ການອອກແຮງງານຕ້ອນຮັບວັນສຳຄັນຕ່າງໆຂອງຊາດ

ຊຽງຂວາງ ສ້າງຂະບວນການອອກແຮງງານຕ້ອນຮັບວັນສຳຄັນຕ່າງໆຂອງຊາດ

09:37 22/10/2024

ແຂວງຊຽງຂວາງ ສ້າງຂະບວນການອອກແຮງງານຕ້ອນຮັບວັນສຳຄັນຕ່າງໆຂອງຊາດຂຶ້ນໃນວັນທີ 21 ຕຸລານີ້, ໂດຍການນຳພາຂອງທ່ານ ບຸນຈັນ ສີວົງພັນ

ເຈົ້າແຂວງຊຽງຂວາງ, ມີການນຳຂອງແຂວງ, ພະແນກການ, ເມືອງ, ພະນັກງານ, ທະຫານ, ຕຳຫຼວດ ແລະ ພໍ່ແມ່ປະຊາຊົນບັນດາເຜົ່າທົ່ວແຂວງຊຽງຂວາງ.

ການອອກແຮງງານຄັ້ງນີ້, ທ່ານເຈົ້າແຂວງຊຽງຂວາງ ໄດ້ກ່າວວ່າ: ການອອກແຮງງານຄັ້ງນີ້ ແມ່ນເນັ້ນ 3 ສ ຄື: ສໍສະອາດ, ສໍສີຂຽວ ແລະ ສໍສະຫງົບ ເພື່ອຂ່ຳນັບຮັບຕ້ອນວັນມູນເຊື້ອທະຫານອາສາສະໝັກ ແລະ ຊ່ຽວຊານຫວຽດນາມ ຄົບຮອບ 75 ປີ ຊຶ່ງຈະໄດ້ຈັດຂຶ້ນໃນລະຫ່ວາງວັນທີ 23-24 ຕຸລາ 2024, ຂ່ຳນັບຮັບຕ້ອນກອງປະຊຸມໃຫຍ່ 3 ຂັ້ນຂອງພັກ, ວັນຊາດທີ 2 ທັນວາ ແລະ ວັນສຳຕັນຕ່າງໆຂອງພັກ, ຂອງຊາດ, ຂອງແຂວງແລະ ເມືອງທີ່ຈະໄດ້ຈັດຂຶ້ນໃນຕໍ່ໜ້ານີ້.

ໂອກາດນີ້, ທ່ານເຈົ້າແຂວງ ໄດ້ມອບຈັກຕັດຄຽນຕົ້ນໄມ້ 1 ເຄື່ອງ, ເປົາຂຽວໃສ່ຂີ້ເຫື້ອຍ 200 ໜ່ວຍ ແລະ ນ້ຳດື່ມ 20 ແກັດ ລວມມູນຄ່າ 5 ລ້ານກວ່າກີບ ໃຫ້ເມືອງແປກເພື່ອໝູນໃຊ້ເຂົ້າໃນການອອກແຮງງານໃນຄັ້ງນີ້. ການອອກແຮງງານຄັ້ງນີ້, ແມ່ນໄດ້ແບ່ງອອກເປັນ 5 ຈຸດຄື: ຈຸດທີ 1 ສາມແຍກແຫຼ່ງທ້ອງທ່ຽວທົ່ງໄຫຫີນບ້ານນາໂອ ຫາ ບ້ານຢອນ (ທາງເວັ້ນຕົວເມືອງ) ນຳພາໂດຍທ່ານ ສີວິໄລ ແສງຈະເລີນ ຮອງເຈົ້າແຂວງ, ຈຸດທີ 2 ປ່ອມຕຳຫຼວດຄັງໄຂ ຫາ ບ້ານຢອນ (ທາງເວັ້ນຕົວເມືອງ) ນຳພາໂດຍທ່ານ ໜໍບີ ຫາຕົ່ງປາວ ຮອງເລຂາພັກແຂວງ, ຈຸດທີ່3 ພູຂີ້ເຫຼົ້າ ຫາ ບ້ານບີ້ (ທາງເວັ້ນຕົວເມືອງ) ນຳພາໂດຍທ່ານ ບົວເງິນ ຫຸມໄຊຍະພົມ ຮອງເຈົ້າແຂວງ, ຈຸດທີ່4 ປ່ອມຕຳຫຼວດຄັງໄຂ ຫາ ບ້ານບີ້ ນຳພາໂດຍທ່ານ ຈັນໄຄ ສຸທິຈັກ ຫົວໜ້າອົງການກວດກາພັກ-ລັດແຂວງ ແລະ ຈຸດທີ 5 ພູຜາແດງຫາສາມແຍກ SOS, ວົງວຽນ 702 ຫາ 4 ແຍກໄຟແດງເບີ 5 ນຳພາໂດຍທ່ານ ບຸນຈັນ ສີວົງພັນ ເຈົ້າແຂວງຊຽງຂ ວາງ.

(ຂ່າວ: ບຸນມີ ແສງທຸມມີ)

ຄໍາເຫັນ

ຂ່າວວັດທະນະທຳ-ສັງຄົມ

ມົນລະພິດໝອກຄວັນເກີດຂຶ້ນຈາກການເຜົາສິ່ງເສດເຫຼືອກະສິກໍາ

04/05/2026 15:35

ສາເຫດຕົ້ນຕໍທີ່ມົນລະພິດໝອກຄວັນເກີດຂຶ້ນແມ່ນເກີດຈາກການເຜົາສິ່ງເສດເຫຼືອຈາກກະສິກໍາ ເຮັດໃຫ້ເກີດມີຈຸດຄວາມຮ້ອນສູງ ຈັດຢູ່ໃນລະດັບອັນຕະລາຍລະດັບທີ 3, ລະດັບຮຸນແຮງສຸດ, ຕໍ່ກັບສະພາບການດັ່ງ ກ່າວ, ລັດຖະບານ ແຫ່ງ ສປປ ລາວ ໄດ້ຖືເອົາວຽກງານແກ້ໄຂມົນລະພິດ ໝອກຄວັນ ເປັນວຽກງານບຸລິມະສິດໜຶ່ງ ແລະ ໄດ້ເອົາໃຈໃສ່ແກ້ໄຂ.

ສະຫະພັນກຳມະບານ ອົງການໄອຍະການປະຊາຊົນສູງສຸດ ສ້າງຂະບວນການອະນາໄມລວມ

04/05/2026 15:32

ສະຫະພັນກຳມະບານ ອົງການໄອຍະການປະຊາຊົນສູງສຸດ (ອອປສ) ສ້າງຂະບວນການອານະໄມລວມພາຍໃນສຳນັກງານຂອງຕົນ ເພື່ອສະເຫຼີມສະຫຼອງວັນກຳມະກອນສາກົນ ຄົບຮອບ 140 ປີ (1 ພຶດສະພາ 1886-1 ພຶດສະພາ 2026) ຂຶ້ນໃນວັນທີ 30 ເມສາ 2026,

ເຜີຍແຜ່ນິຕິກຳ ແລະ ປຶ້ມຄູ່ມືການພົບປະປະຊາຊົນໃຫ້ ສສຊ ແລະ ສສຂ 9 ເຂດເລືອກຕັ້ງ

04/05/2026 12:42

ກອງປະຊຸມເຜີຍແຜ່ນິຕິກໍາຂອງຄະນະປະຈໍາສະພາແຫ່ງຊາດ ແລະ ປຶ້ມຄູ່ມືການພົບປະປະຊາຊົນຂອງສະມາຊິກສະພາແຫ່ງຊາດ (ສສຊ) ແລະ ສະມາຊິກສະພາປະຊາຊົນຂັ້ນແຂວງ (ສສຂ) ໃຫ້ສະມາຊິກ ສສຊ ແລະ ສສຂ ພາກກາງ ແລະ ພາກໃຕ້ ໄດ້ຈັດຂຶ້ນໃນວັນທີ 4 ພຶດສະພານີ້ ທີ່ສະໂມສອນໂຮງຮຽນການເມືອງ -ການປົກຄອງ ແຂວງຄໍາມ່ວນ ໂດຍການເປັນປະທານຂອງ ທ່ານ ບຸນຈັນ ສີວົງພັນ ກໍາມະການສູນກາງພັກຫົວໜ້າຫ້ອງວ່າການສະພາແຫ່ງຊາດ,ເຂົ້າຮ່ວມມີ ບັນດາທ່ານຮອງປະທານ ສະພາປະຊາຊົນແຂວງ, ສະມາຊິກສະພາແຫ່ງຊາດ, ຫົວໜ້າຫ້ອງວ່າການສະພາປະຊາຊົນແຂວງ ຈາກ 9 ເຂດເລືອກຕັ້ງຄື: ແຂວງ ວຽງຈັນ, ບໍລິຄໍາໄຊ, ໄຊສົມບູນ, ສະຫວັນນະເຂດ, ສາລະວັນ, ຈໍາປາສັກ, ເຊກອງ, ອັດຕະປື ແລະ ແຂວງຄໍາມ່ວນ ແລະ ພາກສ່ວນທີ່ກ່ຽວຂ້ອງ.

ເລຂາພັກແຂວງຄໍາມ່ວນ ຕ້ອນຮັບຫົວໜ້າຫ້ອງວ່າການສະພາແຫ່ງຊາດ

04/05/2026 12:37

ວັນທີ 4 ພຶດສະພາ ທີ່ຫ້ອງຮັບແຂກ ຫ້ອງວ່າການແຂວງຄໍາມ່ວນ, ທ່ານ ໄຊຊະນະ ໂຄດພູທອນ ກຳມະການສູນກາງພັກເລຂາພັກແຂວງປະທານສະພາປະຊາຊົນແຂວງຄໍາມ່ວນ ໄດ້ຕ້ອນຮັບ ທ່ານ ບຸນຈັນ ສີວົງພັນ ກຳມະການສູນກາງພັກຫົວໜ້າຫ້ອງວ່າການສະພາແຫ່ງຊາດ ພ້ອມຄະນະ ທີ່ມາເຄື່ອນໄຫວຢ້ຽມຢາມ ແລະ ເຮັດວຽກຢູ່ແຂວງຄໍາມ່ວນ.

ປະກາດສ້າງຕັ້ງຕາແສງສາມັກຄີໄຊຢູ່ເມືອງເງິນ

27/04/2026 11:47

ພິທີປະກາດສ້າງຕັ້ງຕາແສງສາມັກຄີໄຊຢູ່ເມືອງເງິນ ແຂວງໄຊຍະບູລີ ໄດ້ຈັດຂຶ້ນໃນວັນທີ 24 ເມສາຜ່ານມາ ທີ່ເດີ່ນໂຮງຮຽນ ມັດທະຍົມສົມບູນບ້ານທອງໂດຍການເປັນກຽດເຂົ້າຮ່ວມຂອງທ່ານ ດວງຕາ ໄຊວຸດ ຮອງເລຂາພັກແຂວງ ປະທານຄະນະກໍາມະການປົກຄອງແຂວງ, ມີທ່ານ ທອງພັນ ສຸກສະຫວັດ ກໍາມະການພັກແຂວງ ເລຂາຄະນະບໍລິຫານງານພັກເມືອງ, ມີບັນດາການນໍາຂັ້ນແຂວງ, ເມືອງ, ການຈັດຕັ້ງບ້ານ ຕະຫຼອດຮອດພໍ່ແມ່ປະຊາຊົນ 9 ບ້ານເຂົ້າຮ່ວມ.

ຄໍາມ່ວນ ເກັບກ່ຽວພຶດສໍາຮອງລະດູແລ້ງໄດ້ແລ້ວ 64.21%

27/04/2026 11:44

ໃນລະດູການປູກພືດລະດູແລ້ງສົກປີ 2025-2026ນີ້, ທົ່ວແຂວງຄໍາມ່ວນມີເນື້ອທີ່ແຜນການປູກພືດລວມທັງໝົດ 10,666 ເຮັກຕາ, ຄາດຄະເນຜົນຜະລິດ 68,961 ໂຕນ. ໃນນັ້ນ, ແຜນການປູກພືດເພື່ອເປັນສະບຽງອາຫານ 3,858 ເຮັກຕາ ຄາດຄະເນຜົນຜະລິດ 17,034 ໂຕນ; ແຜນການປູກພືດເພື່ອເປັນສິນຄ້າ 6,808 ເຮັກຕາ, ຄາດຄະເນຜົນຜະລິດ 51,927 ໂຕນ. ສໍາລັບເນື້ອທີ່ແຜນການປູກພືດສໍາຮອງລະດູແລ້ງຂອງປີ 2026 ເມື່ອທຽບໃສ່ແຜນປີ 2025 ຜ່ານມາເຫັນວ່າເນື້ອທີ່ມີການເພີ້ມຂຶ້້ນ 1.3% ຫຼື ເທົ່າກັບ 139 ເຮັກຕາ.

ນິທັດສະການຮູບວາດວິຊາການການບິນ

27/04/2026 11:18

ສະມາຄົມການບິນ ແລະ ອາວະກາດຈີນໄດ້ຈັດນິທັດສະການຮູບວາດວິຊາການການບິນຂຶ້ນໃນວັນທີ 25 ເມສາ ຜ່ານມາ ທີ່ມະຫາວິທະຍາໄລແຫ່ງຊາດ, ໂດຍມີທ່ານ ກົວເວີຍ ຜູ້ອຳນວຍການສູນສົ່ງເສີມ ແລະ ນໍາໃຊເຕັກໂນໂລຊີການຜະລິດຂັ້ນສູງສະມາຄົມການບິນ ແລະ ອາວະກາດຈີນ ແລະ ທ່ານ ທົງນະສັກ ດວງດາລາ ຫົວໜ້າຫ້ອງການວິຊາການ ແລະ ຄຸ້ມຄອງນັກສຶກສາ, ມີບັນດານັກສຶກສາ ແລະ ແຂກຖືກເຊີນເຂົ້າຮ່ວມ, ພາຍໃນງານໄດ້ມີການສາຍວີດີໂອປະຫວັດຄວາມເປັນມາຂອງສະມາຄົມການບິນ ແລະ ອາວະກາດຈີນ ແລະ ທ່ຽວຊົມຮູບວາດວິຊາການການບິນ.

ຄອສພ ປິດຊຸດອົບຮົມທິດສະດີການເມືອງຂັ້ນຕົ້ນ ຊຸດ III

26/04/2026 21:22

ຄະນະໂຄສະນາອົບຮົມສູນກາງພັກ (ຄອສພ) ໄດ້ຈັດພິທີປິດຊຸດອົບຮົມທິດສະດີການເມືອງຂັ້ນຕົ້ນ ຊຸດ III ສຳລັບ ສະມາຊິກພັກ-ພະນັກງານ ຄອສພ ຈໍານວນ 39 ສະຫາຍ, ໃນວັນທີ 24 ເມສານີ້ ທີ່ສະໂມສອນຂອງ ຄອສພ. ເປັນກຽດເຂົ້າຮ່ວມໃນພິທີມີ ສະຫາຍ ສາຄອນ ພົມມະລາດ ກໍາມະການພັກ ຮອງຫົວໜ້າໂຄສະນາອົບຮົມສູນກາງພັກ, ສະຫາຍ ນາງ ບຸນມີ ຈຸນລະຈັກ ຮອງຫົວໜ້າສະຖາບັນການເມືອງ ແລະ ການປົກຄອງແຫ່ງຊາດ, ແຂກຖືກເຊີນ ພ້ອມດ້ວຍສະມາຊິກພັກ-ພະນັກງານ ຄອສພ.

ອົງການຈັດຕັ້ງກໍາມະບານແຕ່ລະຂັ້ນ ຈົ່ງເປັນເຈົ້າການປະຕິບັດຕາມສິດໜ້າທີ່ຂອງຕົນ

24/04/2026 12:35

ເນື່ອງໃນໂອກາດສະເຫຼີມສະຫຼອງວັນກໍາມະກອນສາກົນ ຄົບຮອບ 140 ປີ (1 ພຶດສະພາ 1886 - 1 ພຶດສະພາ2026) ທີ່ຈະມາເຖິງນີ້, ທ່ານ ຄໍາຜອຍ ວັນນະສານ ກຳມະການສູນກາງພັກ ເລຂາຄະນະພັກ ປະທານຄະນະບໍລິຫານງານສູນກາງສະຫະພັນກຳມະບານລາວ ໄດ້ຖະແຫຼງຂ່າວຕໍ່ສື່ມວນຊົນ ໃນວັນທີ 23 ເມສານີ້ວ່າ: ໂດຍສືບທອດມູນເຊື້ອອັນດີເລີດຂອງຊົນຊັ້ນກຳມະກອນສາກົນ, ຊົນຊັ້ນກຳມະກອນລາວ ແມ່ນພາກສ່ວນໜຶ່ງຂອງຊົນຊັ້ນກຳມະກອນສາກົນ ໂດຍພາຍໃຕ້ການຊີ້ນຳ-ນຳພາຂອງພັກປະຊາຊົນປະຕິວັດລາວ ຊົນຊັ້ນກຳມະກອນ ແລະ ຜູ້ອອກແຮງງານລາວ ໄດ້ຮ່ຳຮຽນເອົາຄຸນລັກສະນະອັນດີເລີດຂອງຊົນຊັ້ນກຳມະກອນສາກົນ ຊຶ່ງສະແດງອອກໃນຫຼາຍດ້ານເປັນຕົ້ນ: ເປັນຊົນຊັ້ນກຳມະກອນທີ່ດີເລີດ ແລະ ກ້າວໜ້າກວ່າໝູ່, ມີນໍ້າໃຈຮັກຊາດ ແລະ ນ້ຳໃຈສາກົນກຳມະຊີບອັນຜ່ອງໃສ, ມີມານະຈິດປະຕິວັດອັນສູງສົ່ງ ດຸໝັ່ນ, ປະຢັດ, ມີຄວາມສາມັກຄີເອື້ອເຟື້ອເຜື່ອແຜ່, ມີຄວາມຕື່ນຕົວ, ເດັດດ່ຽວ, ກ້າຫານ, ບໍ່ຍອມຈຳນົນ, ມີສະຕິຕໍ່ການຈັດຕັ້ງ, ມີລະບຽບວິໄນຢ່າງເຂັ້ມງວດໃນການອອກແຮງງານ, ຮັກອາຊີບ, ມີຫົວຄິດປະດິດສ້າງ ພັດທະນາຕົນເອງທາງດ້ານເຕັກນິກວິທະຍາສາດທີ່ທັນສະໄໝ.

ສປສສ ປາຖະກະຖາວັນສ້າງຕັ້ງຄະນະຊາວໜຸ່ມປະຊາຊົນ ປະຕິວັດລາວ ຄົບຮອບ 71 ປີ

24/04/2026 12:30

ວັນທີ 23 ເມສາ ນີ້ ທີ່ສານປະຊາຊົນສູງສຸດ (ສປສສ), ຄະນະບໍລິຫານງານຊາວໜຸ່ມ ສານປະຊາຊົນສູງສຸດ ໄດ້ຈັດພິທີປາຖະກະຖາສະເຫຼີມສະຫຼອງວັນສ້າງຕັ້ງຄະນະຊາວໜຸ່ມ ປະຊາຊົນ ປະຕິວັດລາວ ຄົບຮອບ 71 ປີ (14 ເມສາ 1955 ຫາ 14 ເມສາ 2026). ໃຫ້ກຽດປາຖະກະຖາໂດຍ ສະຫາຍ ສຸລິຍາ ແກ້ວພິລາວົງ ຮອງເລຂາຄະນະບໍລິຫານງານພັກ ຮອງເລຂາຄະນະບໍລິຫານງານສູນກາງຊາວໜຸ່ມປະຊາຊົນປະຕິວັດລາວ, ໂດຍມີ ສະຫາຍ ຂຸນສຸວັນ ສຸທຳມະວົງ ຄະນະປະຈຳພັກ ຮອງປະທານສານປະຊາຊົນສູງສຸດ, ສະຫາຍ ອານຸສິດ ສຸຂະທຳມະວົງ ຄະນະປະຈຳ ເລຂາຄະນະບໍລິຫານງານຊາວໜຸ່ມ ສປສສ ພ້ອມດ້ວຍສະມາຊິກຊາວໜຸ່ມເຂົ້າຮ່ວມຮັບຟັງ.

ເພີ່ມເຕີມ