ອັດຕາເງິນເຟີ້ຂອງ ສປປລາວໃນເດືອນທັນວາ 2023 ຢູ່ໃນລະດັບ 24,4% ເມື່ອທຽບກັບເດືອນດຽວກັນຂອງປີຜ່ານມາ, ແຕ່ຖ້າທຽບໃສ່ເດືອນພະຈິກ 2023 ຫຼຸດລົງເລັກໜ້ອຍ (ເດືອນພະຈິກຢູ່ທີ່ລະດັບ 25,2%). ແນວໃດກໍຕາມລາຄາສິນຄ້າໂດຍລວມໃນເດືອນທັນວາ 2023 ແມ່ນຍັງສືບຕໍ່ເພີ່ມຂຶ້ນ, ແຕ່ເປັນການເພີ່ມຂຶ້ນໃນຈັງຫວະທີ່ຊ້າລົງກວ່າເດືອນທີ່ຜ່ານມາເລັກໜ້ອຍ.
ອີງຕາມບົດລາຍງານສະພາບອັດຕາເງິນເຟີ້ ປະຈຳເດືອນທັນວາ 2023 ຂອງສູນສະຖິຕິແຫ່ງຊາດກະຊວງແຜນການແລະການລົງທຶນໃຫ້ຮູ້ວ່າ: ມາຮອດເດືອນທັນວາ ປີ 2023, ອັດຕາເງິນເຟີ້ຂອງ ສປປ ລາວ ຢູ່ໃນທ່າອ່ຽງສືບຕໍ່ຫຼຸດລົງຢ່າງຕໍ່ເນື່ອງຈາກເດືອນກຸມພາປີ 2023 ເນື່ອງຈາກທຽບກັບຖານອັດຕາເງິນເຟີ້ປີ 2022 ທີ່ມີຖານອັດຕາເງິນເຟີ້ສູງ, ເຖິງຢ່າງໃດກໍຕາມ, ລາຄາສິນຄ້າໂດຍລວມໃນເດືອນທັນວາ 2023 ແມ່ນຍັງສືບຕໍ່ເພີ່ມຂຶ້ນ, ແຕ່ເປັນການເພີ່ມຂຶ້ນໃນຈັງຫວະທີ່ຊ້າລົງກ່ວາເດືອນທີ່ຜ່ານມາເລັກໜ້ອຍ ໃນນັ້ນ ດັດຊະນີລາຄາສິນຄ້າລວມຢູ່ໃນລະດັບ 208,4 ຊຶ່ງເພີ່ມຂຶ້ນຈາກ167,4 ໃນເດືອນທັນວາ 2022 ເຮັດໃຫ້ອັດຕາເງິນເຟີ້ລວມຂອງ ສປປ ລາວ ໃນເດືອນທັນວາ 2023 ຢູ່ໃນລະດັບ24,4% (ເດືອນພະຈິກ 25,2%) ແລະ ສະເລ່ຍໝົດປີ 2023 ຢູ່ໃນລະດັບ 31,2%.
ໝວດສິນຄ້າທີ່ມີອັດຕາເງິນເຟີ້ເພີ່ມຂຶ້ນສູງແມ່ນ ໝວດຮ້ານອາຫານ ແລະ ໂຮງແຮມ ເພີ່ມຂຶ້ນ 35,9%, ໝວດເຄື່ອງນຸ່ງຫົ່ມ ແລະ ເກີບ ເພີ່ມຂຶ້ນ 33,4%, ໝວດຮັກສາສຸຂະພາບ ແລະ ຢາ ເພີ່ມຂຶ້ນ 29,5%, ໝວດເຄື່ອງໃຊ້ໃນເຮືອນ ເພີ່ມຂຶ້ນ 25,9%,ໝວດເຫຼົ້າ ແລະ ຢາສູບ ເພີ່ມຂຶ້ນ 25,1%, ໝວດສະບຽງອາຫານ ແລະ ເຄື່ອງດື່ມບໍ່ມີທາດເຫຼົ້າ ເພີ່ມຂຶ້ນ 24,0%.
ສາເຫດຕົ້ນຕໍທີ່ເຮັດໃຫ້ອັດຕາເງິນເຟີ້ຍັງສູງໃນປັດຈຸບັນກໍຍັງແມ່ນມາຈາກປັດໄຈຄືກັບເດືອນຜ່ານໆມາເຊັ່ນ: (1) ຖານການຜະລິດພາຍໃນບໍ່ເຂັ້ມແຂງ ເອື່ອຍອີງການນໍາເຂົ້າ, ດັ່ງນັ້ນ ເມື່ອອັດຕາແລກປ່ຽນເງິນກີບສືບຕໍ່ອ່ອນຄ່າ ຫຼື ເງິນຕາຕ່າງປະເທດແຂງຄ່າຂຶ້ນ ແມ່ນເຮັດໃຫ້ສິນຄ້ານໍາເຂົ້າລວມທັງສິນຄ້າທີ່ເປັນປັດໄຈການຜະລິດມີລາຄາສູງຂຶ້ນ, ໃນນັ້ນ ເງິນກີບທຽບໃສ່ໂດລາ (ໄລຍະຕົ້ນເດືອນທັນວາ2023 ທຽບໃສ່ໄລຍະດຽວກັນ ປີ 2022)ອ່ອນຄ່າ 20,8% ແລະ ທຽບໃສ່ເງິນບາດອ່ອນຄ່າ 22,7%; (2) ຄວາມສາມາດຄຸ້ມຄອງ ແລະ ແຊກແຊງຕະຫຼາດອັດຕາແລກປ່ຽນມີຄວາມຈຳກັດ ແລະ ຍັງມີສ່ວນຕ່າງລະຫວ່າງອັດຕາແລກປ່ຽນຕະຫຼາດນອກລະບົບ ແລະ ອັດຕາຂອງທະນາຄານທຸລະກິດທີ່ສູງ, ໃນນັ້ນ ສ່ວນຕ່າງຂອງອັດຕາແລກປ່ຽນຂອງຕະຫຼາດນອກລະບົບ ແລະ ທະນາຄານ ໃນໄລຍະຕົ້ນເດືອນທັນວາ 2023 ຢູ່ລະດັບ 10,1%; (3)ການຄຸ້ມຄອງລາຄາສິນຄ້າ ແລະ ບໍລິການຍັງບໍ່ທັນໄດ້ດີເທົ່າທີ່ຄວນ, ຫຼາຍລາຍການສິນຄ້າ ທີ່ຢູ່ໃນບັນຊີລາຍກາານຄຸ້ມຄອງ(ບັນຊີ ກ) ຍັງສືບຕໍ່ເພີ່ມຂຶ້ນ.
ເຖິງຢ່າງໃດກໍຕາມ, ສັງເກດເຫັນວ່າ ການປ່ຽນແປງຂອງລາຄາສິນຄ້າເດືອນຕໍ່ເດືອນແມ່ນເໜັງຕີງຢູ່ໃນລະດັບຕໍ່າກວ່າເມື່ອທຽບກັບໄລຍະ 2 ປີ ຜ່ານມາ.
ຂ່າວ: ນາງພັດ
ອີງຕາມບົດລາຍງານສະພາບອັດຕາເງິນເຟີ້ ປະຈຳເດືອນທັນວາ 2023 ຂອງສູນສະຖິຕິແຫ່ງຊາດກະຊວງແຜນການແລະການລົງທຶນໃຫ້ຮູ້ວ່າ: ມາຮອດເດືອນທັນວາ ປີ 2023, ອັດຕາເງິນເຟີ້ຂອງ ສປປ ລາວ ຢູ່ໃນທ່າອ່ຽງສືບຕໍ່ຫຼຸດລົງຢ່າງຕໍ່ເນື່ອງຈາກເດືອນກຸມພາປີ 2023 ເນື່ອງຈາກທຽບກັບຖານອັດຕາເງິນເຟີ້ປີ 2022 ທີ່ມີຖານອັດຕາເງິນເຟີ້ສູງ, ເຖິງຢ່າງໃດກໍຕາມ, ລາຄາສິນຄ້າໂດຍລວມໃນເດືອນທັນວາ 2023 ແມ່ນຍັງສືບຕໍ່ເພີ່ມຂຶ້ນ, ແຕ່ເປັນການເພີ່ມຂຶ້ນໃນຈັງຫວະທີ່ຊ້າລົງກ່ວາເດືອນທີ່ຜ່ານມາເລັກໜ້ອຍ ໃນນັ້ນ ດັດຊະນີລາຄາສິນຄ້າລວມຢູ່ໃນລະດັບ 208,4 ຊຶ່ງເພີ່ມຂຶ້ນຈາກ167,4 ໃນເດືອນທັນວາ 2022 ເຮັດໃຫ້ອັດຕາເງິນເຟີ້ລວມຂອງ ສປປ ລາວ ໃນເດືອນທັນວາ 2023 ຢູ່ໃນລະດັບ24,4% (ເດືອນພະຈິກ 25,2%) ແລະ ສະເລ່ຍໝົດປີ 2023 ຢູ່ໃນລະດັບ 31,2%.
ໝວດສິນຄ້າທີ່ມີອັດຕາເງິນເຟີ້ເພີ່ມຂຶ້ນສູງແມ່ນ ໝວດຮ້ານອາຫານ ແລະ ໂຮງແຮມ ເພີ່ມຂຶ້ນ 35,9%, ໝວດເຄື່ອງນຸ່ງຫົ່ມ ແລະ ເກີບ ເພີ່ມຂຶ້ນ 33,4%, ໝວດຮັກສາສຸຂະພາບ ແລະ ຢາ ເພີ່ມຂຶ້ນ 29,5%, ໝວດເຄື່ອງໃຊ້ໃນເຮືອນ ເພີ່ມຂຶ້ນ 25,9%,ໝວດເຫຼົ້າ ແລະ ຢາສູບ ເພີ່ມຂຶ້ນ 25,1%, ໝວດສະບຽງອາຫານ ແລະ ເຄື່ອງດື່ມບໍ່ມີທາດເຫຼົ້າ ເພີ່ມຂຶ້ນ 24,0%.
ສາເຫດຕົ້ນຕໍທີ່ເຮັດໃຫ້ອັດຕາເງິນເຟີ້ຍັງສູງໃນປັດຈຸບັນກໍຍັງແມ່ນມາຈາກປັດໄຈຄືກັບເດືອນຜ່ານໆມາເຊັ່ນ: (1) ຖານການຜະລິດພາຍໃນບໍ່ເຂັ້ມແຂງ ເອື່ອຍອີງການນໍາເຂົ້າ, ດັ່ງນັ້ນ ເມື່ອອັດຕາແລກປ່ຽນເງິນກີບສືບຕໍ່ອ່ອນຄ່າ ຫຼື ເງິນຕາຕ່າງປະເທດແຂງຄ່າຂຶ້ນ ແມ່ນເຮັດໃຫ້ສິນຄ້ານໍາເຂົ້າລວມທັງສິນຄ້າທີ່ເປັນປັດໄຈການຜະລິດມີລາຄາສູງຂຶ້ນ, ໃນນັ້ນ ເງິນກີບທຽບໃສ່ໂດລາ (ໄລຍະຕົ້ນເດືອນທັນວາ2023 ທຽບໃສ່ໄລຍະດຽວກັນ ປີ 2022)ອ່ອນຄ່າ 20,8% ແລະ ທຽບໃສ່ເງິນບາດອ່ອນຄ່າ 22,7%; (2) ຄວາມສາມາດຄຸ້ມຄອງ ແລະ ແຊກແຊງຕະຫຼາດອັດຕາແລກປ່ຽນມີຄວາມຈຳກັດ ແລະ ຍັງມີສ່ວນຕ່າງລະຫວ່າງອັດຕາແລກປ່ຽນຕະຫຼາດນອກລະບົບ ແລະ ອັດຕາຂອງທະນາຄານທຸລະກິດທີ່ສູງ, ໃນນັ້ນ ສ່ວນຕ່າງຂອງອັດຕາແລກປ່ຽນຂອງຕະຫຼາດນອກລະບົບ ແລະ ທະນາຄານ ໃນໄລຍະຕົ້ນເດືອນທັນວາ 2023 ຢູ່ລະດັບ 10,1%; (3)ການຄຸ້ມຄອງລາຄາສິນຄ້າ ແລະ ບໍລິການຍັງບໍ່ທັນໄດ້ດີເທົ່າທີ່ຄວນ, ຫຼາຍລາຍການສິນຄ້າ ທີ່ຢູ່ໃນບັນຊີລາຍກາານຄຸ້ມຄອງ(ບັນຊີ ກ) ຍັງສືບຕໍ່ເພີ່ມຂຶ້ນ.
ເຖິງຢ່າງໃດກໍຕາມ, ສັງເກດເຫັນວ່າ ການປ່ຽນແປງຂອງລາຄາສິນຄ້າເດືອນຕໍ່ເດືອນແມ່ນເໜັງຕີງຢູ່ໃນລະດັບຕໍ່າກວ່າເມື່ອທຽບກັບໄລຍະ 2 ປີ ຜ່ານມາ.
ຂ່າວ: ນາງພັດ
ຄໍາເຫັນ