ທ່ານ ຄຳເພົ້າ ວັນນະວົງ ຫົວໜ້າກົມກວດກາກະຊວງ ວທ ໄດ້ລາຍງານການເຄື່ອນໄຫວວຽກງານກວດກາປະຈຳປີ 2025 ແລະ ທິດທາງປີ 2026 ວ່າ: ສໍາລັບທິດທາງປີ 2026 ວຽກງານຄົ້ນຄວ້າປັບປຸງສ້າງນິຕິກໍາການເຄື່ອນໄຫວວຽກງານຈຸດສຸມແຕ່ລະດ້ານ ຈະສືບຕໍ່ຄົ້ນຄວ້າຈັດຕັ້ງເຜີຍແຜ່ເຊື່ອມຊຶມເອກະສານມະຕິ, ຄໍາສັ່ງ, ຂໍ້ກໍານົດ, ກົມໝາຍ ໂດຍສະເພາະແມ່ນກົດໝາຍວ່າດ້ວຍຕ້ານການສໍ້ລາດບັງຫຼວງ, ກົດໝາຍ ວ່າດ້ວຍການແກ້ໄຂຄໍາຮ້ອງທຸກ, ຍຸດທະສາດຕ້ານການສໍ້ລາດບັງຫຼວງ, ຄໍາແນະນໍາການເພີ່ມທະວີ ການນໍາພາ-ຊີ້ນໍາຕໍ່ການເຄື່ອນ ໄຫວວຽກງານກວດກາ ແລະ ແກ້ໄຂຜົນຂອງການກວດກາ, ລະບຽບກ່ຽວກັບການເຄື່ອນໄຫວດໍາເນີນການກວດກາ ຂອງຄະນະກວດກາ ແລະ ຄະນະກວດກາສະເພາະກິດ ແລະ ນິຕິກຳອື່ນໆ. ການຕິດຕາມກວດກາພັກ ສືບຕໍ່ນໍາພາ-ຊີ້ນໍາສະມາຊິພັກ-ພະນັກງານ ຈັດຕັ້ງປະຕິບັດມະຕິກອງປະຊຸມໃຫຍ່ຄັ້ງທີ XII ຂອງພັກ, ມະຕິກອງປະຊຸມໃຫຍ່ ຄັ້ງທີ VI ຂອງອົງຄະນະພັກກະຊວງ ວທ; ນໍາພາເຜີຍແຜ່ເຊື່ອມຊຶມບັນດາມະຕິ, ຄໍາສັ່ງຂອງພັກໃຫ້ສະມາ ຊິກພັກ, ພະນັກງານຮັບຮູ້ເຂົ້າໃຈຢ່າງເລິກເຊິ່ງ, ເຊື່ອໝັ້ນຕໍ່ການນໍາພາຂອງພັກ ພ້ອມທັງປະຕິບັດນະໂຍບາຍຕໍ່ພະນັກງານໃຫ້ສົມເຫດສົມຜົນ ເພື່ອເຮັດໃຫ້ມີຄວາມສອດຄ່ອງກັບສະພາບການຕົວຈິງ; ສືບຕໍ່ຍົກສູງຄວາມເປັນເຈົ້າການ ແລະ ຮັບປະກັນທາງດ້ານຄຸນນະພາບ, ເພີ່ມທະວີຄວາມເປັນເອກະພາບທົ່ວອົງຄະນະພັກກະຊວງ ຕໍ່ວຽກງານຕິດຕາມ ກວດກາ ຕີລາຄາຄຸນນະພາບ ແລະ ແບ່ງປະເພດໜ່ວຍພັກ ແລະ ສະມາຊິກພັກປອດໃສ ເຂັ້ມແຂງ ໜັກແໜ້ນ; ຕີລາແບ່ງປະເພດຄຸນນະພາບໜ່ວຍພັກ ແລະ ສະມາຊິກພັກ ປອດໃສ ເຂັ້ມແຂງ ໜັກແໜ້ນ ກະຊວງ ວທ ປະຈໍາປີ 2026; ຕິດຕາມ ກວດກາ ການຈັດຕັ້ງປະຕິບັດວຽກງານການຂະຫຍາຍພັກຂອງກະຊວງ, ຄະນະພັກຮາກຖານ, ຄະນະໜ່ວຍພັກ ແລະ ສະມາຊິກພັກ ທີ່ຂຶ້ນກັບສິດຄຸ້ມຄອງຂອງຄະນະພັກກະຊວງ; ຕິດຕາມ ກວດກາ ການຈັດຕັ້ງພັກ, ສະມາຊິກພັກ ເມື່ອມີປະກົດການລະເມີດກົດລະບຽບພັກ, ມະຕິ, ຄໍາສັ່ງຂອງພັກ; ເກັບກໍາສະຖິຕິການຂະຫຍາຍພັກ, ຄະນະໜ່ວຍພັກ ແລະ ສະມາຊິກພັກ ເພື່ອລາຍງານຄະນະກວດກາສູນກາງພັກໃນແຕ່ລະໄລຍະ.
ທ່ານ ຄຳເພົ້າ ວັນນະວົງ ຍັງໃຫ້ຮູ້ຕື່ມວ່າ: ວຽກງານການຕິດຕາມກວດກາລັດ: ຕິດຕາມ, ກວດກາ ຊຸກຍູ້ແກ້ໄຂບັນດາປະກົດການຫຍໍ້ທໍ້ທີ່ເກີດຂຶ້ນ ແລະ ການແບ່ງຂັ້ນຄຸ້ມຄອງວຽກງານ ວທ ຢູ່ຂັ້ນສູນກາງ ແລະ ທ້ອງຖິ່ນ;ການຈັດຕັ້ງປະຕິບັດພາລະບົດບາດ, ລາຍຮັບ-ລາຍຈ່າຍວິຊາການ, ງົບປະມານ, ໂຄງການຊ່ວຍເຫຼືອ, ກອງທຶນການທ່ອງທ່ຽວ ແລະ ກອງທຶນຂອງບັນດາກົມ, ທຽບເທົ່າກົມ, ສະຖາບັນ ແລະ ກອງວິຊາການທີ່ຂຶ້ນກັບກະຊວງ ວທ; ກວດກາໂຄງການລົງທຶນຂອງລັດ ເລີ່ມແຕ່ຫົວທີໃນຂົງເຂດຂະແໜງການ ວທ; ຊຸກຍູ້ວຽກຕາມຄໍາສັ່ງ ແລະ ວຽກບັງເອີນໃນແຕ່ລະໄລຍະ; ຕິດຕາມການແກ້ໄຂຜົນການກວດສອບ ແລະ ຜົນການກວດກາຂອງບັນດາກົມ, ທຽບເທົ່າກົມ, ສະຖາບັນ ແລະ ກອງວິຊາການອ້ອມຂ້າງກະຊວງ. ວຽກງານສະກັດກັ້ນ ແລະ ຕ້ານການສໍ້ລາດບັງຫຼວງ ຈັດກອງປະຊຸມວຽກງານກວດກາຂອງກະຊວງ ວທ ປະຈໍາປີ 2026; ລົງເຄື່ອນໄຫວໂຄສະນາເຜີຍແຜ່ວຽກງານສະກັ້ນກັນ ແລະ ຕ້ານການສໍ້ລາດບັງຫຼວງ 4 ແຂວງພາກໃຕ້; ຈັດກອງປະຊຸມແຈ້ງຊັບສິນ ແລະ ລົງຕິດຕາມກວດກາ ຄວາມຖືກຕ້ອງຮັບເອກະສານແຈ້ງຊັບສິນພະນັກງານ-ລັດຖະກອນອ້ອມຂ້າງກະຊວງ ວທ; ເຄື່ອນໄຫວຊຸກຍູ້, ຕິດຕາມ, ກວດກາເກັບກໍາຂໍ້ມູນປະກົດການຫຍໍ້ທໍ້ທີ່ເກີດຂຶ້ນໃນຂະແໜງ ວທ ໃນຂອບເຂດທົ່ວປະເທດ.
ຄໍາເຫັນ