ໂດຍຕອບສະໜອງຕາມການເຊື້ອເຊີນ ຂອງທ່ານ ຟູມິໂອະ ຄິຊິດະ ນາຍົກລັດຖະມົນຕີ ແຫ່ງ ຍີ່ປຸ່ນ ແລະ ທ່ານ Mathias Cormannເລຂາທິການໃຫຍ່ ຂອງອົງການຮ່ວມມືດ້ານເສດຖະກິດ ເພື່ອການພັດທະນາ (OECD), ທ່ານ ສະເຫຼີມໄຊ ກົມມະສິດ ຮອງນາຍົກລັດຖະມົນຕີ ລັດຖະມົນຕີກະຊວງການຕ່າງປະເທດ ແຫ່ງ ສປປ ລາວພ້ອມດ້ວຍຄະນະ ຈະເດີນທາງເຂົ້າຮ່ວມກອງປະຊຸມສະພາລັດຖະມົນຕີ ຂອງອົງການ OECDປະຈໍາປີ 2024(The OECD-Ministerial Council Meeting 2024)ຊຶ່ງຈະຈັດຂື້ນໃນລະຫວ່າງວັນທີ 2-3 ພຶດສະພາ 2024 ທີ່ ນະຄອນຫຼວງປາຣີ ປະເທດຝຣັ່ງ, ພາຍໃຕ້ຫົວຂໍ້: “ການນຳພາປຶກສາຫາລືລະດັບໂລກ ດ້ວຍແນວທາງທີ່ເປັນກາງ ແລະ ເຊື່ອຖືໄດ້ ເພື່ອການເຕີບໂຕແບບຍືນຍົງ ແລະ ຮອບດ້ານ - Leading Global Discussion with Objective and Reliable Approach toward Sustainable and Inclusive Growth”ໂດຍການເປັນປະທານຂອງຍີ່ປຸ່ນ. ໃນໂອກາດນີ້,ທ່ານ ສະເຫຼີມໄຊ ກົມມະສິດຈະໄດ້ຂຶ້ນກ່າວປາໄສຕາງໜ້າໃຫ້ແກ່ບັນດາປະເທດສະມາຊິກອາຊຽນໃນຖານະເປັນປະເທດປະທານອາຊຽນສໍາລັບປີ 2024ເພື່ອແລກປ່ຽນວິໃສທັດຂອງອາຊຽນ ແລະ ສປປ ລາວ ໃນໂອກາດການສະເຫຼີມສະຫຼອງການສ້າງຕັ້ງໂຄງການອາຊີຕາເວັນອອກສ່ຽງໃຕ້ ຂອງອົງການ OECD ຫຼື The OECD-Southeast Asia Regional Programme(SEARP)ຄົບຮອບ 10 ປີ ແລະ ທັງເປັນການຊົມເຊີຍປະເທດຍີ່ປຸ່ນ ໃນຖານະຄູ່ຮ່ວມມືຍຸດທະສາດຂອງ ສປປ ລາວ ໃນໂອກາດສະເຫຼີມສະຫຼອງການເຂົ້າເປັນສະມາຊິກຂອງ ອົງການ OECD ຄົບຮອບ 60 ປີ.
ສານອວຍພອນ ວັນຊາດສິງກະໂປ
ພະນະທ່ານ ທອງລຸນ ສີສຸລິດ ປະທານປະເທດ ແຫ່ງ ສປປ ລາວ ໄດ້ສົ່ງສານອວຍພອນເຖິງ ພະນະທ່ານ ທາມັນ ຊານມູກາຣັດນຳ ປະທານາທິບໍດີ ແຫ່ງ ສາທາລະນະລັດ ສິງກະໂປ ທີ່ ສິງກະໂປ ຊຶ່ງມີເນື້ອໃນວ່າ: ຕາງໜ້າປະຊາຊົນລາວ ແລະ ໃນນາມສ່ວນຕົວ, ຂ້າພະເຈົ້າຂໍສົ່ງຄໍາຊົມເຊີຍອັນອົບອຸ່ນ ແລະ ພອນໄຊອັນປະເສີດມາຍັງພະນະທ່ານ ແລະ ປະຊາຊົນສິງກະໂປທຸກຖ້ວນໜ້າເນື່ອງໃນໂອກາດວັນຊາດແຫ່ງສາທາລະນະລັດ ສິງກະໂປ ຄົບຮອບ 61 ປີ.
ຄໍາເຫັນ