![]() |
ຕະຫຼອດໄລຍະຂອງການດຳເນີນກອງປະຊຸມ ແມ່ນເຕັມໄປດ້ວຍບັນຍາກາດອັນຟົດຟື້ນ ແລະ ມີຄວາມໝາຍສໍາຄັນອັນເລິກເຊິ່ງ ບັນດາຜູ້ເຂົ້າຮ່ວມ ໄດ້ຍົກສູງຄວາມຮັບຜິດຊອບຂອງຕົນ ໃນການປະກອບຄໍາຄິດ-ຄໍາເຫັນ, ແລກປ່ຽນບົດຮຽນເຊິ່ງກັນ ແລະ ກັນ ໂດຍມີຄວາມເປັນເອກະພາບສູງ ຕໍ່ການຕີລາຄາເຖິງຜົນສໍາເລັດການຈັດຕັ້ງປະຕິບັດວຽກງານກວດກາ ໃນໄລຍະ 5 ປີຜ່ານມາ ແລະວາງທິດທາງແຜນການຈຸດສຸມ 5 ປີຕໍ່ໜ້າ ທີ່ຈະຕ້ອງໄດ້ສືບຕໍ່ຈັດຕັ້ງປະຕິບັດ ເພື່ອເຮັດໃຫ້ວຽກງານກວດກາພັກ, ກວດກາລັດ ແລະ ຕ້ານການສໍ້ລາດບັງຫຼວງ ມີຄວາມເຂັ້ມແຂງ, ທັນສະໄໝ, ມີວິທະຍາສາດ, ມີປະສິດທິພາບ ແລະ ປະສິດທິຜົນສູງຂຶ້ນກວ່າເກົ່າ ຕາມຄໍາຂວັນທີ່ວ່າ “ ເພີ່ມທະວີວຽກງານຕິດຕາມ, ກວດກາໃຫ້ເຂັ້ມງວດຮອບດ້ານຕ້ານ ແລະ ແກ້ໄຂການສໍ້ລາດບັງຫຼວງ ເດັດຂາດ, ໂປ່ງໃສ ແລະ ທັນສະໄໝ ເພື່ອການພັດທະນາປະເທດຊາດ ທີ່ຍືນຍົງ."
ສະຫາຍ ວັນໄຊ ພອງສະຫວັນ ໄດ້ມີຄໍາເຫັນໂອ້ລົມ ຊຶ່ງໄດ້ເນັ້ນໃຫ້ຄະນະພັກ, ຄະນະນໍາ ກໍຄືຄະນະກວດກາພັກ-ລັດ ແຂວງໄຊສົມບູນ ສືບຕໍ່ຈັດຕັ້ງປະຕິບັດວຽກງງານກວດກາດ້ວຍຄວາມຮັບຜິດຊອບສູງ, ເນື່ອງຈາກວ່າວຽກງານກວດກາ ເປັນວຽກງານທີ່ມີຄວາມສໍາຄັນຫຼາຍ, ເປັນຄວາມຮັບຜິດຊອບໂດຍກົງຂອງຄະນະພັກແຕ່ລະຂັ້ນ ໃນການນຳພາ-ຊີ້ນຳ ເຮັດແນວໃດໃຫ້ວຽກງານກວດກາມີຄວາມເຂັ້ມແຂງ, ຢາກໃຫ້ວຽກງານກວດກາຢູ່ບ່ອນໃດມີຄວາມເຂັ້ມແຂງ ຕ້ອງເລີ່ມຈາກການນໍາພາຂອງຄະນະພັກ ໂດຍສະເພາະຄະນະປະຈຳພັກ ໃນນັ້ນ, ສະຫາຍເລຂາຄະນະພັກ ຕ້ອງເປັນເຈົ້າການໃນການນໍາພາ, ບັນຊາ, ຊີ້ນໍາ, ເຫັນການລະເມີດຢູ່ບ່ອນໃດ ກໍແກ້ໄຂໃຫ້ເດັດຂາດທັນການ, ບໍ່ປະໄວ້ໃຫ້ຄຸມເຄືອ ຊຶ່ງການກວດກາແມ່ນກວດກາໃຫ້ເຫັນດ້ານດີ, ຜົນສໍາເລັດ ແລະກວດກາໃຫ້ເຫັນຈຸດອ່ອນ, ຂໍ້ຄົງຄ້າງ ຂອງການນໍາພາຂອງຄະນະພັກຂັ້ນນັ້ນ ແລະ ບຸກຄົນໃນຄະນະພັກ ເພື່ອເສີມຂະຫຍາຍ ແລະ ຕໍ່ຍອດຈຸດດີນັ້ນ ໃຫ້ຂະຫຍາຍກວ້າງອອກ ແລະກວດກາໃຫ້ເຫັນຈຸດອ່ອນ, ຂໍ້ຄົງຄ້າງ ເພື່ອຈະໄດ້ມີການແນະນໍາ, ຕັກເຕືອນ ເພື່ອໃຫ້ມີການປັບປຸງແກ້ໄຂ ອັນໃດທີ່ມັນບໍ່ຖືກ ແຕ່ຖ້າວ່າມີການກະທໍາຜິດຮ້າຍແຮງ ເປັນການລະເມີດລະບຽບກົດໝາຍ ກໍຈະຕ້ອງມີຄວາມເດັດຂາດ, ເຂັ້ມງວດ ປະຕິບັດຕາມລະບຽບກົດໝາຍ.
ຂ່າວ: ແຂວງໄຊສົມບູນ

ຄໍາເຫັນ