 |
ຄະນະໄດ້ຢ້ຽມຢາມໂຮງຮຽນມັດທະຍົມຂົວເຊ ເມືອງເຊບັ້ງໄຟ. ຈາກນັ້ນ ທ່ານ ທອງສະລິດ ມັງໜໍ່ເມກ ພ້ອມຄະນະ ແລະ ການນຳແຂວງ ໄດ້ສືບຕໍ່ ເດີນທາງໄປເມືອງໜອງບົກ ເພື່ອພົບປະຄູ-ອາຈານ ແລະ ນັກຮຽນ ຢູ່ໂຮງຮຽນມັດທະຍົມວິຊາຊີບຕົວແບບມິດຕະພາບ ລາວ-ຫວຽດນາມ ບ້ານສອງເໝືອງ. ໃນໂອກາດນີ້ ໄດ້ມອບອຸປະກອນການຮຽນ, ອຸປະກອນກິລາ ແລະ ເງິນຈຳນວນໜຶ່ງ ເພື່ອສະໜັບສະໜູນການຮຽນ-ການສອນ.
 |
ໃນໂອກາດພົບປະ ທ່ານ ທອງສະລິດ ມັງໜໍ່ເມກ ໄດ້ກ່າວວ່າ : ການລົງມາຢ້ຽມຢາມໃນຄັ້ງນີ້ ເພື່ອ ແນໃສ່ຕິດຕາມ ແລະ ຊຸກຍູ້ການເປີດສົກຮຽນໃໝ່ ພ້ອມຮັບຟັງການລາຍງານສະພາບຕົວຈິງ ແລະ ບັນຫາຂອງໂຮງຮຽນ ເພື່ອຫາວິທີສະໜັບສະໜູນໃຫ້ເໝາະສົມ ຊຶ່ງການສຶກສາແມ່ນພື້ນຖານສຳຄັນຂອງການພັດທະນາຄົນ ແລະ ປະເທດ.
 |
ໂຮງຮຽນຕ້ອງໄດ້ເພີ່ມຄວາມເອົາໃຈໃສ່ທັງຄຸນນະພາບການສອນ, ການພັດທະນາຄູ-ອາຈານ ແລະ ສະພາບແວດລ້ອມການຮຽນຮູ້ຂອງນັກຮຽນ. ຫວັງວ່າໂຮງຮຽນຈະນຳໃຊ້ອຸປະກອນ ທີ່ໄດ້ຮັບໃຫ້ເກີດຜົນປະໂຫຍດສູງສຸດ.ຂ່າວ : ມະນີວັນ
ຄໍາເຫັນ