,ທ່ານນາງ ສວນສະຫວັນ ວິຍະເກດ ລັດຖະມົນຕີກະຊວງຖະແຫຼງຂ່າວ, ວັດທະນະທຳ ແລະ ທ່ອງທ່ຽວ,ມີບັນດາແຂກຖືກເຊີນພ້ອມດ້ວຍຄອບຄົວ ບຸບຜານຸວົງ, ຄູ-ອາຈານ, ນັກຮຽນ-ນັກສຶກສາ, ນັກປະພັນ, ນັກກະວີທັງອາວຸໂສ ແລະ ໜຸ່ມນ້ອຍເຂົ້າຮ່ວມ.
ໂອກາດດັ່ງກ່າວ, ທ່ານ ທອງໃບ ໂພທິສານ ປະທານສະມາຄົມນັກປະພັນລາວ ກ່າວວ່າ: ທ່ານ ສຸວັນທອນ ບຸບຜານຸວົງ ຫຼືນາມປາກກາ ຊາຍເຊໂປນ ສິລະປິນແຫ່ງຊາດສາຂາວັນນະກໍາເປັນນັກປະພັນລາງວັນ ວັນນະກໍາສ້າງສັນຍອດຢ້ຽມແຫ່ງອາຊຽນ ຫຼື“ຊີໄຣ”S.E.A. Write Award ປີ 2000ທັງເປັນນັກຂຽນທີ່ມີຊື່ສຽງໃນລະດັບຕໍານານຂອງນັກຂຽນປະຕິວັດ ຊຶ່ງມີຜົນງານບົດຂຽນເປັນນະວະນິຍາຍທີ່ມີຊື່ສຽງ ແລະ ໄດ້ຮັບຄວາມນິຍົມຊົມຊອບທີ່ສຸດໃນຍຸກສົງຄາມປະຕິວັດປົດປ່ອຍຊາດ, ຕໍ່ສູ້ຕ້ານກັບຈັກກະພັດຜູ້ຮຸກຮານ ທັງໄດ້ຮັບການກ່າວຂານກັນມາຈົນເຖິງຍຸກປັດຈຸບັນ ນັ້ນກໍຄືນະວະນິຍາຍປະຕິວັດເລື່ອງ “ສອງເອື້ອຍນ້ອງ”ແລະ“ກອງພັນທີສອງ”ທີ່ໄດ້ຮັບການຈັດພິມເຜີຍແຜ່ຫຼາຍຄັ້ງແລະໄດ້ຮັບການແປເປັນພາສາຕ່າງປະເທດຫຼາຍພາສາຕະຫຼອດໄລຍະຊຸມປີທີ່ຜ່ານມາ. ນອກນັ້ນ, ທ່ານຍັງມີຜົນງານເລື່ອງສັ້ນທີ່ໄດ້ຂຽນ ແລະ ໄດ້ລົງພິມຢູ່ໃນວາລະສານ ແລະ ໜັງສືພິມຕ່າງໆ. ທ່ານ ສຸວັນທອນ ບຸບຜານຸວົງ ແມ່ນໜຶ່ງໃນຄະນະຂົນຂວາຍກະກຽມສ້າງຕັ້ງສະມາຄົມນັກປະພັນລາວ ແລະ ທ່ານກໍໄດ້ຮັບການເລືອກຕັ້ງເປັນປະທານສະມາຄົມນັກປະພັນລາວ ຜູ້ທໍາອິດຂອງປະເທດຊາດໃນກອງປະຊຸມໃຫຍ່ຂອງສະມາຄົມນັກປະພັນລາວຄັ້ງທີ 1.
ທ່ານ ທອງໃບ ໂພທິສານ ໃຫ້ຮູ້ອີກວ່າ: ເພື່ອສືບຕໍ່ຮັກສາ ແລະ ເສີມຂະຫຍາຍບົດບາດຊື່ສຽງຂອງເພິ່ນໃຫ້ຍືນຍົງຄົງຕົວຢູ່ໃນວົງການວັນນະຄະດີບ້ານເຮົາຕໍ່ໆໄປໃນອະນາຄົດທາງຄອບຄົວ ບຸບຜານຸວົງຈະສ້າງຕັ້ງ “ກອງທຶນສົ່ງເສີມວັນນະຄະດີສຸວັນທອນບຸບຜານຸວົງ” ຊຶ່ງກອງທຶນດັ່ງກ່າວຈະເຮັດບົດບາດໜ້າທີ່ໃນການຊຸກຍູ້ສົ່ງເສີມວັນນະຄະດີຂອງນັກປະພັນລາວເຮົາ ໂດຍຈະຈັດໃຫ້ມີການແຂ່ງຂັນ ກວດສອບບົດປະພັນວັນນະຄະດີ ແລະ ມອບລາງວັນວັນນະຄະດີປະຈຳແຕ່ລະປີ ໂດຍສະເພາະແມ່ນໃນຖັນແຖວນັກຂຽນໜຸ່ມ, ນັກຮຽນ-ນັກສຶກສາຜູ້ທີ່ຮຽນເກັ່ງທາງດ້ານວັນນະຄະດີທັງໃນລະດັບອຸດົມສຶກສາ ແລະ ມະຫາວິທະຍາໄລຊຶ່ງສະມາຄົມນັກປະພັນລາວຈະສະໜັບສະໜູນແນວຄວາມຄິດ ແລະ ຂໍ້ລິເລີ່ມດັ່ງກ່າວ ຊຶ່ງໃນການປະຕິບັດຕົວຈິງ ກໍຈະໄດ້ສົມທົບປຶກສາຫາລືກັບພາກສ່ວນທີ່ກ່ຽວຂ້ອງຕ່າງໆ ເພື່ອໃຫ້ສາມາດດໍາເນີນໄປຢ່າງມີໝາກຜົນ ແລະ ຖືກຕ້ອງຕາມລະບຽບຫຼັກການຕໍ່ໄປ.
ຂ່າວ: ບຸນຕອມ
ຄໍາເຫັນ