ບາດ​ກ້າວ​ສຳ​ຄັນ​ຂອງວຽກງານສົ່ງເສີມ ແລະ ພັດທະນາຄົນພິການ

ສະມາຄົມພັດທະນາ ແລະສົ່ງເສີມອາຊີບຄົນພິການຕາ (ສພສຕ) ມີຄວາມພາກພູມໃຈທີ່ໄດ້ເປັນສ່ວນໜຶ່ງໃນການຈັດກິດຈະກຳທີ່ມີຄວາມໝາຍ ຄັນສຳຄັນໃນຄັ້ງນີ້ ໂດຍການຊ່ວຍສະໜອງຂ້ໍມູນບັນດາອົງການຄົນພິການ, ປະສານງານ, ລົງເກັບກຳຂໍ້ມູນຂ່າວສານ ເພື່ອເຜີຍແຜ່ໃນວາລະສານ, ສື່ສິ່ງພິມ ແລະ ສື່ອອນລາຍ.

ທ່ານແອແກ້ວ ຈາກ ສະມາຄົມ ສົ່ງເສີມ ແລະ ພັດທະນາອາຊີບ ຄົນພິການຕາ ໄດ້ນຳສະເໜີ ຜົນສຳເລັດໃນການຈັດຕັ້ງປະຕິບັດວຽກງານສົ່ງເສີມອາຊີບ, ສົ່ງເສີມການຈ້າງງານ ລວມທັງ ສິ່ງທ້າທາຍໃນການດຳເນີນງານຂອງສະມາຄົມເປັນໄລຍະເວລາ 14 ປີຜ່ານມາ. ເຊິ່ງໄດ້ນຳພາຄົນພິການສ້າງຄວາມຮັບຮູ້ກ່ຽວກັບສິດທິ ແລະ ນະໂຍບາຍຂອງພັກ-ລັດ ໂດຍການ ສະແດງສິລະປະດົນຕີ ຈາກສູນບໍລິການຄົນພິການ DSC.

ບັນດາກິດຈະກຳຕ່າງໆ ໄດ້ຮັບການສະໜັບສະໜູນຈາກ Helvetas ພາຍໃຕ້ໂຄງການ CEGGA ຂອງ GIZ ເຊິ່ງກິດຈະກຳດັ່ງກ່າວ ໄດ້ຊ່ວຍໃຫ້ວຽກງານຄົນພິການກ້າວເດີນຕໍ່ໄປ.

ກອງປະຊຸມສຳມະນາກ່ຽວກັບວຽກງານສົ່ງເສີມ ແລະ ພັດທະນາຄົນພິການ ໄດ້ຈັດຂຶ້ນເມື່ອບໍ່ດົນມານີ້ ທີ່ ເມືອງວັງວຽງ ແຂວງວຽງຈັນ ໂດຍມີ ທ່ານ ຄຳໃບ ດຳລັດ ຮອງປະທານສະພາແຫ່ງຊາດ (ສພຊ), ທ່ານ ບຸນຕາ ເທບພະວົງ ປະທານກໍາມາທິການວັດທະນະທໍາ-ສັງຄົມ, ມີສະມາຊິກສະພາແຫ່ງຊາດ ແລະ ພາກສ່ວນກດ່ຽວຂ້ອງເຂົ້າຮ່ວມ.