 |
ທ່ານຫົວໜ້າຫ້ອງການ ວທ ໄດ້ກ່າວຕື່ມວ່າ: ທົ່ວເມືອງມີແຫຼ່ງທ່ອງທ່ຽວຫຼາຍເເຫ່ງ ເປັນຕົ້ນແຫຼ່ງທ່ອງທ່ຽວທາງດ້ານທໍາມະຊາດ, ປະຫວັດສາດ ແລະ ວັດທະນະທໍາ ລວມທັງໝົດ 41 ແຫ່ງ. ໃນນັ້ນ, ມີແຫຼ່ງທ່ອງທ່ຽວທໍາມະຊາດ 20 ແຫ່ງ, ແຫຼ່ງທ່ອງທ່ຽວປະຫວັດສາດ 7 ແຫ່ງ, ແຫຼ່ງທ່ອງທ່ຽວວັດທະນະທໍາ 14 ແຫ່ງ. ແຫຼ່ງທ່ອງທ່ຽວທີ່ໂດດເດັ່ນ ກໍຄື ນໍ້າຕົກຕາດຄອນພະເພັງ, ນໍ້າຕົກຕາດສົມພະມິດ ຫຼື ຫຼີ່ຜີ ແລະ ແຫຼ່ງທ່ອງທ່ຽວອື່ນໆ (ມີກິດຈະກໍາທ່ອງທ່ອງເປັນຕົ້ນ ຂີ່ລົດຖີບ, ລ່ອງເຮືອກາຍັກ, ຍ່າງຂົວອູ່, ຂີ່ສະຫຼິງ, ຂີ່ເຮືອຊົມທີວທັດທໍາມະມະຊາດ ຕາມໝູ່ເກາະ-ດອນ ແລະ ຊົມວິຖີຊີວິດ ຂອງຊາວບ້ານ) ຊຶ່ງໃນໄລຍະ 9 ເດືອນ ປີ 2026 ສາມາດດຶງດູດນັກທ່ອງທ່ຽວເຂົ້່າມາທ່ອງທ່ຽວເມືອງໂຂງໄດ້ເຖິງ 114,558 ເທື່ອຄົນ ( ໃນນັ້ນແຂກພາຍໃນ 53,317 ຄົນ, ແຂກຕ່າງປະເທດ 61,239 ຄົນ) ທຽບໃສ່ໄລຍະດຽວກັນຂອງປີຜ່ານມາ ເພີ່ມຂຶ້ນ 5,107 ເທື່ອຄົນ. ໃນທົ່ວເມືອງມີສະຖານທີ່ພັກແຮມ 97 ແຫ່ງ ໃນນັ້ນ, ໂຮງແຮມ 16 ແຫ່ງ, ມີເຮືອນພັກ 80 ແຫ່ງ, ຣີສອດ 1 ແຫ່ງ, ຮ້ານອາຫານ 20 ແຫ່ງ ແລະ ມີກຸ່ມບໍລິການລົດ-ເຮືອບໍລິການຂົນສົ່ງນັກທ່ອງທ່ຽວຂອງຊາວບ້ານມີເຮືອບໍລິການ 205 ລໍາ, ລົດບໍລິການຂົນສົ່ງນັກທ່ອງທ່ຽວໃນດອນເດດ-ດອນຄອນ 18 ຄັນ, ລົດໄຟຟ້າ 10 ຄັນ. ສາມາດຮອງຮັບນັກທ່ອງທ່ຽວເຂົ້າມາທ່ຽວຊົມເມືອງໂຂງໄດ້ຢ່າງສະດວກສະບາຍ.
 |
ທ່ານ ໄພວັນ ສໍຄົງສິນ ໄດ້ກ່າວຕື່ມອີກວ່າ: ພາຍຫຼັງທາງເມືອງໂຂງໄດ້ຮັບທຶນສະໜັບສະໜູນຈາກໂຄງການພັດທະນາໂຄ່ງລ່າງພື້ນຖານເພື່ອສົ່ງເສີມການທ່ອງທ່ຽວ ໄລຍະ 2 ກໍຄື ທະນາຄານພັດທະນາອາຊີ ເອດີບີ(ADB) ຊຶ່ງໃນນັ້ນ ໄດ້ມີການພັດທະນາໂຄງລ່າງພື້ນຖານ ສິ່ງອໍານວຍຄວາມສະດວກດ້ານການທ່ອງທ່ຽວ ມີຫຼາຍໂຄງການ ເປັນຕົ້ນ: ສ້າງເສັ້ນທາງຄອນກຣີດ ທາງເຂົ້າບ້ານນາກະສັງ, ທ່າເຮືອບ້ານນາກະສັງ ແລະ ເສັ້ນທາງໃນບ້ານດອນເດດ-ດອນຄອນ, ໄດ້ປັບປຸງສະຖານທີ່ທ່ອງທ່ຽວອື່ນໆ.
 |
ມີຫຼາຍກິດຈະກໍາ. ພາຍຫຼັງໂຄງການ ໄດ້ສໍາເລັດ ມອບ-ຮັບ ມາແຕ່ປີ2023 ເຫັນວ່າ ມີຄວາມສໍາຄັນຫຼາຍ ຕໍ່ປະຊາຊົນ ຊຶ່ງໄດ້ອໍານວຍຄວາມສະດວກໃຫ້ແກ່ນັກທ່ອງທ່ຽວ ແລະ ປະຊາຊົນ ໄດ້ໄປມາຫາສູ່ກັນ ມີຄວາມສະດວກສະບາຍຫຼາຍຂຶ້ນ. ໃນການຄົມມະນາຄົມ ຂົນສົ່ງ-ຄ້າຂາຍ ກໍເຂົ້າເຖິງສະຖານທີ່ທ່ອງທ່ຽວ ນອກນັ້ນຍັງເຮັດໃຫ້ການຄົມມະນາຄົມ, ຂົນສົ່ງ - ການຄ້າຂາຍ ຂອງປະຊາຊົນ ໄດ້ສ້າງວຽກເຮັດງານທໍາ ກະຈາຍລາຍໄດ້ ໃຫ້ປະຊາຊົນດີຂຶ້ນກວ່າເກົ່າ. ປັດຈຸບັນນີ້ ໄດ້ມີ ການບໍລິການ ເປັນຕົ້ນ: ໂຮງແຮມ, ເຮືອນພັກ, ຮ້ານອາຫານ ການຄ້າຕ່າງໆ ແລະ ນັກທ່ອງທ່ຽວ ໄດ້ມີການຂະຫຍາຍຕົວຂຶ້ນກວ່າເກົ່າຫຼາຍ.
 |
ຄໍາເຫັນ