3 ອົງການຈັດຕັ້ງ ກະຊວງ ປທ ມອບເຄື່ອງຊ່ວຍເຫຼືອບ້ານທີ່ໄດ້ຮັບຜົນກະທົບຈາກພາຍຸໝາກເຫັບ

ໂອກາດນີ້, ຜູ້ຕາງໜ້າຄອບທີ່ຖືກຜົນກະທົບ ໄດ້ກ່າວຄຳຂອບໃຈ ແລະ ຮູ້ບຸນຄຸນຢ່າງສູງຕໍ່ການລົງມາຢ້ຽມຢາມໃຫ້ກຳລັງໃຈຂອງ 3 ອົງການຈັດຕັ້ງມະຫາຊົນ ກະຊວງປ້ອງກັນປະເທດ.

ພ້ອມນີ້, ສະຫາຍ ພັນເອກ ນາງ ປາ ວົງສະແຫວງ ຍັງໄດ້ກ່າວວ່າ: ມື້ນີ້ ພວກເຮົາຕາງໜ້າ 3 ອົງການຈັດຕັ້ງມະຫາຊົນກອງທັບ ໄດ້ພ້ອມກັນຈັດຕັ້ງຄະນະມາຢ້ຽມຢາມ ຊຸກຍູ້ໃຫ້ກໍາລັງໃຈບັນດາຄອບຄົວພະນັກງານ-ນັກຮົບ ແລະ ພໍ່ແມ່ປະຊາຊົນທີ່ຖືກຜົນກະທົບຈາກພາຍຸໝາກເຫັບໃນຄັ້ງນີ້, ຕໍ່ຜົນກະທົບດັ່ງກ່າວ 3 ອົງການຈັດຕັ້ງມະຫາຊົນກອງທັບຂອງພວກເຮົາ ແມ່ນສຸດທີ່ມີຄວາມເສຍອົກເສຍໃຈ ແລະ ເປັນຫ່ວງເປັນໃຍ, ຈຶ່ງໄດ້ພ້ອມກັນປຸກລະດົມຮີບໂຮມວັດຖຸ ປັດໃຈໄດ້ຈໍານວນໜຶ່ງມາໃຫ້ກໍາລັງໃຈ ແລະ ແບ່ງເບົາບັນເທົາທຸກໃຫ້ ຜູ້ທີ່ໄດ້ຮັບຜົນກະທົບໃນຄັ້ງນີ້, ເຖິງວ່າຈໍານວນບໍ່ຫຼວງຫຼາຍ ມູນຄ່າຈະບໍ່ສູງ ແຕ່ທັງໜົດນີ້ກໍແມ່ນວັງນໍ້າໃຈ ແມ່ນຄວາມຮັກແພງ ແລະ ຄວາມຫ່ວງໃຍຈາກ 3 ອົງການຈັດຕັ້ງມະຫາຊົນກອງທັບ, ພວກເຮົາຈະຢືນຄຽງຂ້າງປະຊາຊົນ ກໍຄືບັນດາຄອບຄົວທີ່ຖືກຜົນກະທົບໃນຄັ້ງນີ້.

ຂ່າວ: ວຽງຈັນໃໝ່