 |
ໃນກອງປະຊຸມໄດ້ຜ່ານ ຮ່າງຂໍຕົກລົງຂອງທ່ານເຈົ້າແຂວງ ວ່າດ້ວຍການຄຸ້ມຄອງ ນໍາໃຊ້ ແລະ ອານຸລັກຊ້າງບ້ານ, ຊຶ່ງປະກອບດ້ວຍ 8 ໝວດ 36 ມາດຕາ. ຈາກນັ້ນ, ຜູ້ເຂົ້າຮ່ວມໄດ້ພ້ອມກັນປະກອບຄຳຄິດເຫັນໃສ່ຮ່າງຂໍ້ຕົກລົງວ່າດ້ວຍຮ່າງຂໍ້ຕົກລົງດັ່ງກ່າວ ໃຫ້ມີຄວາມຖືກຕ້ອງສອດຄ່ອງກັບສະພາບຄວາມເປັນຈິງໃນການເຄື່ອນໄຫວຈັດຕັ້ງປະຕິບັດໃນຕໍ່ໜ້າ. ການຄຸ້ມຄອງ ນຳໃຊ້ ແລະ ອານຸລັກຊ້າງບ້ານນີ້ ສ້າງຂຶ້ນ ເພື່ອຄຸ້ມຄອງການລ້ຽງ, ການປົກປັກຮັກສາ, ການປົກປ້ອງ, ການນຳໃຊ້, ການຮັກສາສຸຂະພາບ, ການສຶກສາຄົ້ນຄວ້າ, ການຂະຫຍາຍພັນຊ້າງ ໃນສະພາບການທີ່ຄົນເປັນຜູ້ເບິ່ງແຍງດູແລຮັກສາ ຊຶ່ງແຕກຕ່າງຈາກຊ້າງປ່າທີ່ດຳລົງຊີວິດໃນທຳມະຊາດຢ່າງອິດສະຫຼະ.
ຈຸດປະສົງ: ການທາບທາມຮ່າງຂໍ້ໃນຄັ້ງນີ້, ກໍເພື່ອກໍານົດຫຼັກການ, ລະບຽບການ ແລະ ມາດຕະການກ່ຽວກັບການຄຸ້ມຄອງ ແລະ ອານຸລັກຊ້າງ, ນຳໃຊ້ຊ້າງ, ການສ້າງຕັ້ງສະມາຄົມ, ຄະນະກຳມະການກວດກາຄຸ້ມຄອງ ການສ້າງຕັ້ງກອງທຶນ ແລະ ຂໍ້ຫ້າມ ເພື່ອແນໃສ່ເຮັດໃຫ້ການປົກປັກຮັກສາຊ້າງໃຫ້ມີຄວາມຍືນຍົງ ແລະ ເຂົ້າຮ່ວມງານມະຫາກຳບຸນຊ້າງຕະຫຼອດໄປ.ຈາກນັ້ນ ກໍໄດ້ເຜີຍແຜ່ກົດໝາຍວ່າດ້ວຍສະຫະກອນ ສະບັບເລກທີ 54/ສພຊ ລົງວັນທີ 28 ມິຖຸນາ 2024 ແລະ ເຜີຍແຜ່ດໍາລັດຂອງລັດຖະບານ ວ່າດ້ວຍກະສິກໍາແບບມີສັນຍາ ສະບັບເລກທີ 56/ລບ ລົງວັນທີ 27 ມັງກອນ 2025ເຊິ່ງໄດ້ກໍານົດຫຼັກການ, ລະບຽບການແລະມາດຕະການ ກ່ຽວກັບການຄຸ້ມຄອງ ຕິດຕາມ ກວດກາການດຳ້ວຽກງານສະຫະກອນ ແລະ ກະສິກຳແບບມີສັນຍາຢູ່ ສປປລາວ.
(ຂາວ: ຄ . ອ . ມ ເມືອງເງິນ)
ຄໍາເຫັນ