 |
ໃນພິທີ, ໄດ້ຮັບຟັງການຜ່ານມະຕິກອງປະຊຸມຄັ້ງປະຖົມມະລືກຂອງສະພາແຫ່ງຊາດ ສະບັບເລກທີ 03/ສພຊ, ລົງວັນທີ 23 ມີນາ 2026 ວ່າດ້ວຍການຮັບຮອງເອົາກົງຈັກສະພາແຫ່ງຊາດ, ແຕ່ງຕັ້ງປະທານກຳມາທິການ ແລະ ຫົວໜ້າຫ້ອງວ່າການສະພາແຫ່ງຊາດ ພ້ອມທັງຮັບຟັງການລາຍງານຫຍໍ້ກ່ຽວກັບການປະຕິບັດໜ້າທີ່ວຽກງານຂອງກໍາມາທິການກົດໝາຍ ໃນໄລຍະ 5 ປີຜ່ານມາ. ຈາກນັ້ນ, ໄດ້ມີການລົງລາຍເຊັນໃສ່ບົດບັນທຶກມອບ-ຮັບໜ້າທີ່ລະຫວ່າງປະທານກຳມາທິການຜູ້ເກົ່າ ແລະ ຜູ້ໃໝ່.
ທ່ານ ນາງ ທຸມມາລີ ວົງພະຈັນ ປະທານກໍາມາທິການກົດໝາຍ ແລະ ຍຸຕິທໍາ ຜູ້ໃໝ່ ໄດ້ຂຶ້ນກ່າວຮັບໜ້າທີ່ ແລະ ປະຕິຍານວ່າ ຈະສືບຕໍ່ເອົາໃຈໃສ່ສຶກສາອົບຮົມການເມືອງ-ນໍາພາແນວຄິດ ໃຫ້ແກ່ສະມາ ຊິກພັກ-ພະນັກງານ, ຈັດຕັ້ງເຊື່ອມຊຶມ ແລະ ຜັນຂະຫຍາຍແນວທາງ, ແຜນນະໂຍບາຍ, ມະຕິ, ຄໍາສັ່ງ ຂອງສູນກາງພັກ, ຂອງອົງຄະນະພັກສະພາແຫ່ງຊາດ, ຄະນະປະຈໍາສະພາແຫ່ງຊາດ ໃຫ້ເຂົ້າສູ່ຊີວິດຕົວຈິງ; ສືບຕໍ່ສ້າງຄວາມເຂັ້ມແຂງໃຫ້ແກ່ພະນັກງານ ໃຫ້ມີຄວາມຮູ້ຄວາມສາມາດ ເພື່ອຮັບປະກັນການປະຕິ ບັດໜ້າທີ່ວຽກງານເປັນເສນາທິການໃຫ້ແກ່ກໍາມາທິການ ກໍຄືສະພາແຫ່ງຊາດມີຄຸນນະພາບສູງຂຶ້ນ; ເອົາໃຈ ໃສ່ປັບປຸງກົນໄກປະສານງານລະຫວ່າງກໍາມາທິການກົດໝາຍ ແລະ ຍຸຕິທໍາ ກັບກໍາມາທິການຂອງສະພາແຫ່ງຊາດ, ຫ້ອງວ່າການສະພາແຫ່ງຊາດ, ບັນດາກະຊວງ, ອົງການ ເປັນຕົ້ນສານປະຊາຊົນສູງສຸດ, ອົງການໄອຍະການປະຊາຊົນສູງສູດ, ອົງການກວດກາແຫ່ງລັດ, ຫ້ອງວ່າການສໍານັກງານປະທານປະ ເທດ, ຫ້ອງວ່າການສໍານັກງານນາຍົກລັດຖະມົນຕີ, ກະຊວງຍຸຕິທໍາ, ກະຊວງປ້ອງກັນຄວາມສະຫງົບ ແລະ ພາກສ່ວນທີ່ກ່ຽວຂ້ອງ ໃຫ້ມີຄວາມກົມກຽວ ຕາມພາລະບົດບາດ, ສິດ ແລະ ໜ້າທີ່ຂອງແຕ່ລະພາກສ່ວນ ເພື່ອຮັບປະກັນໃຫ້ການເຄື່ອນໄຫວມີປະສິດທິພາບ ແລະ ປະສິດທິຜົນຍິ່ງຂຶ້ນ.
ໂອກາດນີ້, ທ່ານ ກອງແກ້ວ ໄຊສົງຄາມ ໃນນາມຜູ້ຊີ້ນໍາກໍາມາທິການກົດໝາຍ ແລະ ຍຸຕິທໍາ ໄດ້ສະແດງຄວາມຍ້ອງຍໍຊົມເຊີຍຕໍ່ການປະຕິບັດໜ້າທີ່ຂອງປະທານກໍາມາທິການກົດໝາຍ ສະພາແຫ່ງຊາດ ຊຸດທີ IX ທີ່ຍາດໄດ້ຜົນງານຫຼາຍດ້ານຕະຫຼອດໄລຍະ 5 ປີຜ່ານມາ ແລະ ໄດ້ມີຄໍາເຫັນເນັ້ນຕື່ມວ່າ ການປັບປຸງສັບຊ້ອນບຸກຄະລາກອນເຂົ້າໃນຕຳແໜ່ງສໍາຄັນຂອງສະພາແຫ່ງຊາດຄັ້ງນີ້ ແມ່ນເພື່ອສືບຕໍ່ນຳພາ-ຊີ້ນຳວຽກງານຂອງສະພາແຫ່ງຊາດ ຊຸດທີ X ໃຫ້ດຳເນີນໄປຢ່າງປົກກະຕິ ແລະ ຕໍ່ເນື່ອງ ຮັບປະກັນການຈັດຕັ້ງຜັນຂະຫຍາຍມະຕິກອງປະຊຸມໃຫຍ່ ຄັ້ງທີ XII ຂອງພັກ, ການຈັດຕັ້ງປະຕິບັດມະຕິກອງປະຊຸມຄັ້ງປະຖົມມະລືກຂອງສະພາແຫ່ງຊາດ ຊຸດທີ X ເຂົ້າໃນການເຄື່ອນໄຫວວຽກງານອັນລະອຽດ ແຕ່ລະໄລຍະຂອງກຳມາທິການກົດໝາຍ ແລະ ຍຸຕິທໍາ ພ້ອມທັງຈັດຕັ້ງປະຕິບັດໃຫ້ໄດ້ຮັບຜົນສໍາເລັດ, ນໍາເອົາຜົນປະໂຫຍດມາສູ່ປະເທດຊາດ ແລະ ປະຊາຊົນລາວບັນດາເຜົ່າ.
(ຂ່າວ: ສພຊ)
ຄໍາເຫັນ