![]() |
ໃນພິທີ, ສະຫາຍ ສາກົນ ໄຊຍະລາດ ກຳມະການຄະນະບໍລິຫານງານພັກ, ຫົວໜ້າກົມຈັດຕັ້ງ ໄດ້ສະຫຼຸບວຽກງານຈັດຕັ້ງ ແລະ ການປົກຄອງໄລຍະ 5 ປີ (2021-2025) ແລະ ທິດທາງແຜນການ 5 ປີ (2026-2030) ຂອງສານປະຊາຊົນສູງສຸດ ໂດຍຍົກໃຫ້ເຫັນດ້ານດີ, ຜົນສຳເລັດ, ດ້ານອ່ອນ, ຂໍ້ຄົງຄ້າງ ແລະ ທິດທາງແຜນ ການ ໃນການຈັດຕັ້ງປະຕິບັດວຽກງານດັ່ງກ່າວໃນຕໍ່ໜ້າ. ໃນ 5 ປີຜ່ານມາ, ຄະນະພັກ, ຄະນະນຳສານປະຊາຊົນສູງສຸດ ໄດ້ມີການນໍາພາ-ຊີ້ນໍາຢ່າງໃກ້ສິດ ຊຸກຍູ້ການນໍາຂອງສານແຕ່ລະຂັ້ນ ເຮັດໃຫ້ສາມາດແກ້ໄຂບັນຫາຄົງຄ້າງ ແລະ ສ້າງໄດ້ຜົນສໍາເລັດຫຼາຍດ້ານທີ່ໜ້າເພິ່ງພໍໃຈ ໂດຍສະເພາະ 70 ປີ ແຫ່ງການນໍາພາສ້າງລະບອບປະຊາທິປະໄຕປະຊາຊົນ ກໍຄືໄລຍະປ່ຽນແປງໃໝ່ຢ່າງຮອບດ້ານ ທີ່ມີຫຼັກການນຳພາຂອງພັກ ແລະ 40 ປີ ແຫ່ງການປ່ຽນແປງໃໝ່ ເວົ້າລວມ, ເວົ້າສະເພາະ ສານປະຊາຊົນສູງສຸດໃນນາມເປັນອົງການຕຸລາການ ກໍໄດ້ຮັບການປັບປຸງ ແລະ ເຕີບໃຫຍ່ຂະຫຍາຍຕົວທາງດ້ານການຈັດຕັ້ງ ແລະ ບຸກຄະລາກອນເປັນກ້າວໆມາ, ການຕັດສິນຄະ ດີມີຄວາມວ່ອງໄວ, ໂປ່ງໃສ, ຖຶກຕ້ອງ ແລະ ຍຸຕິທໍາ, ໄດ້ເອົາໃຈໃສ່ວຽກງານກໍ່ສ້າງ-ບໍາລຸງພະນັກງານ-ລັດຖະ ກອນຢ່າງຕໍ່ເນື່ອງ ຊຶ່ງສະແດງອອກໄລຍະ 5 ປີຜ່ານມາ. ໄດ້ຮັບການຍົກລະດັບທິດສະດີຢູ່ພາຍໃນ ແລະ ຕ່າງ ປະເທດມີທັງໝົດ 391 ສະຫາຍ ຍິງ 45 ສະຫາຍ; ໃນນີ້ ປະລິນຍາໂທ (ພາຍໃນ) 10 ສະຫາຍ; ປະລິນຍາຕີ 1 ສະຫາຍ; ຂັ້ນສູງ 22 ສະຫາຍ; ຂັ້ນກາງ 28 ສະຫາຍ; ຂັ້ນຕົ້ນ 77 ສະຫາຍ; ບໍາລຸງ 45 ວັນ 248 ສະ ຫາຍ ແລະ ໄປຍົກລະດັບທິດສະດີຕ່າງປະເທດຊັ້ນສູງ 4 ສະຫາຍ; ຊັ້ນກາງ 1 ສະຫາຍ; ຍົກລະດັບວິຊາສະ ເພາະຢູ່ພາຍໃນ ແລະ ຕ່າງປະເທດ ມີທັງໝົດຈຳນວນ 67 ສະຫາຍ ຍິງ 14 ສະຫາຍ; ໃນນີ້ ປະລິນຍາໂທ (ພາຍໃນ) 29 ສະຫາຍ ຍິງ 8 ສະຫາຍ; ປະລິນຍາຕີ 30 ສະຫາຍ ຍິງ 14 ສະຫາຍ, ປະລິນຍາໂທ 7 ສະ ຫາຍ ຍິງ 2 ສະຫາຍ, ປະລິນຍາເອກ (ຢູ່ຕ່າງປະເທດ) 1 ສະຫາຍ. ຈັດຕັ້ງການສອບເສັງຜູ້ພິພາກຊັ້ນສີ່ 2 ຊຸດ ມີຜູ້ເຂົ້າຮ່ວມ 133 ສະຫາຍ ຍິງ 29 ສະຫາຍ; ສອບເສັງຜູ້ພິພາກສາຊັ້ນໜຶ່ງ 2 ຊຸດ ມີຜູ້ເຂົ້າຮ່ວມ 540 ສະ ຫາຍ ຍິງ 170 ສະຫາຍ; ເປີດຝຶກອົບຮົມຜູ້ຊ່ວຍຜູ້ພິພາກສາ 5 ຊຸດ ມີຜູ້ເຂົ້າຮ່ວມທັງໝົດ 233 ທ່ານ ຍິງ 62 ສະຫາຍ, ເປີດຊຸດຝຶກອົບຮົມຜູ້ພິພາກສາຕັດສິນຜູ້ພິພາກສາຜູ້ດຽວຈຳນວນ 5 ຊຸດ ມີຜູ້ເຂົ້າຮ່ວມ 88 ສະຫາຍ ຍິງ 50 ສະຫາຍ; ຝຶກອົບຮົມຂຽນຄໍາຕັດສິນ 1 ຊຸດ ມີຜູ້ເຂົ້າຮ່ວມທັງໝົດ 57 ສະຫາຍ ຍິງ 9 ສະຫາຍ; ຝຶກອົບຮົມວຽກງານຈ່າສານ 3 ຊຸດ ມີຜູ້ເຂົ້າຮ່ວມທັງໝົດ 89 ສະຫາຍ ຍິງ 39 ສະຫາຍ; ສອບເສັງຄັດເລືອກເອົາລັດຖະກອນໃໝ່ 35 ໂກຕ້າ ຕາມຈຳນວນໂຕເລກທີ່ລັດຖະບານມອບໃຫ້.
ເອົາໃຈໃສ່ຄົ້ນຄວ້າພິຈາລະນາ ການແຕ່ງຕັັ້ງ, ສັບຊ້ອນ, ຈັດວາງພະນັກງານປະຕິບັດຕາມທິດມີຂຶ້ນ ມີລົງ ມີເຂົ້າ-ມີອອກ ແລະ ການສັບປ່ຽນບ່ອນປະຈໍາການຂອງພະນັກງານ ໂດຍອີງໃສ່ຄວາມຮຽກຮ້ອງຕ້ອງການຂອງໜ້າທີ່ການເມືອງ, ອີງໃສ່ຕໍາແໜ່ງງານຕົວຈິງໃນກົງຈັກການຈັດຕັັ້ງ ແລະ ແຜນກໍານົດພະນັກງານ, ການສັບຊ້ອນ, ຈັດວາງພະນັກງານ ແມ່ນຕິດພັນກັບການກະກຽມບຸກຄະລາກອນ ໃຫ້ແກ່ການດໍາເນີນກອງປະຊຸມໃຫຍ່ 3 ຂັ້ນຂອງພັກແຕ່ລະຂັັ້ນ ແລະ ການປັບປຸງກົງຈັກການຈັດຕັັ້ງຢູ່ບັນດາກົມ, ບັນດາຄະນະສານ, ຫ້ອງການ, ສະຖາບັນຄົ້ນຄວ້າ ແລະ ຝຶກອົບຮົມ ແລະ ສານປະຊາຊົນທ້ອງຖິ່ນ ໂດຍແຕ່ງຕັ້ງຫົວໜ້າກົມ, ຫົວໜ້າຄະນະສານຂອງສານປະຊາຊົນສູງສຸດ 13 ສະຫາຍ, ຮອງຫົວໜ້າກົມ 13 ສະຫາຍ ຍິງ 5 ສະຫາຍ; ຮອງຫົວໜ້າຄະນະສານ 12 ສະຫາຍ ຍິງ 3 ສະຫາຍ; ແຕ່ງຕັ້ງຫົວໜ້າພະແນກ 26 ສະຫາຍ ຍິງ 12 ສະຫາຍ; ຮອງຫົວໜ້າພະແນກ 50 ສະຫາຍ ຍິງ 17 ສະຫາຍ; ແຕ່ງຕັ້ງປະທານສານປະຊາຊົນທ້ອງຖິ່ນ 43 ສະຫາຍ ຍິງ 6 ສະຫາຍ; ຮອງປະ ທານສານປະຊາຊົນທ້ອງຖິ່ນ 72 ສະຫາຍ ຍິງ 7 ສະຫາຍ; ຫົວໜ້າຄະນະສານ 109 ສະຫາຍ; ຜູ້ພິພາກສາຊັ້ນໜຶ່ງ 209 ສະຫາຍ ຍິງ 77 ສະຫາຍ; ຕໍາແໜ່ງບໍລິຫານອື່ນ 85 ສະຫາຍ ຍິງ 42 ສະຫາຍ; ຜູ້ຊ່ວຍຜູ້ພິພາກ ສາ 230 ສະຫາຍ ຍິງ 62 ສະຫາຍ ແລະ ຈ່າສານ 74 ສະຫາຍ; ເລື່ອນຊັ້ນຜູ້ພິພາກສາ ຊັ້ນໜຶ່ງຂຶ້ນເປັນຊັ້ນສອງຈໍານວນ 130 ສະຫາຍ; ຊັ້ນສອງ ຂຶ້ນເປັນ ຊັ້ນສາມ 51 ສະຫາຍ ແລະ ຜູ້ພິພາກສາ ຊັ້ນສີ່ 63 ສະຫາຍ; ສັບປ່ຽນບ່ອນປະຈໍາການຂອງພະນັກງານ 293 ສະຫາຍ ຍິງ 82 ສະຫາຍ; ຍົກຍ້າຍພະນັກງານໄປພາກສ່ວນອື່ນ 20 ສະຫາຍ ຍິງ 7 ສະຫາຍ; ຮັບເອົາພະນັກງານມາຈາກພາກສ່ວນອື່ນ 37 ສະຫາຍ ຍິງ 10 ສະຫາຍ; ໄດ້ຫັນເອົາຜູ້ພິພາກສາຂອງສານປະຊາຊົນສູງສຸດ, ສານປະຊາຊົນພາກກາງ, ສານປະຊາຊົນນະຄອນຫຼວງວຽງຈັນ ແລະ ສານປະຊາຊົນເຂດ ໃນນະຄອນຫຼວງວຽງຈັນ ລົງກໍ່ສ້າງຮາກຖານ ຢູ່ສານປະຊາຊົນໃນຂອບເຂດທົ່ວປະເທດໄດ້ຈຳນວນ 34 ສະຫາຍ ຍິງ 4 ສະຫາຍ; ໄດ້ອອກບັດພະນັກງານ-ລັດຖະກອນຈໍານວນ 401 ບັດ (ກວມເອົາ 22% ຂອງພະນັກງານສານປະຊາຊົນທົົ່ວປະເທດ), ຂັັ້ນສູນກາງ 230 ບັດ, ຂັ້ນທ້ອງຖິ່ນ 171 ບັດ, ພະນັກ ງານ-ລັດຖະກອນ ມີທັງໝົດ 1,759 ສະຫາຍ (ຍິງ 668 ສະຫາຍ); ໃນນີ້, ຂັັ້ນສູນກາງພັກຄຸ້ມຄອງ 39 ສະ ຫາຍ ແລະ ຂັັ້ນຄະນະປະຈໍາພັກສານປະຊາຊົນສູງສຸດຄຸ້ມຄອງ 1,720 ສະຫາຍ.
ກອງປະຊຸມໄດ້ຮັບຟັງການຜ່ານຮ່າງບົດລາຍງານ ຕີລາຄາການກະກຽມ ແລະ ດຳເນີນກອງປະຊຸມໃຫຍ່ 3 ຂັ້ນຂອງພັກ 5 ປີຜ່ານມາ (2021-2026) ແລະ ທິດທາງແຜນການ (2026-2030) ຂອງສານປະຊາຊົນ, ສະ ເໜີໂດຍສະຫາຍ ພົມມະຫາ ປັນຍານຸເດດ ຄະນະປະຈຳພັກ ຫົວໜ້າກົມກວດກາ. ໃນນັ້ນ, ກອງປະຊຸມຍັງໄດ້ສະເໜີຫົວຂໍ້: ການກໍ່ສ້າງໜ່ວຍພັກປອດໃສ, ເຂັ້ມແຂງ, ໝັກແໜ້ນ, ຫົວຂໍ້: ແຜນກໍ່ສ້າງພະນັກງານ-ລັດຖະກອນ” ແລະ ຫົວຂໍ້: ການພັດທະນາບຸກຄະລາກອນຂອງສານຫັນເປັນໜຸ່ມ. ຈາກນັ້ນ, ບັນດາຜູ້ເຂົ້າຮ່ວມໄດ້ປະກອບຄຳຄິດຄຳເຫັນຢ່າງກົງໄປກົງມາ ເພື່ອໃຫ້ແຕ່ລະຫົວຂໍ້ມີຄວາມເໝາະສົມ ສົມບູນ ແນໃສ່ການຈັດຕັ້ງປະຕິບັດໃຫ້ໄດ້ຮັບຜົນສຳເລັດຕາມລະດັບຄາດໝາຍທີ່ກໍານົດໄວ້.
(ຂ່າວ-ພາບ: ຍຸພິນທອງ)

ຄໍາເຫັນ