ອະດີດຮອງນາຍົກລັດຖະມົນຕີ ເຄື່ອນໄຫວຊຸກຍູ້ການສ້າງອະນຸສອນສະຖານບັ້ນຮົບນໍ້າບາກ

ໃນພິທີ, ທ່ານ ບຸນທັນ ຈັນທະສັກ ໄດ້ລາຍງານສະພາບລວມຂອງເມືອງວ່າ: ເມືອງນໍ້າບາກ ເປັນເມືອງທີ່ມີຊື່ສຽງທາງດ້ານປະຫວັດສາດບັ້ນຮົບນໍ້າບາກ, ປະຊາຊົນບັນດາເຜົ່າມີມູນເຊື້ອຕໍ່ສູ້ພິລະອາດຫານ, ມີຄວາມສາ ມັກຄີແໜ້ນແຟ້ນ, ມີຄວາມດຸໝັ່ນ-ຂະຫຍັນພຽນ, ເປັນເມືອງທີ່ມີຄວາມອຸດົມສົມບູນໄປດ້ວຍຊັບພະຍາກອນທຳມະ ຊາດ ປະກອບມີ 86 ບ້ານ, 14,504 ຄອບຄົວ, ພົນລະເມືອງ 84,876 ຄົນ ຍິງ 41,849 ຄົນ; ໃນນັ້ນ, ເຜົ່າກຶມມຸ ກວມ 49,80%, ເຜົ່າລາວ ກວມ 22,84% ແລະ ເຜົ່າມົ້ງ ກວມ 27,36%; ປະຊາຊົນສ່ວນໃຫຍ່ຍຶດຖືອາຊີບຜະລິດກະສິກໍາ ກວມ 72,27%, ບັ້ນຮົບນໍ້າບາກ ແມ່ນບັ້ນຮົບຂະໜາດໃຫຍ່ທີ່ນໍາໃຊ້ກໍາລັງເຖິງ 9,000 ຄົນ ແລະ ພາຫະນະທີ່ຈໍາເປັນຈໍານວນຫຼາຍເພື່ອຕີເອົາຊະນະສັດຕູທີ່ມີກໍາລັງເຖິງ 18,000 ຄົນ ພ້ອມດ້ວຍພາ ຫະນະສົງຄາມທີ່ທັນສະໄໝລື່ນກຳລັງຂອງປະທດລາວຫຼາຍເທົ່າ; ແຕ່ດ້ວຍການນຳພາອັນສະຫຼາດສອງໃສ່ຂອງພັກ ແລະ ເພື່ອນຮ່ວມຊາຕາກຳລາວ-ຫວຽດນາມ ໄດ້ຕີລາຄາສະພາບການໃນທຸກດ້ານຢ່າງຖືກຕ້ອງ, ກໍາແໜ້ນຈຸດແຂງ ແລະ ຈຸດອ່ອນຂອງສັດຕູ ລວມເຖິງພູມີປະເທດ ແລະ ດິນຟ້າອາກາດໃນເຂດສູ້ຮົບ ເຮັດໃຫ້ສາມາດຊີ້ນໍາ ແລະ ຈັດຕັ້ງບັ້ນຮົບປົດປ່ອຍນໍ້າບາກສໍາເລັດດ້ວຍຄວາມປອດໄພ.

ເພື່ອເປັນການອະນຸລັກຮັກສາ ແລະ ຫວນຄືນມູນເຊື້ອປະຫວັດສາດ, ປູກຈິດສຳນຶກໃຫ້ພະນັກງານ-ລັດຖະກອນ, ສະມາຊິກພັກ ແລະ ປະຊາຊົນບັນດາເຜົ່າໄດ້ຈົດຈຳ ແລະ ເອກອ້າງທະນົງໃຈຕໍ່ໄຊຊະນະ ພາລະກິດປະຕິວັດຊາດໃນບັ້ນຮົບປົດປ່ອຍນໍ້າບາກ. ໃນໄລຍະຜ່ານມາ, ຄະ ນະພັກ, ຄະນະກຳມະການປົກຄອງເມືອງ ໄດ້ເປັນເຈົ້າການນຳພາ-ຊີ້ນຳໃນການຈັດຕັ້ງພິທີປາຖະກາຖາວັນໄຊຊະ ນະບັ້ນຮົບປົດປ່ອຍນໍ້າບາກ, ຈັດຕັ້ງພິທີສະເຫຼີມສະຫຼອງວັນໄຊຊະນະບັ້ນຮົບປົດປ່ອຍນໍ້າບາກໃນວັນທີ 26 ມັງ ກອນ ຄົບຮອບ 40 ປີຢ່າງເປັນຂະບວນຟົດຟື້ນ ພ້ອມທັງໄດ້ກຳນົດໜ່ວຍພູທີ່ເປັນຍຸດທະສາດ ເພື່ອອະນຸລັກຮັກສາ ເປັນຕົ້ນ ພູຫວດ, ພູວຽງ, ພູພາຮາວ, ພູຈ້ອມແຈ້ງ ແລະ ເດີ່ນຍົນເກົ່າ (ບ້ານໂຄ້ງ).

ຕອນທ້າຍ, ສະຫາຍ ພົນເອກ ຈັນສະໝອນ ຈັນຍາລາດ ໄດ້ຍົກໃຫ້ເຫັນຄວາມສຳຄັນ ໃນການສ້າງອະນຸ ສອນສະຖານບັ້ນຮົບນໍ້າບາກ ເປັນບັ້ນຮົບທີ່ລືຊື່ເພື່ອເປັນບ່ອນຈາລຶກບຸນຄຸນ, ຄຸນງາມຄວາມດີຂອງບັນພະບຸລຸດທີ່ເສຍສະຫຼະເລືອດເນື້ອເພື່ອປົດປ່ອຍນໍ້າບາກ ໃຫ້ບັນດາທ່ານແຂກທັງພາຍໃນ ແລະ ຕ່າງປະເທດເຂົ້າມາທ່ຽວຊົມ ທັງເນັ້ນໃຫ້ຄະນະນຳ ແລະ ປະຊາຊົນເມືອງນ້ຳບາກ ສືບຕໍ່ປົກປັກຮັກສາປ່າໄມ້ ແລະ ສາຍພູທີ່ເປັນຍຸດທະສາດ ໄວ້ໃຫ້ຍືນຍົງ, ສືບຕໍ່ຊີ້ນຳໃນການສ້າງອະນຸສະຖານບັ້ນຮົບນໍ້າບາກໃຫ້ສຳເລັດຕາມແຜນການ ຕິດພັນກັບການຜັນຂະຫຍາຍແຜນພັດທະນາເສດຖະກິດຂອງເມືອງໃຫ້ເຂັ້ມແຂງ ແລະ ສືບຕໍ່ພົວພັນກັບຕ່າງປະເທດ ເຮັດໃຫ້ເສດ ຖະກິດຂອງເມືອງຂະຫຍາຍຕົວ ຮັບປະກັນໃຫ້ມີສະຖຽນລະພາບທາງດ້ານການເມືອງ ມີຄວາມສະຫງົບຢ່າງຮອບ ດ້ານ. ຂ່າວ-ພາບ: ອ່ອນຈັນ ແກ້ວມະນີພອນ