 |
ທ່ານ ນາງ ຈັນສະໝອນ ແສງທະວົງ ໄດ້ຍົກໃຫ້ເຫັນສະພາບການຕິດເຊື້ອເຮສໄອວີ/ພະຍາດເອດໃນລາວ ແລະ ນວ, ກົດໝາຍວ່າດ້ວຍການກັນ ແລະ ຄວບຄຸມເຊື້ອເຮສໄອວີ/ພະຍາດເອດ ສະບັບປັບປຸງ ແລະ ຄວາມຮູ້ພື້ນຖານກ່ຽວກັບເຊື້ອເຮສໄອວີ/ພະຍາດເອດ ພ້ອມນີ້ຍັງອະທິບາຍມາດຕະການປ້ອງກັນໃນການໃຊ້ຖົງຢາງອະນາໄມ, ການກວດເລືອດ ຊຸກຍູ້ໃຫ້ກວດເລືອດດ້ວຍຄວາມສະໝັກໃຈ ເພື່ອໃຫ້ຮູ້ສະຖານະຂອງຕົນເອງ ແລະ ວາງແຜນການປ້ອງກັນ ຫຼື ປິ່ນປົວໄດ້ທັນການ, ການໃຊ້ຢາປ້ອງກັນ PrEP (ເພຣັບ) ກິນກ່ອນມີຄວາມສ່ຽງ (ສໍາລັບຜູ້ທີ່ຍັງບໍ່ຕິດເຊື້ອແຕ່ມີພຶດຕິກຳສ່ຽງ) ການປ້ອງກັນຈາກແມ່ສູ່ລູກ ແມ່ທີ່ຕິດເຊື້ອຕ້ອງໄດ້ຮັບຢາຕ້ານເຊື້ອໃນເວລາຖືພາ ແລະ ຫຼັງເກີດ ເພື່ອບໍ່ໃຫ້ເຊື້ອຖ່າຍທອດສູ່ລູກ, ຄວາມປອດໄພຂອງອຸປະກອນການແພດໃຊ້ເຂັມສັກຢາທີ່ສະອາດ ແລະ ຜ່ານການຂ້າເຊື້ອ ລວມທັງການກວດກາເລືອດທີ່ຈະນໍາມາສົ່ງໃຫ້ຄົນເຈັບຢ່າງເຂັ້ມງວດ, ການປິ່ນປົວດ້ວຍຢາຕ້ານເຊື້ອ (ARV) ຜູ້ຕິດເຊື້ອຕ້ອງກິນຢາຢ່າງຕໍ່ເນື່ອງ ແລະ ສະໝໍ່າສະເໝີເພື່ອໃຫ້ປະລິມານເຊື່ອໃນເລືອດຕໍ່າລົງຈົນກວດບໍ່ເຫັນ (U=U) ຊຶ່ງຈະເຮັດໃຫ້ບໍ່ສາມາດແຜ່ເຊື້ອສູ່ຜູ້ອື່ນໄດ້, ການຕິດຕາມ ແລະ ປະເມີນຜົນລະບົບສາທາລະນະສຸກ ຕ້ອງມີການເກັບກຳຂໍ້ມູນ (ໂດຍຮັກສາຄວາມລັບ) ເພື່ອວາງແຜນສະ ກັດກັ້ນການແຜ່ລະບາດໃນຂົງເຂດທີ່ມີຄວາມສ່ຽງສູງ, ການສຶກສາອົບຮົມເຜີຍແຜ່ຂໍ້ມູນທີ່ຖືກຕ້ອງ ເພື່ອຫຼຸດຜ່ອນການລັງກຽດຈໍາແນກ ເພາະການຈຳແນກເຮັດໃຫ້ຜູ້ສ່ຽງບໍ່ກ້າສະແດງຕົວອອກມາກວດ ແລະ ປິ່ນປົວ. ການເຜີຍ ແຜ່ຄັ້ງນີ້, ຈະຊ່ວຍໃຫ້ກໍາລັງປ້ອງກັນຊາດ ຢູ່ກອງບັນຊາການທະຫານ ນວ ມີສະຕິລະວັງຕົວສູງຂຶ້ນ, ມີທັກສະໃນການປ້ອງກັນຕົນເອງ ແລະ ສາມາດນໍາເອົາຄວາມຮູ້ທີ່ໄດ້ຮັບໄປຜັນຂະຫຍາຍເຂົ້າໃນການປະຕິບັດໜ້າທີ່ວຽກງານຕົວຈິງ ແນໃສ່ເຮັດໃຫ້ອັດຕາການຕິດເຊື້ອໃໝ່ໃນສັງຄົມຫຼຸດລົງເທື່ອລະກ້າວ, ທັງເປັນການຍົກສູງຄວາມຮັບຜິດ ຊອບໜ້າທີ່ການເມືອງ ກາຍເປັນກຳລັງແຮງທີ່ສຳຄັນໃນການໂຄສະນາ ແລະ ປະຕິບັດມາດຕະການປ້ອງກັນຕົວເອງຄອບຄົວ ແລະ ສັງຄົມ. ຕອນທ້າຍກອງປະຊຸມໄດ້ເນັ້ນໃຫ້ຜູ້ເຂົ້າຮ່ວມ ຈົ່ງພ້ອມກັນນຳເອົາເນື້ອໃນຈິດໃຈຂອງກົດໝາຍສະບັບນີ້ ໄປຜັນຂະຫຍາຍ ແລະ ເຜີຍແຜ່ຕໍ່ໃຫ້ຄອບຄົວ ແລະ ຊຸມຊົນຂອງຕົນເອງ ເພື່ອສ້າງຄວາມເຂົ້າໃຈທີ່ຖືກຕ້ອງ ຫຼຸດຜ່ອນການລັງກຽດຈຳແນກ ແລະ ຮ່ວມກັນສະກັດກັ້ນການແຜ່ລະບາດຂອງເຊື້ອເຮສໄອວີໃນສັງຄົມລາວໃຫ້ຫຼຸດລົງຢ່າງຕໍ່ເນື່ອງ.
ຂ່າວ: ວຽງຈັນໃໝ່
ຄໍາເຫັນ