48 ປີ ແຫ່ງການເຕີບໃຫຍ່ຂະຫຍາຍຕົວຂອງກະຊວງແຜນການ-ການລົງທຶນ

48 ປີ ແຫ່ງການເຕີບໃຫຍ່ຂະຫຍາຍຕົວຂອງກະຊວງແຜນການ-ການລົງທຶນ
ຮຽບຮຽງໂດຍ:ວັນໄຊ ຕະວິນຍານ
ມາຮອດຕົ້ນປີ 2016, ທ່ານ ສົມດີ ດວງດີ ໄດ້ຍົກຍ້າຍໄປຮັບໜ້າທີ່ໃໝ່, ວັນທີ 28 ເມສາປີ 2016 ທ່ານ ສຸພັນ ແກ້ວມີໄຊ ໄດ້ຮັບການແຕ່ງຕັ້ງເປັນ ລັດຖະມົນຕີກະຊວງແຜນການ ແລະ ການລົງທຶນ. ມາເຖິງວັນທີ 30/6/2017 ລັດຖະບານໄດ້ປັບປຸງ ແລະ ປ່ຽນດໍາລັດ ວ່າດ້ວຍການຈັດຕັ້ງ ແລະ ການເຄື່ອນໄຫວຂອງກະຊວງແຜນການ ແລະ ການລົງທຶນ ເລກທີ 374/ນຍ ມາເປັນ ດໍາລັດ ເລກທີ 201/ນຍ. ໃນໄລຍະດັ່ງກ່າວ ກະຊວງແຜນການ ແລະ ການລົງທຶນ ໄດ້ຮັບເອົາການຍົກຍ້າຍກົງຈັກພ້ອມພະນັກງານ ຂອງ ຫ້ອງການເຂດເສດຖະກິດພິເສດ (ຄະນະກຳມະການສົ່ງເສີມຄຸ້ມຄອງເຂດເສດຖະກິດພິເສດໃນເມື່ອກ່ອນ) ຈາກຫ້ອງວ່າການສໍານັກງານນາຍົກລັດຖະມົນຕີ ມາຢູ່ໃນກົງຈັກການຈັດຕັ້ງ ຂອງກະຊວງແຜນການ ແລະ ການລົງທຶນ ແລະ ຍົກຍ້າຍສະຖາບັນຄົ້ນຄວ້າເສດຖະກິດແຫ່ງຊາດອອກ ເຮັດໃຫ້ກົງຈັກການຈັດຕັ້ງຂອງ ກະຊວງແຜນການ ແລະ ການລົງທຶນ ປະກອບມີ 13 ພາກສ່ວນ (ໃນນັ້ນມີ 1 ສູນສະຖິຕິແຫ່ງຊາດ ຊຶ່ງມີ 4 ກົມກອງຂຶ້ນກັບ). ຄຽງຄູ່ກັນນັ້ນກະຊວງ ຜທ ກໍໄດ້ປັບປຸງບັນດາດໍາລັດ ແລະ ຂໍ້ຕົກລົງວ່າດ້ວຍການເຄື່ອນໄຫວ ຂອງພາກສ່ວນຕ່າງໆພາຍໃນກະຊວງ ໂດຍອີງຕາມດໍາລັດ ເລກທີ 201/ນຍ, ກະຊວງແຜນການ ແລະ ການລົງທຶນ ແມ່ນມີພາລະບົດບາດເປັນເສນາທິການໃຫ້ແກ່ລັດຖະບານໃນການຄຸ້ມຄອງມະຫາພາກດ້ານວຽກງານແຜນການ ແລະ ການລົງທຶນ, ຄົ້ນຄວ້າສັງລວມ ກ່ຽວກັບຍຸດທະສາດ, ແຜນແມ່ບົດ, ແຜນພັດທະນາເສດຖະກິດ-ສັງຄົມແຫ່ງຊາດ, ກົນໄກ ແລະ ນະໂຍບາຍລວມ ກ່ຽວກັບການຄຸ້ມຄອງເສດຖະກິດ, ເຂດເສດຖະກິດພິເສດ, ວຽກງານສະຖິຕິ, ການລົງທຶນພາຍໃນ, ຕ່າງປະເທດ ແລະ ການຮ່ວມມືເສດຖະກິດກັບຕ່າງປະເທດໃນຂອບເຂດທົ່ວປະເທດ.
ໃນເດືອນຕຸລາ 2019 ທ່ານ ສຸພັນ ແກ້ວມີໄຊ ກຳມະການສູນກາງພັກລັດຖະມົນຕີກະຊວງແຜນການ ແລະ ການລົງທຶນ ໄດ້ເຂົ້າພັກຜ່ອນຮັບເບ້ຍບຳນານ ແລະ ທ່ານ ສອນໄຊ ສີພັນດອນ ກໍາມະການກົມການເມືອງສູນກາງພັັກຮອງນາຍົກລັດຖະມົນຕີ ໄດ້ຮັບການມອບໝາຍເປັນລັດຖະມົນຕີ ກະຊວງແຜນການ ແລະການລົງທຶນ ເພື່ອສືບຕໍ່ຊີ້ນຳ-ນຳພາວຽກງານ ກະຊວງແຜນການ ແລະ ການລົງທຶນ ຕາມດຳລັດ ຂອງນາຍົກລັດຖະມົນຕີ ສະບັບເລກທີ 201/ນຍ. ດ້ານກົງຈັກການຈັດຕັ້ງ ສູນຝຶກອົບຮົມພະນັກງານຄຸ້ມຄອງເສດຖະກິດ-ແຜນການ ໄດ້ຮັບການປະກາດສ້າງຕັ້ງຂຶ້ນ ເຮັດໃຫ້ກົງຈັກເພີ່ມຂຶ້ນເປັນ 14 ພາກສ່ວນ. ໃນໄລຍະປີ 2016-2020 ອົງຄະນະພັກກະຊວງ ຜທ ໄດ້ມີຄວາມພະຍາຍາມ ແລະບຸກບືນສູງໃນການປະຕິບັດມະຕິ X ຂອງພັກ, ແຜນພັດທະນາເສດຖະກິດ-ສັງຄົມ 5 ປີ ຄັ້ງທີ VIII (2016-2020) ແລະ ສ້າງແຜນພັດທະນາເສດຖະກິດ-ສັງຄົມ 5 ປີ ຄັ້ງທີ IX (2021-2025) ຊຶ່ງຢູ່ໃນໄລຍະທີ່ສະພາບພາຍໃນ ແລະ ພາຍນອກມີຄວາມຫຍຸ້ງຍາກ ແລະ ມີສິ່ງທ້າທາຍຫຼາຍປະການ ໂດຍສະເພາະຢູ່ໃນທ່າມກາງການຮັບມືຂອງການແຜ່ລະບາດຂອງພະຍາດໂຄວິດ-19 ໃນທົ່ວໂລກ.
ໃນຕົ້ນເດືອນກຸມພາ 2022 ທ່ານ ສອນໄຊ ສີພັນດອນ ກຳມະການກົມການເມືອງສູນກາງພັກຮອງນາຍົກ ລັດຖະມົນຕີລັດຖະມົນຕີ ກະຊວງແຜນການ ແລະ ການລົງທຶນ ໄດ້ຍົກຍ້າຍໄປປະຈໍາຢູ່ສໍານັກງານນາຍົກລັດຖະມົນຕີ ແລະ ທ່ານ ຄຳເຈນ ວົງໂພສີ ກໍາມະການສູນກາງພັັກລັດຖະມົນຕີຫົວໜ້າຫ້ອງວ່າການສຳນັກງານນາຍົກລັດຖະມົນຕີ ໄດ້ຮັບມອບໝາຍເປັນ ລັດຖະມົນຕີ ກະຊວງແຜນການ ແລະ ການລົງທຶນ ເພື່ອສືບຕໍ່ຊີ້ນຳ-ນຳພາວຽກງານ ກະຊວງແຜນການ ແລະ ການລົງທຶນ ຕາມດຳລັດ ຂອງນາຍົກລັດຖະມົນຕີ ສະບັບເລກທີ 636/ນຍ. ໃນໄລຍະນີ້, ໄດ້ມີການປັບປຸງກົງຈັກການຈັດຕັ້ງເພື່ອຮອງຮັບກັບຄວາມຮຽກຮ້ອງຕ້ອງການຂອງວຽກງານໃນໄລຍະໃໝ່ຄື: ໄດ້ໂຮມເອົາກົມນິຕິກຳ ເຂົ້າກັບ ຫ້ອງການກະຊວງ, ໂຮມສູນຝຶກອົບຮົມພະນັກງານຄຸ້ມຄອງເສດຖະກິດ-ແຜນການ ເຂົ້າກັບສະຖາບັນຄົ້ນຄວ້າວິໄຈການພັດທະນາ ແລະ ປ່ຽນຊື່ມາເປັນສະຖາບັນຄົ້ນຄ້ວາວິໄຈການພັດທະນາ ແລະ ສູນຝຶກອົບຮົມ, ປ່ຽນຊື່ກົມບໍລິການສະຖິຕິ ເປັນກົມສະຖິຕິສິ່ງແວດລ້ອມ ແລະຄວາມໝັ້ນຄົງ ຊຶ່ງເຮັດໃຫ້ກົງຈັກຂອງ ກະຊວງ ຜທ ໃນປັດຈຸບັນມີ 12 ພາກສ່ວນ (ໃນນັ້ນມີ 1 ສູນສະຖິຕິແຫ່ງຊາດ ຊຶ່ງມີ 4 ກົມກອງຂຶ້ນກັບ). ອົງຄະນະພັກ ກະຊວງ ຜທ ໄດ້ມີຄວາມພະຍາຍາມ ແລະ ບຸກບືນສູງໃນການປະຕິບັດມະຕິ XI ຂອງພັກ, ແຜນພັດທະນາເສດຖະກິດ-ສັງຄົມ 5 ປີ ຄັ້ງທີ IX (2021-2025) ແລະ ສ້າງແຜນພັດທະນາເສດຖະກິດ-ສັງຄົມ 5 ປີຄັ້ງທີ X (2026-2030) ພ້ອມດຽວກັນ ກະຊວງ ຜທ ກໍຢູ່ໃນໄລຍະການຈັດຕັ້ງປະຕິບັດວາລະແຫ່ງຊາດໃນການແກ້ໄຂຄວາມຫຍຸ້ງຍາກທາງດ້ານເສດຖະກິດ, ການເງິນ ລວມທັງການເຂົ້າຮ່ວມໃນຄະນະສະເພາະກິດ ຮັບຜິດຊອບແກ້ໄຂບັນຫາເຄັ່ງຮ້ອນຂອງເສດຖະກິດ-ການເງິນ, ບັນຫາເງິນເຟີ້, ອັດຕາແລກປ່ຽນເງິນຕາ, ລາຄາສິນຄ້າ ແລະ ໜີ້ສິນຕ່າງປະເທດ.
ກ່ຽວກັບຜົນສໍາເລັດພົ້ນເດັ່ນດ້ານວຽກງານວິຊາສະເພາະ ຂອງ ກະຊວງແຜນການ ແລະ ການລົງທຶນ:ວຽກງານສະຖິຕິ:ມີຜົນງານອັນທີ່ພົ້ນເດັ່ນແມ່ນໄດ້ມີການຈັດຕັ້ງປະຕິບັດການສໍາຫຼວດໃຫຍ່ທົ່ວປະເທດປະກອບມີ: ການສໍາຫຼວດພົນລະເມືອງ ແລະ ທີ່ຢູ່ອາໄສທົ່ວປະເທດທັງໝົດ 4 ຄັ້ງ: (ຄັ້ງທີI (1985), ຄັ້ງທີII (1995), ຄັ້ງທີIII (2005), ຄັ້ງທີIV (2015); ການສຳຫຼວດກະສິກຳທົ່ວປະເທດທັງໝົດ 3 ຄັັ້ງ: ຄັ້ງທີI (1998/1999), ຄັ້ງທີII (2010/2011), ຄັ້ງທີIII (2019/2020) ຊຶ່ງທັງສອງການສໍາຫຼວດໃຫຍ່ດັ່ງກ່າວຈັດຕັ້ງປະຕິບັດໃນທຸກຮອບ 10 ປີ; ສຳຫຼວດເສດຖະກິດທົ່ວປະເທດທັງໝົດ 3 ຄັ້ງ: ຄັ້ງທີI (2006), ຄັ້ງທີII (2012), ຄັ້ງທີIII (2019) ຊຶ່ງຈັດຕັ້ງປະຕິບັດໃນທຸກໆ 5 ປີ. ບັນດາການສຳຫຼວດຕົວແທນລະດັບຊາດທີ່ປະຕິບັດໃນໄລຍະ 5 ປີໃດເທື່ອໜຶ່ງປະກອບມີ: ການສຳຫຼວດການຊົມໃຊ້ແລະໃຊ້ຈ່າຍຂອງຄົວເຮືອນຄັ້ງທີI (1991/1992), ຄັ້ງທີII (1997/1998), ຄັ້ງທີIII (2002/2003); ຄັ້ງທີIV (2007/2008), ຄັ້ງທີV (2012/2013), ຄັ້ງທີVI (2018/2019); ການສຳຫຼວດດັດສະນີໝາຍສັງຄົມລາວຄັ້ງທີI (2011/2012), ຄັ້ງທີII (2017); ການສໍາຫຼວດແຮງງານໃນຕົວເມືອງ (1994), ການສຳຫຼວດກຳລັງແຮງງານຄັ້ງທີI (2010) ແລະຄັ້ງທີII (2017); ການສ້າງປຶ້ມແຜນທີ່ກ່ຽວກັບເສດຖະກິດ-ສັງຄົມເຫຼັ້ມI (2005) ແລະເຫຼັ້ມII (2015); ສະພາບຄວາມທຸກຍາກດ້ວຍແຜນທີ່ຄັ້ງທີI (2005) ແລະຄັ້ງທີII (2015); ສະພາບຄວາມທຸກຍາກໃນສປປລາວຄັ້ງທີI (2005) ແລະຄັ້ງທີII (2015) ນອກຈາກນັ້ນ,ກໍຍັງມີການສຳຫຼວດຕົວແທນອື່ນໆອີກ. ຜົນການສຳຫຼວດທັງໝົດດັ່ງກ່າວໄດ້ສ້າງເປັນຖານຂໍ້ມູນການສຳຫຼວດໃນລະບົບຄັງຂໍ້ມູນແລະນຳໃຊ້ເຂົ້າໃນການປຸງແຕ່ງ, ວິໄຈກໍຄືການສັງລວມຂໍ້ມູນສະຖິຕິທາງການທີ່ເປັນພື້ນຖານແລະສ້າງລະບົບຖານຂໍ້ມູນສະຖິຕິຕົວຊີ້ບອກດ້ານເສດຖະກິດ-ສະຖິຕິສັງຄົມເປັນຕົ້ນແມ່ນ: ໂຕເລກລວມຍອດຜະລິດຕະພັນພາຍໃນຂອງສປປລາວປະຈຳປີ; ດັດຊະນີລາຄາແລະອັດຕາເງິນເຟີ້ຂອງສປປລາວ; ສະຖິຕິຄວາມທຸກຍາກ, ສະຖິຕິພົນລະເມືອງແລະຕົວຊີ້ບອກອື່ນໆໃນວາລະສານສະຖິຕິປະຈຳປີ, ວາລະສານສະຖິຕິ 40 ປີ. ນອກຈາກນັ້ນ, ຍັງໄດ້ລົງເລິກວິເຄາະແລະສ້າງເປັນບົດລາຍງານເປັນຕົ້ນ: ບົດວິໄຈສະພາບຄວາມທຸກຍາກຈາກການສຳຫຼວດ LECS ໃນທຸກໆ 5 ປີ; ບົດລາຍງານການພັດທະນາມະນຸດຮ່ວມກັບ UNDPເຫຼັ້ມ 1-ເຫຼັ້ມ 3; ປຶ້ມແຜນທີ່ເສດຖະກິດ-ສັງຄົມເຫຼັ້ມ 1-2 ແລະປຶ້ມແຜນທີ່ສະຖິຕິຄວາມທຸກຍາກຂອງສປປລາວ. ລະບົບຂໍ້ມູນສະຖິຕິຖືກສັງລວມແລະເປີດນໍາໃຊ້-ການເຂົ້າເຖິງໃຫ້ແກ່ພາກສ່ວນລັດແລະເອກະຊົນທັງພາຍໃນແລະຕ່າງປະເທດດ້ວຍຫຼາຍຮູບການລວມທັງຜ່ານລະບົບທັນສະໄໝ (Website) ແລະເຊື່ອມໂຍງກັບສະຖິຕິສາກົນ. ອັນທີ່ສຳຄັນທີ່ສຸດຂໍ້ມູນສະຖິຕິໄດ້ນຳໃຊ້ເຂົ້າໃນການສ້າງນະໂຍບາຍປະຊາກອນ, ຍຸດທະສາດການເຕີບໂຕແລະລຶບລ້າງຄວາມທຸກຍາກແຫ່ງຊາດ, ການຕີລາຄາສະພາບແລະຜົນໄດ້ຮັບຂອງການຈັດຕັ້ງປະຕິບັດແຜນພັດທະນາເສດຖະກິດ-ສັງຄົມແຕ່ 1990-2000ຊຶ່ງແມ່ນໄລຍະແຜນ 5 ປີຄັ້ງທີII, III, IVແລະແຕ່ 2000-2020 ໄລຍະແຜນ 5 ປີຄັ້ງທີV, VI, VII, VIIIລວມທັງຜົນແລະບົດລາຍງານໃນການບັນລຸເປົ້າໝາຍສະຫັດສະວັດດ້ານການພັດທະນາປີ 2015 (MDG) ຂອງສປປລາວຕໍ່ເວທີສາກົນ, ຜະລິດຕົວຊີ້ບອກໃຫ້ບັນດາບົດລາຍງານແບບສະໝັກໃຈເຫຼັ້ມທີIIແລະIIIຂອງເປົ້າໝາຍການພັດທະນາແບບຍືນຍົງແຕ່ລະໄລຍະແຕ່ນີ້ຮອດ 2030, ການປະເມີນການຫຼຸດພົ້ນອອກຈາກສະຖານະພາບປະເທດດ້ອຍພັດທະນາ (LDCs) ແຕ່ນີ້ຮອດ 2024, ການຕິດຕາມປະເມີນຜົນແຜນງານແຫ່ງຊາດອື່ນໆ, ພິເສດແມ່ນການສ້າງແລະຕິດຕາມປະເມີນແຜນພັດທະນາເສດຖະກິດ-ສັງຄົມແຫ່ງຊາດ 5 ປີຄັ້ງທີIXການເຕີບໂຕຕາມທິດສີຂຽວແລະການພັດທະນາແບບຍືນຍົງ.

ຄໍາເຫັນ

ຂ່າວວັດທະນະທຳ-ສັງຄົມ

ເປີດໂຄງການກໍ່ສ້າງເສັ້ນທາງເບຕົງເສີມເຫຼັກ ຢູ່ 2 ເມືອງ ໃນ ນວ ຢ່າງເປັນທາງການ

ເປີດໂຄງການກໍ່ສ້າງເສັ້ນທາງເບຕົງເສີມເຫຼັກ ຢູ່ 2 ເມືອງ ໃນ ນວ ຢ່າງເປັນທາງການ

ພະແນກໂຍທາທິການ ແລະ ຂົນສົ່ງ ນະຄອນຫຼວງວຽງຈັນ (ນວ) ຮ່ວມກັບບໍລິສັດ ແພງພອນ ກໍ່ສ້າງຂົວທາງ ແລະ ຊົນລະປະທານ ຈໍາກັດຜູ້ດຽວ ໄດ້ຈັດພິທີເປີດໂຄງການກໍ່ສ້າງເສັ້ນທາງເບຕົງເສີມເຫຼັກ ຢູ່ 2 ເມືອງ ຄື: ເມືອງນາຊາຍທອງ ແລະ ເມືອງໄຊທານີ ນວ ແຕ່ທາງຫຼວງແຫ່ງຊາດ 13 ເໜືອ ບ້ານດົງຫຼວງ ຫາ ບ້ານດົງຊຽງດີ ເມືອງນາຊາຍທອງ, ບ້ານໜອງພະຍາ (ເສັ້ນທາງຕານມີໄຊ ຫາ ສີເກີດ ເມືອງໄຊທານີ ນະຄອນຫຼວງວຽງຈັນ (ນວ) ລວງຍາວ 9.48 ກິໂລແມັດ, ທາງໜ້າກວ້າງ 12 ແມັດ ມູນຄ່າ 280,852,547,980 ກີບ ແລະ ໂຄງການກໍ່ສ້າງເສັ້ນທາງເບຕົງເສີມເຫຼັກ ແຕ່ບ້ານດົງຫຼວງ ຫາ ບ້ານນາຊາຍເໜືອ ແລະ ບ້ານດົງຊຽງດີ ເມືອງນາຊາຍທອງ ນວ ລວງຍາວ 4.84 ກິໂລແມັດ, ໜ້າທາງ ກວ້າງ 7-12 ແມັດ ມູນຄ່າ 119,913,428,880 ກີບ ລວມມູນຄ່າ 400,765,976,860 ກີບ ຂຶ້ນຢ່າງເປັນທາງການ ໃນວັນທີ 18 ພະຈິກນີ້, ທີ່ຫ້ອງການບ້ານໂພນແກ້ວ ເມືອງນາຊາຍທອງ ນວ ໂດຍການເປັນກຽດເຂົ້າຮ່ວມຂອງ ທ່ານ ສຸລິວັນ ພົມມະຫາໄຊ ກຳມະການພັກ ນວ ເລຂາພັກເມືອງນາຊາຍທອງ, ມີທ່ານ ນາງ ແພງພອນ ຂັນທະຍົງທອງ ປະທານບໍລິສັດແພງພອນ ກໍ່ສ້າງຂົວທາງ ແລະ ຊົນລະປະທານ ຈຳກັດຜູ້ດຽວ, ມີຮອງຫົວໜ້າພະແນກ ຍທຂ ນວ, ຮອງເລຂາພັກເມືອງ, ຕາແສງສີເກີດ, ນາຍບ້ານແຕ່ລະບ້ານ ແລະ ພໍ່ແມ່ປະຊາຊົນເຂົ້າຮ່ວມ.
ສື່ມວນຊົນລາວ ແລະ ສື່ມວນຊົນອາຊຽນ ເຂົ້າຮ່ວມກິດຈະກຳການເດີນເຮືອ

ສື່ມວນຊົນລາວ ແລະ ສື່ມວນຊົນອາຊຽນ ເຂົ້າຮ່ວມກິດຈະກຳການເດີນເຮືອ

ທ່ານ ຈາງ ໄຄ ປະທານກຸ່ມບໍລິສັດຄອງຜິງລູ້ ພັດທະນາວັດທະນະທໍາ ແລະ ທ່ອງທ່ຽວ ຈໍາກັດ ໄດ້ໃຫ້ສໍາພາດ ເນື່ອງໃນໂອກາດທີ່ສື່ມວນຊົນລາວ ແລະ ສື່ມວນຊົນອາຊຽນ ໄດ້ເຂົ້າຮ່ວມກິດຈະກຳໃນການລ່ອງເຮືອຕາມຄອງຜິງລູ້ ຄັ້ງນີ້ວ່າ: ສໍາລັບສະພາບການຂອງເສັ້ນທາງເດີນເຮືອຜູ້ໂດຍສານນັບແຕ່ກຸ່ມບໍລິສັດຄອງຜິງລູ້ພັດທະນາວັດທະນະທໍາ ແລະ ທ່ອງທ່ຽວ ຈໍາກັດໄດ້ເປີດການເດີນເຮືອ 4 ເສັ້ນທາງຂົນສົ່ງຜູ້ໂດຍສານທາງນໍ້າໄດ້ບັນລຸຕາມເປົ້າໝາຍ “ການເດີນເຮືອກໍໄດ້ຮັບຄວາມນິຍົມຢ່າງຫຼວງຫຼາຍ” ຊຶ່ງໃນວັນທີ 7 ພະຈິກ ຜ່ານມາ ຄອງຜິງລູ້ ກໍໄດ້ເປີດຂຶ້ນຢ່າງເປັນທາງການ ແລະ ເປີດການເດີນເຮືອທັງໝົດໄດ້ 541 ຖ້ຽວ, ສາມາດຮັບນັກທ່ອງທ່ຽວ 68,000 ກວ່າຄົນ. ໃນນັ້ນ, ຕອນໜານໜິງໄດ້ເປີດການເດີນເຮືອທັງໝົດ 245 ຖ້ຽວ, ຮັບນັກທ່ອງທ່ຽວ 30,000 ກວ່າຄົນ; ຕອນຊິນໂຈວໄດ້ເປີດການເດີນເຮືອທັງໝົດ 296 ຖ້ຽວ, ຮັບນັກທ່ອງທ່ຽວປະມານ 38,000 ຄົນ.
ອົງການກາແດງ ມອບເຄື່ອງຊ່ວຍເຫຼືອ 14 ບ້ານ ທີ່ຖືກຜົນກະທົບຈາກໄພນໍ້າຖ້ວມ ຢູ່ເມືອງນາແລ

ອົງການກາແດງ ມອບເຄື່ອງຊ່ວຍເຫຼືອ 14 ບ້ານ ທີ່ຖືກຜົນກະທົບຈາກໄພນໍ້າຖ້ວມ ຢູ່ເມືອງນາແລ

​ ໃນວັນທີ 15-16 ພະຈິກ ຜ່ານມາ, ທ່ານ ຄຳລາວັນ ຈັນທະລາວັນ ກຳມະການສູນກາງພັກ ປະທານອົງການກາແດງແຫ່ງຊາດລາວ ພ້ອມດ້ວຍຄະນະ ໄດ້ລົງມອບເຄື່ອງຊ່ວຍເຫຼືອບັນເທົາທຸກ ໃຫ້ແກ່ປະຊາຊົນ 14 ບ້ານ ທີ່ໄດ້ຮັບຜົນກະທົບຈາກໄພນໍ້າຖ້ວມ ຢູ່ເມືອງນາແລ ແຂວງຫຼວງນໍ້າທາ ມີ 14 ບ້ານທີ່ໄດ້ຮັບການຊ່ວຍເຫຼືອຄັ້ງນີ້ ປະກອບມີ: ບ້ານສະໂຫຼຍ, ທົ່ງຖອນ, ວັງມີໄຊ, ຫາດລອຍ, ບ້ານເລາະ, ຫາດຈອນ, ຫາດນາແລ້ງ, ຄອນຈັນ, ພູລາ, ພູປາດ, ພູລວງ, ສາງອາກ, ບ້ານນາແລ້ງ ແລະ ບ້ານຫາດແຕະ.
ຄະນະນໍາໜັງສືພິມປະຊາຊົນ ພົບປະສອງຝ່າຍກັບ ໜັງສືພິມເຢິນເຢິນ

ຄະນະນໍາໜັງສືພິມປະຊາຊົນ ພົບປະສອງຝ່າຍກັບ ໜັງສືພິມເຢິນເຢິນ

ໃນວັນທີ 17ພະຈິກນີ້, ທີ່ໜັງສືພິມເຢິນເຢິນສຽງຂອງພັກ, ລັດ ແລະ ປະຊາຊົນຫວຽດນາມ ນະຄອນຫຼວງຮ່າໂນ້ຍ ສສ ຫວຽດນາມ, ສະຫາຍ ສີວັນ ຫອມໄຊຍະເດດ ກຳມະການຄະນະພັກ ຄະນະໂຄສະນາອົບຮົມສູນກາງພັກ ຫົວໜ້າບັນນາທິການໃຫຍ່ໜັງສືພິມປະຊາຊົນພ້ອມດ້ວຍຄະນະ ໄດ້ເຄື່ອນໄຫວຢ້ຽມຢາມ ແລະ ພົບປະສອງຝ່າຍກັບ ສະຫາຍ ເລກວັກມິງ ກຳມະການສູນກາງພັກ ຫົວໜ້າບັນນາທິການໃຫຍ່ໜັງສືພິມເຢິນເຢິນ ຮອງຫົວໜ້າໂຄສະນາສຶກສາສູນກາງ ປະທານສະມາຄົມນັກຂ່າວແຫ່ງ ສສ ຫວຽດນາມ ພ້ອມດ້ວຍຄະນະໄດ້ໃຫ້ກຽດຕ້ອນຮັບຢ່າງອົບອຸ່ນດ້ວຍໄມຕີຈິດມິດຕະພາບ.
ຜູ້​ໄດ້​ຮັບ​ຜົນ​ກະ​ທົບ​ຈາກ​ໄພ​ພິ​ບັດຢູ່​ເມືອງ​ໄຊ​ບູ​ລີໄດ້​ຮັບ​ການ​ຊ່ວຍ​ເຫຼືອ

ຜູ້​ໄດ້​ຮັບ​ຜົນ​ກະ​ທົບ​ຈາກ​ໄພ​ພິ​ບັດຢູ່​ເມືອງ​ໄຊ​ບູ​ລີໄດ້​ຮັບ​ການ​ຊ່ວຍ​ເຫຼືອ

ໂຄງການບ້ານຊ່ວຍເຫຼືອເດັກນ້ອຍເອັສໂອເອັສ (SOS) ລາວ ຮ່ວມກັບ ກົມສັງຄົມສົງເຄາະ ກະຊວງແຮງງານ ແລະ ສະຫວັດດີສັງຄົມ ແລະ ພະແນກແຮງງານ ແລະ ສະຫວັດດີສັງຄົມແຂວງ ພ້ອມດ້ວຍອໍານາດການປົກຄອງທອງຖີ່ນ​ທີ່ກ່ຽວຂ້ອງໄດ້ມອບເຂົ້າສານຈໍານວນ 57 ໂຕນ ເພື່ອຊ່ວຍເຫຼືອປະຊາຊົນທີ່ຖືກຜົນກະທົບຈາກໄພພິບັດທາງທຳມະຊາດ ໃນໄລຍະເດືອນກໍລະກົດ ຫາ ສິງຫາ ປີ 2026 ຜ່ານມາເຊິ່ງມີຄອບຄົວທີ່ໄດ້ຮັບການຊ່ວຍເຫຼືອທັງໝົດ 516 ຄອບຄົວ ໃນ 8 ບ້ານເປົ້າໝາຍ, ເມືອງໄຊບູລີ ແຂວງສະຫັວນນະເຂດ, ລວມມູນຄ່າການຊ່ວຍເຫຼືອ ຈໍານວນ 1,322,850,050 ກີບ
ອັດຕະປື ເຜີຍແຜ່ຄວາມຮູ້ວຽກງານຕະຫຼາດທຶນ ແລະ ການລົງທຶນໃນຫຼັກຊັບ

ອັດຕະປື ເຜີຍແຜ່ຄວາມຮູ້ວຽກງານຕະຫຼາດທຶນ ແລະ ການລົງທຶນໃນຫຼັກຊັບ

ສຳນັກງານຄະນະກຳມະການຄຸ້ມຄອງຫຼັກຊັບ (ສຄຄຊ) ຮ່ວມກັບ ສຳນັກງານປົກຄອງແຂວງອັດຕະປື ໄດ້ຈັດກອງປະຊຸມໂຄສະນາເຜີຍແຜ່ຄວາມຮູ້ກ່ຽວກັບວຽກງານຕະຫຼາດທຶນ, ໃນ​ວັນ​ທີ 17 ພະ​ຈິກ​ນີ້ ທີ່ ແຂວງ​ອັດ​ຕະ​ປື, ໂດຍເຂົ້າຮ່ວມເປັນປະທານຂອງ ທ່ານ ລິດຄຳ ໂຮມອິນຕາ ຫົວໜ້າຫ້ອງວ່າການແຂວງ, ມີທ່ານ ປາດຖະໜາ ແກ້ວປະເສີດ ຫົວໜ້າພະແນກຝຶກອົບຮົມ ແລະ ໂຄສະນາເຜີຍແຜ່ ສຄຄຊ, ພ້ອມດ້ວຍຕາງໜ້າພະແນກການ, ແໜງການ, ສາຂາທະນາຄານ ແລະ ພະນັກງານວິຊາການເຂົ້າຮ່ວມ.
ລັດຖະມົນຕີ​ກະຊວງ​ ຍທຂເຄື່ອນ​ໄຫວ​ເຮັດ​ວຽກ​ ຢູ່ ແຂວງ​ຈຳ​ປາ​ສັກ

ລັດຖະມົນຕີ​ກະຊວງ​ ຍທຂເຄື່ອນ​ໄຫວ​ເຮັດ​ວຽກ​ ຢູ່ ແຂວງ​ຈຳ​ປາ​ສັກ

ທ່ານ​ ອາລຸນໄຊ ສູນນະລາດ ກຳມະການສູນກາງພັກ​ ເລຂາຄະນະບໍລິຫານງານພັກແຂວງຈໍາປາສັກ​ ໄດ້ຕ້ອນຮັບ​ ທ່ານ​ ເຫຼັກໄຫຼ ສີວິໄລ​ ກໍາມະການ​ສູນກາງພັກ​ ລັດຖະມົນຕີ​ກະຊວງໂຍທາທິການ​ ແລະ​ ຂົນສົ່ງ​ (ຍທຂ)​ ເຂົ້າພົບປະຢ້ຽມຢາມໃນວັນທີ​ 16​ ພະຈິກ​ 2026​ທີ່​ ສໍານັກງານ​ແຂວງ.
ກອງທຶນແມ່ນໍ້າຂອງ-ແມ່ນໍ້າລ້ານຊ້າງ ຊ່ວຍໃຫ້ຄອບຄົວເປົ້າໝາຍມີລາຍຮັບເພີ່ມຂື້ນ 14%

ກອງທຶນແມ່ນໍ້າຂອງ-ແມ່ນໍ້າລ້ານຊ້າງ ຊ່ວຍໃຫ້ຄອບຄົວເປົ້າໝາຍມີລາຍຮັບເພີ່ມຂື້ນ 14%

ກອງ​ທຶນ​ພິ​ເສດ​ແມ່​ນ້ຳ​ຂອງ-ແມ່​ນ້ຳ​ລ້ານ​ຊ້າງຊ່ວຍ​ໃຫ້​ປະ​ຊາ​ຊົນ​ຄອບ​ຄົວ​ເປົ້າ​ໝາຍຢູ່ 2 ບ້ານ​ຂອງ​ເມືອງ​ປາກ​ອູແຂວງຫຼວງ​ພະ​ບາງມີ​ລາຍ​ຮັບ​ເພີ່ມ​ຂຶ້ນ 14% ເມື່ອ​ທຽບ​ກັບ​ກ່ອນ​ດຳ​ເນີນ​ໂຄງ​ການໂດຍ​ກິດ​ຈະ​ກຳຫຼັກເນັ້ນ​ໃສ່​ຊຸກ​ຍູ້ ສົ່ງ​ເສີມ​ໃຫ້​ປະ​ຊາ​ຊົນ​ຜະ​ລິດ​ກະ​ສິ​ກຳໂດຍ​ສະ​ເພາະ​ການ​ປູກ-ການ​ລ້ຽງ.
ໄຟຟ້າລາວ ສາຂາຄໍາມ່ວນ ປະດັບຫຼຽນກາລະນຶກ 50 ປີ ໃຫ້ພະນັກງານ

ໄຟຟ້າລາວ ສາຂາຄໍາມ່ວນ ປະດັບຫຼຽນກາລະນຶກ 50 ປີ ໃຫ້ພະນັກງານ

ບໍລິສັດລັດວິສາຫະກິດໄຟຟ້າລາວ ສາຂາແຂວງຄໍາມ່ວນ ຈັດພິທີປະດັບຫຼຽນກາລະນຶກ 50 ປີ ວັນສະຖາປະນາ ສປປ ລາວ ໃຫ້ແກ່ສະມາຊິກພັກ ແລະ ພະນັກງານຈໍານວນ 144 ທ່ານ, ຍິງ 40 ທ່ານ ໃນວັນທີ 17 ພະຈິກ 2026 ໂດຍ​ການ​ເປັນ​ປະ​ທານ​ຂອງ ທ່ານ ສົມໃຈ ພານີຈັນ ຮອງເລຂາພັກແຂວງ ຜູ້ຊີ້ນໍາວຽກງານການເມືອງແນວຄິດ, ວຽກພັກ-ພະນັກງານ, ມີ ທ່ານ ບຸນປະສົງ ຈັນສະຫວັດ ຮອງຫົວໜ້າຝ່າຍຄຸ້ມຄອງລະບົບໄຟຟ້າພາກໃຕ້, ທ່ານ ບາຄໍາ ໄຊຍະຈັກ ຫົວໜ້າ ບໍລິສັດລັດວິສາຫະກິດໄຟຟ້າສາຂາຄໍາມ່ວນ ພ້ອມດ້ວຍແຂກຖືກເຊີນເຂົ້າຮ່ວມ.
ໄຄແຜ່ນຂອງກຸ່ມຜະລິດ ບ້ານບວມຫວານ ໄດ້​ຮັບ​ກາ​ໝາຍສີນຄ້າ ໜຶ່ງເມືອງ ໜຶ່ງພະລິດຕະພັນ‎

ໄຄແຜ່ນຂອງກຸ່ມຜະລິດ ບ້ານບວມຫວານ ໄດ້​ຮັບ​ກາ​ໝາຍສີນຄ້າ ໜຶ່ງເມືອງ ໜຶ່ງພະລິດຕະພັນ‎

ພິທີມອບປ້າຍກາໝາຍ ສິນ​ຄ້າໜຶ່ງເມືອງ ໜຶ່ງພະລິດຕະພັນ (ODOP) ໃຫ້ກຸ່ມຜະລິດໄຄແຜ່ນເມືອງວຽງຄຳແຂວງຫຼວງ​ພະ​ບາງໄດ້​ຈັດ​ຂຶ້ນ​ໃນ​ວັນ​ທີ 16 ພະ​ຈິກ​ຜ່ານ​ມາທີ່ ເມືອງວຽງ​ຄຳໂດຍເປັນປະທານຮ່ວມຂອງ ທ່ານ ຄຳສິງ ສຸດທິດາ ປະທານຄະນະກຳມະການປົກຄອງເມືອງ, ທ່ານ ສີພອນ ມິດໄມຕີ ຮອງຫົວໜ້າພະແນກອຸດສະກຳຫະກຳ ແລະ ການຄ້າແຂວງ, ທ່ານ ລີ ຊອງບອມ ຜູ້ອຳນວຍການ ອົງການ ວອນເດີສ ສາກົນ, ມີພາກ​ສ່ວນ​ທີ່ກ່ຽວຂ້ອງ ເຂົ້າຮ່ວມ.
ເພີ່ມເຕີມ