ລາຍງານຄວາມຄືບໜ້າການຕິດຕັ້ງລະບົບຄວບຄຸມການຈະລາຈອນທາງບົກ

ລາຍງານຄວາມຄືບໜ້າການຕິດຕັ້ງລະບົບຄວບຄຸມການຈະລາຈອນທາງບົກ

ລາຍງານຄວາມຄືບໜ້າການຕິດຕັ້ງລະບົບຄວບຄຸມການຈະລາຈອນທາງບົກ
ກອງປະຊຸມການລົງຢ້ຽມຢາມ ແລະ ຕິດຕາມຄວາມຄືບໜ້າການຕິດຕັ້ງລະບົບຄວບຄຸມການຈະລາຈອນທາງບົກພາຍໃຕ້ໂຄງການຄຸ້ມຄອງຍານພາຫະນະ ແລະ ການຂົນສົ່ງ ແບບຄົບວົງຈອນ ໄດ້ຈັດຂຶ້ນໃນວັນທີ 16 ພະຈິກນີ້ ທີ່ກົມຕຳຫຼວດຈະລາຈອນ ກົມໃຫຍ່ຕຳຫຼວດ ກະຊວງປ້ອງກັນຄວາມສະຫງົບ (ປກສ) ໂດຍການເປັນປະທານຮ່ວມຂອງ ທ່ານ ລິດຕາ ຂັດທິຍະຮອງລັດຖະມົນຕີ ກະຊວງໂຍທາທິການ ແລະ ຂົນສົ່ງ (ຍທຂ), ທ່ານ ພົຕ ກອງສະຫວັດ ບຸນລ້ຽງ ຮອງລັດຖະມົນຕີ ກະຊວງ ປກສ, ທ່ານ ສຸລິວັດ ສຸວັນນະຈູມຄຳ ຮອງລັດຖະມົນຕີ ກະຊວງການເງິນ, ທ່ານ ແກ້ວວິສຸກ ໂສລະພິມ ຮອງລັດຖະມົນຕີ ກະຊວງເຕັກໂນໂລຊີ ແລະ ການສື່ສານ, ທ່ານ ນາງ ວິໄລວອນ ຈັນທະລາຕີ ຮອງປະທານຄະນະກຳມະການປົກຄອງ ນະຄອນຫຼວງວຽງຈັນ (ນວ),ມີບັນດາຫົວໜ້າກົມ-ຮອງກົມ, ຜູ້ອຳນວຍການບໍລິສັດລາວສະມາດທານສະຟອມເມຊັນດາຕ້າ ແລະ ເທັກໂນໂລຊີ ຈຳກັດ ພ້ອມດ້ວຍພາກສ່ວນກ່ຽວຂ້ອງເຂົ້າຮ່ວມ.
ລາຍງານຄວາມຄບໜາການຕດຕງລະບບຄວບຄມການຈະລາຈອນທາງບກ - image 1
 

 

ໂອກາດນີ້, ທ່ານ ນາງ ອໍາໄພວັນ ແກ້ວປະດິດ ຮອງຫົວໜ້າກົມຂົນສົ່ງກະຊວງ ຍທຂ ເຈົ້າຂອງໂຄງການຄຸ້ມຄອງຍານພາຫະນະ ແລະ ການຂົນສົ່ງ ແບບຄົບວົງຈອນໄດ້ລາຍງານຄວາມຄືບໜ້າການຈັດຕັ້ງປະຕິບັດວຽກງານໂຄງການດັ່ງກ່າວ ໃນປັດຈຸບັນນັບແຕ່ມື້ໄດ້ເຊັນສັນຍາສຳປະທານການລົງທຶນຮ່ວມລະຫວ່າງພາກລັດ ແລະ ເອກະຊົນ ໃນຄັ້ງວັນທີ 17 ມັງກອນ 2026.ໜ້າວຽກຫຼັກຂອງໂຄງການທີ່ມີການພັດທະນາໂຄງລ່າງພື້ນຖານ ແລະ ການພັດທະນາລະບົບການຂຶ້ນທະບຽນຍານພາຫະນະ ແລະ ການຂັບຂີ່ ໂດຍສະເພາະຄວາມຄືບໜ້າການພັດທະນາໂຄງລ່າງພື້ນຖານໃນ ນວເປັນຕົ້ນການຕິດຕັ້ງໄຟສັນຍານຈະລາຈອນໄດ້ 18 ຈຸດ ຂອງຈຳນວນ 64 ຈຸດ ແລະ ສ້ອມແປງຊົ່ວຄາວໃຫ້ສາມາດນຳໃຊ້ໄດ້ 20 ຈຸດ; ການຕິດຕັ້ງກ້ອງວົງຈອນປິດ (E-police) 6 ຈຸດ ຂອງຈຳນວນ 40 ຈຸດ ແລະ ແລວ BRT ອີກ 7 ຈຸດ ລວມ 47 ຈຸດ; ການຕິດຕັ້ງກ້ອງຈັບຄວາມໄວ (Check point) 4 ຈຸດຂອງຈຳນວນ 47 ຈຸດ; ການກຳນົດຈຸດຈອດລົດຜິດລະບຽບຕາມເສັ້ນທາງໃນຕົວເມືອງ ນວ ບ່ອນທີ່ຈຳເປັນ ທັງໝົດ 21 ຈຸດ ໃນ5 ເມືອງ (ເມືອງ ຈັນທະບູນລີ, ສີໂຄດຕະບອງ, ໄຊເສດຖາ,ສີສັດຕະນາກ ແລະ ໄຊທານີ) ບັນດາເມືອງໄດ້ປະກອບຄຳເຫັນມາໃຫ້ຫ້ອງວ່າການ ນວ ລໍຖ້າອອກໜັງສືແຈ້ງກັບກະຊວງ ຍທຂ ເພື່ອຊາບ ແລະ ປະຕິບັດ; ສຳເລັດການສ້າງສູນຄວບຄຸມການຈະລາຈອນທາງບົກ ທີ່ກົມຕຳຫຼວດຈະລາຈອນ, ກົມໃຫຍ່ຕຳຫຼວດກະຊວງ ປກສ. ລະບົບກ້ອງ CCTV ແລະ ລະບົບຕິດຕາມການຈັດຕັ້ງປະຕິບັດມາດຕະການປັບໄໝ (ລວມທັງໃບປັບໄໝ (Violation Tickets) ໄດ້ຖືກເຊື່ອມເຂົ້າໃນຖານຂໍ້ມູນຫຼັກຂອງໂຄງການ (ລະບົບຄຸ້ມຄອງໃບຂັບຂີ່ ແລະ ລະບົບຄຸ້ມຄອງຍານພາຫະນະ) ແລະ ໄດ້ເອົາລົງໃນລະບົບຂອງສູນຄວບຄຸມການຈະລາຈອນທາງບົກເປັນທີ່ຮຽບຮ້ອຍ; ການພັດທະນາບ່ອນຈອດລົດໃນຕົວເມືອງ ຍັງຢູ່ໃນຂັ້ນຕອນການຄົ້ນຄ້ວາພື້ນທີ່ດິນລັດ ເພື່ອພັດທະນາ.

ການພັດທະນາລະບົບການຂຶ້ນທະບຽນຍານພາຫະນະ ແລະ ຂັບຂີ່ ເປັນຖານຂໍ້ມູນຍານພາຫະນະແຫ່ງຊາດ:ພັດທະນາລະບົບເກັບຂໍ້ມູນການຂຶ້ນທະບຽນຍານພາຫະນະ ແລະ ການສອບເສັງໃບຂັບຂີ່ ໃຫ້ຄົບຖ້ວນສົມບູນ ເປັນຖານຂໍ້ມູນຫຼັກໃນການເຊື່ອມຕໍ່ກັບລະບົບຕ່າງໆທີ່ຕິດພັນການຄຸ້ມຄອງຍານພາຫະນະ ແລະ ການຂົນສົ່ງ ເປັນຕົ້ນລະບົບຄຸ້ມຄອງການນຳເຂົ້າຍານພາຫະນະ (LNSW), ລະບົບຄຸ້ມຄອງການເສຍຄ່າທາງ, ລະບົບການປະກັນໄພ, ລະບົບຄຸ້ມຄອງຫົວໜ່ວຍທຸລະກິດການຂົນສົ່ງ, ລະບົບການອອກອະນຸຍາດປື້ມລົດຂົນສົ່ງລະຫວ່າງປະເທດ, ໃບອະນຸຍາດຂົນສົ່ງສິນຄ້າອັນຕະລາຍ, ໃບອະນຸຍາດຂົນສົ່ງພິເສດ, ສ້າງລະບົບຄຸ້ມຄອງລົດບັນທຸກໜັກ, ລະບົບຄຸ້ມຄອງສຳມະໂນຄົວເພື່ອຢືນຢັ້ນຕົວຕົນຂອງເຈົ້າຂອງລົດ-ເຈົ້າຂອງໃບຂັບຂີ່ ແລະ ສ້າງລະບົບຕິດຕາມການຈັດຕັ້ງປະຕິບັດມາດຕະການປັບໄໝ ແລະ ໃສ່ໂທດຜູ້ລະເມີດລະບຽບການຈະລາຈອນ ແລະ ລະບຽບການຂົນສົ່ງທາງບົກ. ຮອດປັດຈຸບັນໜ້າວຽກທີ່ກ່າວມາຂ້າງເທິງນັ້ນມີຄວາມຄືບໜ້າຄື:ສຳເລັດການພັດທະນາລະບົບຄຸ້ມຄອງການຂຶ້ນທະບຽນຍານພາຫະນະ ແລະ ໃບຂັບຂີ່ສຳເລັດໂດຍພື້ນຖານ ແລະ ກະກຽມລົງຈັດຕັ້ງປະຕິບັດການຂຶ້ນທະບຽນຍານພາຫະນະ ແລະ ການຂັບຂີ່ ໂດຍລະບົບໃໝ່ ຢູ່ 2 ແຂວງຄື: ແຂວງວຽງຈັນ ແລະ ແຂວງບໍລິຄຳໄຊ ຕາມແຈ້ງການຫ້ອງການ ກະຊວງ ຍທຂ ສະບັບເລກທີ 27737/ຫກ, ລົງວັນທີ 9 ພະຈິກ 2026 ເຫດຜົນເລືອກເອົາ 2 ແຂວງດັ່ງກ່າວຍ້ອນຈໍານວນປະຊາກອນໜ້ອຍ, ອັດຕາສ່ວນລົດໃໝ່ມາຂຶ້ນທະບຽນມີຈຳກັດ,ຈຶ່ງມີຄວາມສະດວກໃນການຄ່ຽນຖ່າຍລະບົບເກົ່າໄປຫາລະບົບໃໝ່, ເນື່ອງຈາກການຕິດຕັ້ງໄດ້ເຮັດຄູ່ຂະໜາດກັບການໃຫ້ບໍລິການປະຊາຊົນແບບປົກກະຕິປະຈຳວັນ, ຖ້າຂະບວນການຕິດຕັ້ງລະບົບພົບເຫັນອຸປະສັກ ຫຼື ຫຍຸ້ງຍາກ ການທົດລອງເຮັດຢູ່ແຂວງນ້ອຍ ຈະເຮັດໃຫ້ສາມາດແກ້ໄຂໄດ້ທັນການຍ້ອນປະລິມານຜູ້ມາພົວພັນການຂຶ້ນທະບຽນລົດແຕ່ລະມື້ບໍ່ຫຼາຍ ແລະ ສາມາດຖອດຖອນບົດຮຽນກ່ອນຈະຂະຫຍາຍໄປແຂວງອື່ນ; ໄດ້ພົວພັນເຮັດວຽກຮ່ວມກົມຄຸ້ມຄອງສຳມະໂນຄົວ ກະຊວງ ປກສ ເພື່ອຂໍເຊື່ອມລະບົບການຂື້ນທະບຽນຍານພາຫະນະ ເຂົ້າກັບລະບົບຄຸ້ມຄອງສຳມະໂນຄົວ ແລະ ກຽມເຊັນບົດບັນທຶກການປຶກສາຫາລື ເພື່ອກ້າວໄປສູ່ການຮ່າງ MOU ຮ່ວມກັນໃນການປະຕິບັດເງື່ອນໄຂການເຊື່ອມລະບົບທັງສອງ; ສຳລັບການເຊື່ອມຂໍ້ມູນໄປຍັງຖານຂໍ້ມູນເລກໝາຍໂທລະສັບ ກັບກະຊວງ ເຕັກໂນໂລຊີ ແລະ ການສືສານແມ່ນຈະໄດ້ເລີ່ມໃນໄຕມາດ I ຂອງປີ 2027; ສ່ວນການເຊື່ອມໂຍງລະບົບຂໍ້ມູນ ກັບລະບົບ TaxRIS ແລະ LNSW+ ເພື່ອກວດສອບພັນທະອາກອນ, ເລກປະຈຳຜູ້ເສຍອາກອນ, ເສຍຄ່າທຳນຽມທາງ, ປະຫວັດການແຈ້ງສິດ ແລະ ການນຳເຂົ້າຍານພາຫະນະຜ່ານດ່ານພາສີ ກຳລັງດຳເນີນການໃນເບື້ອງກະຊວງການເງິນ. ຖ້າການເຊື່ອມການເກັບລາຍຮັບຂອງໂຄງການ ຜ່ານລະບົບໂປແກຼມ Findlink ຍັງບໍ່ທັນສຳເລັດ ຂໍສະເໜີໃຫ້ໂຄງການໄດ້ເປີດບັນຊີໂຄງການ ເພື່ອຮອງຮັບເງິນລາຍຮັບທີ່ຈະເກີດຂຶ້ນກ່ອນໄດ້ບໍ. ເພາະຫຼັງຈາກເປີດບັນຊີແລ້ວຕ້ອງໄດ້ໄປພົວພັນບັນດາທະນາຄານທຸລະກິດໄວ້ ເພື່ອເປີດທາງເລືອກຫຼາຍທາງໃຫ້ປະຊາຊົນໃນການຊຳລະຄ່າທຳນຽນ-ຄ່າບໍລິການຜ່ານທະນາຄານທີ່ຕົນສະດວກ, BCELone, LDBTrust; ຂໍ້ຄົງຄ້າງກ່ຽວກັບລະບົບແມ່ນກະກຽມຂໍອະນຸມັດເປີດນຳໃຊ້ Mobile Police App, Public Service Website and App, ການເຊື່ອມລະບົບ KYC ແລະ ລະບົບຄຸ້ມຄອງລົດນຳເຂົ້າແບບຊົ່ວຄາວ D53 (ບ53)

ສໍາລັບທິດທາງແຜນການໃນຕໍ່ໜ້າ: ກະກຽມຝຶກອົບຮົມໃຫ້ພະນັກງານກົມຂົນສົ່ງ ແລະ ພະນັກງານພະແນກ ຍທຂ ແລະ ກອງຄຸ້ມຄອງຍານພາຫະນະແຂວງວຽງຈັນ ແລະ ບໍລິຄຳໄຊ ໃນການນຳໃຊ້ລະບົບການຂື້ນທະບຽນຍານພາຫະນະ ແລະ ການຂັບຂີ່ ພາຍຫຼັງແຂວງສົ່ງລາຍຊື່ເປົ້າໝາຍພະນັກງານໃຫ້ກົມ; ກະກຽມຝຶກອົບຮົມການນຳໃຊ້ເຄື່ອງມືການຄວບຄຸມລະບົບການຈະລາຈອນທາງບົກ ໃຫ້ເຈົ້າໜ້າທີ່ຕຳຫຼວດຈະລາຈອນ; ກະກຽມລາຍງານລັດຖະບານ ເພື່ອຂໍທິດຊີ້ນຳກ່ຽວກັບການລິເລີ່ມນຳໃຊ້ລະບົບຄຸ້ມຄອງການຈະລາຈອນທາງບົກໃໝ່ ເປັນເຄື່ອງມືໃນການບັງຄັບໃຊ້ກົດໝາຍຕໍ່ຜູ້ລະເມີດລະບຽບການຈະລາຈອນ ແລະ ການຂົນສົ່ງທາງບົກ. ສະນັ້ນ, ຕ້ອງໄດ້ຊຸກຍູ້ການເປີດບັນຊີ Escrow Account ໃຫ້ສໍາເລັດໂດຍໄວເພື່ອເກັບຮັກສາເງິນລາຍຮັບຈາກການປັບໄໝ; ເພື່ອໃຫ້ວຽກງານສາມາດຈັດຕັ້ງປະຕິບັດໄດ້ຢ່າງຄ່ອງຕົວ ແລະ ທັນຕາມກຳນົດເວລາ ຕົ້ນປີ 2027.

(ຂ່າວ-ພາບ: ວັນເພັງ)

ຄໍາເຫັນ

ຂ່າວວັດທະນະທຳ-ສັງຄົມ

ບໍລິສັດ ພູເບ້ຍ ມາຍນິງ ບັນລຸການຢັ້ງຢືນການປະຕິບັດຕາມຫຼັກການຄຸ້ມຄອງສານໄຊຍະນາຍ ຢ່າງຄົບຖ້ວນອີກຄັ້ງ – ພະຈິກ 2026

ບໍລິສັດ ພູເບ້ຍ ມາຍນິງ ບັນລຸການຢັ້ງຢືນການປະຕິບັດຕາມຫຼັກການຄຸ້ມຄອງສານໄຊຍະນາຍ ຢ່າງຄົບຖ້ວນອີກຄັ້ງ – ພະຈິກ 2026

ບໍລິສັດ ພູເບ້ຍ ມາຍນິງ ມີຄວາມຍິນດີທີ່ຈະແຈ້ງໃຫ້ຊາບວ່າ ໂຄງການຂຸດຄົ້ນ-ປຸງແຕ່ງ ຄໍາ-ເງິນ ບ້ານຫ້ວຍຊາຍ ໄດ້ຮັບການຢັ້ງຢືນການປະຕິບັດຕາມຫຼັກການຄຸ້ມຄອງໄຊຍະນາຍໃນລະດັບສາກົນຢ່າງຄົບຖ້ວນອີກຄັ້ງ. ສະຖາບັນຄຸ້ມຄອງໄຊຍະນາຍໃນລະດັບສາກົນ (ICMI) ໄດ້ແຈ້ງການຢັ້ງຢືນດັ່ງກ່າວນີ້ໃນວັນທີ 7 ພະຈິກ 2026, ເຊິ່ງເປັນການຢັ້ງຢືນຄັ້ງທີ 6 ຂອງ ໂຄງການບ້ານຫ້ວຍຊາຍ ພາຍໃຕ້ຫຼັກການນີ້.
ເຜີຍແຜ່ເຊື່ອມຊຶມນິຕິກໍາກຳນົດພະນັກງານນໍາພາ-ຄຸ້ມຄອງຂັ້ນ ສຊປລ

ເຜີຍແຜ່ເຊື່ອມຊຶມນິຕິກໍາກຳນົດພະນັກງານນໍາພາ-ຄຸ້ມຄອງຂັ້ນ ສຊປລ

ສູນກາງຊາວໜຸ່ມປະຊາຊົນປະຕິວັດລາວ (ສຊປລ) ໄດ້ຈັດກອງປະຊຸມເຜີຍແຜ່ເຊື່ອມຊຶມນິຕິກໍາກຳນົດພະນັກງານນໍາພາ-ຄຸ້ມຄອງຂັ້ນ ສຊປລ ຄຸ້ມຄອງ ຂຶ້ນໃນວັນທີ 16 ພະຈິກນີ້ທີ່ ສຊປລ ໂດຍການເປັນປະທານຂອງສະຫາຍ ທອງລີ ສີສຸລິດກຳມະການສູນກາງພັກເລຂາຄະນະບໍລິຫານງານສູນກາງ ສຊປລ, ມີຮອງເລຂາ, ມີສະຫາຍຄະນະພັກ, ເລຂາໜ່ວຍພັກ, ສະມາຊິກພັກ-ພະນັກງານ ເຂົ້າຮ່ວມ.
ພະນັກງານຫຼັກແຫຼ່ງ ອົງການໄອຍະການປະຊາຊົນ ຍົກລະດັບວຽກງານໂຄສະນາ - ປາຖະກະຖາ

ພະນັກງານຫຼັກແຫຼ່ງ ອົງການໄອຍະການປະຊາຊົນ ຍົກລະດັບວຽກງານໂຄສະນາ - ປາຖະກະຖາ

ພິທີເປີດຝຶກອົບຮົມຄວາມຮູ້ພື້ນຖານວຽກງານໂຄສະນາ-ປາຖະກະຖາໃຫ້ແກ່ພະນັກງານຫຼັກແຫຼ່ງຂອງອົງການໄອຍະການປະຊາຊົນສູງສຸດ, ອົງການໄອຍະການທະຫານຂັ້ນສູງ, ອົງການໄອຍະການປະຊາຊົນພາກກາງ ແລະ ນະຄອນຫຼວງວຽງຈັນ ໄດ້ຈັດຂຶ້ນໃນວັນທີ 16 ພະຈິກນີ້ ທີ່ອົງການໄອຍະການປະຊາຊົນພາກກາງ, ໂດຍການປະທານຂອງ ທ່ານ ນາງ ລີວົງ ລາວລີ ກໍາມະການສູນກາງພັກ ເລຂາຄະນະບໍລິຫານງານພັກ ຫົວໜ້າອົງການໄອຍະການປະຊາຊົນສູງສຸດ; ມີທ່ານ ບົວໄລ ພານຸວົງ ຫົວໜ້າກົມໂຄສະນາ ຄະນະໂຄສະນາອົບຮົມສູນກາງພັກ (ຄອສພ), ມີຄະນະພັກ, ຄະນະນໍາ, ພະນັກງານຫຼັກ ແຫຼ່ງຂັ້ນກົມ, ຫ້ອງການ, ສະຖາບັນຄົ້ນຄ້ວາ ແລະ ຝຶກອົບຮົມໄອຍະການ ອົງການໄອຍະການປະຊາ ຊົນສູງສຸດ, ອົງການໄອຍະການທະຫານຂັ້ນສູງ, ອົງການໄອຍະການປະຊາຊົນພາກກາງ ແລະ ອົງການໄອຍະການປະຊາຊົນນະຄອນຫຼວງ ເຂົ້າຮ່ວມ 40 ​ສະຫາຍ.
ອັດຕະປື ສະຫຼຸບແຜນກຳນົດພະນັກງານນຳພາ-ຄຸ້ມຄອງ 5 ປີ ພ້ອມກຳນົດທິດທາງຕໍ່​ໜ້າ

ອັດຕະປື ສະຫຼຸບແຜນກຳນົດພະນັກງານນຳພາ-ຄຸ້ມຄອງ 5 ປີ ພ້ອມກຳນົດທິດທາງຕໍ່​ໜ້າ

ຄະນະຈັດຕັ້ງ ແຂວງອັດຕະປື ໄດ້ຈັດກອງປະຊຸມສະຫຼຸບຕີລາຄາຜົນການຈັດຕັ້ງປະຕິບັດແຜນກຳນົດພະນັກງານນຳພາ-ຄຸ້ມຄອງ ໄລຍະ 5 ປີ (2021-2025), ພ້ອມທັງວາງທິດທາງການສ້າງແຜນກຳນົດພະນັກງານໄລຍະ 5 ປີ (2026-2030), ໃນ​ວັນ​ທີ 16 ພະ​ຈິກ​ນີ້, ໂດຍເປັນກຽດເຂົ້າ ຮ່ວມຂອງ ທ່ານ ນາງ ມີນາພອນ ໄຊສົມພູ ຮອງເລຂາພັກແຂວງ, ມີຄະນະນຳຄະນະຈັດຕັ້ງແຂວງ, ຫົວໜ້າ-ຮອງຫົວໜ້າຂະແໜງການ ແລະ ພະນັກງານ-ລັດຖະກອນເຂົ້າຮ່ວມ.
ເມືອງສາລະວັນ ເປີດຂະ​ບວນການຜະລິດລະດູແລ້ງ ສົກປີ 2026 - 2027

ເມືອງສາລະວັນ ເປີດຂະ​ບວນການຜະລິດລະດູແລ້ງ ສົກປີ 2026 - 2027

ຫ້ອງການກະສິກໍາ ແລະ ສິ່ງແວດລ້ອມ ເມືອງສາລະວັນ ແຂວງ​ສາ​ລະ​ວັນຮ່ວມກັບຕາແສງບຶງໄຊ ຈັດພິທີເປີດຂະ​ບວນການຜະລິດລະດູແລ້ງ ສົກປີ 2026 – 2027, ໃນວັນທີ 13ພະຈິກຜ່ານ​ມາ, ທີ່ໂຄງການຊົນລະປະທານຝາຍນໍ້າລົ້ນ ບ້ານໜອງໜໍ້ ຕາແສງບຶງໄຊ,ໂດຍມີ ທ່ານ ສະໄໝ ໂພທິສານ ເລຂາຄະນະບໍລິຫານງານພັກເມືອງ, ທ່ານ ບຸນສາ ຄ່ຽມມະນີຂັນໄຊ ປະທານຄະນະກຳມະການປົກຄອງເມືອງສາລະວັນ, ມີ​ພາກ​ສ່ວນ​ກ່ຽວ​ຂ້ອງ​ເຂົ້າ​ຮ່ວມ.
ສະຫວັນນະເຂດ ສະຫຼຸບວຽກງານກໍ່ສ້າງຮາກຖານການເມືອງ-ພັດທະນາຊົນນະບົດ

ສະຫວັນນະເຂດ ສະຫຼຸບວຽກງານກໍ່ສ້າງຮາກຖານການເມືອງ-ພັດທະນາຊົນນະບົດ

ແຂວງສະຫວັນນະເຂດ ຈັດກອງປະຊຸມສະຫຼຸບວຽກງານ ກໍ່ສ້າງຮາກຖານການເມືອງ, ພັດທະນາຊົນນະບົດ-ແກ້ໄຂຄວາມທຸກຍາກ ແລະ ວຽກງານສາມສ້າງ ໄລຍະ 5 ປີ (2022-2026) ແລະ ວາງທິດທາງແຜນການໃນ 5 ປີຕໍ່ໜ້າ ໃນວັນທີ 13 ພະຈິກ 2026 ໂດຍການເປັນປະທານຂອງທ່ານ ບຸນໂຈມ ອຸບົນປະເສີດ ເລຂາພັກແຂວງ ປະທານສະພາປະຊາຊົນແຂວງສະຫວັນນະເຂດ,ມີພະແນກການ-ກົມກອງອ້ອມຂ້າງແຂວງ, ບັນດາເມືອງ-ນະຄອນ ແລະ ພາກສ່ວນກ່ຽວຂ້ອງເຂົ້າຮ່ວມ.
ຄະນະກວດກາພັກ ແຂວງສາລະວັນ ສ້າງແຜນກຳນົດພະນັກງານນຳພາ-ຄຸ້ມຄອງ

ຄະນະກວດກາພັກ ແຂວງສາລະວັນ ສ້າງແຜນກຳນົດພະນັກງານນຳພາ-ຄຸ້ມຄອງ

ຄະນະກວດກາພັກອົງການກວດກາລັດ ແຂວງສາລະວັນ ດຳເນີນກອງປະຊຸມສ້າງແຜນກຳນົດພະນັກງານນຳພາ-ຄຸ້ມຄອງ,ໃນວັນທີ 12ພະຈິກຜ່ານ​ມາ,ທີ່ຫ້ອງປະຊຸມຂອງຕົນໂດຍໃຫ້ກຽດເຂົ້າຮ່ວມເປັນປະທານຂອງ ສະຫາຍ ນາງ ບຸນທະວີ ດວງລາສີ ຮອງເລຂາພັກແຂວງ, ຜູ້ຊີ້ນຳວຽກງານການເມືອງ-ແນວຄິດ, ວຽກພັກ-ພະນັກງານ, ມີ ທ່ານ ສົມສັກ ທົງຄໍາຫານ ຄະນະປະຈຳພັກແຂວງ, ປະທານຄະນະກວດກາພັກອົງການກວດກາລັດແຂວງ, ຫົວໜ້າອົງການຕ້ານການສໍ້ລາດບັງຫຼວງແຂວງ;ມີພາກສ່ວນທີ່ກ່ຽວຂ້ອງ ເຂົ້າຮ່ວມ.
ເມືອງໝື່ນ ທໍາລາຍສິນຄ້າໝົດອາຍຸ-ເຊື່ອມຄຸນນະພາບ

ເມືອງໝື່ນ ທໍາລາຍສິນຄ້າໝົດອາຍຸ-ເຊື່ອມຄຸນນະພາບ

ຫ້ອງການອຸດສະຫະກໍາ ແລະ ການຄ້າ ເມືອງໝື່ນ ແຂວງວຽງຈັນ ໄດ້ຈັດພິທີທໍາລາຍສິນຄ້າເຊື່ອມຄຸນນະພາບ, ໝົດອາຍຸ ແລະ ນໍາເຂົ້າບໍ່ຖືກຕ້ອງ ໃນ​ວັນ​ທີ 13 ພະ​ຈິກ​ນີ້ ໂດຍເປັນກຽດເຂົ້າຮ່ວມຂອງທ່ານ ສຸພິດ ອິນທະໂພທອງ ຮອງປະທານຄະນະກໍາມະການປົກຄອງເມືອງ, ມີຄະນະສະເພາະກິດຕ້ານສະກັດກັ້ນການຄ້າຂາຍເຖື່ອນ-ຄ້າຂາຍນອກລະບົບຂັ້ນເມືອງ ພ້ອມດ້ວຍຂະແໜງການທີ່ກ່ຽວຂ້ອງເຂົ້າຮ່ວມ.
ເມືອງໂຂງ ສະຫຼອງ ວັນຊົນລະປະທານ ພ້ອມເປີດຂະບວນການຜະລິດລະດູແລ້ງ

ເມືອງໂຂງ ສະຫຼອງ ວັນຊົນລະປະທານ ພ້ອມເປີດຂະບວນການຜະລິດລະດູແລ້ງ

ເມືອງໂຂງ ແຂວງຈຳປາສັກ ໄດ້ຈັດພິທີສະເຫຼີມສະຫຼອງ ວັນຊົນລະປະທານແຫ່ງຊາດ (ວັນທີ 3 ພະຈິກ 2026) ແລະ ວັນສັກຢາປ້ອງກັນພະຍາດສັດແຫ່ງຊາດ (ວັນທີ 11 ພະຈິກ 2026), ພ້ອມ​ທັງ​ເປີດ​ຂະ​ບວນ​ການ​ຜະ​ລິດ​ລະ​ດູ​ແລ້ງສົກ​ປີ 2026-2027, ໃນ​ວັນ​ທີ 13 ພະ​ຈິກ​ນີ້ທີ່ ບ້ານ​ຫ້ວຍຕາ​ແສງດອນ​ໂຂງ, ໂດຍ​ມີທ່ານ ສາທິດ ປັດສາພັນ ກຳມະການພັກແຂວງ ເລຂາຄະນະບໍລິຫານງານພັກເມືອງ, ທ່ານ ຈັນທະນົງສິນ ຈັນທະພິມ ຮອງເລຂາພັກເມືອງ ປະທານຄະນະກຳມະການປົກຄອງເມືອງ, ມີພາກ​ສ່ວນ​ກ່ຽວ​ຂ້ອງ​ເຂົ້າ​ຮ່ວມ.
ໄຊ​ສົມ​ບູນສຳເລັດກອງປະຊຸມວຽກງານກວດກາ ທົ່ວແຂວງ

ໄຊ​ສົມ​ບູນສຳເລັດກອງປະຊຸມວຽກງານກວດກາ ທົ່ວແຂວງ

ກອງປະຊຸມ ສະຫຼຸບຕີລາຄາວຽກງານກວດກາ ທົ່ວແຂວງໄຊສົມບູນ 5 ປີ (2021-2025) ແລະວາງທິດທາງແຜນການ 5 ປີ (2026-2030) ໄດ້ປິດ​ລົງໃນວັນທີ 12 ພະຈິກຜ່ານ​ມາ, ທີ່ສະໂມສອນຂອງແຂວງ ໂດຍການເປັນທານຂອງ ສະຫາຍ ວັນໄຊ ພອງສະຫວັນກຳມະການກົມການເມືອງສູນກາງພັກປະທານຄະນະກວດກາສູນກາງພັກປະທານອົງການກວດກາແຫ່ງລັດຫົວໜ້າອົງການຕ້ານການສໍ້ລາດບັງຫຼວງຂັ້ນສູນກາງ, ມີສະຫາຍ ພອຍຄໍາ ຮຸ່ງບຸນຍວງກຳມະການສູນກາງພັກເລຂາພັກແຂວງປະທານສະພາປະຊາຊົນແຂວງ, ມີພາກ​ສ່ວນ​ກ່ຽວ​ຂ້ອງເຂົ້າຮ່ວມ.
ເພີ່ມເຕີມ