮອບດ້ານ, ໝັ້ນຄົງ ຍາວນານ ຕາມທິດ 4 ດີ ແລະ ການພົວພັນແບບຄູ່ຮ່ວມຊາຕາກຳ ລາວ-ຈີນ, ຈີນ-ລາວ.
ພ້ອມນີ້ ຍັງໄດ້ຕີລາຄາສູງ ຕໍ່ການຮ່ວມມືປະສານສົມທົບກັນ ລະຫວ່າງ ຄະນະກວດກາສູນກາງພັກປະຊາຊົນ ປະຕິວັດລາວ ກັບ ສະຖານທູດຈີນ ປະຈໍາລາວ, ເຊື່ອໝັ້ນວ່າ ຕະຫຼອດໄລຍະຂອງການປະຕິບັດ ໜ້າທີ່ການທູດຢູ່ລາວ, ທ່ານ ທູດຈະປະກອບສ່ວນເສີມຂະຫຍາຍ ແລະ ຮັດແໜ້ນສາຍ ພົວພັນມິດຕະພາບອັນເປັນມູນເຊື້ອລະຫວ່າງ ສອງພັກ, ສອງລັດ ແລະ ປະຊາຊົນສອງຊາດ ລາວ-ຈີນ ໃຫ້ນັບມື້ນັບແໜ້ນແຟ້ນ ແລະ ມີປະສິດທິຜົນຍິ່ງໆຂຶ້ນ. ຝ່າຍລາວ ຍິນດີຈະໃຫ້ຄວາມຮ່ວມມື, ປະສານສົມທົບຢ່າງແໜ້ນແຟ້ນ ແລະ ອໍານວຍຄວາມ ສະດວກໃຫ້ແກ່ທ່ານທູດ ກໍຄື ສະຖານທູດ ໃນການປະຕິບັດໜ້າທີ່ການທູດຢູ່ ລາວ ແລະ ເຊື່ອໝັ້ນວ່າ ດ້ວຍບົດຮຽນ ແລະ ປະສົບການອັນອຸດົມສົມບູນ, ທ່ານທູດ ຈະສາມາດປະຕິບັດໜ້າທີ່ ການທູດ ຢູ່ ສປປ ລາວ ໄດ້ຮັບຜົນສໍາເລັດຢ່າງຈົບງາມ.
ນອກນີ້ຍັງໄດ້ສະເໜີ ທ່ານທູດ ສືບຕໍ່ປະຕິບັດໜ້າທີ່ການເປັນຂົວເຊື່ອມມິດຕະພາບ ແລະ ເປັນເສນາທິການ ປະກອບສ່ວນ ເຂົ້າໃນການປົກປັກຮັກສາ ແລະ ເພີ່ມພູນຄູນສ້າງ ສາຍພົວພັນການຮ່ວມມື ລະຫວ່າງ ພັກ, ລັດ ສປປ ລາວ ແລະ ພັກ, ລັດ ສປ ຈີນ ທີ່ເປັນມູນເຊື້ອແບບຄູ່ຮ່ວມຍຸດທະສາດຮອບດ້ານ, I ໝັ້ນຄົງ ຍາວນານ ຕາມທິດ 4 ດີ ແລະ ການພົວພັນແບບຄູ່ຮ່ວມຊາຕາກໍາ ລາວ-ຈີນ, ຈີນ-ລາວ ໃຫ້ນັບມື້ນັບແຕກດອກອອກຜົນ, ຂຽວສົດງົດງາມ ແລະ ໝັ້ນຄົງຂະໜົງແກ່ນຊົ່ວກາລະນານ ແລະ ລົງຢ້ຽມຢາມ ບັນດາແຂວງຂອງລາວ ເພື່ອເຫັນໄດ້ ສະພາບຕົວຈິງ ການພັດທະນາຢູ່ແຕ່ລະແຂວງ ແລະ ເປັນການເພີ່ມທະວີຄວາມໃກ້ຊິດກັບ ບັນດາການນໍາ- ອົງການປົກຄອງທ້ອງຖິ່ນຂອງລາວ ແລະ ຫວັງວ່າທ່ານ ຈະຊ່ວຍພິຈາລະນາສືບຕໍ່ຍາດແຍ່ງເອົາ ການຊ່ວຍເຫຼືອ ທີ່ແທດ
ເໝາະກັບສະພາບຕົວຈິງຂອງແຕ່ລະທ້ອງຖິ່ນ ທີ່ມີຄວາມຕ້ອງການໃນ ການພັດທະນາເສດຖະກິດ ແລະ ສັງຄົມ.
ຂ່າວ: ຕູ່ນາ ເລົ່າຖາວອນ
ຄໍາເຫັນ